__________________________________________
179
TÜRKİYƏNİN BAŞ NAZİRİ
BÜLƏND ECEVİT İLƏ GÖRÜŞDƏ
SÖHBƏT
Ankara, «Cankaya» köşkü
10 yanvar 2000-ci il
Bülənd Ecevit: Qardaş Azərbaycanın hörmətli cümhur
başkanı cənab Heydər Əliyevi Ramazan bayramında Türkiyədə,
Ankarada görməkdən böyük məmnunluq duyuram. Möhtərəm
cənab Heydər Əliyev ilə tez-tez görüşməyimiz bölgəmizdəki
vəziyyət, ölkələrimiz arasındakı əlaqələrin genişləndirilməsi
məsələlərinin vaxtaşırı müzakirə edilməsi baxımından çox
dəyərlidir. Bu gün biz bu məsələləri yenidən, bir daha müzakirə
edəcəyimizdən çox məmnunuq.
Hörmətli cənab prezident, xoş gəlmisiniz!
Heydər Əliyev: Hörmətli Baş nazir, əziz dostum!
Səmimi sözlərə görə təşəkkürumü bildirirəm. Mən Ramazan
bayramında Türkiyədə olmağımdan həddindən ziyadə
məmnunam. Doğrudur, bu bayram günü mənim buraya
gəlməyim bayram edənlərə bəlkə bir az problem yaradıbdır.
Çünki biz görüşlər keçiririk, danışıqlar aparırıq. Hörmətli
cümhur başkanı Süleyman Dəmirəl məni Türkiyəyə dəvət
edəndə dedim ki, bayram edirsiniz, bayram günü gəlib sizin
işlərinizə mane olacağam. Amma cənab Süleyman Dəmirəl dedi
ki, bayram günü sizin gəlməyiniz daha da yaxşı olacaqdır.
Hesab etdim ki, bayram günü Türkiyədə olmaq mənim uçün
fövqəladə gözəl bir işdir. Çünki biz də Ramazan bayramını qeyd
edirik, amma biz bunu sovet dövləti dağılandan sonra edirik. O
vaxta qədər bizdə din yasaq idi, Ramazan
__________________________________________
180
bayramını keçirmək olmazdı. Amma mənim anam, atam
Ramazan ayında daim bütün ibadətləri keçirərdilər. Gənclər yox,
insanların çoxu Ramazan bayramını o vaxt özləri bayram
edirdilər. Ancaq həm Ramazan, həm də Qurban bayramları dini
bayramlar olduğuna görə 70 il Azərbaycanda yasaq edilmişdi.
Mənim anam Ramazan bayramında yeməklər, şirin çörəklər
bişirərdi.
Biz bu bayramı Azərbaycan müstəqillik qazandıqdan sonra
qeyd edirik. Amma indi biz Ramazanı bir gün bayram edirik, siz
isə bu bayramı üç gün qeyd edirsiniz. Türkiyə bu bayramın
məkanıdır. Biz isə bu bayramda yeni adamlarıq. Ona görə də
bayram günündə Türkiyədə olmaq mənim öçün çox gözəldir.
Mən çox məmnunam, Ramazan bayramı və Yeni il - 2000-ci
il münasibətila sizi təbrik edirəm. Sizi və sizin şəxsinizdə
Türkiyə Cümhuriyyətinin hökumətini, xalqını, vətəndaşlarını
təbrik edirəm. Sizə uğurlar arzulayıram.
Mən sizinlə yaxın vaxtlarda görüşmüşdüm. Görürəm ki, ötən
qısa zamanda Türkiyənin hökuməti - 57-ci hökumət çox
bacarıqlı işlər aparır, çox yaxşı nailiyyətlər əldə edir, ölkənin
iqtisadiyyatında çox gözəl dəyişikliklər baş verir. Türkiyənin
Avropa Birliyinə üzvlüyə namizəd qəbul edilməsi sizi
sevindirdiyi qədər bizi də sevindirdi. Bu və bunun kimi bir neçə
digər işlər 57-ci hökumətin vaxtında baş vermiş nailiyyətlərdir.
Mən bütün bunlara görə sizi təbrik edirəm. Ümidvar
olduğumu bildirmək istəyirəm ki, sizin hökumətiniz, Baş nazir
olduğunuz hökumət bundan sonra da belə uğurlar əldə
edəcəkdir, apardığı işləri sona çatdıracaqdır və öz fəaliyyəti
dövründə Türkiyəni daha da yüksəklərə qaldıracaqdır.
Bülənd Ecevit: Xoş sözlərə və təbrikə görə Sizə bir daha
minnətdarlığımı bildirirəm. Ümidvaram ki, İsveçrənin Davos
şəhərində keçiriləcək iqtisadi forumda görüşəcəyik.
__________________________________________
181
TÜRKİYƏ PREZİDENTİ
SÜLEYMAN DƏMİRƏLİN VƏ
AZƏRBAYCAN PREZİDENTİ
HEYDƏR ƏLİYEVİN AZƏRBAYCANIN,
TÜRKİYƏNİN VƏ ANKARADA
AKKREDİTƏ OLUNMUŞ XARİCİ ÖLKƏLƏRİN
JURNALİSTLƏRİ QARŞISINDA BƏYANATLARI
Ankara, Esenboğa hava limanının şərəf salonu
10 yanvar 2000-ci il
Türkiyə Prezidenti Süleyman Dəmirəlin bəyanatı
Qardaş, qonşu və dost Azərbaycanın dəyərli cümhur başkanı,
əziz qardaşım, hörmətli Heydər Əliyevin qısamüddətli işgüzar
səfəri artıq başa çatır. İndi onlar Azərbaycana dönmək
ərəfəsindədirlər. Ziyarət qısamüddətli idi, amma zaman və
faydalılığı baxımından fövqəladə bir ziyarət idi. İkitərəfli
əlaqəlarimiz və bölgədəki vəziyyət barəsində qarşılıqlı
danışıqlar, fikir mübadiləsi apardıq.
Ölkələrimiz arasındakı ikitərəfli əlaqələr mükəmməldir. Bu
əlaqələrin daha da yaxşı inkişaf etdirilməsi qərarındayıq.
Bölgədəki ən əsas məsələ, təbii ki, Qafqazda sülhün
yaradılmasıdır. Qafqazda sülh üçün Türkiyə sülhə fövqəladə
səmimi dəstəklərini hər zaman vermişdir və verməyə də davam
edəcəkdir. İstər Qafqazın, istərsə də Orta Asiyanın Avrasiya
qitəsi olaraq bir-birinə daha çox yaxınlaşması, qaynayıb-
qarışması məsələsində neft, qaz boru xətlərinin inşasının
gerçəkləşdirilməsi çox böyük əhəmiyyət daşımaqdadır. İstan-
__________________________________________
182
bulda 19 noyabr tarixində imzalanmış anlaşmaların tam həyata
keçirilməsi üçün səylər sərf edirik. Bu işdə də qərarlı
olduğumuzu təkrarən dünyaya bildirmək istəyirəm. Bütün
bunları müzakirə etdik. Ümumiyyətlə, bu səfər iki ölkənin
münasibətlərinə yararlı, bölgədə sülhə yararlı bir ziyarət
olmuşdur.
Mənim sizə söyləmək istədiyim bu qədər.
***
Azərbaycan Prezidenti Heydər Əliyevin bəyanatı
Dəyərli mətbuat nümayəndələri, xanımlar, cənablar!
Əziz qardaşım, dostum, Türkiyənin cümhur başkanı
Süleyman Dəmirəlin dəvəti ilə mən dünən Ankaraya, Türkiyəyə
gəlmişəm və indi də artıq yola düşürəm, Bakıya dönürəm. Mən
bu dəvətə görə və burada mənə göstərilən çox böyük dostluq,
mehribanlıq, qardaşlıq münasibətinə görə dostum, qardaşım,
cümhur başkanı Süleyman Dəmirələ təşəkkürümü bildirirəm.
Türkiyəyə hər dəfə gəlmək mənim üçün böyük bir hadisədir,
yəni böyük bir sevinc hadisəsidir. Bu dəfə mən Türkiyəyə
mübarək Ramazan bayramı günü gəlmişəm. Mən bir tərəfdən
rahatsız idim ki, Ramazan bayramı zamanı - insanlar bayram
edib, istirahət etdiyi zaman mən buraya gəlib bu istirahətə mane
olacağam. Amma eyni zamanda düşündüm ki, bu Ramazan
bayramını Türkiyədə çox gözəl keçirirlər. Bizdə, Azərbaycanda
Ramazan bayramı 7-8 il bundan öncə bərpa olunubdur. Ondan
öncə, Sovetlər Birliyi dövründə Azərbaycanda din qadağan,
yasaq olunduğuna görə, Ramazan bayramı da dini bayram
olduğuna görə bu qadağan idi. İndi isə insanlar çox qısa bir
zamanda öz dinini dəstəklədi, aldı və Ramazan bayramı da
keçirilir. Amma Türkiyədəki kimi yox.
Dostları ilə paylaş: |