117
də zövqverici olur, onun işi rəvan şəkildə həyata keçir.
Siyasət rəvan şəkildə nizamlanırsa prosesdə estetika
yaranır. Həm də nəzərə almaq lazımdır ki, estetika xaos
deyil, məhz nizamdır, kosmosdur, nizamlı aləmdir,
harmoniyadır və s.. Yaxşı görünüş yalnız estetik zövq verə
bilər. Siyasi proseslərin rəvanlığı və qaneediciliyi özündə
mücərrəd estetikanı əks etdirir. Ümumiyyətlə, sabit
şə
raitdə cərəyan edən və inkişafı şərtləndirən proseslərin
özləri elə xoşagələndir. Bu proseslərdən zövq almaq olur.
Nizamlama da insanlara estetik zövq bağışlayır və bu, xoşa
gəlmək, qane olmaq, ədalət olmaqla bərabər, həm də
gözəllikdir). Nizamlama həmçinin fərqli elementlərin eyni və
ya müxtəlif trayektoriyalar üzrə sistemli düzülüşünü əks
etdirən, təmin edən prosesdir. Nizamlama zamanı bu prosesdə
iştirak edən subyektlər arasında təbii bir bağlılıq yaranır.
Məsələn, dövlət qurumları öz işlərini əlaqəli şəkildə həyata
keçirirlər və bundan da dövlət siyasətinin vahidliyi (bütövlüyü)
ortaya çıxır. Bütövlükdən də enerji bolluğu yaranır. Sistem
mütləq qaydada enerji mənbəyi rolunu oynayır. Onu da nəzərə
almaq lazımdır ki, təbii bağlılıq vəhdəti və mexanizmə malik
olan kompleksi, sistemi meydana gətirir. Nizamlama zamanı
fərqli elementlər vahid trayektoriya üzrə düzüldükdə sistemlilik
yaranır və tənzimlənmə meydana gəlir. Məsələn, sosial
elementlər birliyindən vahid sosial sistem və struktur ortaya
çıxır. Tənzimləmə özü elə idarəetmədir, yəni resursların
müəyyən trayektorik xətlərə və mərkəzlərə düzülüşünü
şərtləndirən vəziyyətdir. Tənzimləmə zamanı tənzimedici
mərkəzlər yaranır ki, bu da proseslərin nizamlanmasını təmin
edir. İdarəetmə daima proseslərə mərkəzdən ətraflara və əksinə,
ətraflardan mərkəzlərə doğru tənzimləyən bir vasitəyə çevrilir.
Nizamlama zamanı seçim meydana gəlir və elementlərin
təsnifatı formalaşır. Hər hansı bir iqtisadiyyat və istehsalat
strukturunda məhsul istehsalı və ticarəti əsasən fərqli element
birləşmələrindən ortaya çıxır. Elementlərin fərqliliyindən,
118
istiqamətlərin fərqliliyindən təbii ki, onları vahid sistemdə
birləşdirmək üçün nizamlama prinsipləri meydana gəlir.
Nizamlama olmadan maraqlar da əhatəli şəkildə təmin edilə
bilmir və cəmiyyətlərdə xaos meydana gəlir. Nizamlama
məkan baxımından lokal və qlobal, makro və mikro səviyyədə
həyata keçirilir. Bu da subyektlərin maraqlarından irəli gəlir.
Nizamlama proses olaraq struktur baxımından trəkiblərə
ayrılır. Buradan da proseslərin tərkib etibarilə təsnifatı ortaya
çıxır. Proseslərin təsnifatından strukturlar yaranır və hər bir
struktur üzrə mexanizm müəyyən edilir. Nizamlama güclü
tərəfi üzə çıxardığından, təsnifat məsələsi güclü ilə zəif
arasında əlaqələrin xassələrini müəyyənləşdirir. Güclü tərəf
mütləq şəkildə birinciliyə, önə çıxmağa diqqət göstərir ki, bu
da piramidal əsaslı münasibətləri və əlaqələri meydana gətirir.
Nizamlama zamanı əlaqələr, tellər məhz idarə edən və tabe
olan
tərəfin
mövcudluğunu
üzə
çıxarır.
Nizamlama
proseslərində maraqlar zəncirvari qaydada təmin edilir.
Nizamlama proseslərində sistemli inkişafa nail olunur və
inkişaf prosesləri baza xətt üzərində davam edir. Nizamlama
proseslərinin təkmil forması sistemin daxili gücünü artırır.
Məsələn, dövlət o zaman güclü olur ki, burada-sistem
daxilində- nizamlama
prosesləri
sürətlə
və
qaneedici
vəziyyətdə davam edir. Sərbəst şəkildə hüquqların təmin
edilməsi və maraqların ödənilməsinə əsaslanan proseslər
sistemi daxildən güclü edir. Sabit hərəkət mühitini ortaya
çıxarır. Sabit hərəkət mühiti də öz növbəsində sistemin
daxildən təbii şəkildə müdafiəsini meydana gətirir. Nizamlama
prosesləri
eləcə
də
impulslardan,
ona
edilən
çevik
reaksiyalardan
və
cavablardan
formalaşır.
İdarəçilik
ziddiyyətlərdən
və
bu
ziddiyyətlərin
tənzimlənməsi
zərurətindən irəli gəlir. Məhz nizam məsələsi bir-birindən
piramidal əsaslarla (buna “şam ağacı” forması da demək olar.
Cəmiyyətin və dövlətin daxilində baş verən siyasi proseslərin