Microsoft Word Eshref m. 2017 kitab
Yüklə 31,38 Mb. Pdf görüntüsü
|
118 VƏTƏN BÖLÜNMƏZ, ORDUMUZ YENİLMƏZ! 12 aprel 2016-cı il tarixində Binəqədi rayonunun Biləcəri qəsəbəsində yerləşən 314 nömrəli məktəbin şagird, müəllim kollektivi və valideynlərinin iştirakı ilə Azərbaycan ordusuna dəstək məqsədilə “Vətən bölünməz, ordumuz yenilməz!” möv- zusunda ümumməktəb tədbiri keçirildi. Tədbirdə Hərb Tarixi Muzeyinin rəisi, ehtiyatda olan pol- kovnik Əzizağa Qənizadə, muzeyin şöbərəisi Gülşən Hüsey- nova, Binəqədi rayon Qarabağ Müharibəsi Əlilləri, Veteranları və Şəhid Ailələri İctimai Birliyinin sədri İlham Qaibzadə, Binəqədi rayon Biləcəri qəsəbə Bələdiyyəsinin sədri Hikmət Quliyev, Laçın rayonu 45 nömrəli məktəbin direktoru Şakir Əhmədov, “Sahil” uşaq bağçasının müdiri Sevil Əliyeva və digər qonaqlar iştirak edirdilər. Tədbir dövlət himnimizin oxunması ilə başlandı və söz məktəbin direktoru Nazir Əliyevə verildi. Nazir Əliyev tədbir haqqında şagirdlərə və qonaqlara məlumat verdikdən sonar bir dəqiqəlik sükutla şəhidlərimizin ruhu yad edildi. Sonra tədbir ssenariyə uyğun olaraq davam etdirildi. 119 Tədbirin aparıcıları mək- təbin Azərbaycan dili və ədə- biyyatı müəllimi Asif Salma- nov və 11a sinif şagirdi Ayşən Bayramova şəhidlərimizə həsr olunan Oktay Zəngilanlının “Şəhidlər ölməzlərdir, ölməzi ağlamazlar!” şeirini söylədilər. Bundan sonar Azərbaycanın üçrəngli bayrağı ibtidai sinif şagirdlərinin iştirakı ilə tədbir meydançasına gətirildi. Bayraq meydana gətirildiyi an aparı- cılar tərəfindən Ramiz Quru- çaylının “Azərbaycan bayrağı!” şeiri səsləndirildi. Sonra tədbiri məktəbimizin hərbi rəhbəri ehtiyyatda olan kapitan Sahil Hüseynovun rəhbərliyi altında məktəbin 9, 10, 11-ci sinif şagirdlərinin birgə təşkil etdikləri döyüş nümunələri “Cəngi” sədaları altında şagirdlərə və qonaqlara təqdim olundu. 120 Şagirdlər bir-birindən çətin döyüş nümunələrini məharətlə göstərirdilər. Sonra akrobatik piramida yaradaraq üçrəngli bayrağımızı yaratdıqları qüllə üzərində dalğalandırdılar. Sonda şagirdlər simvolik hazırlanmış erməni bayrağını akrobatik tullanışla sındırıb ayaqlar altında qırdılar. Tədbirdə musiqiyə də yer verildi. 26 nömrəli Bədii Yara- dıcılıq Uşaq-Gənclər Mərkəzinin şagirdlərinin ifasında “Qara- bağım” musiqisi ifa olundu. Tədbirdə iştirak edən qonaqlar söz alaraq tədbir, Qarabağda gedən döyüşlər və əsgərlərimizin göstərdiyi qəhrəmanlıqlar haqqında danışıb öz fikir, istək və arzularını bildirdilər. Tədbirdə növbəti musiqi vətənpərvərlik mövzusunda olan “Cənab leytenant” mahnısı oldu. Mahnını məktəbin şagirdləri ifa etdilər. Şagirdlərdən Turabəxanım Şamilli və Nihad Ələsgərli Xəlil Rza Ulutürkün “Silahlan” şeirini söylədilər. Sonra söz yenidən musiqiyə verildi, bədii yaradıcılıq mərkəzinin şagirdlərinin ifasında “Qarabağ şikəstəsi”, həmin musiqinin ardınca növbəti musiqi, məktəbin 11C sinif şagirdi Hikmətin ifasında “Ana, əsgər gedirəm” mahnısı səsləndi. Aparıcılar sözü yenidən tədbir iştirakçılarına verdilər. 121 Aprel döyüşlərində qəhrəmancasına şəhid olan pilotları- mızdan Bəkir İsmayılovun yaxın ailə üzvü olan məktəbin ibtidai sinif müəllimi Kərim müəllim qəhrəman pilotlarımızın vətən sevgisi barədə şagirdlərə və qonaqlara məlumatlar verdi. 11a sinif şagirdi Ayşənin ifasında “Şəhid arzusu” mahnısı dinlənildi. Ayşənin ifa etdiyi musiqidən sonra döyüş nümunələri göstərən şagirdlər yenidən tədbir meydançasına gəldilər. Onlar meydanda yaradılmış alovun içərisindən atlayaraq nəinki Azərbaycan əsgərinin, heç Azərbaycan məktəblisinin göstərdiyi döyüş nümunələrini Ermənistan ordusunun göstərə bilməyəcəyini bir daha göstərdilər. Göstərilən döyüş nümunələrindən sonra aparıcıların ifasında “Gedək Qarabağa, gedək millətim” şeirinin sədaları ətrafa yayıldı. Sonda bədii yaradıcılıq mərkəzinin şagirdləri “Yaşa Azərbaycan” musiqisini səsləndirdilər və bununla da əsgərlərimizə dəstək tədbiri başa çatdı. “Təhsil problemləri”, 16-23 aprel 2016-cı il 122 ORDUM VARSA, YURDUM VAR Bakı şəhəri, Sabunçu rayonunun Sabunçu qəsəbəsindəki Cəlal Məmmədyarov adına 155 nömrəli tam orta məktəbdə bu ilin aprel-may aylarında şagirdlərin vətənpərvərlik və hərbi vətənpərvərlik tərbiyəsi yönündə xeyli sayda söhbətlər, görüşlər, müzakirələr, müsabiqələr, ədəbi-bədii kompozisiyalar və digər tədbirlər reallaşdırılıb. Dursun Qasımova, Fatma Həsənova, Abuzər Şirinova, Humay Vəliyeva, Şəhlə Bağırova, Zöhrə Əhmədova və başqa müəllimlərlə birlikdə şagirdlər Şəhidlər Xiyabanını ziyarət ediblər. Rəfiqə Hacıyeva və Şəhri Hüsey- novanın təşkilatçılığı ilə “Vətən torpağı əzizdir mənə” mahnı və şeir müsabiqəsində fərqlənən məktəblilər mükafatlandırılıblar. İcrasına məsul olan direktorun müavinləri, ibtidai sinif və fənn müəllimlərin rəhbərliyi ilə “Məktəblilərin Vətən qarşısında vəzifəsi” (Qabil Rəhimov), “Vətəndaş əxlaqının yüksək olması milli həmrəyliyin təməlidir” (Solmaz İsmayılova, Humay Vəliyeva), “Baba və atalarımızın keçdiyi qəhrəmanlıq yolları” 123 (Ağazadə Əzizov, Mehman Səfərli), “Biz hamımız Mübarizik” (Roza Kərimova), “Ermənilər Azərbaycan xalqının düşmənidir” (Elza İmanova, Könül Mirzəyeva), “Ordumuzla fəxr edirik” (Sevil Şükürova) “Vətənin müdafiəsinə hazıram” (Mehman Səfərli), “Müharibəsiz dünya” (Lalə Mustafayeva), “Ordum varsa, yurdum var” (Vəfa Məmmədova) və başqa tədbirlərdə məktəbin şagirdləri fəal iştirak ediblər. Zəngin pedaqoji təcrübəyə malik ibtidai sinif müəllimi Vəfa Məmmədovanın rəhbərliyi ilə 2b sinif şagirdlərinin hazırladıqları “Ordum varsa, yurdum var” ədəbi-bədii kom- pozisiya mayın 18-də keçirildi. Tədbirdə ulu öndər Heydər Əliyevin və onun layiqli davamçısı Azərbaycan Prezidenti İlham Əliyevin ordu quruculuğu, ordumuzun güclənməsi, hər zaman düşmənə layiqli cavab verməsi qüdrətində olması haqqında söylədikləri fikirlər dinlənildi, videogörüntülər izlənildi. Aparı- cılar isə diqqətə çatdırdılar: İlk milli ordumuzun yaranması 1918-ci ilə təsadüf edir. Lakin Azərbaycan Xalq Cümhuriyyə- tinin süqutu ilə müstəqil ordumuzun da varlığına son qoyuldu. 70 ilə yaxın bir dövrdə Sovet imperiyasının əsarəti altında qalan ölkəmiz, nəhayət, 1991-ci ildəöz müstəqilliyini bərpa etdi. Yüklə 31,38 Mb. Dostları ilə paylaş:
|