Microsoft Word Eshref m. 2017 kitab
Yüklə 31,38 Mb. Pdf görüntüsü
|
132 Mən qanımı halal etdim, Bir zirvəyə, dağa yetdim. Rahat deyil, hələ ruhum, Mən göylərdə necə durum? Arzum olub Xocalıda, Xankəndində mən vuruşum. Xislətini qoy göstərsin Düşmənlərə hər duruşum. Ruhum onda sakit olar. Qardaşlarım Qarabağı, Kəlbəcəri, Zəngəzuru, Laçınımı bütün alar. Tapdanmasın Xarı bülbül, Qoy boylansın hər çiçək, gül. Duaçınam, oğlunam, bil. Gül, ey Vətən, həmişə gül! 08.04.2016 Əziz anam, ağlama! Vətən eşqi bütün eşqdən əzəldir, Deməyin ki, vaxtsız bu nə əcəldir? Vətən üçün şəhid olmaq gözəldir, Şəhid oldum, əziz anam, ağlama! Cismim yerdə, ruhum göydə hərlənər, Düşmənlər dəöz-özünəşərlənər. Onda qəbrim çiçək açar, tərlənər, Şəhid oldum, əziz anam, ağlama! Vətən dərdi, qeyrət dərdi ad oldu, Xalq birləşdi, könüllər dəşad oldu. 133 Qarabağım erməniyə yad oldu, Şəhid oldum, əziz anam, ağlama! Qarabağdan çiçəkləri üzərsən, Qəbrim üstə dəstə-dəstə düzərsən, Toy-düyündə gendə durma, süzərsən, Şəhid oldum, əziz anam, ağlama! Yaşayacam, hər könüldə, hər eldə, Səslənəcəm hər dodaqda, hər dildə, Yalvarıram, yenə sənə mən bir də, Şəhid oldum, əziz anam, ağlama! Şəhid oldum, əziz anam, ağlama! 04.04.2016 Mən sizə qurban Rəşadətli Azərbaycan ordusunun igid əsgərlərinə İllərdir dözmüşük qəm dəryasında, İnsanlar birləşib təkcə yasında, Düşmənlər durmuşdu zirvə başında. Qeyrətli oğullar, mən Sizə qurban! Yatmış bir şir kimi birdən oyandın, Zəfər işığına, nura boyandın, Uca bayrağınla dikdə dayandın, Qeyrətli oğullar, mən Sizə qurban! Babanız Koroğlu, babanız Heydər, Hər biriniz igid, bir ər oğlu ər, Düşmən qarşısında göstərdin hünər. Qeyrətli oğullar, mən Sizə qurban! 134 Mübariz oğullar, igid atalar, Sizinlə fəxr edir, dözür analar. Atam qəhrəmandır deyir balalar, Qeyrətli oğullar, mən Sizə qurban! Dünya heyran qalsın qoy hünərinə, Düşməni göndərin Siz ən dərinə. Soydaşların dönsün öz yerlərinə, Qeyrətli oğullar, mən Sizə qurban! Komandan var olsun, nazir var olsun! Qoy Vətən yaşasın, əsgər sağ olsun! Düşmənlər saralsın, düşmənlər solsun, Qeyrətli oğullar, mən Sizə qurban! 07.04.2016 “Təhsil problemləri”, 24-30 aprel 2016-cı il 135 “AÇIQ DƏRS”DƏN RAZI QALDILAR Noyabr ayının 21-də Sabunçu rayonundakı Cəlal Məmmədyarov adına 155 nömrəli tam orta məktəbdə çoxillik pedaqoji fəaliyyəti və zəngin təcrübəsi olan Solmaz İsmayılovanın Azərbaycan dili fənnindən beşinci sinifdə “açıq dərs”i dinlənildi. “Açıq dərs”də direktor Zöhrə Məhəmmədova, direktor müavini Mən- zərə Abbasova, Azərbaycan dili və ədəbiyyat müəllimi Şəhla Bağırova və riyaziyyat müəllimi Qənirə Məm- mədova iştirak edirdi. Əvvəlcədən bildirim ki, Azərbaycan dili fənnindən “Də- yirmi masa cəngavərləri. Sinonimlər” mövzusunda keçirilmiş “Açıq dərs” müəllimin dərsin bütün mərhələlərində şagirdləri fəallaşdırması, onların böyük əksəriyyətinin bilik və bacarıqla- rını üzə çıxarması, şagirdlərin öz fikir və düşüncələrini sərbəst ifadə etmələri ilə diqqəti çəkdi və yaddaqalan oldu. Britaniya və kral Artur haqqında rəvayətlər əsasında işlənmiş “Dəyirmi masa cəngavərləri” mətni üzrə verilən sual- ları şagirdlər düzgün cavablandırdılar. Məsələn, hersoq, baron... Hansı söz – prezident, kral, qraf, professor – bu ardıcıllığı davam etdirə bilər? Nəyə görə şəhərdə hər yer bağlı idi? Qardaşların xarakteri haqqında nə deyə bilərsiniz? və sairə. Onlar “Dəstək” sözünü bir neçə cümlədə “kömək” sözü ilə əvəz etdilər. “Zindan” sözünü isə başqa bir cümlədə “həbsxana” sözü ilə əvəzlədilər. Mətndə verilən yaxın mənalı sözləri müəy- yənləşdirdilər. Lüğət üzərində iş aparıldı. Hesroq, baron, kral, turnir, qəsr və digər sözlər də öyrənildi. “Açıq dərs”də uşaqlar dilimizdəki mənaca eyni və ya yaxın olan sözləri öyrəndilər. Bildilər ki, belə sözlər səs və hərf tərkibinə görə fərqlənsə də mənaca yaxın olurlar. Onların 136 yaddaşına həkk olundu ki, yazılışı və deyilişi fərqli, mənası isə eyni və ya yaxın olan sözlərə sinonimlər deyilir. Sinonim sözlər eyni nitq hissəsinə aid olur. Şagirdlər “Dəyirmi masa cəngavərləri” hekayətindən öyrəndilər ki, kral Arturun qəsrində ən böyük otaqda nəhəng bir dəyirmi masa olub. Cəngavərlər də vaxtaşırı bu masa ətrafına toplaşıblar. Masa dəyirmi olduğuna görə burada nə birinci, nə də sonuncu yer müəyyən edilmir, bütün yerlər eyni dərəcədə şərəfli sayılır. Beləliklə, kral Arturun sarayındakı dəyirmi masa sanki ölkədə bərabərlik simvolu idi. İndi də dövlət başçıları yüksək səviyyədə görüşlərdən söhbət edərək, çox zaman görüşün dəyirmi masa arxasında keçirildiyi qeyd olunur. Şagirdlər başa düşdülər ki, söhbət masanın dəyirmi olmasından deyil, bu ifadənin daşıdığı rəmzi mənasından gedir. 137 Ümumiyyətlə, təcrübəli müəllim Solmaz İsmayılovanın 5- ci sinifdə “Dəyirmi masa cəngavərləri. Sinonimlər” mövzusunda keçdiyi “açıq dərs” bizdə xoş təəssürat yaratdı. Dərsin bütün mərhələlərində şagirdlər fəallıq göstərdilər. “Açıq dərs” bitdikdən sonra onu dinləyən müəllimlər Solmaz İsmayılovanın pedaqoji fəaliyyətindən və şagirdlərin dərsi yaxşı mənimsəməsindən razı qaldıqlarını bildirdilər. “Təhsil problemləri”, 01-07 dekabr 2016-cı il Yüklə 31,38 Mb. Dostları ilə paylaş:
|