XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
149
geosiyasətində oyundankənar vəziyyətdə qaldı.
Guya bundan
sonra nə Rusiya, nə də ki, İran bu bölgəyə bir daha daxil ola
bilməyəcəklər... və ABŞ-la Türkiyənin hegemonluğu altında
yeni bir “Qafqaz dövləti”, yaxud “Qafqaz dövlətləri Birliyi”
adlanan geosiyasi reallıq yaranacaqdır ki, İran və Rusiya bu
birlikdən kənarda qalacaq”.
99
BTC və Bakı-Supsa marşrutu ilə yanaşı, hazırda istehsalı
günü-gündən genişlənən Xəzər hövzəsinin neft məhsullarının
Gürcüstanın Batumi, Qulevi və b. limanlarına çatdırılması
məqsədilə
Bakı-Gürcüstan dəmir yolu marşurutunun imkanla-
rından da geniş istifadə olunur. Bu marşrutla ildə orta hesabla
5-10 milyon ton neft ixrac olunur. Mütəxəssislər hövzənin
zəngin neftinin Avropa və Cənub-Şərqi Asiya bazarlarına ma-
neəsiz ixracını təmin etmək məqsədi ilə, qarşıdan
gələn illərdə
fəaliyyətdə olan
Bakı-Supsa neft kəmərinin genişləndirilməsi
və Odessa-Brodı-Avropa, yaxud da Konstanta-Rumıniya-Avro-
pa marşrutu ilə Avropaya çatdırılması ideyasını geniş müza-
kirə edirlər.
Bakı-Tbilisi-Ceyhan və digər alternativ neft-qaz ixracı
marşrutlarının reallaşması Azərbaycan və Qərb ölkələri üçün o
qədər də asan başa gəlmədi. Bakı-Novorossiysk və Bakı-Supsa
layihələrindən fərqli olaraq, bu kəmərin inşası regionun iki
aparıcı geosiyasi gücü – Rusiya və İranın ciddi, açıq və dolayı
müqaviməti ilə üzləşdi. İran kəmərin marşrutu ilə bağlı əsasən
öz ərazisinin istifadə edilməsini təklif etdiyi halda, Rusiya
ümumilikdə Xəzər dənizindən hər hansı alternativ layihənin
gerçəkləşməsinə bütün gücü ilə, xüsusən də Xəzərin statusunu
qabartmaqla mane olmağa çalışırdı.
99
Bax: Дугин А.Г. Основы геополитки. Геополитическое будущее России,
Москва, 2000, с.811.
ƏL İ H ƏS ƏNOV
150
Azərbaycanın əsas neftinin xarici
bazarlara tam təhlükəsiz
və etibarlı yolla nəql edilməsi kimi ciddi geoiqtisadi və geo-
strateji məsələdə qətiyyət və prinsipiallıq nümayiş etdirən
Prezident Heydər Əliyev mütəxəssislərin fikrinə görə, o zaman
ən optimal variantı seçdi. Bundan başqa, o, regionun geosiyasi
mənzərəsini və mövcud beynəlxalq münasibətlər sistemini nə-
zərə alaraq, əsas kəmərin keçəcəyi ölkələrin müəyyənləşməsi
prosesində ən etibarl tərəfdaşların
- Gürcüstan və Türkiyənin
üzərində dayandı.
1999-cu il noyabrın 18-də ATƏT-in İstanbul Zirvə topla-
ntısı gedişində Azərbaycan Respublikasının Prezidenti Heydər
Əliyev, Gürcüstan Respublikasının Prezidenti Eduard Şevard-
nadze və Türkiyə Cümhuriyyətinin Prezidenti Süleyman
Dəmirəl tərəfindən “Xam neftin Azərbaycan, Gürcüstan və
Türkiyə əraziləri ilə Bakı-Tbilisi-Ceyhan əsas ixrac bou kəməri
vasitəsi ilə nəql edilməsinə dair saziş” imzaladılar. Eyni vaxt-
da, Azərbaycan, Gürcüstan, Türkiyə, Qazaxıstan
və ABŞ pre-
zidentləri bu layihəni dəstəkləyən İstanbul bəyannaməsini im-
zaladı. 1999-cu il noyabrın 18-də İstanbulda keçirilmiş ATƏT-
in Zirvə görüşü çərçivəsində “Bakı-Tbilisi-Ceyhan” Əsas ixrac
boru kəməri vasitəsilə Azərbaycan, Gürcüstan və Türkiyə
ərazilərindən Xəzər dənizindən çıxarılan əsas xam neftin nəqli
haqqında" Sazişin ABŞ Prezidenti Bill Klintonun iştirakı ilə
Azərbaycan Prezidenti Heydər Əliyev, Türkiyə Prezidenti
Süleyman Dəmirəl və Gürcüstan Prezidenti Eduard Şevardnad-
ze tərəfindən imzalanması region ölkələrinin strateji əməkdaş-
lığı və Avropaya inteqrasiyası sahəsində ciddi addım idi.
Bütün çətinliklər
və problemlərə baxmayaraq, 2002-ci il
sentyabrın 18-də Azərbaycan, Türkiyə və Gürcüstan prezident-
lərinin iştirakı ilə dünyanın ən böyük enerji layihəsi olan BTC-
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
151
nin əsası qoyuldu. 4 ildən sonra – 2006-cı il iyulun 13-də kə-
mər istifadəyə verildi. Uzunluğu 1760 km, buraxılış gücü ildə
50 milyon ton olan bu kəmərin tikintisi təqribən 2,95 milyard
dollara başa gəlir.
Beləliklə, Azərbaycan Respublikası ilə bərabər Xəzər re-
gionunda digər dövlətlərin də yaxından iştirakı ilə həyata keçi-
rilən qlobal enerji ixracı layihəsi bir çox Qərb dövlətlərinin,
xüsusən, ABŞ-ın yaxın dəstəyi ilə reallaşdı. Bununla da,
bölgədə təkcə Azərbaycanın deyil, ümumilikdə regionun və
Avropa məkanının enerji təhlükəsizliyinə xidmət edən geo-
strateji bir layihə əfsanədən gerçəkliyə çevrildi.
Qeyd edək ki, BTC-nin istismar müddəti 40
il nəzərdə
tutulub ki, bunun sonuncu 15 ili yalnız Azərbaycanın tam
mülkiyyəti kimi istifadə ediləcəkdir.
2007-ci il iyunun 16-da BTC layihəsinə rəsmən Qazaxıs-
tan da qoşuldu. Həmin gün Almatıda Qazaxıstan və Azərbay-
can prezidentləri Qazaxıstan neftinin Xəzər dənizi və Azərbay-
can ərazisindən keçməklə Bakı-Tbilisi-Ceyhan vasitəsi ilə
dünya bazarlarına çıxmasına dəstək və yardım barədə saziş
imzaladılar. Bu razılaşma Qazaxıstan neftinin BTC ilə nəql
olunması məqsədi ilə Aktau-Bakı daşıma sisteminin yaradıl-
masını nəzərdə tutur. Bundan başqa, 2010-cu ildən Türkmə-
nistan da Xəzərdə istehsal etməyə başladığı neft məhsullarını
BTC vasitəsilə Ceyhana ixrac etmək imkanları üzərində işlə-
məyə başlayıb və hazırda bu kəmərlə müəyyən qədər neft
ixracı həyata keçirir.
Qeyd edək ki, Bakı-Tbilisi-Ceyhan əsas ixrac boru kəməri
bilavasitə həm layihənin iştirakçısı olan
dövlətlərin iqtisadi
maraqlarını təmin edir, həm də müasir dünyanın son dərəcə ak-
ƏL İ H ƏS ƏNOV
152
tual geoiqtisadi və geosiyasi məsələsi olan enerji təhlükəsizliyi
probleminin həlli baxımından geniş imkanlar açır.
Məlum olduğu kimi, Qərb dövlətləri Xəzər hövzəsinin
zəngin karbohidrogen yataqlarına sərbəst çıxış imkanı əldə et-
mək və özlərinin neft və təbii qaza artan tələbatını bu bölgənin
alternativ imkanları vasitəsilə həll etmək, dünyada movcud
olan birqütblü enerji asılılığından azad olmaq istiqamətində
son illərdə xüsusi fəallıq nümayiş etdirirlər. Qeyd etmək lazım-
dır ki, Azərbaycanın yeni neft siyasətinin Qərbin yanacaq təh-
lükəsizliyi geoiqtisadiyyatı ilə üst-üstə düşməsi
və bu sahədə
prezident Heydər Əliyevin qətiyyəti, prinsipiallığı və uzaq-
görənliyinin hər iki tərəfin maraqlarına cavab verməsi Azər-
baycanın enerji sahəsində bu ölkələrlə geostrateji tərəfdaşlığını
şərtləndirmişdir. Bu amil Azərbaycanın Cənubi Qafqazdakı
strateji mövqeyini və nüfuzunu da artırmış və respublikanın
Avroatlantik məkanına inteqrasiyası üçün geniş şərait yarat-
mışdır.
Azərbaycanın yeni neft strategiyasına uyğun olaraq real-
laşdırdığı transmilli neft-qaz ixracı marşurutları və kəmərlər
siyasətinin mühüm bir hissəsini
Xəzərin ölkəmizə aid sekto-
rundakı “Şahdəniz” yatağında təsdiqlənmş 2,6 trilyon kub
metr təbii qazın istehsalı və sərbəst şəkildə dünya bazarlarına
çıxarılması siyasəti təşkil edir. Hazırda Xəzər hövzəsinin, xü-
susən də Azərbaycan və Türkmənistanın
zəngin qaz ehtiyat-
larının Rusiya, Norveç və Şimali Amerikadan nəql edilən təbii
qazla yanaşı alternativ olaraq Avropaya ixracı məsələsi dün-
yanın geosiyasi və geoiqtisadi gündəmini məşgul edən ən mü-
hüm transmilli layihələrdən biridir. Odur ki, Xəzər hövzəsinin
qaz ehtiyatlarını Avropa bazarları ilə birləşdirən və çəkilməsi
layihələndirilən transmilli qaz kəmərlərinin hər biri əsas para-