M a d d ə 5 6 .
Rüsumsuz ticarət mağazasının ləğv edilməsi
Rüsumsuz ticarət mağazası təsis etmək üçün icazənı verən onu ləğv edə, geri ala, habelə
onun fəaliyyətini müvəqqəti olaraq dayandıra bilər.
Icazə verilərkən əsas götürülmüş məlumatın yanlış olduğu və ya onun müəyyən edilmiş
qaydalara riayət olunmadan verildiyi aşkar edilərsə, icazə ləğv edilir. Ləğvetmə haqqında
qərar qəbul edildiyi tarixdən qüvvəyə minir.
Rüsumsuz ticarət mağazasının sahibi bu fəslin tələblərinə riayət etmədikdə və ya bu cür
icazə artıq Azərbaycan Respublikasının iqtisadi siyasətinə uyğun olmadıqda icazə geri
alınır. Gerialma haqqında qərar qəbul edildiyi tarixdən qüvvəyə minir.
Rüsumsuz ticarət mağazası sahibinin öz hüquqlarından sui-istifadə etməsi haqqında
kifayət qədər əsaslar olduqda, icazənın fəaliyyəti üç aya qədər müddətdə dayandırıla və ya
ləğv edilə bilər.
Icazə ləğv edildikdə və ya geri alındıqda onun verilməsinə görə alınmış dövlət rüsumu
qaytarılmır. Rüsumsuz ticarət mağazası ləğv edildikdə bu cür qərar qəbul edildiyi tarixdən
mağaza müvəqqəti saxlanc anbarına çevrilir. Müvəqqəti saxlanc anbarında malların
saxlanması bu Məcəlləyə uyğun olaraq həyata keçirilir.
xvii[17]
Icazə ləğv edildikdə mağazada qalan mallar, mağazaya daxil olduğu tarixdən təkrar
gömrük rəsmiləşdirilməsindən keçirilir.
Ləğv edilmiş mağaza sahibindən, malların tam saxlanc müddəti üçün müvafiq icra
hakimiyyəti orqanı tərəfindən müəyyən edilmiş miqdarda gömrük yığımları alınır.
Icazə geri alındıqda mağazada qalan mallar, gerialma haqqında qərarın qəbul edildiyi
tarixdən təkrar gömrük rəsmiləşdirilməsindən keçirilir.
Icazənın geri alınması haqqında qərar qəbul edildikdən sonra ləğv edilmiş mağazada
qalan malların saxlanc müddəti üçün Azərbaycan Respublikası gömrük orqanları tərəfindən
təsis olunmuş müvəqqəti saxlanc anbarlarında saxlanc üçün müəyyən olunmuş miqdarda
mağaza sahibindən gömrük yığımları alınır.
Icazənın fəaliyyəti müəyyən müddətə dayandırıldığı dövrdə malların mağazaya
qəbuluna və satışına yol verilmir. Malların hərəkəti (idarə olunması) bu Məcəllədə nəzərdə
tutulmuş qaydada həyata keçirilir.
xviii[18]
9 - c u f ə s i l
GÖMRÜK ƏRAZİSİNDƏ MALLARIN EMALI
M a d d ə 5 7 .
Gömrük rejiminin məzmunu
Gömrük ərazisində malların emalı — ixrac gömrük rejiminə uyğun olaraq emal
məhsullarının Azərbaycan Respublikası gömrük ərazisinin hüdudlarından kənara
aparılması şərtilə, iqtisadi siyasət tədbirləri tətbiq edilmədən və idxal gömrük rüsumları və
vergilər qaytarılmaqla, xarici malların Azərbaycan Respublikası gömrük ərazisində
müəyyən olunmuş qaydada emal üçün istifadə edilməsindən ibarət gömrük rejimidir.
M a d d ə 5 8 .
Malların emalı üzrə əməliyyatlar
Malların emalı üzrə əməliyyatlar aşağıdakılardan ibarətdir:
quraşdırılma, yığılma və başqa mallara uyğunlaşdırılma da daxil olmaqla malın
hazırlanması;
malın emalı və təkrar emalı;
bərpa olunma və qaydaya salınma da daxil olmaqla malın təmiri;
emal məhsullarının istehsalına xidmət edən və ya istehsalı asanlaşdıran bəzi mallardan
tamamilə və ya qismən istifadə edilməsi.
Malların emalı üzrə ayrı-ayrı əməliyyatların məhdudlaşdırılmasını, Azərbaycan
mallarından istifadə edilməsinin mümkünlüyü və qaydaları da daxil olmaqla emal
əməliyyatlarının şərtlərini Azərbaycan Respublikasının müvafiq icra hakimiyyəti orqanları
ilə razılaşdırmaqla Azərbaycan Respublikasının gömrük işini aparan icra hakimiyyəti orqanı
müəyyən edir.
M a d d ə 5 9 .
Gömrük ərazisində malların emalı üçün icazə
Gömrük ərazisində malların emalı üçün icazə verilməsi qaydasını Azərbaycan
Respublikasının müvafiq icra hakimiyyəti orqanı müəyyən edir. Gömrük ərazisində
malların emalı üçün icazə Azərbaycan şəxslərinə Azərbaycan Respublikasının gömrük işini
aparan icra hakimiyyəti orqanı tərəfindən aşağıdakı şərtlərlə verilir:
Azərbaycan Respublikasının gömrük işini aparan icra hakimiyyəti orqanının müəyyən
etdiyi hallar istisna edilməklə gətirilən malları emal məhsulları ilə eyniləşdirmək
mümkündürsə;
emal əməliyyatı emal məhsullarının ixracına və ya Azərbaycan Respublikasının istehsal
güclərindən istifadə olunmasına kömək edirsə;
gömrük işi haqqında Azərbaycan Respublikasının qanunvericiliyinə riayət olunmasının
təmin edilməsi üçün, Azərbaycan Respublikasının gömrük işini aparan icra hakimiyyəti
orqanının müəyyən etdiyi digər tələblər yerinə yetirildikdə.
Gömrük ərazisində malların emalı üçün icazənı Azərbaycan Respublikasının gömrük
işini aparan icra hakimiyyəti orqanı ləğv edə və geri ala bilər.
Icazə verilərkən əsas götürülmüş məlumatın yanlış olduğu aşkara çıxarsa və ya
müəyyən edilmiş qaydalara riayət olunmadan verilmişsə, icazə ləğv edilir. Ləğvetmə
haqqında qərar verildiyi tarixdən qüvvəyə minir.
Sahibi bu fəslin tələblərinə riayət etmədikdə və ya gömrük ərazisində malların emalı
daha Azərbaycan Respublikasının iqtisadi siyasətinə uyğun olmadıqda icazə geri alınır.
Gerialma bu barədə qərar verildiyi tarixdən qüvvəyə minir.
xix[19]
M a d d ə 6 0 .
Gömrük ərazisində malların emal müddətləri
Gömrük ərazisində mallar Azərbaycan Respublikasının gömrük işini aparan icra
hakimiyyəti orqanının müəyyən etdiyi qaydada, Azərbaycan Respublikası gömrük orqanı
tərəfindən müəyyən edilən müddətlərdə emal edilməlidir. Müddətlərin müəyyən edilməsi
malların emal prosesinin və emal məhsulları üzərində sərəncam verilməsinin iqtisadi
cəhətdən özünü doğruldan davamlılığına əsaslanmalıdır.
Dostları ilə paylaş: |