231
Ay oğul, mən sizdən hünər gözlərəm,
Qələbə gözlərəm, zəfər gözlərəm,
Hər gün “Xəbərçi”dən xəbər gözlərəm,
Mənə yetişəsi, mənə çatası
Əsgər atasıyam, əsgər atası.
İgid səngərləri od-ocaq yerim,
Şəhid məzarları yatacaq yerim.
Sənsən ümid yerim, tutacaq yerim,
Ey yaylım atəşi, zəfər sədası,
Əsgər atasıyam, əsgər atası.
***
ƏSGƏR ATASININ MƏKTUBU
Gözüm yığışmayıb yollardan hələ,
Əllərim uzanıb Vətənə sarı.
Bütün əsgərlərə, komandirlərə
Oxu bu məktubda yazılanları.
Tez-tez evdən ötrü qəlbi darıxan
Təzə əsgərlərin önündə oxu.
Yuvası dağılan, yurdu dağılan
Əsgər atasının məktubudur bu.
Ürəyim çırpınmaz, nəbzim döyünməz,
Mənim sizin kimi arxam olmasa.
Kiçik bir zəfər də üzümə gülməz
Böyük qələbəyə inam olmasa!
232
İnamla danışıb dinsin hər əsgər,
Yurdumuz bürünsün toy libasına.
Əsgər paltarını geyinməyənlər
Çox da tələsməsin bəy libasına.
Ölmərəm gözlərəm o günü, qardaş-
Bayrağım Şuşaya sancılan günü.
Bu bağlı yolların düyünü, qardaş,
Atəş xətlərində açılan günü.
Sözüm isitməsə soyuq səngəri,
Könlüm perik düşər öz yuvasından.
Vətəni işğalda olan əsgərin
Marşı gözəl olar bəy havasından.
Bu vətən eşqinə, bu yurd eşqinə,
Qələbə çalmağı öyrət oğluma.
Şahin tək şığıyıb düşmən üstünə
İntiqam almağı öyrət oğluma.
Sevməyi də öyrət əsgər balama,
Yurd üçün canından keçər sevənlər.
Zirvədə bir şahin göstər balama
Görsün ki, vətəni necə sevərlər.
Ona səxavəti mən öyrətmişəm,
Əzmi, cəsarəti sən öyrədərsən.
Dosta sədaqəti mən öyrətmişəm,
Düşmənə nifrəti sən öyrədərsən!
***
2001
233
Millətin torpaqları işğal oluna bilər, öz baş bilənləri onun
mənafelərini sata bilərlər, millət həm daxildən, həm də xaricdən
düşmənlərlə əhətə oluna bilər, yeməyə çörək də tapmaz, torpaq-
ları ilə birlikdə adını-sanını da itirə bilər. Ancaq ruhunu və
əzmini itirməzsə, millət bu fəlakətlərin hamısından salamat çıxa
bilər.
Qazi Mustafa Kamal Atatürk
QARABAĞDA TALAN VAR
Ata-baba ocağım, ümidim, gümanım, arxam, dayağım, hər
yay uşaqlarımın pənah gətirdikləri, heç vaxt məni dostlarımın
yanında xəcalət qoymayan, həmişə ilıq nəfəsini sinəmdə duydu-
ğum, əllərini ata əli kimi çiynimə qoyan Yuxarı Veysəlli kəndi-
nin hər yolu, hər cığırı, hər döngəsi, hər gülü, hər tikanı mənim
üçün müqəddəsdir. Göyərçin xəyallarımın, şirin xatirələrimin,
sonsuz arzularımın beşiyi idi bu kənd. “İdi” deyirəm. Ona görə
ki, ha baxdım, baxdım qara buludlara baş qoyan qayalarını,
üzümlü, əncirli, narlı bağlarını, günəşin şəfəqlərini ayna kimi
özündə əks etdirən işıqlı, yaraşıqlı, səliqə- səhmanlı evlərini,
sığallı həyət-bağçalarını görə bilmədim. “Qaya” bulağının,
“Qara kəhrizinin”, “Soltanalı” kəhrizinin saf, təmiz, diş göy-
nədən sularına həsrət qaldım.. Atamdan yadigar qalan və mənə
sanki dünyanın hər yerindən görünən, ağsaçlı anamın və böyük
oğlum Rövşənin sığındığı evimizə boylandım, görünmürdü.
Həmişə qonaq-qaralı olan, deyib-gülən, toylu-mağarlı kəndi-
mizin yollarını erməni quldurları və onların havadarları bağla-
mışlar. Pərən-pərən olmuşdu əzizlərim. Ölənlərin cəsədlərini də
ala bilmədik əclaflardan... “Kişi ağlamaz”- deyirlər. Ancaq mən
elə bu sətirləri ağlaya-ağlaya yazıram. Sanıram ki, daha mənim
bu dünyada hec nəyim, heç kəsim, heç kimim yoxdur. Arxasız,
köməksiz qalmış, ümidi hər yerdən üzülmüş bir Allah bəndə-
234
siyəm. Atamın cırağını söndürdülər vicdansızlar... Atamı yuxu-
da gördüm o gecə, necə də sınıxmışdı?! Dedi ki, hamıdan çox
səndən inciyirəm, niyə tez-tez gəlmirsən? Qızlarını, nəvələrini,
bütün qohumlarını, qonum-qonşuları bircə -bircə xəbər aldı, “
Bizi niyə bu kafirlərin, qan içənlərin əlində qoydunuz ,oğlum?”-
dedi. Matım-mutum qurudu.
Balaca Cavidin də sorğularına cavab tapa bilmədim.”Ata,
daha bizim kəndimiz yoxdur? Biz bir də kəndimizə gedə
bilməyəcəyik? Axı mən Novruz bayramında ora getmək istə-
yirəm..”
Fevral ayının 22-də eşitdim bu xəbəri. Qoy “Əşrəf Veysəlli 6
martda anadan olub 22 fevralda qətlə yetirilib”-desinlər. Qoy
bundan sonra yazacağım cızma-qaraların altında adımı qara
çərçivədə qara hərflərlə yazsınlar.
Bəli, 22 fevralda eşitdim bu ağır xəbəri. İş yerində idim.
Telefonum zəng çaldı. Götürdüm, həyəcanlı bir səs gəldi:
“Dayı, sənsən? “Mənəm”,-dedim... Sən demə, mənim heç nədən
xəbərim yox imiş, bacoğluma da yalan demişəm.
Bir azdan öyrəndim ki, səhər saat 3-də erməni quldurları,
onların muzdlu havadarları zirehli maşınlar və böyük texnika ilə
kəndimizin üstünə hücum çəkib, körpələrin yuxusunu, cavan-
ların arzusunu, qocaların həyat istəklərini güllələyiblər.. Özü də
necə?
ANAMIN DEDİKLƏRİNDƏN
“Onsuz da beş ildir yuxumuz ərşə çəkilib, indi də hövlnak
qalxdıq yerimizdən, tankların vahiməli uğultusunu, dəhşətli
odun, alovun üstümüzə necə yağdığını görsəydin, bilərdin ki,
biz o gecə necə cəhənnəm əzabı çəkmişik. Qara gəlsin o gecəni,
necə ki, qara gəldi. Qızlarımı, nəvələrimi birtəhər yola saldım.
Allah Borana kömək olsun, yaman yerdə dadıma çatdı. Uşaqları
ötürüb təzədən evimizə qayıdırdım. Ağlım başımda yox idi.
Dostları ilə paylaş: |