__________________________________________
161
«III MİNİLLİK. ƏSRİN YEKUNLARI
GƏLƏCƏYƏ BAXIŞ»
BEYNƏLXALQ KONQRESİNƏ
Hörmətli konqres iştirakçıları!
Sizi - «III minillik. Əsrin yekunları. Gələcəyə baxış»
beynəlxalq konqresinin bütün iştirakçılarını ürəkdən salamlayır,
hamınıza ən səmimi arzu və diləklərimi yetirirəm.
Sizin xoşməramlı toplantınız bəşəriyyətin həyatında
əlamətdar tarixi anların yaşandığı bir dövrə təsadüf edir. Bu
günlər müqəddəs İsa peyğəmbərin mövludunun iki min illiyi
böyük təntənə ilə qeyd olunur. Möhtəşəm tarixi, ictimai-siyasi
hadisələrlə dolu XX əsr başa çatır, dünyamız böyük həyəcan və
ümidlərlə III minilliyə qədəm qoyur.
Əsrlərin, minilliklərin belə bir tarixi qovuşuq məqamında II
minilliyin yekunlarını və yeni minillikdə dünyamızın inkişaf
perspektivlərini müzakirə etmək məqsədi ilə dünya şöhrətli
alimlərin, görkəmli elm, mədəniyyət xadimlərinin, siyasət və iş
adamlarının bir araya gəlməsini yüksək qiymətləndirir, xeyirxah
məram və məqsədlərinizi ürəkdən dəstəkləyirəm. Ümidvaram
ki, Konqresdə konstruktiv müzakirələr aparılaraq dünyamızın
dünəni, bu günü və gələcəyi barədə obyektiv elmi nəticələr əldə
ediləcəkdir. Əziz dostlar!
Dünyanın ən qədim elm və mədəniyyət mərkəzlərindən olan
Azərbaycan artıq doqquzuncu ildir ki, xalqımızın sarsılmaz və
iradəsi sayəsində öz tarixi haqqına - milli müstəqilliyinə
olmuşdıır. Dünya Birliyinin tam və bərabər hüquqlu üzvü olan
suveren Azərbaycan Respublikası müstəqil daxili və xarici
__________________________________________
162
siyasət xətti yeridərək sivilizasiyalı beynəlxalq aləmlə
inteqrasiya istiqamətində mühüm nailiyyətlər əldə etmişdir.
Demokratik dövlət quruculuğu prosesi, hüquqi islahatlar ardıcıl
və dönməz xarakter almışdır. Azərbaycanın mühüm geostrateji
mövqeyi, zəngin yeraltı-yerüstü sərvətləri, tarixi böyük İpək
yolunun Şərqi Qərblə qovuşduran strateji məntəqəsi olması
barədə, güman edirəm ki, sizlərin kifayət qədər məlumatınız
vardır. Bu gün dünyanın bir çox aparıcı dövlətləri, nüfuzlu şirkət
və iqtisadi qurumları Azərbaycan Respublikasında neft
sənayesinə və digər sahələrə böyük investisiyalar qoymaqla
perspektivli iqtisadi proqramlar həyata keçirməkdədirlər.
Biz beynəlxalq hüquqi dəyərlərin ölkəmizdə bərqərar olması
və dünya dövlətləri ilə qarşılıqlı işgüzar əlaqələrin, bərabər
hüquqlu siyasi, iqtisadi, mədəni, elmi-texniki əməkdaşlığın
inkişafı istiqamətində ardıcıl iş aparırıq. Respublikada hökm
sürən ictimai-siyasi sabitlik, xalqımıza xas olan yüksək
qonaqpərvarlik və işgüzarlıq bu işin uğurla həyata keçirilməsi
üçün əlverişli şərait yaradır. Müstəqil, demokratik Azərbaycan
Respublikası mütərəqqi dünyaya açıq bir ölkədir və mən sizin
hər birinizi öz ölkəmdə salamlamaqdan məmnun olardım.
Azərbaycanda ənənəvi dünya dinlərinin, o cümlədən
xristianlığın kökü çox-çox qədimlərə gedib çıxır. Burada aparıcı
konfessiyalar, müsəlman məscidləri, yəhudi sinaqoqları, xristian
kilsələri əsrlərlə əmin-amanlıq şəraitində fəaliyyət göstərərək
insanlar arasında dostluq, qardaşlıq münasibətlərinin, şəfqət və
mərhəmət hisslərinin bərqərar olmasında gərəkli rol oynamışlar.
Demokratik, dünyəvi respublikamız bu gün də öz mütərəqqi
tarixi ənənələrinə sadiqdir.
Mən sizi əlamətdar tarixi bayram - İsa peyğəmbərin
mövludunun iki minilliyi münasibətilə ürəkdən təbrik edir,
__________________________________________
163
hər birinizə cansağlığı, xoşbəxtlik arzulayır, xeyirxah məramla
toplaşdığınız beynəlxalq konqresinizin işinə böyük uğurlar
diləyirəm.
HEYDƏR ƏLİYEV
Azərbaycan Respublikasının Prezidenti
Bakı şəhəri, 4 yanvar 2000-ci il
__________________________________________
164
TÜRKİYƏYƏ QISAMÜDDƏTLİ İŞGÜZAR
SƏFƏRƏ YOLA DÜŞMƏZDƏN ƏVVƏL
BİNƏ HAVA LİMANINDA
JURNALİSTLƏRİN SUALLARINA CAVAB
9 yanvar 2000-ci il
S u a l: Cənab prezident, Türkiyə Respublikasına bu
dəfəki səfərdən məqsəd nədir və səfər zamanı Türkiyə
rəhbərliyi ilə hansı məsələləri müzakirə etmək nəzərdə
tutulur?
C a v a b: Bilirsiniz ki, Türkiyə Cümhuriyyəti ilə
Azərbaycan arasında çox sıx dostluq, əməkdaşlıq əlaqələri var.
Bu
əlaqələr daim bizim görüşlərimizin və
məsləhətləşmələrimizin olmasını tələb edir. Bilirsiniz ki, son
zamanlar mən bir neçə dəfə Türkiyədə olmuşam və hər dəfə
bütün başqa tədbirlərdə iştirak etməklə yanaşı, ölkələrimiz
arasındakı əlaqələr haqqında geniş fikir mübadiləsi aparmışıq.
İndi mənim səfərim prezident hörmətli cənab Süleyman
Dəmirəlin dəvəti ilədir. Bu, qısamüddətli bir səfərdir. Əsas
məsələ Dağlıq Qarabağ probleminin sülh yolu ilə həll olunması
barədə yenidən məsləhətləşmələr aparmaqdır. Çünki bilirsiniz
ki, Ermənistan Azərbaycanın torpaqlarını işğal etdiyinə görə,
Türkiyənin bu ölkə ilə indiyə qədər nə diplomatik əlaqəsi var, nə
sərhədlərinin açılmasına yol verirlər, nə yolların açılmasına yol
verirlər. Bilirsiniz ki, Türkiyə ilə Ermənistan arasında uzun
məsafəli sərhəd var. Burada yollar var: həm dəmir yolu, həm
avtomobil yolu var, bu da təbiidir ki, Ermənistan üçün çox
lazımdır. Ona görə də bu məsələnin həll olunmasında
Ermənistan prezidenti Koçaryanla mənim apardığım
danışıqlarda bu problemlər həmişə durur.
Dostları ilə paylaş: |