120
QIZ MƏKTƏBİNDƏ
Molla Güləndam bacı məktəbin yuxarı başında
oturub
köynək tikirdi. Aşağı tərəfdə bir-iki mütəəllimə cırıq palaz
parçalarının üstə bardaş qurub «gəlin-gəlin» oynayırdılar; biri
də kənarda qab yuyurdu. Hərdən məktəbin alçaq qapısı cırıltı
ilə açılıb, içəri heybəsi qoltuğunda bir mütəəllimə girirdi və
salam verib deyirdi:
– Molla bacı, köynəyin mübarək olsun!
Molla bacı mütəəllimələrin təbrikindən çox xoşhal olub
gülümsünürdü, qızlara xeyir-dua verirdi və sonra
əhvalpürsanlıq başlayırdı:
– Ay qız, nənən nə qayırır? Günüsü ilə dalaşırmı? Degilən
nənənə ki, molla bacım deyir o axmaq qızına üz verməsin,
sonra təpəsinə çıxar.
Mütəəllimə molla bacının cavabında ya başını aşağı salıb
qızarırdı, ya da ki, giley torbasını açıb, qart-qart danışmağa
başlayırdı:
– Dədəm dünən nənəmə bir cüt başmaq almışdı, axşam
günüsü başladı evə dava salmağa ki, o başmaqdan mənə niyə
alınmır. Nənəm də deyir: «Ay
bidava dərdə düşmüş, bir cüt
başmağı da mənə çox görürsən?». Ondan başlayırlar
dalaşmağa. Dədəm də həmişə nənəmi döyür ki, işlərbaşı
sənsən. Onu da günü axmaq qızı öyrədir.
Molla bacının hüzurunda çox vaxt mütəəllimələr uzun-
uzadı nağıl danışardılar və Molla Güləndam bacı onlara guş-
huş ilə qulaq verib, arabir sual verərdi; həftə hamamından xəbər
alardı, qonşuların müamiləsindən, həna qoymaqdan, qaş
almaqdan məlumat istərdi. Hətta mütəəllimələrdən elə
məsələlər soruşardı ki,
insan nəinki deməyə, bəlkə xəyalına da
gətirməyə utanıb, həya eləyir...
Məktəbin qapısı yenə cırıldayıb içəri mütəəllimələr
girirdilər və əvvəlki kimi salam verib, bacının təzə köynəyini
təbrik edirdilər. Bir mütəəllimə içəri girdikdə, nə təhər oldusa,
121
«köynəyin mübarək olsun» əvəzinə «molla bacı, xeyir işin də
mübarək olsun» deyib, Molla Güləndam bacını təbrik etdi.
Mütəəllimənin bu sözlərindən molla bacı elə acıqlandı ki,
çubuğu qapıb, qızı döyəcləməyə başladı:
– Ay erməninin qızı, mən sənin oyun-oyuncağın deyiləm
ki, məni ələ salırsan! Yoxsa səni qonşu Hürzad öyrədib? Mən
onun atasının ələngə sümüyünü... (burada molla bacı qəliz bir
söz söylədi)...
onda bilər ki, mənə də Güləndam deyərlər!
Molla bacı biçarə mütəəlliməni xurd-xəşil edəndən sonra
həyətə çıxdı və üzünü qonşuya tutub, ağzına gələni dedi:
– Ay qız ey, ey mütrüb, mən sındırmalı qoz deyiləm
sındırasan; anqır, tayını tap! Yoxsa sənə bir üsul kəsərəm ki,
qiyamətə kimi dadı damağından getməz!
Molla bacının səsinə qonşu həyətə bir nazik, uzun arvad
çıxıb, cır səsi ilə başladı:
–
Dilini kəs, axmağın qızı! Mənim ağzımı çox açdırma,
yoxsa törətdiyin cəmi işləri ortalığa qoyaram!
– Qoymasan, atayın...
– Ölü adı çəkmə, itin qızı; atayın da, babayın da... Gündə
bir ərə gedən lotu!
Molla bacı cəmi mütəəllimələrini başına toplayıb,
qonşunun çəpərinə yavıqlaşdılar:
– Gündə ərə gedirəm yaxşı eləyirəm, bidət iş görmürəm ki,
ay oynaşlı! Sən də bacarırsan get! Görürsən heç birini də tapa
bilmirsən, ancaq paxıllığından qudurmuş itə dönüb, yan-
yörəni dalayırsan. Beləlikdən nə çıxar, ay qurumuş şaftalı qaxı!
Qonşular söyüşməkdə davam edirdilər və bu söyüşlər o
qədər qəliz, əxlaqpozan idi ki, qulaqları qapayıb bilmərrə
eşitməməli idi. Lakin cəngavər arvadların səsləri belə ucalmışdı
ki, föhşlər ətrafa yayılırdı. İki tərəf bir-birinə olmazın böhtan və
iftirasını, olmazın həyasız hərəkətlərini isnad verirdilər.
Dalaşanlar iki arvad olmayıb, hərəsinin də dalında bir
dəstəsi mövcud idi.
Hürzad tərəf nə deyirdisə, molla bacı
mütəəllimələri ilə bərabər birə beş çavab verib, onların səslərini
122
batırırdılar.
Qonşular bir az söyüşdükdən sonra iş vuruşmağa müncər
oldu və bir dəqiqədə Molla Güləndam bacı on-on beş qız ilə
çəpəri basıb, o taya keçdilər... Daha burada hərb meydanını
müfəssəl təsvir etməyin lüzumu yoxdur, çünki cəmi müsəlman
qardaşların başı dava-dalaş çəkib, hamı vuruşma görüb. Ancaq
onu deyəcəyəm ki, yarım saat çəkmədi aralıqda beş-on köynək
cırıldı və Hürzad
tərəf döyülmüş, söyülmüş geri çəkilib, evdə
qapandılar. Molla Güləndam bacı da düşmənin pəncərəsini
mütəəllimələrə qırdırıb öz həyətinə qayıtdı və qızlara dedi:
– Ay qızlar, bu gün daha dərs yoxdur (şadlığın nəticəsi
olaraq). Samovarı çıxardın, çay qoyub, Hürzad axmaq qızına
yanıq verək; bir ləyən də götürün, toy çalacağam.
Həyətdə palaz döşənib, samovar qoyulmuşdu. Molla bacı
mis ləyəni dınqıldadıb oxuyurdu, mütəəllimələr də əl çalırdılar.
Onlardan biri də o baş-bu başa gedib süzürdü.
Hürzad da lap məğlub olub, səsi çıxmırdı.
1911
123
DƏLİ
Mən lap uşaq vaxtımda dəli Səmədi tanıyırdım. Görürdün,
əllərini solmuş çuxasının qollarına
qoyub və çiyinlərini
qovzayıb, küçənin ortası ilə iti ötür. Həmişə simasında dərin bir
fikir, ya yüngül və şirin xəyalat oxunurdu. Birdən nazik
qaşlarını qırışdırıb və uzun, ucu qırma burnunu sallayıb, belə
qəmə batırdı ki, elə bil ömürdən məqsəd bilmərrə görmürdü.
Gah da kirpiksiz xırda gözləri daralıb, rəngsiz dodaqları
gülürdü. Axşamadək peşəsi şəhəri cövlan etmək idi; həmişə də
yerişi bir, duruşu bir, fikri, xəyalı bir. Bazarda bəzzazın
tərəkəməyə min and ilə şey satmağı, hambalların birçəkləmə
davası, baqqalların ağız-ağıza verib qatığa müştəri axtarmaq-
ları–heç biri onun zahir və batinində səbəbi-təğyir ola bilmirdi.
Ancaq bəzi adamların «ay dəli Səməd! Ay dəli Səməd!»
deməyini eşitcək,
cəld dönüb gedər, acı və çox vaxt da pürməna
bir söz deyib, yenə salıb gedərdi. Başlardı öz-özünə dağınıq
sözlər söyləməyə və söylədikcə də gah gülüb, gah da hirslənib,
qaş-qabağını turşudardı.
Bir gün məscidin qabağından ötürdüm, gördüm dəli Səməd
qazının hücrəsinin qabağında oturub, məsələ xəbər alır:
– Qazı ağa, İbrahim peyğəmbərə ki, göydən qoç gəldi,
bircə məni başa sal görüm ki, o qoçun aşığı var idi, yoxsa yox?
Qazı bir az bunun sualına gülümsünüb dedi:
– Səməd, aşığı nə eləyirsən? Yəqin ki, var idi.
– Di yaxşı, qazı ağa! Pəs aşıq göydən gələ-gələ qumar niyə
haram olsun?
Sən deyirsən oynama, allah da aşığı yaradır ki,
oyna! İndi kimin sözünə qulaq asım?
– Əlbəttə, həmişə allahın, amma...
Dəli Səməd cəld qazının sözünü kəsib, cibindən dörd aşıq
çıxartdı:
– «Amma»sı yoxdur, səninlə bir əl qumar oynayacağam!
Qazı əlini əlinə vurub, uca qəhqəhə ilə güldü və başladı
yavaş-yavaş dəlidən uzaqlaşmağa. Dəli Səməd ətəklərini çırpıb,