128
səni də «öldü» eşitdim. Hələ dedilər
usta Karapetin meyidini də
sürüyüb dərəyə saldılar.
– Eh!.. Ay canım, musurmanlar istədi ki, mən ölüm, amma
allah qoymadı!
–
Doğrudan da, allahsız iş yoxdur.
– Di gör, kəblayı, düzmü deyirəm ki, allah qoymadı. Dava
başlananda ki, parthapart düşdü, onda mən dükanımda idim.
Tüfəngli, xəncərli musurmanlar üstümə töküldü; qaçdım girdim
Kərimin dükanına. Kərim (allah onun oğlunu saxlasın, yaxşı
kişi imiş) çığıra-çığıra gəldi ki, balam, öldürməyin, görək
hələ nə təhər olur – qulaq asmadılar. Bu köpək oğlu qumarbaz
Həsən nədir – mənə iki güllə vurdu. Qan məni götürdü, yıxılıb
oradaca qaldım. Bir vaxtı, kəblayı, ayıldım, gördüm ayaqlarıma
ip bağlayırlar.
Elə biliblər ki, mən ölmüşəm. Qorxumdan
səsimi çəkdim içəri. İpi bağladılar, söyə-söyə sürüyüb
apardılar. Hələ bilmirəm məni haraya aparırlar. Yaralarım
ağrayır, çox vaxt da məzhəb haqqı, özümü bilmirəm, ürəyim
gedir. Xülasə, kəblayı, məni gətirib bir yerdə qoydular,
dalımdan da bir təpik vurdular. Getdim, diyirləndim,
diyirləndim, düşdüm qaldım... Gözümün qabağı qaranlıqdır,
hərdən qulağıma bir gurultu gəlir; sonra yenə heç zad
görmürəm, heç zad eşitmirəm; eləcə qalıram. Ayılıram, ətrafa
baxıram – hələ ağlım bir şey kəsmir, yenə yatıram. Bir də
ayıldım, gözüm
dürüst görmürsə də, işığı bilirəm. Deyəsən
gündüzdür. Fikrimə gəlir ki, məni yaralayıblar. Öz-özümə
deyirəm ki, indi musurmanlar gələr, məni öldürər. Yadıma
balalarım düşür, arvadım düşür, heç zadı bilmirəm. Sonra bir
də ayıldım, üstümə gün düşmüşdü. Gözlərim indi yaxşı
görürdü. Yuxarılara baxdım, bura dərə imiş. Məni musurmanlar
ölü hesab eləyib, buraya salıblar. Yenə balalarım yadıma
düşdü. Bir az fikirləşdim; gözlərimi dörd tərəfə gəzdirdim:
dərədə yatmışdım. Bircə lağımdan başqa baş təpəcək yer yox
idi. Gün, milçək mənə əziyyət verirdi. Başımı yavaşca
qovzayıb, yan-yörəmə baxdım! Heyvan sümüyündən və
129
zibildən savayı bir şey görmədim. Ehmal qalxıb, allahı çağıra-
çağıra süründüm lağıma doğru. Bir az burada özümü toxdadıb,
yenə fikirləşdim. Yadıma düşdü ki, lağım erməni bazarına
gedir. Dedim, yaxşısı budur ki, yerin altı ilə yavaş-yavaş
sürünüm gedim. Kəblayı, özüm ac, yaralı, lağım da murdar,
nəcis, daha əlacım nədir, gərək gedim. Yoxsa ya acından
öləcəyəm, ya musurmanlar tapıb öldürəcəklər.
Bilmirəm
gecədir, bilmirəm gündüzdür, qaranlıqda sürünürəm. Birdən
ürəyim gedir, qalıram, ayılanda yenə sürünürəm. Bilmirəm bir
gündənmi, ikisindənmi sonra, xülasə, gəldim bir işığa çıxdım.
Lağım uçub tökülüb, küçə görünürdü. Nə təhər qorxuram,
sevinirəm də. Bir az da süründüm, başladım qulaq asmağa,
asdım, asdım, gördüm ermənicən danışırlar. Nə təhər sevindim!
Din haqqı, gözlərimə işıq gəldi, nə qədər ki, bacarırdım, ağzımı
açıb çığırdım. Ermənilər durdular, qulaq asıb irəli gəldilər.
Zarıldadım, erməni olduğumu bildilər. Bunlara başıma gələni
nağıl elədim. Məni götürüb apardılar azarlıxanaya. Bir-iki ay
orada qaldım ki, yaxşı oldum.
Kərbəlayı Məhəmməd ustanın hekayəsi
bitən kimi dərin bir
etiqad ilə üzünü göyə çevirdi:
– Pərvərdigara! Səndən üzülməyənə heç zad olmaz imiş,
sənə min şükür! – deyib, əlini ustanın toqqasına atdı. Usta,
allah məni də istəyirmiş, ona min şükür! Bax, gör mənim
başıma nə iş gəlib. Axı özün bilirsən ki, biz dədə-babadan
erməni bazarında baqqallıq edirdik, nə erməni bizdən, nə də biz
ermənidən pislik görməmişdik. Sonralar təzə törəmələr ki,
çıxdı, işlər lap xarab oldu. Başladılar,
nə bilim, daşnaqsütundur,
nədir, düzəltməyə – dədə-baba duz-çörəyimiz hörmətdən
düşdü. Dava düşəndə dükanı eləcə açıq qoyub baron
Hamparsumgilə qaçıram. (Kişi ilə neçə illərdir dostluğumuz
var). Oğlu əlində tüfəng çıxıb, məni gülləyə basır. Elə onun
gülləsindən qolum şikəst oldu, indi də işə yaramır. Xülasə,
qolumun qanı axa-axa yüyürüb, urus İvanovun evinə girdim;
darvazanı bağladım, yaxşı oldu ki, yerimi heç kəs bilmədi. Bir
130
az durub, yuxarı getdim; İvanovun arvadı qabağıma çıxdı və
qolumun qanını görcək rəngi üzündən götürüldü. İvanov özü də
gəldi (onlar dinə gəlsin, mənim boynumda çox haqları var),
qolumu sarıdılar, bağladılar. İvanov
mənə dedi ki, kərbəlayı bir
iş var ki, sənin burada olmağını ermənilər bilsələr gəlib həm
səni parça-parça edəcəklər, həm də bizi öldürəcəklər. Yaxşısı
budur ki, sənə taxtapuşda yer salaq, orada dava qurtarınca yat.
Razı oldum. Qulluqçu taxtapuşda yer saldı, çıxıb uzandım və
vaxtından-vaxtına da bişmiş-zad verirdilər, yeyirdim. İki gün
idi, hələ dava kəsilməmişdi. İki tərəf də bir-birinin evlərinə od
qoyub, adamlarını qırırdılar. Taxtapuşdan baxırdım. Şəhərin
hər tərəfindən alov qalxırdı, güllə və top səsindən qulaq
tutulurdu; küçələrdə bir tərəfdən meyit daşıyırdılar, bir tərəfdən
də səngərlərə patron və tüfəng gedirdi.
İkinci gecə bir müsəlman da qaçıb, İvanovgilə gəlmişdi.
Bunu da taxtapuşda qoymuşdular. Sabahı haradansa ermənilər
bunun burada olduğunu bilmişdilər. Budu,
gördüm əli
tüfənglilər darvazanı kəsdirib sındırırlar. İvanovun əlacı kəsilib,
qabaqlarına çıxdı. Buna dedilər ki, müsəlmanı ver, ya özünü
öldürəcəyik. Yoldaşım bunların səsini eşitcək bətbənizdən olub,
özünü itirdi. Mən toxdaq idim. Durub yavaşca keçdim qonşu
taxtapuşa, oradaca gizləndim. Bu vaxtı küçədə səs qopdu –
gördüm darvazadan müsəlmanı çıxardırlar. Biçarənin dili
batmışdı, ətrafındakılara lal kimi baxıb, güc ilə nəfəs alırdı.
Birdən neçə yerdən güllə açıldı. Müsəlman yıxıldı.
O qədər ona güllə və xəncər yarası vurdular ki, parça-parça
oldu.
Güllə səsi kəsilmişdi. Ətrafımda bir hənirti yox idi. Xalq
alovu söndürməyə məşğul idi. Taxtapuşdan endim. Həyətdə bir
meyit var idi. Bunun cəld papağını başıma keçirdim və
kəmərini belimə bağlayıb, tüfəngini də götürüb küçəyə çıxdım.
Ermənilər «Müsəlmanlar gəlir» – deyə, şaşdıqlarından bir-
birinə qarışmışdılar. Mən də bunlara qoşuldum. Yavaş-yavaş
özümü qaranlığa verib, alovun işığından çəkildim ki, məni
131
tanımasınlar. Səngərlərə yavıqlaşdım. Orada-burada daşların
dalında uzanıb atışırdılar. Fikrim müsəlman tərəfə keçmək idi.
Birdən qabaqdan bir güllə açıldı... yıxıldım...
Sonra nə oldu,
huşumdan çıxıb. Ancaq ayıldım, gördüm meyitlərin içində
uzanmışam, tüfəng də yanımda yoxdur. Alov hər yeri ağzına
almışdı: gecə elə işıq idi ki, iynə saplamaq olardı. Güllə səsi
tək-tək eşidilirdi. Başımı daşın üstə qoyub, yatdım... Bir də
ayılıb gördüm ki, hər tərəf öz meyitlərini aparır: barışıq olub.
Arvad-uşaq gözləri yaşlı ətrafı bürüyüb. Məni də azarlıxanaya
apardılar, sonra yaxşı oldum...
Usta Karapet, allah mərdimazara lənət eləsin! O illər çox
pis illər idi... Hər nə oldu biz kasıba, biz fəqirlərə oldu!
– Eh, ay kəblayı, allah mərdimazarın evini yıxsın, davanı
saldılar, evimiz yıxıldı.
–
Elə yıxıldı, yurdumuzdan, balalarımızdan olduq, davadan
da heç kəsin əlinə bir şey gəlmədi. Canım, axı mən
sənnən nəyə
dalaşım? Sən mənim dinayrı qardaşımsan! Sənnən dədə-
babadan bir yerdə olub, rahat dolanmışıq.
– Eh, eləcə rahat dolanırdıq, allah mərdimazarın evini
yıxsın!
Erməninin gözləri yaşardı və başını tərpədə-tərpədə ötüb
getdi. Müsəlman da göz yaşlarını çuxasının ətəyinə silib, yola
düşdü.
1911