Microsoft Word Eshref m. 2017 kitab
Yüklə 31,38 Mb. Pdf görüntüsü
|
206 SAĞLAMLIQ İMKANLARI MƏHDUD OLAN, AUTİZM XƏSTƏLİYİNƏ TUŞ GƏLMİŞ UŞAQLAR, YAXUD XXI ƏSRİN YADA DÜŞMƏYƏN BƏLASI Cəmiyyət mövcud olandan bu günədək valideynlər daim övladlarının sağlam olması, sağlam böyüməsi üçün çalışmış, hətta bu yolda bir çox əzab-əziyyətlərə də dözmüşlər ki, bu da təbii haldır. Hər bir valideyn dünyaya gətirdiyi övladının sağlam olmasını və sağlam böyüməsini istəyir. Lakin bəzi hallarda dünyaya gələn uşaq müxtəlif formalarda problemli doğulur ki, hazırda buna “sağlamlıq imkanları məhdud uşaqlar” da deyilir. Belə uşaqlardan bir qisminin tutulduğu xəstəliyə “autizm xəstəliyi” də deyirlər. Autizm nədir? Bu sualın cavabı bu yaxınlarda Əməkdar elm xadimi, professor Oruc Həsənlinin yenicəçapdan çıxmış “Autizm” kitabında geniş şəkildə verilmiş və xəstəliyin mahiyəti, qanu- nauyğunluqları, valideyinlərin uşaqlarla davranma qaydaları, xəstəliyi yüngülləşdirməyin və aradan qaldırmağın yolları, üsul- ları və texnologiyaları öz əksini tapmışdır. Kitabda həmçinin autizm xəstəliyinin aradan qaldırılması və ona yanaşmalar da öz əksini tapmışdır. Müəllif kitabda autizm xəstəliyinin diaqnozunun qoyulma- sından və bununla bağlı bir sıra problemlərə öz ilkin münasibəti- ni bildirərək yazır ki, “Autizm xəstəliyinin diaqnozu Azərbay- canda təqribən 2000-ci ildən problemli uşaqlara qoyulmağa başlayıb. Valideynlərə “uşağınız autizm sindromundan əziyyət çəkir” deyəndə onlara çox zaman heç nə aydın olmur. Həmçinin bunun əqli problem olmağına valideyn inanmır. Nəzərinizə çatdırırıq ki, “autizm sindromu”nun yaranma səbəbi hələ də dəqiqləşməmiş, müalicə metodu və əqli problem olub olmaması 100% təsdiqini tapmamışdır. Bu problemdən yeganə çıxış yolu gərgin metodik işdir. Bu prosesdə uşağın ailəsi əsas vasitədir. Çünki tək əldən səs çıxmır. Mütəxəssislər ancaq yol göstərə bilərlər. Autizm sindromu əsasən uşaqlarda 2- 207 4 yaşlarında özünü göstərir. Nə qədər tez bu problem aşkarlanıb üstünə düşülərsə, bir o qədər də tez bu problem öz həllini tapacaq. Övladınızda, yaxınlarınızın uşaqlarında, bağçada və ətrafınızda autizm sindiromlu uşaq gördükdə, daha diqqətli olun. Çünki, onların diqqətə, qayğıya, xoş rəftara, təbəssümə və cəmiyyətə ehtiyacları var. 208 Bəs autizm sindiromlu uşağı necə müəyyən etməli, necə tanımalı? Əvvəla autizm 1-4 yaşlarında daha dəqiq özünü büruzə verir. Autizm sindiromlu uşaqlara məxsus olan tipik xüsusiyyətlər əsasən aşağıdakılardır: • Autizm sindiromlu uşaq onunla danışan adama baxmır; • işarə ilə göstərilən yerə baxmır; • yersiz ağlayır və ya gülür; • bir sözü və ya bir hecanı dəfələrlə təkrar edir; • gedib-gələcəyi yola bağlanır; • gözünün yaxınlığında əli ilə təkrar hərəkət edir; • özünə bilə-bilə xəsarət yetirir; • tələbatı yoxdur; • ünsiyyətə girməyə çətinlik çəkir; • göz təmasından yayınır; • işığı yandırıb-söndürməyi sevir; • elektron əşyalara həvəsi olur; • valideynə hədsiz bağlılıq və ya əksinə; • bir yerdə çox yellənir; • diqqətini bir yerə saatlarla zilləyir; • musiqiyə həvəslidir və s.” Müəllif eyni zamanda, dünyanın bir sıra psixoloq və psixiatrlarının da fikirlərinə və Autizm sindromunun tarixinə müraciət edərək yazır: “1943-cü ildə Amerika psixiatrı Leo Kanner özünün psixiatrik klinikasında bir neçə uşaq üzərində apardığı araşdırmalara əsasən yazılarında “erkən autizm sindro- mu” haqqında ilk dəfə məlumatlar verib. 1944-cü ildə Avstri- yada Hans Asperger, Asperger sindromu haqqında məlumatlar yayımlayır. Amma bu yayımlama II dünya müharibəsindən 20 il sonra Avropada oxucuların və bu sferada çalışan mütəxəssislərin ixtiyarına verilir. Kannerin fikrincə, autizm sindromlu uşaqların əsas xüsu- siyyətləri bunlardır: Yaratdıqları, seçdikləri qaydalara riayət edirlər və yenilikləri qəbul etmirlər. Çəkici, diqqətli və bilikli, xarici görkəmi, nə isə öyrənməyə qarşı çətinlik, ünsiyyətdə anor- mallıq və s. özünü göstərir. Hans Aspergerin fikrincə asperger 209 sindromlu uşaqların əsas xüsusiyyətləri bunlardır: Başqalarına qarşı safca və uyğun olmayan ümumi yaxınlaşmalar, ikili söhbət deyil monoloq olaraq seyr edən monoton bir danışmaq tərzi, sırf 1-2 dəfə xüsusi bacarıq və s. Kannerin fikrincə bu xəstəliyə görə oğlanların sayı qızların sayından 4 dəfə çoxdur. Bu fikir hazırda öz təsdiqini tapıb. Kanner əvvəldən sindromun doğuşdan var olduğuna inanırdı və buna görə də bu sindroma “erkən körpəlik autizmi” adını vermişdi. Daha sonra autizm sindromu olmadan əvvəl bir ya da iki il normal inkişafı göstərən uşaqlarda da eyni sindromun olduğunu aydınlaşdırdı. Onun fikrincə, 3 yaşdan əvvəl uşaqlardakı sind- rom tipik autizmdir. Sonra yaranarsa atipik autizm sayılır. Autizmin başlanmasını isə Kanner belə şərh edirdi: Vali- deynlər 3 yaşa qədər uşaqlarındakı hansısa bir problemin oldu- ğunu hiss etmirlər. Bu yaşlarda uşağın nitqində gecikmənin çox zaman normal olmasına inanırlar. Daha sonralar nitqdə və hərəkətədə olan problemlər valideynləri narahat edir. Zaman– zaman bu başlanğıcdan sonra yüksək qızdırmalar olur. Yüksək qızdırmanın səbəbi ensefalit (beyində virus infeksiyası) ya da travmaların olması müşahidə olunur. Ancaq bəlli bir səbəb olmaya da bilər. Bu sıralanmaya ev dəyişmə, 2-ci bacı və ya qardaşın dünyaya gəlməsi kimi hallar da aid ola bilər. Hans Aspergerin fikrincə, aisperger sindiromlu uşaqların 3-yaşına qədər danışma və hərəkətində heç bir problem olmur. Sonralar isə hərəkətlərində qeyri-adi dəyişmələr, ünsiyyət problemi, insanlardan qaçma kimi hallar baş verir. Əsas günahı isə ailədə görürdü. Bu fikir isə ehtimal olaraq qalırdı”. Ümumiyyətlə, müəllif kitabda autizm problemini müxtəlif mövzular adı altında verir ki, bu da kitabın oxunaqlı və anlaşıqlı olmasını təmin edir. Məsələn: Autizm sindromunun tarixindən, Mütəxəsislər autizm haqqında, Autizm haqqında mütəxəsislərin rəyi və məs- ləhətləri, Autizmin xüsusiyyətləri və əlamətləri, Autizm sind- romu, Hər bir ananın bilməli olduğu xəstəlik-autizm, Autizm haqqında valideyinlərə bir neçə tövsiyyələr, Autik uşaqlarda 210 diqqətin tərbiyəsi və inkişafı, Autizm və yaranması, Autizm və cəmiyyət, Tanınmış autizm sindromlu şəxslər, Autistlərin təffə- kür səviyyələri, Autizm nəticəsində zədələnən sosial sahələr, Uşaqlarda dezinteqrativ pozuntu və autizm, Autizmli uşaqlarda göz kontaktı, Autizm uşaqlar üçün terapiya rejimi, Autizm uşağın ailəsinin keçirdiyi sosial psixoloji adaptasiya mərhələsi, Əqli inkişafdan geri qalmış uşaqlarla təlim-tərbiyə işinin psixo- loji əsasları, Autogen məşq texnikası belə aparılır, İnsan moti- vasiyası ilə bağlı testlər, Psixi sağlamlıq günün tələbidir, Autizm Azərbaycanda, Autizmlə bağlı görulməli işlər, Autizmi tanıyaq - kimi başlıqlar altında araşdırılan və münasibət bildirilən məsələlər oxucunun sağlamlıq imkanları məhdud uşaqlar haq- qında hərtərəfli məlumatlar əldə etməsinə şərait yaradır. Kitabda autizm xəstəliyini doğuran səbəblər, diaqnoz müddəti, yaş hədlərinə görə təhsil imkanları, dil danışıq terapiyası, məşğələ terapistləri və təkliflər mühüm yer tutur. Bu mənada professor Oruc Həsənlinin “Autizm” kitabı hər bir ailə üçün, eyni zamanda hər bir pedaqoq-psixoloq və loqopedlər üçün gərəkli bir kitabdır. Əşrəf Hümmətov, İlham Hüseynli, “Təhsil Problemləri”, 24-31 dekabr 2016-cı il, 01-07 yanvar 2017-ci il 211 ÖYRƏDƏNLƏR, ÖYRƏNƏNLƏR... Əməkdaşımız Əşrəf Hümmətovun “Öyrədənlər, öyrənən- lər, uğurlar” kitabı bu yaxınlarda “Elm və təhsil” nəşriyyatında çapdan çıxıb. “Təhsilimizin inkişafı sahəsində uğurları ilə fərq- lənən müəllimlər”, “Uğurları ilə seçilən təhsil ocaqları”, “Etima- dı doğruldan məzunlar, tələbələr, şagirdlər” və “Yeni kitablar” bölümlərindən ibarət 312 səhifəlik kitabın redaktorları yazıçı- jurnalist, “Təhsil problemləri” qəzetinin Baş redaktoru Malik Rəcəb (Qurbanov) və sabiq əməkdaşımız İlahə Rəhimovadır. 212 Kitabda respublikanın əməkdar müəllimləri Yusif Məm- mədov, Nərgiz Kazımova, Ayaz Həsənov, “Azərbaycan Respub- likasının qabaqcıl təhsil işçisi” döş nişanı ilə təltif edilmiş Rüxsarə Əlizadə, Elxan Məmmədov, Səkinə Bədəlova, İradə Bayramova, Naibə Kərimli (Kərimova), təhsilin inkişafındakı xidmətlərinə və gənc nəslin təlim-tərbiyəsindəki yüksək nailiy- yətlərinə görə “Azərbaycan Respublikası Təhsil Nazirliyinin Fəxri Fərmanı”na layiq görülmüş Sona Hacılı, “Ən yaxşı müəllim” müsabiqəsinin qalibləri Təranə Məhəmmədova, Gül- bəniz Valehova, müxtəlif mükafatlara, təltiflərə layiq görülmüş Şakir Mikayılov, Bəxtiyar Əhmədov, Ləzifə Hüseynova, Günay Babatova, Vüsalə Həsənova, Nərgiz Kərimova, Gülnurə Əliye- va, Pərvanə Həsənova, Əhliman Ağaverdiyev, Nail Bayramov, Tarix Fətullayev və başqalarının pedaqoji fəaliyyətindən geniş bəhs olunub. “İstedadlı alim, müəllim dost” məqaləsində Azərbaycan Milli Elmlər Akademiyasının müxbir üzvü, tarix elmləri dok- toru, professor Vəli Əliyev haqqında 46 il bundan öncə tələbəsi olmuş Həsən Əliyevin xatırlaması, Vəli müəllimin isə Həsən Əliyevin atası, dövlət xadimi Zülfəli Əliyevin onun bir alim kimi yetişməsində göstərdiyi səmimi, təmənnasız diqqət və qayğısından söhbət açması oxucuda ülvi hislər doğurur. “Uğurları ilə seçilən təhsil ocaqları” bölümündə Xırdalan şəhərindəki 5 nömrəli, Bakıda fəaliyyət göstərən Füzuli rayon 48 nömrəli, paytaxtın Nizami rayonundakı 12 nömrəli, Sabunçu rayonundakı 69 və 94 nömrəli tam orta məktəblərin nailiyyət- lərindən ətraflı söhbət açılıb. Məktəblərdə aparılmış “Açıq dərs”lərdən, müxtəlif mövzu- larda keçirilmiş tədbirlərdən qələmə alınmış məqalələr oxucu- lara müəyyən bilgi-məlumat verir və maraqla oxunur. “Türkün Çanaqqala zəfəri”, Beyləqanda görüş”, “Vətən əmanətdir”, “Ri- yaziyyat elmlərin şahıdır”, “Horadiz şəhərinə səfər, əsgərlərlə görüş”, “Tamaşanı ikincilər hazırlamışdı”, “Sərkərdənin yubile- yi qeyd olundu”, “Ana dili bizim milli mənliyimizdir”, “Məktəb illəri arxada qaldı” və digər məqalələr sadə, oxunaqlı bir dildə 213 qələmə alınıb. Məqalələr oxucunu yormur, onu ardıcıl oxumağa və yaddaş üçün qeydlər aparmağa sövq edir. “Etimadı doğruldan məzunlar, tələbələr və şagirdlər” bölümündə müəllif Bakı Dövlət Universitetinin tələbələri Aytac Məmmədova, Aysel Heydərova, Lənkəran Dövlət Universi- tetinin tələbəsi Ruslan Baxşeyişli, Azərbaycan Respublikası Prezidenti yanında Dövlət İdarəçilik Akademiyasının tələbəsi Xəyalə Əfəndiyeva, Azərbaycan Dövlət Aqrar Universitetinin tələbəsi Rəsul Qasımov, Azərbaycan Dövlət Pedaqoji Univer- sitetin tələbəsi Nərgiz Qasımova, məktəbli Vüsal Məmmədzadə, Rüfət Bayramov, İsmayıl Əsədli, naxçıvanlı məktəbli-rəssam Ülviyyə Şirinova və başqaları ilə oxucuları yaxından tanış edir. “Yeni kitablar” bölümündə isə Səməndər Məmmədovun “El sevəni aləm sevər”, Amil Əsgərovun “Musiqi tarixi”, Asif Kəngərlinin “Bəla”, Cəvahir Ağayevanın “Unudulmayan xatirə- lər” və digər kitabların qısa məzmunu və təqdimat mərasim- lərində söylənilən fikirlər oxuculara çatdırılıb. İnanırıq ki, Əşrəf Hümmətovun “Öyrədənlər, öyrənənlər və uğurlar” kitabı təhsil işçiləri, tələbə və məktəblilər, eyni zamanda digər oxucular tərəfindən də maraqla qarşılanacaqdır. Günay Əlizadə, “Təhsil problemləri”, 08-15 sentyabr 2016-cı il 214 MÜƏLLİF HAQQINDA MƏLUMAT Hümmətov Əşrəf Əli oğlu 25 oktyabr 1947-ci ildə Naxçıvan rayonunun (indiki Babək) Zeynəddin kəndində müəllim ailəsində anadan olub. 1961-ci ildə kənddəki 7 illik məktəbi, 1965-ci ildə qonşu Leninabad (indi Kərimbəyli) kənd orta məktəbini bitirib. 1965-1966-cı tədris ilində Bakı Kooperativ Texniki Peşə Məktəbində təhsil aldıqdan sonra Bakı Kooperativ Texnikumunda təhsilini qiyabi davam etdirməklə bərabər əmək fəaliyyətinə başlayıb. 1967-ci ilin yanvarında hərbi xidmətə çağırılıb. 1969-cu ilin iyun ayında ordu sıralarından tərxis olunan Əşrəf Hümmətov Azərbaycan Dövlət Univer- sitetinin Jurnalistika fakültəsinə (Bakı Dövlət Universiteti) qəbul olunub və 1974-cü ildə ali təhsilini başa vurub. 1973-cü ildən ehtiyatda olan zabitdir. Dəfələrlə hərbi təlimlərdə olub, rota komandiri vəzifəsinədək yüksəlib. O, 1974-75-ci illərdə Bakıda «Gənclik» nəşriyyatında, 1975-ci ilin avqust ayından 1995-ci ilin avqust ayınadək Naxçıvan MR Dövlət Televiziya və Radio Verilişləri Komitəsində, 1995-ci ilin avqust ayından 2009-cu ilin noyabr ayınadək «Azərbaycan Televiziya və Radio Verilişləri» Qapalı Səhmdar Cəmiyyətində redaktor, böyük redaktor, şöbə müdiri və digər vəzifələrdə təhsil, gənclik və xəbərlər readksiyalarında işləyib və əsasən təhsildən yazıb. 1974-1975-ci tədris ilində Azərbaycan Pedaqoji Xarici Dillər Institutunda yeni təşkil olunmuş ictimai peşə fakültəsində (Jurnalistika ixtisası üzrə) müəllimlik edib. 1976-1978-ci illərdə Azərbaycan KP MK Marksizim-Leninizm Universitetinin Naxçıvan filialında 215 Jumalistika şöbəsinin İdeoloji kadrlar fakültəsində Ali Siyasi Təhsil alıb. 1979-cu ildən keçmiş SSRİ Jumalistlər İttifaqının üzvü olub. Ölkəmiz müstəqilliyə nail olduqdan sonra Azərbaycan Jurnalistlər Birliyinin üzvüdür. 2009-cu ilin dekabr ayından Təhsil Problemləri Institutu, həftəlik «Təhsil problemləri» qəzetində şöbə müdiri vəzifəsində çalışır. 2012-ci ildə “Ötən günlər, ötən illər” 2014-cü ildə “Təhsilimizin tərəq- qisi yolunda”, 2015-ci ildə “Müəllimlər, məktəblər, tədbirlər...”, 2016-cı ildə “Öyrədənlər, öyrənənlər, uğurlar” kitabları nəşr edilib. “Uğurlar təsadüfi deyil” onun beşinci kitabıdır. 216 MÜNDƏRİCAT HEYDƏR ƏLİYEV MÜASİR AZƏRBAYCAN DÖVLƏTİNİN QURUCUSUDUR................................................... 3 PREZİDENT İLHAM ƏLİYEVİN FÜZULİ RAYONUNA BİR GÜNLÜK SƏFƏRİ.................................................................... 8 MÜƏLLİM ÖMRÜ YAŞAYANLAR HƏBİBƏNİN SƏNƏT FƏLSƏFƏSİ.............................................16 BƏSTƏKAR YAŞAR XƏLİLOVUN YARADICILIQ PORTRETİ ..........................................................23 QALİB MƏKTƏBİN DIREKTORU (Şəfayət Orucova) .........28 MÜƏLLİM ƏMƏYİ ŞƏRƏFLİDIR (Fətdanə Rəhimova)......31 ÖMRÜM BOYU ÇALIŞMIŞAM Kİ (Zeynəb Rzayeva)... ........34 MÜƏLLİM ADI YÜKSƏK HÖRMƏTƏ VƏ EHTİRAMA LAYİQDİR (Sahirə Məmmədova)....................38 LAYİQLİ MÜƏLLİM, BACARIQLI TƏŞKİLATÇI (Rəmziyə Mövsümova)...............................................................41 ONUN YENİ UĞURLARINA İNANIRIQ (Günay Sadıqova) ........................................................................44 NƏNƏXANIM MÜƏLLİM.............................................................47 KOLLEKTİVİN FƏXRİ– ELFİRA MÜƏLLİM ...........................50 YUBİLEYİ QEYD OLUNDU (Leyla Qarayeva).......................56 217 MƏQSƏDİNƏ NAİL OLAN MÜƏLLİM (Vəfa Məmmədova).....................................................................59 FİZİKİ TƏRBİYƏ MÜƏLLİMİ (Emil Qaybalıyev).................62 MƏHRUBƏ MÜƏLLİM.................................................................65 ZİYASINDAN NUR ALIRLAR (Ziyarət Rzayeva)..................68 DİL ÖYRƏDƏN MÜƏLLİM (Aybəniz Qasımova)..................71 ZƏNGİN TƏDRİS TƏCRÜBƏSİ VAR (Zenfira Eyvazova)...74 MÜASİR TƏLƏBLƏR SƏVİYYƏSİNDƏ (Gülsənəm Rüstəmova)..............................................................77 MƏQSƏDƏ ÇATMAQ ÜÇÜN İNAMLA ÇALIŞMALISAN (Naibə Əliyeva).............................80 FİZİKA MÜƏLLİMİ MEHRİBAN ƏHMƏDOVA ......................83 TƏDBİRLƏRDƏN MƏQALƏLƏR YADDAQALAN BIR GÜN (271 nömrəli məktəb).................88 ANIM TƏDBİRİ KEÇİRİLDİ (155 nömrəli məktəb)............93 MÜSTƏQİLLİYİMİZİN 25 İLLİYİNƏ HƏSR OLUNMUŞ TƏDBİRDƏ (271 nömrəli məktəb) .........................................97 DÖVLƏT MÜSTƏQİLLİYİMİZƏ HƏSR EDİLƏN TƏDBİRDƏ (147 nömrəli texniki-humanitar lisey)....... 101 ƏSRƏ BƏRABƏR 25 İL (155 nömrəli məktəb) ................ 103 RESPUBLİKA GÜNÜ QEYD OLUNDU (271 nömrəli məktəb) ............................................................. 108 218 AZƏRBAYCAN PROFESSİONAL MUSİQİ SƏNƏTİNİN BANİSİ (Naxçivan Dövlət Universiteti)....... 111 ƏRTOĞRUL CAVİD NAXÇIVAN DÖVLƏT UNİVERSİTETİNDƏ ANILDI................................................... 114 VƏTƏN BÖLÜNMƏZ, ORDUMUZ YENİLMƏZ! (314 nömrəli məktəb) ............................................................. 118 ORDUM VARSA, YURDUM VAR (155 nömrəli məktəb).122 TARİXİN DƏRİNLİKLƏRİNDƏN SÜZÜLÜB GƏLMİŞ AZƏRBAYCAN (Naxçivan Dövlət Universiteti)................. 126 MƏKTƏBDƏ GÖRÜŞ (155 nömrəli məktəb) ..................... 129 “AÇIQ DƏRS”DƏN RAZI QALDILAR (155 nömrəli məktəb) ............................................................. 135 TƏBİƏT ONU SEVƏNLƏRİNDİR (238 nömrəli məktəb) ............................................................. 138 DÖRDÜNCÜLƏRİN BAYRAM TƏDBİRİ (80 nömrəli məktəb)................................................................ 142 UŞAQLARIN BAYRAM TƏDBİRİNDƏ (“Super Kids Club” Uşaq və İnkişaf Mərkəzi).................... 146 “SON ZƏNG” ÇALINDI (178 nömrəli məktəb)................... 150 YENİ TƏDRİS İLİ BAŞLADI (80 nömrəli məktəb) ............154 KİTAB ARZULAR DOĞURUR (Bakıxanov qəsəbəsi, Uşaq kitabxanası)........................... 158 NARKOMANİYA ƏSRİN BƏLASIDIR (142 nömrəli məktəb) ............................................................. 160 219 YENİ UĞURLAR DİLƏYİRİK YENİ UĞURLAR DİLƏYİRİK (13 nömrəli Bakı Peşə Məktəbi) ...........................................165 NƏTİCƏLƏR ÜRƏKAÇANDIR (39 nömrəli məktəb) ....... 168 TƏLƏBƏ ADIN MÜBARƏK! (Şəhanə Vəliyeva) ................ 170 UĞUR OLSUN, TƏLƏBƏ DOSTLAR! ..................................... 172 O GÜNLƏRİ QÜRURLA XATIRLAYIRAM (Aysel Tağızadə) ....................................................................... 178 ZÖHR BABAZADƏNİN UĞURU (271 nömrəli məktəb) .. 180 BAYRAQ MƏNLİYİMDİR (142 nömrəli məktəb) ............. 182 YENİ UĞURLARA DOĞRU (Orxan Əliyev).......................... 185 UĞURLAR TƏSADÜFİ DEYİL (Xədicə Baxışlı) .................. 189 TƏZƏ KİTABLAR ŞƏHİDİN ÖMÜR YOLUNA İŞIQ SALAN KİTAB.................. 197 VƏTƏNDAŞLIQ LİRİKASININ ƏSAS YARADICILQLARINDAN BİRİ................................................ 200 TƏDBİRLƏ BAĞLI AÇIQLAMA............................................... 204 SAĞLAMLIQ İMKANLARI MƏHDUD OLAN, AUTİZM XƏSTƏLİYİNƏ TUŞ GƏLMİŞ UŞAQLAR, YAXUD XXI ƏSRİN YADA DÜŞMƏYƏN BƏLASI................ 206 ÖYRƏDƏNLƏR, ÖYRƏNƏNLƏR... ......................................... 211 MÜƏLLİF HAQQINDA MƏLUMAT........................................ 214 220 “Elm və təhsil” nəşriyyatının direktoru: professor Nadir MƏMMƏDLİ Çapa imzalanmış: 06.02.2017 Şərti çap vərəqi: 13,75. Sifariş: № 087 Kağız formatı: 60x84 1/16. Tiraj: 300 QİYMƏTİ: 10 AZN Kitab “Elm və təhsil” nəşriyyat-poliqrafiya müəssisəsində hazır diapozitivlərdən çap olunmuşdur. E-mail: elm.ve.tehsil@mail.ru Tel: 497-16-32; 050-311-41-89 Ünvan: Bakı, İçərişəhər, 3-cü Maqomayev döngəsi 8/4 Yüklə 31,38 Mb. Dostları ilə paylaş:
|