109
müstəqilliyini bərpa ertmək imkanı verdi. 1991-ci il oktyabrın
18-də Azərbaycan Respublikası Ali Sovetinin sessiyasında
“Azərbaycanın dövlət müstəqilliyi haqqında Konstitusiya
Aktı” qəbul olundu. Bu mühüm tarixi sənədlə xalqımız uzun
illərdən bəri həsrətində olduğu azadlığa qovuşdu. Müstəqilliyi
elan edilmiş Azərbaycan Respublikası çox mürəkkəb tarixi
şəraitdə fəaliyyət göstərməyə başlamışdır. Müstəqilliyini
qazandıqdan iki il sonra xalqımız yenidən onu itirmək təhlükəsi
ilə üzləşdi. Bir tərəfdən Ermənistan silahlı qüvvələrinin təcavüzü
nəticəsində geniş miqyas almış Qarabağ müharibəsi və daxildə
gedən siyasi çəkişmələr, separatçılıq hərəkatı müstəqilliyin
beşiyindəcə boğulması təhlükəsini reallaşdırırdı. Lakin böyük
siyasi təcrübəyə malik olan Heydər Əliyevin ölkədə hakimiyyətə
qayıdışı ilə bu təhlükə sovuşdu. İndi müstəqilliyimizin siyasi və
iqtisadi sütunları getdikcə möhkəmlənir. Bu gün Ulu Öndərin
layiqli davamçısı Prezident İlham Əliyev onun kursunu
layiqincə davam etdirir.
110
Tədbirdə tarixi hadisələrdən bəhs edən videolent izlənildi,
tarixdə əbədi yaşayacaq Məmməd Əmin Rəsulzadənin və
Heydər Əliyevin çıxışları eşidildi. Vətənpərvərlik mahnıları ifa
olundu, şeirlər söylənildi.
Sonda məktəbin direktoru Səməndər Məmmədov
Azərbaycan Xalq Cümhuriyyətinin qurucularından, müasir
Azərbaycan Respublikasının qurucusu, memarı ulu öndər
Heydər Əliyevin xalqımız qarşısındakı müstəsna xidmətlərindən
danışdı. Tarix müəllimi Xatirə Əsədovanın əməyini və
şagirdlərin çıxışlarını yüksək dəyərləndirdi.
“Təhsil problemləri”, 08-15 iyun 2016-cı il
111
AZƏRBAYCAN PROFESSİONAL MUSİQİ
SƏNƏTİNİN BANİSİ
Dahi Üzeyir bəy Hacıbəylinin doğum günü münasibəti ilə
Naxçıvan Dövlət Universitetində İncəsənət fakültəsinin Nax-
çıvan MR Bəstəkarlar Təşkilatı ilə birgə Milli Musiqi Gününə
həsr olunmuş tədbir keçirilmişdir. Qeyd edək ki, 1995-ci ildə
dahi bəstəkarın anadan olmasının 110 illik yubileyi ərəfəsində
prezident Heydər Əliyevin müvafiq fərmanı ilə 18 sentyabrın
Milli Musiqi Günü kimi qeyd olunması qərara alınmışdır.
Musiqi mədəniyyətimizin korifeyi Üzeyir bəy Hacıbəyli
həm Azərbaycan Xalq Cümhuriyyəti, həm də müasir Azərbay-
can Respublikası Dövlət himnlərinin musiqi müəllifidir. Yarat-
dığı musiqi inciləri dünya musiqi mədəniyyətinin qızıl fonduna
daxil olmuşdur. Dünya şöhrətli musiqi xadimləri onu “profess-
sional Şərq musiqisinin atası” adlandırmışlar. Azərbaycan və
dünya musiqi mədəniyyətinin inkişafında misilsiz xidmətləri
olmuş Üzeyir bəy Hacıbəylinin (Hacıbəyovun) anadan olması-
nın 100 illik yubileyi YUNESKO-nun qərarı ilə beynəlxalq
miqyasda qeyd olunmuşdur.
Tədbiri giriş sözü ilə Naxçıvan Dövlət Universitetinin
rektoru, Azərbaycan Milli Elmlər Akademiyasının muxbir üzvü
Saleh Məhərrəmov açaraq salona toplaşanları yeni tədris ili və
Milli Musiqi Günü münasibəti ilə təbrik etmişdir. Sonra NDU-
nun İncəsənət fakültəsinin dekanı, sənətşünaslıq üzrə fəlsəfə
doktoru, Naxçıvan MR Bəstəkarlar Təşkilatının məsul katibi
Günay Məmmədova bütün zamanların dahi bəstəkarı Üzeyir bəy
Hacıbəylinin yaradıcılığından, onun zəngin irsi, ölməz əsərləri
haqqında tələbələrə geniş məlumat vermişdir.
Üzeyir bəy Hacıbəyli yarım əsrə yaxın müddətdə milli
musiqimizə xidmət etmiş, onun nəzəri əsaslarını yaratmışdır.
Əsərləri dünya musiqi incisinin nümunələri hesab olunan bəs-
təkarın istedadı hərtərəfli, fəaliyyəti çox şaxəli idi. Musiqişünas
alim, publisist, dramaturq, pedaqoq və ictimai xadim Azər-
baycan professional musiqi sənətinin milli operasının banisi idi.
112
Ü.Hacıbəyli Azərbaycan musiqisində köklü dönüş
yaratmış dahi bəstəkardır. O, müasir Azərbaycan elmi musiqi-
şünaslığının əsasını qoymuş, musiqiyə aid çoxlu məqalələr
yazmış, tədqiqatlar aparmışdır.
Gələcəyin dahi bəstəkarı ilk növbədə jurnalist və publisist
kimi qələmini müxtəlif mövzularda sınamış, çoxsaylı məqalələr,
felyetonlar, satirik miniatürlər, oçerklər, parodiyalar yazmışdır.
65-dən çox gizli imza ilə çıxış etsə də ən çox istifadə etdiyi imza
“Filankəs" olmuşdur.
Ü.Hacıbəyli Şərq aləmində ilk opera olan “Leyli və
Məcnun", eləcə də ən yaxşı operalarından biri, Azərbaycan
mədəniyyətinin gözəl incilərindən sayılan “Koroğlu”nun müəlli-
fidir. “Ər və arvad", “O olmasın, bu olsun”, “Arşın mal alan”
komediyaları Hacıbəylinin bu janrda da qiymətli əsərlər yazdı-
ğını sübut edir. “Arşın mal alan" komediyasının uzunömürlü-
lüyünü və şöhrətini sübut etmək üçün təkcə onu qeyd etmək
lazımdır ki, bu operetta 70-ə yaxın dilə tərcümə olunmuş, 100-
dən çox teatrın səhnəsində tamaşaya qoyulmuş, 5 dəfə
113
ekranlaşdırılmışdır. Bəstəkar irihəcmli əsərlərlə yanaşı, çoxsaylı
mahnı və romansların da müəllifidir.
Tədbirin sonunda universitet tələbələrinin ifasında
Ü.Hacıbəylinin əsərləri səslənmişdir. Fortepiano ixtisası üzrə
birinci kurs tələbəsi Aysel Rzayevanın ifasında “Cəngi", Nər-
minə Qədimovanın müşayiəti ilə solo oxuma ixtisası üzrə ikinci
kurs tələbəsi İlkin Abdullayevin ifasında “Arşın mal alan”
operettasından Əsgərin ariyası, solo oxuma üzrə üçüncü kurs
tələbələri Nurbəniz Niftəliyeva və Məhərrəm Quliyevin ifasında
“Arşın mal alan” operettasından Telli və Vəlinin dueti, solo
oxuma ixtisası üzrə üçüncü kurs tələbəsi Nurbəniz Niftəli-
yevanın ifasında “Çırpınırdı Qara dəniz”, Xalubər Namazovanın
müşayiəti ilə nəfəsli alətlər üzrə birinci kurs tələbəsi Türkanə
Rzayevanın ifasında “Arşın mal alan" operettasından Gülçöh-
rənin ariyası, ansamblın müşayiəti ilə aktyor sənəti ixtisası üzrə
üçüncü kurs tələbəsi Ləman Əhmədovanın ifasında “Qara-
göz”əsəri tələbələr tərəfindən alqışlarla qarşılanmışdır.
Tədbirdə Ü.Hacıbəyliyə ithaf olunmuş Bakı Musiqi Aka-
demiyasının magistrantı Ülvi Əhmədovun ifasında K.Əhmə-
dovun “Aşıqsayağı”, Y.Xəlilov “İblis" operasından Arif və
Xavərin dueti, həmin operadan Əsgəri marş “Haqqa doğru irəli"
müəllifin ifasında səsləndirilmişdir.
Tədbir tələbələrdə xoş duyğular oyatmışdır.
Yeni tədris ilindən 1068 bakalavr, 114 magistr univer-
sitetin tələbələri sırasına qoşulub. Hazırda 5000-dən çox tələbə
12 fakültədə 56 ixtisas üzrə təhsil alır.
Bağır Qədimov,
Azərbaycan Jurnalistlər Birliyi və
Teatr Xadimləri İttifaqının üzvü
Əşrəf Hümmətov,
“Təhsil problemləri”, 24-30 sentyabr 2016-cı il
Dostları ilə paylaş: |