202
“Şairin qüvvət aldığı ulu Tanrıdan sonra səcdə etdiyi ikinci
qüvvə müstəqil dövlətimiz və onun rəmzi olan bayrağımızdır:
Mənim başımın üstdə
İki səcdəgahım var
Biri uca Allahım!
Biri yenilməz bayrağım!
Bayrağı“yad ellərdə danışan saf dilimiz, vüqarımız və
ləyaqətimiz” hesab edən şair millətimizin yüksəlişinə, sivil mil-
lətlər içərisində öndə olmasına sevinir və qürur duyur.”
Filoloq-alimlər məqalələrində şairin “Payız duyğuları”
kitabının təhlilinə geniş yer vermişlər. Filologiya üzrə fəlsəfə
doktoru, dosent Arif Ağalarov “Xanəli Kərimli şeirlərinin dili və
üslub xüsusiyyətləri”ndən söhbət açaraq qeyd etmişdir ki, onun
şeirlərində oxucuya tam aydın olan dialekt sözlərə və xalq
ifadələrinə çox rast gəlinir. Eyni zamanda, şairin yaradıcılığında
rast gəlinən dialektizmlər ümumişləkliyi ilə seçilir. Şeir və
bayatılarında işlənən dialekt sözlərin bəziləri ədəbi dildə olduğu
kimi sinonim variantı ilə bərabər verilir, şeirlərində leksik
etnoqrafik və frazeoloji dialektizmlərə daha çox rast gəlinir,
şairin dilində işlənən dialektizmlər ümumişlək olduğundan şeir
dilinə də qəlizlik gətirmir və sairə.
Kitabın “Yaradıcılığından nümunələr” bölümündə şairin
şeirləri, digər bir bölümdə Rusiya, Türkiyə və İran mətbuatında
çap olunmuş məqalələri, “Təbriklər, məktublar...” bölümündə
isə ona ünvanlanmış xoş sözlər və səmimi ifadələr verilib.
Onlardan birini oxucuların diqqətinə çatdıraq.
Kimya elmləri doktoru, Bakı Dövlət Universitetinin
professoru, həmin universitetin nəzdindəki “Gənc istedad-
lar” liseyinin direktoru Qasım Hüseynov: – “Tanınmış şair,
ədəbiyyatşünas Xanəli Kərimlinin keçdiyi şərəfli ömür yolu ilə
tanış olduqda onda olan böyük vətən sevgisinə, yaradıcılıq
enerjisinə, malik olduğu intellektual səviyyəyə və insanpərvər-
liyə heyran olmamaq mümkün deyil.
203
Xanəli müəllim çox yüksək insani keyfiyyətlərə, mədəniy-
yətə və mənəvi zənginliyə malik əsil ziyalıdır. Buna görə də
tələbə və müəllim kollektivi, dostları, Xanəli müəllimi tanıyan-
lar onu ürəkdən sevir və onunla fəxr edirlər... Uzun illər ərzində
bu nəcib və istedadlı insanla birgə işlədiyimə və dostluq etdiyi-
mə görə çox məmnunam.”
Xanəli Kərimlinin dünyasını dəyişmiş teatrşünas, Azərbay-
canın Əməkdar Mədəniyyət işçisi Cəlil Vəzirov, biologiya
elmləri namizədi, dosent, Naxçıvan Muxtar Respublikasının
Əməkdar müəllimi Abbas Mehdiyev, tarix elmləri doktoru,
professor Həmzə Cəfərov, yazıçı-tədqiqatçı alim Rafiq Babayev,
şair, tarixçi alim, Naxçıvan Muxtar Respublikasının Əməkdar
Mədəniyyət işçisi Vaqif Məmmədov, filologiya doktoru Adil
Bağırov və filologiya elmləri doktoru, professor, Azərbaycanın
Əməkdar müəllimi Sevindik Vəliyev haqqında yazdığı məqalə-
ləri olduqca təsirlidir. Onları tanıyanlar bu məqalələri oxuduqda
dostlar bir daha yada düşür və xoş xatirələrlə xatırlanır.
İstedadlı şair Xanəli Kərimlini 65 illik yubileyi münasibəti
ilə təbrik edir, ona yaradıcılığında və pedaqoji fəaliyyətində yeni
uğurlar diləyirik.
“Təhsil problemləri”, 01-07 oktyabr 2016-cı il
204
TƏDBİRLƏ BAĞLI AÇIQLAMA
Azərbaycan Respublikasının Prezidenti yanında Qeyri-
Hökumət Təşkilatlarına Dövlət Dəstəyi Şurasının maliyyə dəs-
təyi ilə Sosial Rifah və Tədqiqatlar İctimai Birliyi “Qarabağ
həqiqətlərinin dünya ictimaiyyətinə çatdırılmasında innovativ
təşəbbüslərin artırılması” lahiyəsi çərçivəsində noyabrın 7-də
Beynəlxalq Mətbuat Mərkəzində ingilis dilində çap olunmuş
“1918-ci il hadisələri: Dünyasını dəyişən şahidlər, unudul-
mayan tarix” kitabının təqdimatı keçirildi.
205
Sosial Rifah və Tədqiqatlar İctimai Birliyinin sədri Əkrəm
Bəydəmirlinin müəllifliyi, Azərbaycan Milli Elmlər Akademiya-
sının verdiyi rəylər əsasında bu kitab işıq üzü görüb. Azərbay-
can Respublikasının Prezidenti yanında Qeyri-Hökumət Təşki-
latlarına Dövlət Dəstəyi Şurasının maliyyə dəstəyi ilə 1918-ci il
soyqırım hadisələrinin 5 ildən artıq müddətdə tədqiqatı həyata
keçirilib. Aparılan bu araşdırmalar bir neçə istiqamətdə olub.
Azərbaycanın maddi və mədəniyyət resurslarına, tarixi-memar-
lıq abidələrinə və ziyarətgahlarına qarşı törədilən vəhşiliklər
haqqında da məlumatlar toplanıb. Kitabda müxtəlif arxiv, kitab,
internet və KİV materiallarına istinad etməklə, tarixi proseslərlə
bağlı araşdırmalar aparılıb. Canlı şahidlərə və o dövrlə bağlı
məlumatlı insanlarla müsahibələrə üstünlük verilib. Azərbayca-
nın 6 rayonunun 30-a yaxın kəndindən olan 100-ə yaxın insanla
söhbət aparılıb. Birbaşa 1918-ci il hadisələrinin iştirakçıları,
canlı şahidləri təbii ki, barmaqla sayılası qədər az olmasına
baxmayaraq, onların fikirləri zamanında qələmə alınıb. Həmin
insanların dediyi faktlar informasiyaya çevrilib.
Kitabda 1918-ci il hadisələri ilə bərabər, ümumilikdə o
dövrdə gedən ictimai-siyasi proseslər təhlil olunub. Tarixi hadi-
sələr, ermənilərin regionumuza köçürülməsi, Cənubi Qafqaz
əhalisinin etnik tərkibinin dəyişdirilməsi planı və bununla əla-
qəli digər məqamlar xronoloji ardıcıllıqla və çoxsaylı mənbələrə
istinad etməklə təsvir edilib.
Həmin araşdırmalar zamanı toplanmış məlumatlar əsasın-
da "1918-ci il hadisələri: Dünyasını dəyişən şahidlər, unudulma-
yan tarix" kitabının ingilis dilində çap olunması Azərbaycanın
haqlı və ədalətli mövqeyinin əsas hədəflərə çatdırılmasında
mühüm vasitə olacaq.
Tədbirdə QHT təmsilçilərinin, tədqiqatçıların və digər
iştirakçıların fikir və mülahizələri dinlənildi.
“Təhsil problemləri”, 08-15 noyabr 2016-cı il
Dostları ilə paylaş: |