172
geosiyasət adlanır.
(Qeyd: dövlət özü də sərhədləri
çərçivəsində müəyyən bir coğrafi ərazini təşkil edir. Dövləti
təşkil edən tərkib elementlər coğrafi ərazi üzrə mövcud olur.
Dövlətin, ilk olaraq, ərazisi elə coğrafi anlayışa aid edilir.
Sonra isə həmin coğrafi məkanda yaşayan insanlar, xalqların
etnik
xüsusiyyətləri,
bu
baxımdan
milli-mədəni
xüsusiyyətləri, həmin coğrafi ərazi üzrə sərvətlərin zənginliyi,
iqtisadi sistemin və siyasi sistemin təkmil formaları, əhalinin
elmi potensialı, həmin coğrafi ərazinin tranzit yol kimi
ə
həmiyyət kəsb etməsi, digər regionlarla əlaqələrinin
səviyyəsi, regionları bağlayan element və məkan kimi
ə
həmiyyəti, məkan üzərində elementlərin və resursların
idarəedilməsi prinsipləri onun coğrafi-siyasi elementləri
hesab edilir). Dövlət elə bir quruma çevrilir ki, həm öz
sərhədləri çərçivəsində, həm də sərhədlərindən kənarda
təsirlərə malik olur. Məsələn, dünya iqtisadiyyatında qarşılıqlı
sərmayələr prinsipi elə bir dövlətin digər dövlətdə təsirini
yaradır. Eləcə də bir dövlətin vətəndaşlarının başqa dövlət
ərazilərində miqrasiya yolu ilə əməklə məşğul olmaları da
qarşılıqlı asılılıq yaradır və böyük imkanlara malik olan
dövlətin kiçik imkanlara malik olan dövlət üzərində təsirlərini
meydana gətirir. Bununla yanaşı, geosiyasi tranzit amili də
təsirləri formalaşdırır. Eyni zamanda bir dövlətdə yaşayan və
dövlətin əsasını təşkil edən xalqın digər dövlət ərazilərində
yaşamaları
da
dövlətlər
arasında
qarşılıqlı
asılılığı
formalaşdırır. Bir dövlətin ərazisindən, ərazi sularından, daxili
sularından, hava məkanından digər dövlətin istifadə zərurəti
dövlətlərarası təsirləri ortaya çıxarır. Bu kimi vəziyyətlər həm
dövlətləri beynəlxalq əlaqələrə girməyə vadar edir, həm də
digər tərəfdən onları bir-birinə bağlayaraq beynəlxalq ictimai
bütövlüyü yaradır. Bu kimi məsələlərin həlli məqsədilə və
normal şəraitdə, dinc qaydada münasibətləri formalaşdırmaq
baxımından dövlətlər nizamlama proseslərinə qoşulurlar və
qarşılıqlı qaydada qaneedici normaları yaradırlar.
173
Dövlətin daxili gücü və onun beynəlxalq münasibətlər
sferasında iştirak səviyyəsi onun gücünü müəyyən edən
kriteriyaları şərtləndirir. Təsirləri artdıqca məkan da böyüyür
və daxili geosiyasət elementləri (elementlərin yayıldığı
ərazilər) və artan məkanlar üzrə yayılır. Bu anda dövlətin
geosiyasi gücü artır. Burada artıq sərhədlərdən kənarda
geosiyasət, yəni
beynəlxalq münasibətlərindən yaranan
geosiyasəti meydana gəlir. Deməli, belə hesab etmək olar ki,
geosiyasət həm daxili, həm də xarici sahələrə aid edilə bilir.
Məsələn, Rusiya müəyyən sərhədlər çərçivəsində bir dövlət
kimi Avrasiyanın əsas hissəsinə, mərkəzinə, çox böyük bir
coğrafi əraziyə malikdir. Rusiyanın tutduğu ərazinin özü bir
geosiyasi regiondur. Ölkənin təsir dairələrinin mövcud olduğu
əlavə regionlar isə (məsələn, Şərqi Avropa, Cənubi Qafqaz,
Xəzər-Qara dəniz regionları) xarici geosiyasət regionudur.
Bu məsələni ABŞ-a da aid etmək olar. ABŞ bir tərəfdən Şimali
Amerika materikinin mərkəzidir. Bu, daxili geosiyasi
elementdir, həm də dünyanın əksə regionlarında, həm quruda
(buna
geosiyasətdə
“tellurokratiya”-quruda
hakimiyyət
deyilir), həm də dənizlərdə, okeanlarda (buna geosiyasət
elmində “talassokratiya”-okeanlarda hakimiyyət, adı verilib)
böyük
təsir
imkanlarına
malikdir.
Eləcə
də
cənub
yarımkürəsində və Antarktidada (ABŞ və Böyük Britaniyaya
məxsus şelf buzlaqları) ingilis dünyasının təsirləri vardır.
(Qeyd: Antarktidanın və 60 dərəcə cənub enindən cənubda
yerləşən digər ərazilərin beynəlxalq hüquqi rejimi Antarktida
haqqındakı 01 dekabr 1959-cu il tarixli qərarla tənzimlənir).
Almaniya da mərkəzi Avropanın (coğrafi və siyasi mənada)
əsas subyekti olaraq qitənin mərkəzi coğrafi subyektidir.
Almaniya həm də Avropada ən böyük təsirə malik olan region
subyektidir,
kontinental
mərkəzdir.
Avropanın
əksər
bölgələrində-dövlətlərində (məsələn, Yunanıstanda) Almaniya
sərmayələri böyük həcmdədir. Bu təsirlərə
xarici geosiyasət
təsirləri adını vermək olar. Daxili geosiyasət elementləri birliyi
174
məhz xarici geosiyasət üçün nüvə rolunu oynayır və bu
baxımdan da ümumilikdə geosiyasətin əsas aparıcısı, yaradıcısı
hesab olunmalıdır. Xarici və daxili geosiyasət anlayışlarını
daha çox ərazisi böyük olan və fərqli mədəniyyətlərə malik
olan xalqları birləşdirən, iki siyasi-mədəni qitəni əhatə edən
böyük dövlətə-Rusiyaya aid etmək olar. Qeyd edildiyi kimi,
Rusiya başlıca olaraq nəhəng Avro-Asiya ölkəsidir. Rusiyada
coğrafi, mədəni, milli və etnik xüsusiyyətlər, dini baxışlar,
siyasi və ictimai sistemlər bu dövləti həm Avropa, həm də
Asiya tipli edibdir. Bu baxımdan da Rusiya nə tam Avropa
ölkəsi, nə də tam Asiya ölkəsidir. Rusiya Avro-Asiya
ölkəsidir.
1
Rusiyanın yerləşdiyi məkanda həm daxili geosiyasət, həm
də xarici geosiyasət mühüm əhəmiyyət kəsb edir.
Geosiyasət coğrafi anlayış, məsələn, “ölkə” üzərində həyata
keçirilən siyasətdir, “dövlət” anlayışının “ölkə” anlayışı ilə
vəhdətindən irəli gəlir. Dövlət ölkə üzərini, coğrafi regionu
əhatə edir, bir qədər başqa cürə ifadə etsək, üzərini örtür, yəni
dövlətin siyasəti ərazi üzrə-coğrafi elementlər üzrə dalğalanır,
elementlərin hərəkəti sayəsində nəticədə geosiyasət meydana
gəlir. ABŞ-İngiltərə dövlətləri birliyinin də dünya okeanında
təsirləri mövcuddur. Buraya Britaniya Birliyinə aid olan
arxipelaq dövlətləri və digər ada dövlətləri aid etmək olar. ABŞ
hərbi bazaları onun xarici geosiyasəti üçün çox mühüm baza
rolunu oynayır.
Qeyd edildiyi kimi, dövlətin beynəlxalq aləmdə gücünü
təsnif edən, şərtləndirən amillər, istiqamətlər, elementlər elə
məhz dövlətin geosiyasətdə iştirak gücünü müəyyən edir.
Dövlət daxilən nə qədər güclü olarsa, beynəlxalq aləmdə də bir
o qədər güclü olar və onun geosiyasi çəkisi artar. Geosiyasi
çəkinin artması məkan daxilində və məkan xaricində
1
Афанасьев В.В., Соколов Ю.В. А94. Политическая структура мира.
Сборник научных статей./ В.В Афанасьев., Ю.В. Соколов.-М.;
«Канон+»РООН «Реабилитация», 2010.-320 с., səh. 215.