Arif Şəkərəliyev, Qoşqar Şəkərəliyev
108
alır. Hər bir ölkə öz iqtisadiyyatında investisiya mühitinin yaxşılaşdı-
rılmasına çalışır. Əlverişli investisiya mühitinin formalaşdırılması əsa-
sən xarici investisiyaların dövlət tənzimlənməsinin hüquqi-normativ
bazasının inkişaf etdirilməsi yolu ilə mümkün olur. Azərbaycan müs-
təqilik əldə edildikdən sonra xarici investisiyaların axınına şərait yara-
dan, bir sıra hüquqi normativ sənədlər qəbul edilmişdir. «Azərbaycan
Respublikasının torpaq məcəlləsi», «Azərbaycan Respublikasında
mülkiyyət haqqında», «İcarə haqqında», «Qiymətli kağızlar və fond
birjaları haqqında», «Sahibkarlıq fəaliyyəti haqqında», «Azərbaycan
Respublikasının dövlət mülkiyyətinin özəlləşdirilməsi haqqında»,
«Antiinhisar fəaliyyəti haqqında», «Əmtəə birjası haqqında», «Müəs-
sisələr haqqında», «Girov haqqında», «Lizinq xidməti haqqında» qa-
nunları xüsusi olaraq qeyd etmək lazımdır. Torpağın, daşınar və daşın-
maz əmlakın özəl mülkiyyətə məxsus ola bilməsi, mülkiyyət hüququ-
nun toxunulmazlığı xarici investisiyalara dövlət təminatı və bu kimi
bir sıra məqamlar məhz bu qanunlar vasitəsilə təsbit edilərək qüvvəyə
mindi və özəl sektorun inkişaf etməsinə, bazar iqtisadiyyatı prinsiplə-
rinin bərqərar olmasına şərait yaratmış oldu. Xarici investisiyaların
ölkəyə cəlb olunmasında 1992-ci ildə qəbul edilmiş «Xarici investisi-
yaların qorunması haqqında» və 1995-ci ildə qəbul edilmiş «İnvestisi-
ya fəaliyyəti haqqında» qanunları xüsusi qeyd etmək lazımdır. Bu qa-
nunlar Azərbaycan Respublikasının ərazisində investisiya fəaliyyəti-
nin ümumi və sosial, iqtisadi və hüquqi şərtlərini müəyyənləşdirir. Qa-
nunlar investisiyanın Azərbaycan Respublikası iqtisadiyyatına inten-
siv cəlb olunmasına, ondan ölkənin sosial iqtisadi bazasının, habelə
beynəlxalq iqtisadi əməkdaşlığın və inteqrasiyanın inkişafı üçün sə-
mərəli istifadə edilməsinə yönəldilmişdir və mülkiyyət formasından
asılı olmayaraq bütün investorların hüquqlarının bərabər müdafiəsinə
təminat verir.
Qloballşama prosesinin nəticəsində həm beynəlxalq əmtəə, həm
də kapital axını müstəvisində dünya ölkələri biri-birlərindən daha asılı
vəziyyətə düşmüşlər. Bu asılılıq özünü həm dünya ölkələrinin beynəl-
xalq arenada həyata keçirdikləri ticari-iqtisadi fəaliyyətlərində həm də
onların xarici maliyyə əməliyyatları, əsasən də xarici borclarının bu və
ya digər formada aradan qaldırılması üçün atdıqları addımlarda göstə-
rir. Xarici iqtisadi fəaliyyətin ən mühüm cəhətlərindən biri də beynəl-
xalq kapital axını və onun tərkibində özünə yer alan texnologiya, təş-
kilatçılıq, kapital və s. axınıdır. Belə olan təqdirdə həm inkişaf etmiş
AZƏRBAYCAN İQTİSADİYYATI: reallıqlar və perspektivlər
109
ölkələr, həm də inkişaf etməkdə olan ölkələr öz iqtisadi problemlərini
xarici investisiyalar vasitəsi ilə həll etməyə can atırlar. Kəskin investi-
siya böhranı zamanı keçid iqtisadiyyatlı ölkələr inkişaf etmiş ölkələrin
investisiya siyasətinə yiyələnməyə başlayırlar. Bəzi ölkələrdə elə
kəskin iqtisadi böhranlar baş verdi ki, hökumət bütün əlinin altında
olan “alətlərdən” eyni zamanda istifadə etməyə can atır. Belə ki, höku-
mət həm özəl sektoru investisiya etməyə stimullaşdırırdı, həm investi-
siya layihələrini maliyyələşdirirdi, həm də sosial sferanı maliyyələş-
dirirdi (yəni imtiyazlı yardımlar edirdi). Bu cür böhran burulğanından
bizim ölkə də keçmişdir. Baxmayaraq ki, ağır böhranlı dövrün üstün-
dən uzun bir müddətdir ki, keçmişik, lakin investisiya siyasətimizdə
bütün modellərin qarışıq fəaliyyətini görə bilərik.
Dünya ölkələri təcrübəsində investisiyanın səviyyəsinə və dövlə-
tin investisiya prosesində iştirakına görə üç qrup ölkə fərqləndirilir.
Əvvəla, birinci qrup ölkələri qeyd edək ki, orada investisiyaların sə-
viyyəsi böhranqabağı səviyyədədir və gözəçarpan iqtisadi artım möv-
cuddur. Bazar iqtisadiyyatlı ölkələrdə investisiyaların həcminin həd-
dən ziyadə çox səviyyədən normal səviyyəyə enməsi islahatların ke-
çirilməsinə zəmin yaradırdı. Onu da qeyd edək ki, normal səviyyəsi
investisiyanın həcminin ÜDM-a olan nisbətinin faizlə ifadəsində
təqribən 20%-ə bərabər olması deməkdir. Bu qrup ölkələrdə dövlət
investisiya layihələrinin maliyyələşdirilməsindən tamam əlini çəkmiş
və yalnız sosial sferanı və infrastruktur layihələrini maliyyələşdirir.
Belə ölkələrdə investisiya sahəsində inkişaf yalnız xarici investisiyala-
rın hesabına baş verir. Bu qrup ölkələrdə investisiya strategiyasının
mühüm cəhətlərindən biri investorların vergilərdən azad edilməsidir.
Sözsüz ki, müəyyən bir müddətə. Bu qrup ölkələr öz investisiya prob-
lemini həll etmiş hesab edilirlər. Onların iqtisadiyyatının qarşısında
duran problemlər artıq başqa problemlərdir. Məsələn, iqtisadiyyatı
yeni texnoloji səviyyəyə çatdırmaq, adekvat yığım səviyyəsini təmin
etmək və investisiyaları ölkə iqtisadiyyatının yenidən qurulmasında is-
tifadə etmək və s.
İkinci qrup ölkələrdə cəlb edilmiş investisiyaların həcmi qənaət-
bəxş səviyyədədir. Lakin iqtisadi inkişafa nail olmaq çətin başa gəlir,
demək olar ki, dövlət stabilləşmə siyasəti yürütməsə dayanıqlığa nail ol-
maq qeyri-mümkün olar. Bununla belə dövlət özəl investisiya layihələ-
rində iştirak edir, yəni ya zəmanətçi olur, ya da maliyyə yardımları edir.
Bu qrup ölkələrdə investisiyanın həcminin ÜDM olan nisbəti 30%-dən