Microsoft Word Eshref m. 2017 kitab
Yüklə 31,38 Mb. Pdf görüntüsü
|
97 MÜSTƏQİLLİYİMİZİN 25 İLLİYİNƏ HƏSR OLUNMUŞ TƏDBİRDƏ Dekabrın 21-də Sabunçu rayonunun Bakıxanov qəsəbə- sindəki 271 nömrəli tam orta məktəbdə Dövlət Müstəqilli- yimizin 25 illiyinə həsr olunmuş tədbir keçirildi. Tədbirdə aparıcılar – onbirinci sinif şagirdləri Səyal Mustafayeva və Mühəmməd Cavadovun müstəqilliyimiz haqqında söylədiklərini müəllim, şagird və valideynlər diqqətlə dinlədilər: - Azadlıq və istiqlaliyyət hər bir xalqın milli sərvətidir. Müstəqil yaşamaq, taleyinin sahibi olmaq, öz dövlətini qurmaq hər bir xalqın arzusudur. Azərbaycan xalqı da həmişə bu istəklə yaşamışdır. Tarixdə zaman-zaman müxtəlif adlar altında müs- təqil Azərbaycan dövlətləri mövcud olmuşdur. Biz müxtəlif dövrlərdə tarixi Azərbaycan torpaqlarında yaradılmış Şirvanşah- lar, Eldəgizlər, Ağqoyunlu, Qaraqoyunlu, Səfəvilər dövlətlərinin adını çəkə bilərik. Tarix dəfələrlə sübut edib ki, müstəqilliyi qoruyub saxlamaq onu qazanmaqdan qat-qat çətindir. Tale elə gətirdi ki, Azərbaycan bir əsrdə iki dəfə müstəqillik əldə etmək, 98 özünün suveren dövlətini yaratmaq imkanı qazandı.Təəssüf ki, birinci imkan xarici müdaxilə, daxili çəkişmələr və beynəlxalq təminatın olmaması səbəblərindən itirildi. 1918-ci ildə qurulmuş Azərbaycan Xalq Cümhuriyyəti cəmi 23 ay yaşadı. Bu Şərqdə yaradılmış ilk demokratik Respubika idi. 70 ildən sonra Sovet imperiyası dağıldı və Azərbaycan xalqına yenidən öz milli müstəqilliyinə qovuşmaq səadəti nəsib oldu. 1991-ci il oktyabrın 18-də Azərbaycan Respublikası Ali Sovetinin sessiyasında "Azərbaycanın dövlət müstəqilliyi haqqında Konstitusiya Aktı" qəbul olundu. Azərbaycan Respublikasında 1991-ci il dekabrın 29-da ümumxalq səsverməsi keçirildi. Referendum bülleteninə bir cümlə yazılmışdı: "Siz "Azərbaycanın dövlət müstəqilliyi haq- qında Azərbaycan Respublikası Ali Sovetinin qəbul etdiyi Konstitusiya Aktı"na tərəfdarsınızmı?" Azərbaycan xalqı yek- dilliklə respublikanın dövlət müstəqilliyinə tərəfdar çıxdı. Müstəqilliyi elan edilmiş Azərbaycan Respublikası çox mürəkkəb tarixi şəraitdə fəaliyyət göstərməyə başlamışdı. Onun müstəqilliyini dünya dövlətləri tanıdı. Azərbaycan Respubli- kasını ilk olaraq 1991-ci il noyabrın 9-da Türkiyə Cümhuriyyəti, sonra Rumıniya, Pakistan, İsveçrə, İran, ABŞ, və başqa dövlətlər tanıdılar. 2 mart 1992-ci ildə Azərbaycan BMT-yə üzv qəbul olundu. Lakin müstəqilliyini qazandıqdan iki il sonra xalqımız yenidən onu itirmək təhlükəsi ilə üzləşdi. Bir tərəfdən Ermənis- tan silahlı qüvvələrinin təcavüzü nəticəsində geniş miqyas almış Qarabağ müharibəsi, digər tərəfdən dövlət rəhbərliyində olan səbatsız, səriştəsiz adamların yeritdikləri səhv siyasət və daxildə gedən siyasi çəkişmələr, separatçılıq hərəkatı müstəqilliyin beşiyindəcə boğulması təhlükəsini yaratdı. Ancaq böyük siyasi təcrübəyə malik olan Heydər Əliyevin ölkədə hakimiyyətə qayıdışı ilə bu təhlükə sovuşdu. Heydər Əliyev Azərbaycan xalqının yaddaşında qurucu, xilaskar dövlət xadimi, Ümummilli Lider və xalq məhəbbətini 99 qazanan Ulu Öndər kimi qalmışdır. Xalqımzın tarixi taleyində, mənəvi, siyasi və ictimai həyatında, dövlət quruculuğunda : misilsiz xidmətlər göstərən bu dövlət xadimi müstəqilliyini itir- mək təhlükəsi ilə üz-üzə qalan respublikanı çiçəklənən, inkişaf edən bir diyara çevirdi. Bugünkü Müstəqil Azərbaycan dövləti ümummilli liderimiz Heydər Əliyevin şah əsəridir. Qısa müddətdə müstəqil Azərbaycan siyasi, sosial-iqtisadi, mədəni sahələrdə böyük nailiyyətlər qazanmışdır. Respubilika- mızda dövlət müstəqilliyinin bütün atributları bərqərar edilmiş- dir. Dövlət gerbi, himn, üçrəngli bayraq müstəqil dövlətimizin rəmzləridir. 1995-ci ildə müstəqil Azərbaycanın ilk Konstitusi- yası qəbul olundu. Bu gün paytaxda, bölgələrdə genişmiqyaslı tikinti-abadlıq işləri aparılır.Yeni tikilən göydələnlər, nəhəng körpülər, rahat yollar müstəqil Azərbaycanın getdikcə artan iqtisadi qüdrətindən xəbər verir. Müstəqil dövlətimizin qədrini bilmək, onu qorumaq, inkişafına əlimizdən gələn köməyi göstərmək hər birimizin müqəddəs borcudur. Prezident İlham Əliyevin oktyabrın 11-də imzaladığı dövlət müstəqiliyinin bərpasının 25-ci ildönümü haqqında sərəncamda deyilir: “Ötən 25 il ərzində Azərbaycan xalqı dövlət quruculuğu prosesində ən ümdə amal, arzu və niyyətlərini gerçəkləşdirərək bütün sahələrdə əldə etdiyi nailiyyətlərlə haqlı olaraq fəxr edə bilər. Uğurlu daxili və xarici siyasət sayəsində dövlətçilik ənənələri möhkəmlənib, iqtisadiyyat inkişaf edib, mədəniyyə- timiz zənginləşib. Müstəqil Azərbaycan Respublikası bu gün hər bir vətəndaş və xaricdə yaşayan soydaşımız üçün əsl qürur mənbəyidir”. Tədbirdə Məmməd Arazın, Nəriman Həsənzadənin, Bəxti- yar Vahabzadənin, Əjdər Olun, Nəbi Xəzrinin, Tofiq Bayramın və Solmaz Şirinin şeirlərini Nuray Əsgərova, Afaq Abdullayeva, Pəri Əliyeva, Fatimə Orucova, Nuray Abbaslı, Ayşən Vəliyeva, Kamran Əliyev və digər şagirdlər söylədilər. 100 Azərbaycan Dövlət Pedaqoji Universitetin professoru Əli Hüseynov və məktəbin direktoru Səməndər Məmmədov çıxış edərək Dövlət Müstəqilliyimizdən, ümummilli lider Heydər Əliyevin Azərbaycan xalqına və dövlət müstəqilliyimizə göstərdiyi müstəsna xidmətlərindən söhbət açdılar. Azərbaycan dili və ədəbiyyat müəllimi Badisəba Səfə- rovanın rəhbərliyi ilə hazırlanıb reallaşdırılan tədbiri məktəbin direktoru Səməndər Məmmədov yekunlaşdırdı. “Təhsil problemləri”, 24-31 dekabr 2016-cı il Yüklə 31,38 Mb. Dostları ilə paylaş:
|