__________________________________________
183
Mən televiziya vasitəsilə baxdım: İnsanlar nə qədər
sevinirlər, mahnılar söyləyirlər, rəqslər edirlər. Mən bu gün 10
dəqiqə televiziyaya baxdım. Bir azəri mahnısını çox gözəl
oxudular və rəqs etdilər. Mənim ürəyim sevindi. Ona görə də
məhz bu gün - Ramazan bayramı günü burada olmağım məni
daha da sevindirmişdir.
Ancaq təbiidir, mənim ziyarətim gəzmək üçün, istirahət üçün
deyil. Mənim ziyarətim hər dəfə işlər görmək üçündür və
dostum, qardaşım Süleyman Dəmirəl də elədir, - gecə də,
gündüz də çalışır. Onun üçün bayram da yoxdur, bazar da
yoxdur, başqa günlər də yoxdur. Ona görə biz dünən də, bu gün
də görüşüb çox dəyərli söhbətlər, danışıqlar apardıq. Mənim ən
əsas danışıqlarım, söhbətlərim hörmətli cümhur başkanı
Süleyman Dəmirəl ilə oldu. O, bəyan etdiyi kimi, biz
ölkələrimiz üçün vacib olan bir neçə məsələləri ortaya qoyduq,
fikir mübadiləsi apardıq. Bunların içində birinci növbədə
Ermənistan-Azərbaycan münaqişəsinin sülh yolu ilə həll
edilməsi və Azərbaycanın işğal edilmiş torpaqlarının azad
olunması, köçkünlərin, qaçqınların öz yerinə qayıtması
məsələsidir. Biz bu məsələni noyabr ayında ATƏT-in İstanbul
zirvə görüşündə da çox geniş müzakirə etmişdik-həm hörmətli
Süleyman Damirəl ilə, həm də prezident Klinton ilə, prezident
Şirak ilə, digərləri ilə. Ancaq yenidən tələbat var idi ki, Türkiyə
ilə Azərbaycan bu gün bu məsələni bir daha dəyərləndirsinlər,
bu məsələ haqqında nə ediləcəkdir - eyni fikirdə olsunlar.
Məmnunam ki, həmişə olduğu kimi, indi də Türkiyə
Azərbaycanı dəstəkləyir. Biz bu baradə eyni fikirdəyik və
fikrimiz də bundan ibarətdir ki, bu il, yəni 2000-ci ildə mütləq
sülh yaransın, Ermənistan-Azərbaycan, Dağlıq Qarabağ
problemi sülh yolu ilə həll olunsun. Mən bu danışıqlardan
məmnunam və çox məmnunluqla Bakıya dönürəm.
Bakı-Ceyhan boru xəttinin yaranması haqqında biz beş il
__________________________________________
184
çalışdıq, beş il vuruşduq - birlikdə, Azərbaycan-Türkiyə.
Nəhayət, ortaya gətirdik, nail olduq və İstanbul zirvə görüşü
zamanı bu anlaşma çox böyük təntənə ilə imzalandı. Bu,
dünyada böyük bir hadisə kimi qiymətləndirilibdir. Ancaq indi
biz bir mərhələni keçdik. İkinci mərhələ praktiki işlər, yəni bu
boru xəttinin inşasına başlanmasıdır. Biz bu barədə də danışdıq,
fikir mübadiləsi apardıq.
Bizim heyətlər görüşüblər və bu ayın 21-22-də İstanbulda
Türkiyə-Azərbaycan-Gürcüstan heyətləri görüşəcəklər və
güman edirəm, inanıram ki, orada bütün məsələlər həll
olunacaq, çözüləcəkdir və biz işə başlayacağıq. Bunu etmək
lazımdır. Çünki nə qədər ki, Bakı-Ceyhan boru xətti haqqında,
neft kəməri haqqında hazırlıq gedən zaman bizlərə çox əngəl
edənlər var idisə, indi də var. Bunlar indi tükənməyiblər.
Bəziləri də belə şayiə yayırlar ki, «İmzalandı, amma həyata
keçirilmir. Bu, real deyil, filan deyil». Amma mən bu gün də
bəyan edirəm ki, imzalanan anlaşma həyata keçiriləcəkdir və bu
əsrin böyük boru xətini biz yaradacağıq. Buna heç şübhə
yoxdur.
Başqa ikitərəfli münasibətləri də danışdıq, müzakirə etdik.
Burada heç bir problem yoxdur. Kiçik məsələlər meydana çıxır:
hansısa məmur nəsə etmədi, ya etdi, filan. Amma əsas ondan
ibarətdir ki, Türkiyə ilə Azərbaycan arasında olan dostluq,
qardaşlıq əlaqələri hər gün, günü-gündən genişlənir, inkişaf edir
və insanların bunu inkişaf etdirməsi nə qədər önəmlidirsə, o
qədər də dövlətlərin, hökumətlərin bu işi həmişə əlində
saxlaması, daha da çox dəstək verməsi və öz tərəflərindən lazımi
tədbir görməsi vacibdir. Biz Azərbaycanda bunu edirik. Türkiyə
də edir. Amma bir çox məsələləri daha da sürətlə irəliyə
aparmaq üçün görüşmək lazımdır, danışmaq lazımdır.
Mən bu gün hörmətli Baş nazir Bülənd Ecevit ilə də
görüşdüm. Bu barədə, dediyim sözlər, məsələlər haqqında çox
ət-
__________________________________________
185
raflı söhbət etdik. Sonra Baş nazirin müavini hörmətli Dövlət
Baxçəli ilə görüşdük. Onunla da məsələlər ətrafında çox geniş
söhbətlər apardıq. Silahlı Qüvvələrin Baş Qərargahının rəisi
hörmətli Hüseyn Kıvrıkoğlu ilə görüşdük. Onunla da bizim iş
birliyimiz haqqında danışıqlar apardıq.
Mən bütün bu görüşlərdən, danışıqlardan çox məmnunam.
Hesab edirəm ki, bu, Azərbaycan üçün faydalıdır. Düşünürəm
ki, Türkiyə üçün də faydalıdır və Türkiyə-Azərbaycan dostluğu,
qardaşlığı üçün də faydalıdır.
Mən Sizə, əziz dostum, bir daha təşəkkür edirəm və üzr
diləyirəm ki, mən Sizə bu bayram günü bir az əziyyət verdim.
Sağ olun.
__________________________________________
186
TÜRKİYƏDƏN BAKIYA QAYIDARKƏN
BİNƏ HAVA LİMANINDA JURNALİSTLƏRİN
SUALLARINA CAVAB
10 yanvar 2000-ci il
M ü x b i r: Cənab prezident, xahiş edirəm, səfəriniz
haqqında qısa da olsa məlumat verəsiniz.
Heydər Əliyev: Çox gözəl təəssüratım var. Hər dəfə
Türkiyəyə gedəndə çox gözəl təəssüratlarla geriyə dönürəm.
Bilirsiniz, bu dəfə mən Türkiyədə cəmisi 24 saatdan da az
olmuşam. Ancaq bu müddətdə çoxlu görüşlərimız,
danışıqlarımız olubdur. Bunların hamısı da çox əhəmiyyətlidir.
Türkiyədə bayramdır. Azərbaycanda Ramazan bayramı bir
gün, amma Türkiyədə üç gün qeyd edilir. Orada bu gün də
bayramdır, dünən də bayram idi. İnsanlar orada çox gözəl
bayram edirlər, mahnılar oxuyurlar, rəqs edirlər, bir-birini
ziyarət edirlər.
Bilirsiniz, yəqin Türkiyə televiziya kanalları veribdir.
Türkiyənin prezidenti, mənim əziz dostum, qardaşım, hörmətli
Süleyman Dəmirəllə çox ətraflı görüşlərimiz, danışıqlarımız
olubdur. Türkiyənin Baş naziri hörmətli cənab Bülənd Ecevitlə,
Baş nazirin müavini hörmətli cənab Dövlət Baxçəli ilə, Türkiyə
Silahlı Qüvvələri Baş Qərargahının rəisi hörmətli cənab Hüseyn
Kıvrıkoğlu, xarici işlər naziri hörmətli cənab İsmayıl Cəm ilə
çox məsələləri müzakirə etmişik. Mən bütün bu danışıqlardan,
müzakirələrdən məmnunam. Ona görə də, görürsünüz, yaxşı
əhval-ruhiyyə ilə gəlmişəm.
S u a l: Cənab prezident, Ermənistan-Azərbaycan, Dağlıq
Qarabağ münaqişəsinin sülh yolu ilə həll edilməsi barədə
danışıqlar hansı səviyyədədir?
Dostları ilə paylaş: |