158
KİTAB ARZULAR DOĞURUR
Oktyabrın 6-da Bakı şəhəri, Sabunçu rayon Mərkəzləşdi-
rilmiş kitabxana sisteminin Bakıxanov qəsəbəsində fəaliyyət
göstərən 1 saylı filialı (keçmiş M.Şəhriyar adına uşaq kitabxa-
nası) 94 nömrəli tam orta məktəbin həyətində “Açıq kitab-
xana” layihəsi çərçivəsində birgə tədbir keçirdi. Əsas məqsəd
şagirdləri kitabxanaya cəlb etmək, onlarda dərsliklərdən əlavə
kitabları mütaliəyə həvəsləndirmək, nümayiş olunan kitablar
haqqında məlumat vermək, məktəbliləri elə tədbirin gedişində
kitabxanaya üzv yazmaq idi.
Nümayiş etdirilən “Heydər Əliyev ideyalarının zəfər
yürüşü”, “Heydər Əliyev və Gəncə”, “Prezident İlham Əliyev və
mədəniyyət”, “Azərbaycan Milli Ensiklopediyası”, “Azərbaycan
tarixi”, “Üzeyir Hacıbəyovun əsərləri”, “Kitabi-Dədə Qorqud
Ensiklopediyası”, Aleksandr Dümanın “Qafqaz”, “Azərbaycan
kulinariyası”, kiçik yaşlı məktəblilər üçün Azərbaycan və rus
dillərində son illərdə nəşr olunmuş kitablar müəllim və
şagirdlərin diqqətini çəkdi.
Tədbirdə kitabxananın müdiri Şəfiqə Həkimova, məktəbin
direktoru Şəmsəddin Vəliyev, Azərbaycan Qızıl Aypara Cəmiy-
yəti Sabunçu rayon bölməsinin sədri Elmira Məlikova və baş-
qaları çıxış etdilər. Məktəbin dördüncü sinif şagirdi Nəsimi
Sadıqlının söylədiyi şeirlər maraqla dinlənildi və alqışlarla
qarşılandı.
Çıxış edənlər bilik, kitab və ədəbiyyat haqqında dahilərin
söylədikləri fikirləri də dilə gətirdilər:
• Kitabxana insan ruhunun bütün zənginliklərinin
xəzinəsidir.
• Kitab insanı kainatın sahibi edir.
• Kitab arzular doğurur və onları yaşadır.
• Yaxşı kitab çox qiymətli xəzinədir.
• Elə bir kitab yoxdur ki, insan ondan yaxşı bir şey öyrənə
bilməsin.
• Hər kim kitab oxumursa, o, düzgün fikirləşə bilməz.
159
Müəllimlər ayrı-ayrı sinif şagirdlərini növbə ilə açıq
səmada nümayiş etdirilən kitablarla tanış etdilər. Mütaliə
etdikləri kitablardan söhbət açdılar. Kitabxanaçılar – Günay
Quliyeva, Lalə Məhərrəmova, Tünzalə Abbasova, Nigar
Məmmədova, Könül Nuriyeva, Alizər Allahverdiyeva, Məryəm
Azadova və başqaları şagirdlərə lazımi məlumatlar verdilər.
Günay Quliyeva tədbirin davam etdiyi müddətdə xeyli
sayda məktəblini kitabxanaya üzv yazdı. Kitabxananın üzvü
olan fəal oxucular şagird yoldaşlarını yeni çıxan kitabları
mütaliə etməyə həvəsləndirdilər. Məktəbin müəllimi Gülnarə
Əliyevanın rəhbərliyi ilə rus bölməsinin altıncıları fəallıqları və
yenicə tanış olduqları kitablara böyük maraq göstərmələri ilə
digər şagirdlərdən fərqləndilər.
Tədbiri kitabxananın direktoru Şəfiqə Həkimova yekunlaş-
dırdı. Müəllim və şagirdlərə cari tədris ilində yeni uğurlar dilədi.
“Təhsil problemləri”, 08-15 oktyabr 2016-cı il
160
NARKOMANİYA ƏSRİN BƏLASIDIR
Azərbaycan Respublikası Prezidentinin 2013-cü il 24 iyun
tarixli sərəncamı ilə təsdiq edilmiş “Narkotik vasitələrin, psixot-
rop maddələrin və onların prekursorlarının qanunsuz dövriyyəsi-
nə və narkomanlığa qarşı mübarizəyə dair 2013-2018-ci illər
üçün Dövlət Proqramı”ndan irəli gələn vəzifələrin yerinə yeti-
rilməsi ilə bağlı Narkomanlığa və Narkotik vasitələrin Qanunsuz
Dövriyyəsinə Qarşı Mübarizəüzrə Dövlət Komissiyasının İşçi
qrupu və Sabunçu Rayon İcra Hakimiyyətinin birgə təşkilatçılığı
ilə 20 aprel 2016-cı il tarixində Sabunçu rayonu, Bilgəh qəsə-
bəsi, Telman İsgəndərov adına 142 nömrəli tam orta məktəbdə
“Narkomaniya əsrin bəlasıdır” mövzusunda konfrans –
maarifləndirici tədbir keçirildi.
Tədbiri giriş sözü ilə məktəbin direktoru, Əməkdar
müəllim Gülnaz Abdullayeva açdı və Narkotik maddələrin
təkcə onu qəbul edən adamı məhv etmədiyini, onun ailə üzvlə-
rinin də sağlamlığına mənfi təsir göstərdiyini iştirakçıların
diqqətinə çatdırdı.
161
Maarifləndirici tədbirdə Sabunçu Rayon İcra Hakimiy-
yətinin Narkotiklərlə mübarizəüzrə komissiyasının məsul katibi
Səbahət Hünbətova, Narkomanlığa və Narkotik Vasitələrin
Qanunsuz Dövriyyəsinə Qarşı Mübarizə üzrə Dövlət Komissiya-
sının İşçi qrupunun rəhbər müavini Vasif Quliyev, Bakı Şəhəri
üzrə Təhsil İdarəsi Metodiki Mərkəzin direktoru Vahid Qurba-
nov, Respublika Narkoloji Mərkəzinin nəzdində fəaliyyət
göstərən Anonim Narkoloji Müalicə-Məsləhət Kabinetinin
həkim-narkoloqu Asif Kəngərli, Sabunçu Rayon Polis İdarəsinin
Yetkinlik yaşına çatmayanların işləri üzrə bölməsinin rəisi, polis
mayoru Əli Babayev, rayonun 14-cü polis bölməsindən
Yetkinlik yaşına çatmayanların işləri üzrə baş inspektor, mayor
Rafiq İsmayılov, leytenant Sərxan Məmmədov, Bilgəh qəsəbə
bələdiyyəsinin sədri Təyyar İbadov və başqaları iştirak edirdilər.
Səbahət Hünbətova, Vasif Quliyev, Asif Kəngərli və başqaları
narkomanlığa qarşı mübarizə sahəsində görülən işlərdən, “Nar-
kotik vasitələrin, psixotrop maddələrin və onların prekursorları-
nın qanunsuz dövriyyəsinə və narkomanlığa qarşı mübarizəyə
dair 2013-2018-ci illər üçün Dövlət Proqramı”ında qarşıya
qoyulan vəzifələrin yerinə yetirilməsində aparılan tədbirlərdən,
162
narkomanlığın törətdiyi bəlalardan ətraflı söhbət açdılar. Qeyd
etdilər ki, narkomanlıqla mübarizə hər birimizin borcudur,
narkomaniya cəmiyyətin bəlasıdır, narkomaniyaya qarşı
mübarizənin əsas məqsədi sağlam mühit və sağlam gələcəkdir.
Dövlət Komissiyası İşçi qrupunun rəhbər müavini Vasif
Quliyev və həkim-narkoloq, yazıçı Asif Kəngərli müəllim və
şagirdlərin suallarını cavablandırdılar. Narkomanlığa və
Narkotik Vasitələrin Qanunsuz Dövriyyəsinə Qarşı Mübarizə
üzrə Dövlət Komissiyasının İşçi qrupunun “Gələcəyimizi birlik-
də düşünək, narkomaniyaya yox deyək!” bülleteni şagirdlər
üçün ən yaxşı vəsait oldu. Asif Kəngərli müəllifi olduğu “Bəla”
(pyes və hekayələr, həm də rus dilində) və “Zəhrimar”
kitablarını, “Bəla” və “Zəhrimar” əsərlərinin səhnələşdirilmiş
(səs teatrı) elektron variantlarını məktəbə hədiyyə etdi.
Tədbirdə şagirdlər şeirlər söyləyib, vətənpərvərlik mah-
nıları ifa etdilər.
“Təhsil problemləri”, 08-15 may 2016-cı il
Dostları ilə paylaş: |