150
Xarici siyasətdə balanslaşdırma (tarazlaşdırma) və sülh
amili
Sülh bir vəziyyət kimi sabitlik və qeyri-müharibə
vəziyyətidir. Sülh həm də vasitədir və dincliyin yaradılmasını
müəyyən edəndir, şərtləndirəndir. Sülh tərəfləri sakit və sabit
vəziyyətdə müəyyən koordinasiya mərkəzinə cəlb edəndir.
Sülh şəraitində siyasi hərəkətlərin müvafiq istiqamətlər üzrə
yaratdıqları axınlar, cərəyanlar qarşılaşdıqda mülayim əsaslı
qovuşmalar baş verir. Sülh prosesləri zamanı həm siyasət
cərəyanlarının
özlərində
(eyni
istiqamətdə
hərəkətlərlə
müşahidə edilən cərəyanlarda), həm də onların qarşılaşmasında
rəvan və sərbəst keçicilik meydana gəlir. Sülh dairələr və
ötürücülər sisteminin normal tənzimlənməsi halında ortaya
çıxan bir vəziyyət olur. Beynəlxalq münasibətlərin hərəkət-
lərini əks etdirən ümumi və məkanlar üzrə, eləcə də ayrı-ayrı
sahələr üzrə mövcud olan sistemlərdə normal axınlar görünüşü
elə sülhün, sabitliyin, dincliyin özü demək olur. Dünya
dövlətlərinin münasibətlərinin axınları xəritəsində sülhü təmin
edən vasitələr (burada mənbələr, mərkəzlər) axınları normal
əsaslarla ötürdükdə təbii ki, sülh vəziyyətləri ortaya çıxır. Yəni
dövlətlər öz aralarında öz maraqlarını təmin etmək üçün
münasib şərtlərlə razılığa gəldikdə sülhü əldə etmək mümkün
olur. Bu baxımdan da sülh kompromisin nəticəsi olaraq qəbul
olunmalıdır.
Sülh vasitədir və həm də bir vəziyyət kimi müharibənin və
münaqişənin sonu deməkdir. Sülh həm də bir vasitə olaraq
dövlətlərarası münasibətlərdə və əlaqələrdə diplomatiyanın
əsas üsulu kimi istifadə olunur. Sülh vəziyyətlərində tərəflərin
maraqları dinc şəkildə təmin edilir və maraqlı tərəflərin
hərəkətləri arasında qovuşdurcu (burada uzlaşdırıcı, əlaqə-
ləndirici, harmoniya təşkiledici) vəziyyətlər meydana gəlir.
Dövlətlər öz xarici siyasətlərini müəyyən edərkən sülh
amilindən istifadə etməyə çalışırlar. Bu, onların rahat şəkildə
151
mövcudluqlarına xidmət edir. Hər bir dövlət çalışır ki, sülh
şəraitində yaşasın və sülh üsulları vasitəsilə özünün maraqlarını
təmin edə bilsin. Sülh amilinin xarici siyasətdə mövcudluğunu
təmin etmək üçün tarazlı məzmunlu siyasətin həyata
keçirilməsi vacibdir. Balanslaşdırma dedikdə, bir proses kimi
münasibətlərdə iştirak edən tərəflərin maraqlarının onların
potensiallarına müvafiq qaydada təmin edilməsi siyasətinin
icrası başa düşülməlidir. Balanslaşdırma zamanı aidiyyatı
predmetlərdə, obyektlərdə maraqlı tərəflər münasib və təqribi
əsaslarla nisbi olaraq və müəyyən anlarda konkret şəraitlərdə
mütləq bərabərlik əsasında eyni səviyyədə yer ala bilirlər.
Balanslaşdırma zamanı elementlər həm eyni xətlərdə, həm də
müxtəlif xətlərdə təqribən bərabər şəkildə taraz vəziyyətinə
gətirilir. Elementlər həm öz xətlərində, həm də paralel xətlərdə
qarşılıqlı
münasibətlərdə
təqribi
nisbətlərdə
fəaliyyət
göstərirlər, mövcud olurlar. Hər bir element maraqlarına
müvafiq olaraq “doyursa”, onda sülh də, sabitlik də təmin
olunur. Tarazlaşdırma sisteminin uzunmüddətli olması və
fəaliyyətinin ardıcıllığı davamlı sülh üçün əsasdır. Davamlı
sülh dövlətlərin və cəmiyyətlərin, həmçinin ümumi olaraq
beynəlxalq münasibətlərin inkişafına şərait yaradır. Davamlı
sülh vəziyyətlərini yaradan mexanizmlər bir sistemdir ki, bu
sistem də özündə çoxlu sayda sülh amillərini və vəziyyətlərini
əks etdirir. Sülhün təmin olunması təbii ki, resurslardan asılı
olur. Sülh resursların müəyyən kəmiyyətlərdə sabit axar
vəziyyəti olduğundan, resurs çatışmazlığı təbii ki, sülhün
pozulmasını ortaya çıxarır. Sülh maraqlaı tərəflərin “doymuş”
vəziyyətindən ortaya çıxır.
Müəyyən bir münaqişənin, müharibə və böhranın aradan
qaldırılması üçün davamlı sülh üsullarından geniş istifadə
olunur. Sülh üsulları resurslardan və vasitələrdən istifadə
qaydalarının tətbiqinin əsaslarını yaradır. Sülh üsulları əsasən
baza olaraq təcrübi və nəzəri prinsiplərə söykənir. Sülh o halda
əldə edilir ki, maraqlı tərəflər öz maraqlarını tam və ya da
152
qismən təmin etmiş olurlar. Sülh layihələri kimi müəyyən yol
xəritələri və proqramları qəbul edilir. Proqramlar başlıca olaraq
sülh gedişlərini və münaqişələrin yatmasını (həll edilməsini və
ya da müvəqqəti olaraq dayanmasını) özündə əks etdirir.
Münaqişələrin yatması (burada sabitlik və dinclik yaranması)
üçün müəyyən zərərverici ünsürlərin, münaqişələri törətmiş və
davam olunmasında xidmət edən ünsürlərin zərərsiziləşdiril-
məsi vacib amilə çevrilir. Bu zaman müəyyən formulalar tətbiq
edilir. Həmin formulalar münaqişələrin həllində mühüm
əhəmiyyət kəsb edir.
Xarici siyasətdə əxlaq qaydaları və davranış
Dövlətin xarici siyasəti ədalət üzərində qurulanda və
ədalətli hərəkət yerinə yetiriləndə onda, davranış da normal
olur və əxlaq qaydaları müəyyən olunur və əxlaq qaydalarına
əməl edilir. Ədalətli davranış hamı tərəfindən qəbul olunan və
real gerçəklikləri əks etdirən hal və xüsusiyyətdir. Ədalətli
davranış bir normadır və hamı tərəfindən maraqların
ödənilməsinə söykənən razılıq vəziyyətidir. Davranış bir
normadır və bu baxımdan da qəbul ediləndir. Əxlaq qaydaları
təbii olaraq dövlətlərin ədalətli davranışlarını özündə əks
etdirir. O dövlət əxlaq qaydalarına əməl etmiş olur ki, onun
xalqının milli xüsusiyyətlərinə söykənən hakimiyyət beynəl-
xalq aləmdə (regionda və regiondan kənarda) öz davranışını
ədalətli edir. Bütün tərəflərin müəyyən etdiyi və əməl etdiyi
universal normalar vardır. Bu normalar özlərində reallığı əks
etdirməklə bərabər, həm də nəzəri baxımdan ideallığa söykənir.
Universal normalar həm ümumi qaydada mövcud olur, həm də
ayrı-ayrı sahələri əhatə edir. Normalar həm universal
məzmunlu olur, həm də konkret və xüsusi əsaslara söykənir.
Normaların universal məzmunu bütün tərəflər üçün eynidir.
Universal məzmun ümumi ədaləti meydana gətirir və ümumi
ədalətdən təmin edilir. Dövlət öz xarici siyasətində universal və
hamı tərəfindən qəbul edilmiş normanı pozursa (müharibə ilə,
Dostları ilə paylaş: |