ßËÈ ÙßÑßÍÎÂ
194
lən İran, Liviya və s. məsələlərdə güzəştə getməsinə görə) öz
müttəfiqlərini və onların maraqlarını Rusiyaya güzəştə getməsi
fikrindən ibarətdir. Dördüncüsü, ABŞ-İran ziddiyyətlərinin
son dövrdə kəskinləşməsi həm də regionda yeni geosiyasi və-
ziyyət yaradaraq, bölgə ölkələrini öz maraqlarını qorumaq
üçün yeni seçim qarşısında qoymuşdur. Beşincisi, ABŞ-ın Av-
rasiya siyasəti zəiflədikcə, həm də Türkiyənin bu bölgədəki
geosiyasi fəallığı, proseslərə müdaxilə etməsi və qoşulması
halı müşahidə olunur. Xüsusən, son bir ildə ABŞ, İsrail və bəzi
Avropa ölkələri ilə münasibətlərndə soyuqluq yaranması fo-
nunda Türkiyənin “fəal Avrasiya geosiyasəti” və “yeni geosi-
yasi taktikası” özünü göstərir. Hazırda bu ölkə bölgənin Rusi-
ya, İran, Yaxın və Orta Şərq, Balkanlar, keçmişdə Osmanlı im-
periyası ilə bağlı olan digər ərazilər, xalqlar və dövlətlərlə öz
iqtisadi-siyasi əlaqələrini, tərəfdaşlıq münasibətlərini və bəyan
etdiyi “yeni regional lider iddiasına” uyğun gələn “məxsusi
milli maraq və davranış normaları çərçivəsi”ni yaradır və get-
dikcə ciddi şəkildə gücləndirməyə çalışır. Türkiyə rəhbərliyi
bütün dünyaya açıq şəkildə nümayiş etdirir ki, onun ölkəsi
bundan sonra Qərbin Rusiyaya qarşı “təhlükəsizlik şiti” və ya-
xud islam dünyasında “geosiyasi təsir vasitəsi” olmaq niyyə-
tində deyil.
Tədqiqatçılar hesab edir ki, Türkiyənin yeni geosiyasi
davranışı və kursu, həmin kursun son zamanlar regionda yarat-
dığı regional vəziyyət Azərbaycanın ziyanına deyil, əksinə, bu
ölkənin güclənən geosiyasi vəziyyəti daimi və strateji müttəfiq
kimi, həm də bilavasitə Azərbaycanın xeyirinədir. Lakin yeni
şərait müstəqil dövlət kimi Azərbaycanın xarici siyasəti qarşı-
sında bir çox yeni vəzifələr qoyur, ondan geosiyasi və xarici
siyasət məsələlərinə “şəraitə uyğun” operativ düzəlişlər etməyi
tələb edir.
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
195
İlk növbədə, fikrimizcə, dünyada baş verən son qlobal
dəyişikliklər fonunda Cənubi Qafqazda formalaşmış geosiyasi
reallıq və onun yeni təzahürləri ciddi təhlil olunmalı, proseslə-
rə təsir göstərən amillər, onların meydana gəlməsi səbəbləri və
s. məsələlər araşdırılmalı, mövcud şəraitdə Azərbaycanın geo-
siyasi və geoiqtisadi addımları, transmilli layihələrlə bağlı
prioritet vəzifələri, onların təmin olunması yolları və vasitələri
üzərində praqmatik şəkildə bir daha düşünülməlidir. Məsələn,
bəzi mütəxəssislər hesab edir ki, regionda Türkiyənin rolunun
sürətlə artması və onun həyata keçirdiyi yeni xarici siyasət
kursu indiki vəziyyətdə Azərbaycanın mənafelərinə tam cavab
verməyən bəzi geosiyasi proseslərə də təkan verə bilər. Çünki
bu ölkənin bir az əvvəl Cənubi Qafqazda sülh və təhlükəsizlik
platforması çərçivəsində Ermənistanla yaxınlaşmaq cəhdləri
sübut etdi ki, rəsmi Ankaranın “şərait tələb etdikdə” praqmatik
formada Azərbaycanın milli maraqlarını “nəzərdən qaçırması”
və daha pisi, onlar sadəcə unutması ehtimalı realdır. Heç kim
bu cür halların nə vaxtsa Türkiyə ərazisindən keçən tansmilli
enerji ixracı kəmərləri, neft-qaz tarifləri və s. strateji məsələlər-
lə bağlı özünü göstərməyəcəyinə və yaxud Bakı-Tbilisi-Qars
dəmir yolunun təhlükəsizliyinin tam təmin ediləcəyinə zəma-
nət verə bilməz. Yaxud, 2008-ci ilin avqustunda Rusiya ilə
Gürcüstan arasında hərbi əməliyyatlar nəticəsində BTC vasitə-
silə neft ixracının dayandırılması və ümumiyyətlə, Gürcüstanın
qeyri-sabit ərazi xarakteristikasına malik olması, təkcə Qərb
enerji ixracı marşrutundan asılılığın Azərbaycan üçün müəy-
yən qədər təhlükəli olduğunu söyləməyə əsas yaratdı. Digər
tərəfdən, vaxtilə Qərb marşrutunu işə salmaq və mövcud ma-
neələri aradan qaldırmaq üçün Azərbaycan Bakı-Novorossiysk
kəmərinin tarifi ilə bağlı Rusiyaya, BTC-nin tarifi ilə bağlı
Türkiyəyə ciddi güzəştə getmiş, Gürcüstanın xeyirinə isə ümu-
ßËÈ ÙßÑßÍÎÂ
196
miyyətlə BTC kəmərinin Azərbaycan hissəsinin tranzit gəlirlə-
rindən imtina etmişdir. Bu gün kimsə qarantiya verə bilməz ki,
sabah bu ölkələrin biri, yaxud hər üçü tariflərlə bağlı yeni-yeni
tələblərlə çıxış etməyəcəklər. Beləliklə, yeni şərait və gələcək
perspektivlər Azərbaycandan Türkiyə və Gürcüstanla strateji
münasibətlərə xələl gətirmədən və regional münasibətlərin
bütün sahələrində bu iki ölkə ilə geosiyasi müttəfiqliyi qoruyub
saxlamaqla, öz enerji ixracı marşrutlarını yenidən dəyərləndir-
məsini, mümkün qədər bu marşrutları şaxələndirməsini, yeni-
yeni marşrut və istiqamətlərin, dünyada enerji tərəfdaşlarının,
satış bazarlarının tapılmasını və s. tələb edir. Bütün bu işlərlə
bağlı real tədbirlər, geoiqtisadi axtarışlar bir an belə dayandırıl-
mamalı, vaxtilə əsas işin xatirinə Türkiyə və Gürcüstana ge-
dilmiş tarif güzəştləri məsələlərinə xüsusi diqqət yetirilməli və
bu güzəştlər davamlı olaraq onların yadına salınmalı, Azərbay-
canın güzəşt limitinin bitməsi, qarşı tərəfdən hər hansı “güzəşt
tələbinə” bir də qayıdılmayacağına dair hansısa ikitərəfli və
çoxtərəfli dövlətlərarası qarantiya alınmalıdır.
Hazırda Azərbaycan öz neft-qaz məhsullarını xarici bazar-
lara çıxarmaq üçün Şimal istiqaməti üzrə Bakı-Novorossiysk
neft və Bakı-Mozdok qaz, Qərb marşrutu üzrə BTC, Bakı-Sup-
sa kimi neft və BTƏ qaz, Cənub istiqaməti üzrə Bakı-Astara
qaz kəmərlərinin xidmətindən istifadə edir. Bundan başqa,
Azərbaycan, Qazaxıstan və Türkənistanın neft məhsulları
Azərbaycandan dəmir yolu vasitəsilə Gürcüstanın Qara dəniz
limanlarına, oradan da Avropaya; Xəzər dənizi vasitəsiləsə gə-
milərlə İrana daşınır. Göründüyü kimi, Azərbaycanın karbo-
hidrogen ehtiyatların ixracında Qərb marşrutu böyük üstünlük
təşkil edir.
Azərbaycanın enerji nəqlinin rastlaşdığı və yaxud gələcək-
də rastlaşa biləcəyi problemlər haqqında son zamanlar təkcə
Dostları ilə paylaş: |