Microsoft Word hazir h.?24 Автосохраненный doc
Yüklə 2,17 Mb. Pdf görüntüsü
|
- Bu səhifədəki naviqasiya:
- TÜRKİYƏ PREZİDENTİ SÜLEYMAN DƏMİRƏLİN VƏ AZƏRBAYCAN PREZİDENTİ HEYDƏR ƏLİYEVİN TÜRKİYƏNİN VƏ ANKARADA AKKREDİTƏ OLUNMUŞ XARİCİ
- Türkiyə Prezidenti Süleyman Dəmirəlin bəyanatı
- Azərbaycan Przidenti Heydər Əliyevin bəyanatı
__________________________________________ 168
TÜRKİYƏ PREZİDENTİ SÜLEYMAN DƏMİRƏLİN VƏ AZƏRBAYCAN PREZİDENTİ HEYDƏR ƏLİYEVİN TÜRKİYƏNİN VƏ ANKARADA AKKREDİTƏ OLUNMUŞ XARİCİ ÖLKƏLƏRİN JURNALİSTLƏRİ QARŞISINDA BƏYANATLARI
Ankara, Esenboğa hava limanının Şərəf salonu
Dost Azərbaycanın dəyərli cümhur başkanı, əziz qardaşım Heydər Əliyevi Ankarada görməkdən şərəf duyduğumu bildirir və «Xoş gəlmisiniz!» deyirəm. Biz Türkiyə ilə dost, qardaş Azərbaycan arasındakı münasibətləri, əlaqələri də, bölgədəki vəziyyəti də bərabər nəzərdən keçirəcək, müzakirə edəcəyik. Biz Qafqazda sülh arayırıq. Bildiyiniz kimi, Azərbaycanın torpaqlarının önəmli bir hissəsi işğal altındadır və bir milyona yaxın qardaşımız illərdən bəri çadırlarda yaşamaqdadır. Onlar evlərindən, yerlərindən- yurdlarından uzaq düşmüşlər. Ötən illərdə sülh üçün əhəmiyyətli, önəmli zəhmətlər sərf edilmişdir. Bu işlər, təbii ki, davam etdiriləcəkdir. Bütün Qafqazda sülh Qafqazda yaşayan hər kəs üçün əhəmiyyətlidir, Azərbaycan üçün əhəmiyyətlidir və nəhayət, qafqazlıların qonşusu olan Türkiyə üçün fövqəladə önəmlidir. Arzu edirik ki, 2000-ci il Qafqaza sülh gətirsin və bu, bir təmənnadır. Bunun üçün zəhmət sərf
__________________________________________ 169
olunması davam etdiriləcək. Ümid edirik ki, Azarbaycanın cümhür başkanı, dəyərli qardaşım Heydər Əliyevin müdrik, uzaqgörən siyasəti nəticəsində bölgədə sülhə nail olunacaqdır. Bir daha «Xoş gəlmisiniz!» deyirəm.
Əziz dostum, qardaşım, prezident hörmətli Süleyman Dəmirəl! Hörmətli mətbuat nümayəndələri! Mən çox məmnunam ki, bu gün, bayram günü Türkiyədəyəm və dostlarımla, qardaşlarımla bir yerdəyəm. Mən buraya cümhur başkanı, dostum Süleyman Dəmirəlin dəvəti ilə qısa bir müddətli işgüzar səfərə gəlmişəm. İlk öncə, hörmətli dostum, qardaşım Süleyman Dəmirəl, Sizi, Sizin simanızda bütün Türkiyə xalqını, Türkiyənin vətəndaşlarını həm Yeni il - 2000-ci il münasibətilə, həm də bizim hamımız üçün, müsəlmanlar üçün çox əziz olan Ramazan bayramı münasibətilə təbrik edirəm və Türkiyə Cümhuriyyətinə, Türkiyə xalqına sağlıq, xoşbəxtlik, səadət və işlərində uğurlar arzulayıram. Mənim buraya gəlməyimin məqsədi və məramını dostum, hörmətli cümhur başkanı Süleyman Dəmirəl artıq söylədi. Bu, həqiqətən belədir və bunun da səbəbi ondan ibarətdir ki, Türkiyə ilə Azərbaycan arasında mövcud olan əlaqələr yüksək dərəcəli dostluq və qardaşlıq əlaqələridir. Ona görə də biz bir çox məsələlərin- həm dünya, beynəlxalq məsələlərin həll olunmasında, həm bölgəmizdə olan məsələlərin həll olunmasında, başqalarında öz ölkələrimizin, öz dövlətlərimizin siyasətini müəyyən etmək üçün, yaxud da konkret tədbirlərini müəyyən etmək üçün daim məsləhətləşirik, görüşürük. Bu məsləhətlər, bu görüşlər, bu danışıqlar hər iki tərəf üçün fayda
__________________________________________ 170
veribdir. Mən şəxsən deyə bilərəm ki, bu, Azərbaycan üçün çox faydalıdır və yeddi ilə yaxındır ki, hörmətli dostum, qardaşım Süleyman Dəmirəl Türkiyənin cümhur başkanı olduğu dövrdə mən Azərbaycan prezidenti kimi, bu görüşlərdən, bu danışıqlardan, bu məsləhətləşmələrdən həmişə böyük faydalar almışam. Güman edirəm ki, bu müddətdə də biz bir çox məsələləri müzakirə edəcəyik. Həqiqətən bizim bölgəmizdə olan vəziyyəti müzakirə edəcəyik, ümumiyyətlə, Qafqazda indi yaranmış gərgin vəziyyət haqqında fikir mübadiləsi aparacağıq və ən əsası, - Ermənistan-Azərbaycan münaqişəsinin sülh yolu ilə həll olunması barəsində fikir mübadiləsi, danışıqlar aparacağıq. Bilirsiniz ki, bu problem artıq 12 ildir ki, mövcuddur. Beş il bundan öncə Azərbaycan ilə Ermənistan arasında atəşkəs sazişi, anlaşması əldə olunubdur. İndi savəş yoxdur, atəşkəs vardır, ancaq sülh də yoxdur. Azərbaycanın torpaqlarının 20 faizi Ermənistan silahlı qüvvələrinin işğalı altındadır və bu işğal olunmuş torpaqlardan bir milyondan artıq azərbaycanlılar zorla çıxarılıblar. İndi onların tam əksəriyyəti çadırlarda yaşayır. Bax, burada bu qan görürəm, soyuğu görürəm. Bilin ki, Azərbaycanda da belədir. Belə bir vəziyyətdə, qışın soyuğunda, yayın istisində, yağışda, yaxud başqa hallarda çadırın içərisində bu qədər yaşamaq çox ağır bir haldır. Amma yaşayırlar, dözürlər və ümid edirlər ki, məsələ sülh yolu ilə həll olunacaqdır. Ümidlərinin də çoxu onunla bağlıdır ki, biz Türkiyə ilə bu barədə daim iş birliyi edirik. Türkiyə birinci bizim dostumuzdur, bizim üçün ən yaxın ölkədir. Ermənistan-Azərbaycan münaqişəsində Türkiyə həmişə Azərbaycanın haqq işini dəstəkləyibdir, müdafiə edibdir. Bütün beynəlxalq təşkilatlarda, hər yerdə Türkiyə hökuməti, Türkiyənin cümhur başkanı həmişə Ermənistanı Azərbaycana təcavüz etmiş bir dövlət kimi qiymətləndiribdir, bildiribdir və eyni zamanda Türkiyə ATƏT-in Minsk qrupunun üzvüdür.
Yüklə 2,17 Mb. Dostları ilə paylaş:
|