186
Orxan Əliyev 11 avqust 2003-cü ildə Bakıda anadan
olub. 7-ci sinif şagirdidir. Bakı şəhəri məktəblilərinin dördüncü
sinif şagirdləri arasında keçirilən "İntellektə gedən yol"
müsabiqəsində yüksək fəallıq göstərdiyinə görə 15 yanvar 2013-
cü ildə Bakı Şəhəri üzrə Təhsil İdarəsi onu Diplomla təltif edib.
Bu il isə riyaziyyat fənni üzrə müsabiqədə üçüncü yeri tutduğu-
na görə martın 11-də Bakı Şəhəri üzrə Təhsil İdarəsi tərəfindən
Fəxri fərmana layiq görülüb. Məktəbin rəhbərliyi, müəllimlər və
yeddincilər Orxan barəsində həmişə xoş sözlər söyləyirlər.
Onların fikirlərini təqdim edirəm.
Məktəbin direktoru Svetlana Zülfüqarova: “Orxan
birinci sinifdən 91 nömrəli tam orta məktəbdə təhsil alır. Elə
birinci sinfin qəbulundan öz həmyaşıdlarından qeyri-adiliyi ilə
seçilir. Artıq 7-ci sinifdə oxuyur və məktəbin bütün tədbirlərində
fəal iştirak edir, layihələrdə həmişə qalib olur. Dərslərinə hazır
gəlir, öz yaşıdlarından məntiqinə, təfəkkürünün yüksək olmasına
görə tam fərqlənir. Bütün bu keyfiyyətlər onun gələcək uğurla-
187
rından xəbər verir. Digər fəal şagirdlər kimi, onun da şəkli
məktəbin "Şərəf lövhəsi"ni bəzəyir”.
Sinif rəhbəri Solmaz Qafarova: “Orxan mənim üçün
əzizdir, sanki doğma övladımdır. Onda qeyri-adi xüsusiyyətlər
var. Hər işə məsuliyyətlə yanaşır, etdiyi səhvləri də həmişə
səmimiyyətlə etiraf edir. Bəzən uşaqlarla mübahisə edir, yaxın-
laşıb səbəbini soruşanda həqiqəti söyləyir, öz səhvlərini də
dürüstlüklə deyir. Bir çox fənləri əla oxuyur, yaxşı şeir söyləyir,
aktyorluq qabiliyyəti var. Olimpiadalarda iştirak edib və uğur
qazanıb. Bacısı Xədicə də onunla bir sinifdə oxuyur. O da ağıllı,
tərbiyəli və məsuliyyətlidir. Mənə elə gəlir ki, bütün bu key-
fiyyətlər ailədən gələn xüsusiyyətlərdir. Mən bir sinif rəhbəri
kimi, belə şagirdləri görəndə qürur hissi keçirir və həyatda
onlara uğur arzulayıram.
Orxanın qeydlərindən: “Müəllimlərimi və sinif yoldaş-
larımı çox istəyirəm. Sinif nümayəndəsiyəm. Sinfimizdə əlaçılar
çoxdur. Bacım Xədicə, İlahə, Rauf, Sərxan, Cəmil, Murad,
Ələkbər, Rahil və başqalarının adını çəkmək istərdim. Sinif rəh-
bərimiz Solmaz müəllim bizə doğma ana kimi qayğı göstərir.
Tez-tez bizimlə sinif saatları keçirir. Solmaz, Sevinc, Gülnarə,
Səyyarə, Aybəniz, Həyat və digər müəllimlərimiz daha çox
tələbkardırlar. Mənim ən çox sevdiyim fənn riyaziyyatdır. Riya-
ziyyata marağım ikinci sinifdən başlayıb. İlk uğurum dördüncü
sinifdə olub. Təhsil Nazirliyi tərəfindən dördüncü siniflər
arasında "İntellektə gedən yol" adlı olimpiada keçirilirdi. Mən
orada yer tutdum. Bu uğuruma görə sinif müəllimimiz Rübabə
Nazurovaya minnətdaram. Olimpiadada qazandığım Diplomu
mənə məktəbimizin direktoru Svetlana Zülfüqarova təqdim etdi.
Bu məni daha da həvəsləndirdi. Svetlana müəllim hər zaman
yaxşı oxuyan uşaqlara dəstək verir. Onlarla maraqlanır və daha
yaxşı oxumağa ruhlandırır. Yəqin ki, elə buna görə də
məktəbimizin “Şərəf lövhəsi”ndə əlaçılarımızın sayı çoxdur.
Bu il Təhsil Nazirliyi tərəfindən Riyaziyyat fənn olim-
piadası keçirildi. Olimpiada dörd turdan ibarət idi. Üç turu
yüksək ballarla keçdikdən sonra, dördüncü tura, yəni Riyaziyyat
188
fənn Olimpiada Mərkəzinə seçim imtahanına vəsiqə qazandım.
Orada da yüksək yer tutub Olimpiada Mərkəzinə qəbul
olundum. Təhsil Nazirliyi diplomların təntənəli təqdim məra-
simini keçirtdi. Oraya direktorumuz və valideynlərimlə birlikdə
getdim. Beləliklə, ikinci diplomu əldə etdim. Bu uğrumun
səbəbkarı əlbəttə ki, bizə riyaziyyatı öyrədən Sevinc müəllimdir.
Onun zəhməti həqiqətən də danılmazdır.
Olimpiada Mərkəzinin dərsləri Bakıdakı Riyaziyyat,
Fizika və İnformatika Təmayüllü Liseydə keçirilir (Hazırda
Orxan bu liseydə təhsil alır – Ə.H.). Mən o məktəbə gedirəm.
Hələlik dərsləri həftədə bir dəfə – şənbə günü Şəmsi Səfərov
aparır. O, bizi dünya olimpiadalarına hazırlaşdırır. Yeni dərs
ilindən etibarən isə həmin liseydə oxumağa dəvət almışam.
Bundan sonra da məqsədim müəllimlərin etimadını doğrultmaq,
yeni uğurlar qazanıb məktəbimizin adını daha yüksək zirvələrə
qaldırmaqdır.”
Orxanın qardaşı Sərxan da bu məktəbdə oxuyur. İkinci
sinfin fəal şagirdlərindən biridir. Orxanda riyaziyyata olan
maraq, həvəs ailədən gəlir. Atası Təhmasib Əliyev iqtisadçı-
kibernetiqdir, anası Arzu Əliyeva isə mühasibdir. Onlar
məktəblə, müəllimlərlə müntəzəm əlaqə saxlayır və övladlarının
təhsilinə böyük diqqət yetirirlər.
91 nömrəli tam orta məktəbin müəllim və şagirdlərinə yeni
uğurlar arzulayır və inanırıq ki, onlar cari tədris ilini də yüksək
nəticələrlə başa vuracaqlar.
“Təhsil problemləri”, 08-15 may 2016-cı il
189
UĞURLAR TƏSADÜFİ DEYİL
Sağlamlığın əsasını hərəkət təşkil edir, hə-
rəkət bütün dərmanları əvəz edə bildiyi halda,
heç bir dərman hərəkəti əvəz edə bilməz.
Pisso Noel-Laran (1770-1815), fransız yazçı
Azərbaycan Respublikasının Prezidenti, Milli Olim-
piya Komitəsinin Prezidenti İlham Əliyev 2016-cı ilin idman
yekunlarına həsr olunmuş mərasimdəki nitqində deyib:
“Artıq 20 ilə yaxındır ki, mən Milli Olimpiya Komitəsinin
prezidenti kimi bu görüşləri keçirirəm... 19 il ərzində görülən
işlər göz qabağındadır. Artıq Azərbaycan dünya miqyasında
güclü idman dövləti kimi tanınır. Bizim idman uğurlarımız par-
laqdır... Biz Avropa ölkələri arasında 7-ci yerdəyik, dünya
miqyasında, medalların sayına görə, 14-cü yerdəyik, Müstəqil
Dövlətlər Birliyi və postsovet məkanında 2-ci və müsəlman
aləmində 1-ci yerdəyik... Ötən il Bakıda keçirilmiş Avropa
Oyunlarında əldə etdiyimiz uğurlar təsadüfi deyildi. Biz o Oyun-
larda da çox böyük nəticə göstərmişik, 56 medal qazanmışıq və
komanda hesabında 2-ci yerə layiq görülmüşük”.
Qazanılmış uğurları layiqincə davam etdirəcək idmançıla-
rımızın hazırlığı daim diqqət mərkəzindədir. Təkcə paytaxtımız-
da deyil, ölkəmizin hər yerində onlar üçün lazımi şərait yara-
dılır, imkanlar ilbəil genişləndirilir.
Azərbaycan Respublikası Daxili İşlər Nazirliyi İdman
Cəmiyyətinin rəisi, polis polkovniki, olimpiya çempionu, dün-
ya şöhrətli idmançı Zemfira Meftaxedinovanın rəhbərliyi
altında çalışan Fiziki hazırlıq şöbəsinin baş təlimatçısı Rəsul
Məmmədovla görüşümüzdə çox şey öyrəndik. Öncədən qeyd
edim ki, Rəsul Kəramət oğlu Məmmədov həm də Ciu-Citsu Milli
Federasiyasının vitse-prezidenti və milli komandanın baş məşqçi-
sidir. Azərbaycan Respublikasının Əməkdar məşqçisi fəxri adına,
Kombat ciu-citsu üzrə 5-Dan Qara kəmər dərəcəsinə sahibdir.
Əlbəyaxa döyüş üzrə SSRİ idman ustasıdır. Söhbət zamanı
Dostları ilə paylaş: |