325
poemalar xüsusi yer tutur. Tematik təsnifat onları iki qrup-
da götürməyə imkan vermişdir:
Birincisi, eposla qismən
(müəyyən elementlərlə) bağlı olan poemalar. İkincisi,
«Dədə Qorqud» motivləri üstündə yazılmış poemalar. Bi-
lavasitə «Dədə Qorqud» mövzusunda yazılmış poemalar,
əsasən, N.Xəzri, B.Səhənd, A.Abdullazadə, Z.Yaqub,
N.Kəsəmənli, T.Elçin, R.Təhməzoğlu və s. kimi sənət-
karların yaradıcılığını əhatə edir.
«Kitabi-Dədə Qorqud» eposu, şair N.Xəzrinin yara-
dıcılığında mərkəzi yerlərdən birini tutur. O, müxtəlif za-
manlarda eposa müraciət edərək çox maraqlı əsərlər yarat-
mışdır. N.Xəzri yaradıcılığı üçün «Dədə Qorqud» motiv-
lərinin bədii növlərin monumental janrlarında işlənməsi
səciyyəvidir: şair-dramaturq bu mövzuda «Əfsanəli yuxu-
lar» adlı poema və iki dram əsəri («Torpağa sancılan qı-
lınc» və «Burla Xatun» pyesləri) yazmışdır. Sənətkarın
«Əfsanəli yuxular» poeması çox maraqlı quruluşa malik-
dir. İki hissəli əsərin hər bir hissəsi üç yuxudan ibarətdir.
N.Xəzri əsərdə yuxu elementindən bədii vasitə kimi istifa-
də edərək onunla minillərin arxasında qalmış oğuz dünya-
sına daxil olur. Yuxular şairi müqəddəs inamlar və inanc-
lar dünyasına - sənətkarın şəxsiyyət və yaradıcılığında
özünü qabarıq xətt, aparıcı keyfiyyət kimi büruzə verən
«inamlı insan» obrazının mənbəyinə doğru pərvazlandırır.
N.Xəzri poemaya milli düşüncənin qədim obrazları ilə
nöqtə qoymaqla öz vətənlərini doğma anaları bilən, onu
ana qədər dərindən sevən oğuzların «Vətən - Ana» sevgi-
sinin dünya durduqca çinar kimi həmişəyaşıl, bahar kimi
işıqlı, həyat kimi əbədi olacağını təsdiq etmişdir.
Müasir Azərbaycan ədəbiyyatında «Dədə Qorqud»
motivləri əsasında yazılmış poemalar
içərisində Cənubi
Azərbaycan şairi Bulud Səhəndin yaradıcılığının xüsusi
yeri vardır. Səhəndin «Dədə Qorqud» mövzusunda yazdığı
ikicildlik «Sazımın sözü» poemalar silsiləsi ustad
326
M.Şəhriyarın «Heydərbabaya salam» əsərindən sonra Cə-
nubi Azərbaycanda ikinci möhtəşəm ədəbi hadisə sayılır.
Səhənd «Sazımın sözü»ndə dastanın altı boyunu nəzmə
çəkmişdir. Şair bu əsərlərlə xalqımızın milli-mənəvi də-
yərlərinə bağlılığını ortaya qoymuşdur. Ömrünü xalqının
milli azadlıq mübarizəsinə həsr etmiş Səhəndin, ümumiy-
yətlə, bu əsərləri yazmaqda ən ali məqsədi xalqının damar-
larında qanla axan milli yaddaşı, qəhrəmanlıq ruhunu
oyatmaq olmuşdur. «Sazımın sözü» kitabındakı bütün
poemalarda zülm və zalımlara qarşı mübarizə ideyası du-
rur. Bu xətt altı poemanı öz ətrafında açıq şəkildə birləşdi-
rən xəttdir. Həmin xətt birləşdirici
poetik motiv olmaqla
qalmayıb, bu poemaların hər birini milli azadlıq uğrunda
mübarizə manifestinə çevirmişdir.
Tdqşiqatda şair-alim A.Abdullazadənin bir neçə dəfə
Azərbaycan, o cümlədən rus dilində çap olunmuş «Ulu
Qorqud» adlı poeması sənətkarın «dünənin» bünövrəsi
üzərində durub «bugünə» yazdığı «məktub» - poema kimi
səciyyələndiirlmişdir. A.Abdullazadə əsərdə bugünlə dü-
nən - müasirliklə tarix arasında «Dədə Qorqud» adlanan
bir məclis - «körpü» qurmuşdur. «Dədə Qorqud» həqiqət-
lərini Azərbaycan xalqının «həqiqət tarixi» - «mənəvi ger-
çəklər tarixi» kimi tərənnüm edən şair dünyanın ulu dəyər-
lərinin tarix boyunca dəyişməz qaldığını göstərmişdir.
Əsərdə müəllifin «mərdlik» haqqında düşüncələri dərin
fəlsəfi məzmuna malikdir. Sənətkarın
poemada uca dəyər-
lər səviyyəsində öydüyü varlıqlardan biri anadır. A.Abdul-
lazadə ananı bir insan, uca, ülvi varlıq olmaqla yanaşı,
həm də müqəddəs milli dəyər kimi tərənnüm etmişdir.
«Dədə Qorqud» motivləri ilə bağlı «Saz» dastan-
poesmasını yazmış şair Zəlimxan Yaqubun yaradıcılığı,
əslində, bütün ruhu ilə Dədə Qorqud dünyasına bağlıdır.
Sənətkar əsərdə Dədə Qorqudu qılıncın belə kəsə bilmə-
diyi ağıla-huşa malik hikmət sahibi, el-obanın üstünə dərd
327
qoşun çəkəndə qəm səfini öz qopuzunun sehri ilə pozan
ulu ozan, gözlərindən körpələrin bəbəyinə od verən, qopu-
zu ilə ana vətən torpağına dad verən, igidlərə hünərindən
ad verən, sözlərin mənasını yozan
ulu müdrik kimi tərən-
nüm etmişdir. Müəllif sazı tərənnüm edərkən Dədə Qor-
qud adına arxalanmışdır. Saz haqqında böyük bir dastan-
poema yaradan şair bəyan etmişdir ki, Qorquddan sonra
min il keçsə də, o, yenə də yaşadı. Çünki Dədə Qorqud
şairin taleyinə bir yaraşıq olmaqla yanaşı, milli tariximizin
vüqarıdır. Sənətkar əsərdə oxucuları Dədə Qorqudun
vəsiyyətinə əməl edib, ən böyük
milli sərvətlərimizdən biri
olan sazı qorumağa çağırır. Bu işin müqəddəsliyini Dədə
Qorqudun varlığına bağlayır. Çünki Dədə Qorqud adı hər
bir azərbaycanlı üçün müqəddəsdir. Sənətkar sazı Dədə
Qorqudun yadigarı kimi tərənnüm etməklə onun müasir
varlığımızdakı yerinin əbədi olduğunu təsdiq edir.
«Dədə Qorqud» eposu motivləri əsasında yazılmış
poemalar içərisində N.Kəsəmənlinin «Dəli Domrul» poe-
ması özünəməxsusluğu ilə diqqəti çəkir. Ümumiyyətlə,
N.Kəsəmənli ədəbiyyatımızda sevgi şairi kimi tanınırdı.
O, «Dəli Domrul» poemasında da öz üslubuna sadiq qal-
mış və «Dədə Qorqud motivləri üstündə bir sevgi dastanı
yaratmışdır. «Dəli Domrul» poemasında mənzum dram
janrının kompozisiya elementlərindən istifadə olunmuş-
dur. Şair poemada dastanın «Dəli Domrul» süjetini boyda
olduğu kimi axıradək bədiiləşdirməyə ehtiyac
görməmiş-
dir. Dastanda qadının sevgisi, ərinə olan vəfası Tanrının
xoşuna gəlir və o, Dəli Domrulla qadınına 140 il ömür
bəxş edir. Lakin N.Kəsəmənli süjetin bu hissələrini
poema-pyesə gətirməmişdir. Bunun səbəbi əsərin şair tərə-
findən düşünülmüş əsas ideyasının Əzrayılla Qadınının
dialoqunda tam şəkildə ifadə olunmasıdır. Əslində, şair
sevginin Tanrının yaratdığı varlıq aləminin ən uca və ən
ülvi dəyəri olduğunu tərənnüm etmişdir.
328
Şair T.Elçinin «Oğul, Buğac» poeması kiçik yaşlı
uşaqlar üçün nəzərdə tutulmuşdur. Yeddi başlıq-hissədən
ibarət olan poema ulu ozan dədə Qorqudun tərənnümü ilə
başlanır. Sənətkar əsərdə Dədə Qorqudu tarixlərdən xəbər
verən ozan, oğuzlara
ad qoyan, oğuz elində küsülüləri
barışdırıb bütöv cəmiyyətdə sosial harmoniya yaradan ağ-
saqqal, elin sevimlisi, güvənc yeri kimi tərənnüm etmişdir.
Şair üçün Dədə Qorqud eyni zamanda bədii sözün hamisi,
ilham mənbəyi, bütün şairlərin, o cümlədən T.Elçinin mə-
nəvi əcdadıdır. Dədə Qorqudun mənəvi irsi indi onun
sənətkar nəvələrinin sözündə, şeirində yaşayır. Poema baş-
dan-başa «Kitabi-Dədə Qorqud»un birinci boyu - «Dirsə
xan oğlu Buğac boyu» əsasında yazılmışdır. Poemada ana
oğlunu atasını xilas edib, xəyanətkarları cəzalandırmağa
çağırır. Buğac
xəyanətkarlarla döyüşə girib, atasını xilas
edir. Poemanın əsas süjeti ata ilə oğulun qovuşmasının,
Oğuz elinin birlik və bütövlüyünün təntənəsi ilə bitir. Də-
də Qorqudun dilindən söylənilən nəsihətlər əsərin əsas
ideya yükünü, ideya-məzmun mahiyyətini ifadə edir.
R.Təhməzoğlunun «Dədəm Qorqut» adlı epos-
poemasında müəllif «Kitabi-Dədə Qorqud» dastanlarının
öz bədii deyim tərzini saxlamağa çalışmışdır. Dastanın
poetik deyim tərzi ilə R.Təhməzoğlunun deyim tərzi biri-
biri ilə qovuşub; bədii düşüncənin zaman adlı sərhədləri
dəf olunub, poeziya həmişəyaşarılığını və əbədiyyətini təs-
diq edib. «Dədəm Qorqut» poemasının səciyyəvi keyfiy-
yətlərindən biri də aydın cizgilərlə seçilən və əsəri başdan-
ayağa bir bütöv kimi təşkil edən lirizmdir. Əsərdə şair
tərəfindən əsərin əvvəlindən axırınacan gerçəkləşdirilmiş
bir xətt də var: milli dil problemi. Dədə Qorqudun dilindən
«Söz
duyumdur, düz toxunsa» kimi ulu həqiqəti səsləndi-
rən R.Təhməzoğlu əsərdə dil ilə bağlı çox dərin problem-
lərə toxunmuş, onların bədii cəhətdən qoyuluşuna nail
olmuşdur.