Rejissorluğun üslub problemləri
23
Astrovun malikanədən getmələri isə düyünün açılışını za-
hiri əlamətdə göstərir”
17
yazan ədəbiyyat nəzəriyyəçisi
Gennadi Nikolayeviç Pospelovun təhlilindən də göründü-
yü kimi bu pyesi tamaşaya qoymaq asan məsələ deyildir.
Tamaşasını rejissor təhlilinə cəlb edən Anatoli Vasil-
yeviç Efrosun: “O ki, qaldı “Vanya dayı”ya orada zərrə
qədər də, xiffət, əzab, sızıltı, lirik gecə danışıqlarının yox-
luğuna, öz həyatını dəyişmək naminə şiddətli mübarizənin
varlığına, ölümlə nəticələnən məğlubiyyətə əminəm. Və
orada hamı getdikdən sonra yaranan pauza yeganədir”
18
fikirləri isə sənətkarın dramaturji materialın rüşeymini,
səhnə həllinin dinamikasını əsaslandıran məqamları gör-
mək, tutmaq və əlbəttə ki, vizual həll etmək bacarığını sə-
ciyyələndirir..
İlk baxışdan nəinki səhnədə hətta səhnə arxasında be-
lə heç bir gözönü hadisənin baş vermədiyi “Vanya dayı”
pyesində olduğu kimi Cənnət Səlimovanın yozumundakı
tamaşada da, durğunluqda yaşayan bir kəndə - çökmüş bir
malikanəyə gələn padaqra xəstəliyindən əziyyət çəkən qo-
ca sənətşünas, professor Serebryakovun (A.İ.Stepanov)
oturuşmuş mühiti çaş - baş salması yadda qalır. Ot üzərin-
də gəzintilər, araq içə - içə, gitara çala-çala həyatın məna-
sızlığı barədə söhbətlər kəndin psixoloji mənzərəsini dəyi-
şir. Pofessor Serebryakovun kənddə yaşayan, zahirən ol-
masa da, mənəviyyatca gözəl qızı Sofya Aleksandrovna-
nın - Sonyanın (T.E.Zinina) ağac əkib meşə salmağı
sevməsi təbiətə qənim kəsilmiş ətrafdakı avamlıqdan, sa-
vadsızlıqdan, əldən - ayaqdan uzaq məsafələrdə yaşayıb
daim korluq çəkən xəstələrindən zinhara gəlmiş həkim
17
Г.Н.Поспелов. Теория литературы. М., 1978. с. 117.
18
А.В.Эфрос. Профессия режиссор. М., 2000. с. 262.
Aydın Dadaşov
24
Mixail Astrova (L.L.Qruber) altı ildən bəri uzaqdan uzağa
vurulması mühitin passivliyinin göstəricisinə çevrilir.
Serebryakovun birinci arvadının anası, Sonyanın nənəsi
Mariya Vasiliyevna Voynitskayanın (V.K.Şirye) hamını
fəaliyyətə çağırması müəllifin niyyətini göstərən müşkülə,
problemə çevrilir.
Həkim Mixail Astrovun qadın kimi Sofya Alek-
sandrovnaya - Sonyaya deyil, onun analığına, vaxtilə
müəllimi olmuş ərinə sədaqətini qoruyan, bütün günü ye-
yib – içib fəaliyyətsiz qalan konservatoriya məzunu Yele-
na Andreyevnaya (D.İ.Tumarkina) üstünlük verməsi mü-
hitin psixoloji passivliyini də göstərir. Mixail Astrovun
ətrafda baş verənləri, adamları dəqiq dəyərləndirməklə,
“İnsanda nə varsa hamısı; sifəti, libası, qəlbi və fikri təmiz
olmalıdır” deməklə sanki müəllif mətnini söyləyən Vanya
dayının müharibə dostu olması və onların hər ikisinin Ye-
lena Andreyevnaya vurulmaları personajlararası müna-
sibətlərin dərinliyindən xəbər verir. Davamlı olaraq içən
Mixail Astrovla ünsiyyətdən sonra gecəyarı, uzun müddət
danışdırmadığı analığı Yelena Andreyevnanı qucaqlayan
Sonyanın “xoşbəxtəm” deyib musiqi dinləmək istəməsi
onun daxilini çuğlayan sevincdən xəbər verir. Sonyanın
sevgi problemini yoluna qoymaq istəyən Yelena Andre-
yevnanın başını sinəsinə qoyduğu Mixail Astrovun ona
meşədə görüş təyin etdiyi məqamda Voynitskinin – Vanya
dayının gəlib çıxması psixoloji dram münasibətlərini həll
edir.
Professor maskası altında gizlənən eqoist Serebrya-
kovun birinci arvadının cehizini, əslində Sonyaya çatmalı
olan mülkü satıb Finlandiyaya köçmək istəyini dilə gətir-
məsilə iyirmi il cüzi ödənişlə bu malikanəni sədaqətlə ida-
rə edərək pulları yeznəsinə göndərən, normal həyat sür-
Rejissorluğun üslub problemləri
25
səydi bəlkə də ondan Şopenhauer, Dostoyevski çıxacağını
bildirən Voynitskinin – Vanya dayının şərə qarşı çıxaraq
iki dəfə açdığı gülləsinin yan keçməsi dramaturji düyünü
açır. Ətalətin mənbəyi, professor Serebryakovun arvadı ilə
Xarkova getmək cəhdi, həkim Astrovun özünün xırda ma-
likanəsinə çəkilərək xəstələrini müalicə etməklə yanaşı,
bağçılıq və meşəçilik hobbisini də davam etdirmək niyyə-
ti, Yelena Andreyevnanın ağlaya - ağlaya musiqili, çaldığı
günlərə qayıtmaq istəyi və nəhayət Sonyanın xoşbəxtlik
haqqındakı xəyallarından əl götürməsi pyesi açıq finalla
başa çatdırdı.
Məhz bu açıq finalda dünyadan bezmiş, Sonyanın
yerdə tapa bilmədiyi xoşbəxt həyatı ağlamaqla yox, inam-
la son, müəllif mətnini yaşadan monoloqundakı: “Biz,
Vanya dayı, hələ yaşayacağıq. Uzun-uzun günləri, uzun-
uzun gecələri başa vuracağıq; taleyin bütün sınaqlarına
səbrlə dözəcək, davam gətirəcəyik. İndi də, qocalanda da,
dinclik, rahatlıq bilmədən başqaları üçün işləyəcəyik,
vaxtımız gəlib çatanda itaətlə, boyun əyərək öləcək və
orada, o dünyada deyəcəyik ki, biz iztirab çəkmişik, göz
yaşı tökmüşük günümüz acı keçib, onda Allahın bizə rəh-
mi gələcək, onda biz səninlə, dayıcan, mənim əziz dayım,
işıqlı, gözəl, qeşəng bir həyat görəcəyik sevinəcək və indi-
ki müsibətlərimizi riqqətlə, təbəssümlə yola salıb dincələ-
cəyik... Mən inanıram, dayıcan, hərarətlə, ürəkdən inanı-
ram... Biz dincələcəyik! Biz dincələcəyik! Biz mələklərin
səsini eşidəcəyik, bütün göy üzünün almazlarla bəzəndiyi-
ni, dünyadakı bütün fənalıqların, bütün iztirablarımızın
kainatı qapayan bir mərhəmətə, şəfqətə qərq olacağını gö-
rəcəyik və həyatımız nəvazişli, zərif və şirin olacaq. Mən
inanıram, mən inanıram... Yazıq, yazıq Vanya dayı, sən
ağlayırsan. Sən ömüründə heç bir sevinc görməmisən, an-
Dostları ilə paylaş: |