__________________________________________
149
KUBA RESPUBLİKASININ
DÖVLƏT ŞURASININ SƏDRİ
ZATİ-ALİLƏRİ
CƏNAB FİDEL KASTROYA
Zati-aliləri!
Kuba Respublikasının milli bayramı - Azadlıq günü
münasibətilə sizi və dost Kuba xalqını ürəkdən təbrik edirəm.
Ümidvaram ki, Azərbaycan Respublikası ilə Kuba
Respublikası arasında dostluq və əməkdaşlıq əlaqələri
xalqlarımızın rifahı naminə genişlənib möhkəmlənəcəkdir.
Fürsətdən istifadə edib sizə möhkəm cansağlığı və səadət,
ölkənizə sülh, əmin-amanlıq və tərəqqi arzulayıram.
Hörmətlə,
HEYDƏR ƏLİYEV
Azərbaycan Respublikasının Prezidenti
Bakı şəhəri, 1 yanvar 2000-ci il
__________________________________________
150
«EKONOMİÇESKAYA JİZN» QƏZETİNİN
MÜXBİRİNƏ MÜSAHİBƏ
2 yanvar 2000-ci il
Bir vaxtlar ucsuz-bucaqsız məkan olan, gah Rusiya
imperiyası, gah SSRİ, gah da MDB adlandırılan məkanın
dağıdılması və ya birləşdirilməsi lüzumu barədə ictimaiyyətin
niskili çoxdandır ki, geniş hal almışdır. Bəs qonşularımız
azadlıq və suverenlikdən savayı daha nə əldə etmişlər? Nə
itirmişlər? O cümlədən Rusiyanın özü də nə qazanmış, nə
itirmişdir? İqtisadi mövzuda yazan jurnalistlərin nümayəndə
heyəti bu yaxınlarda Bakıda olmuşdur, Onların arasında
«Ekonomiçeskaya qazeta» nəşriyyat evinin jurnalistləri də
vardı. Azərbaycan prezidenti Heydər Əliyev ilə söhbətimiz,
hökumət komandasındakı respublikanın gənc iqtisadçıları ilə,
Azərbaycan Dövlət Neft Şirkətinin birinci vitse-prezidenti İlham
Əliyevlə, habelə adi adamlarla və şəhər sakinləri ilə
görüşlərimiz bu ölkənin Rusiya ilə əməkdaşlığa açıq və hazır
olması təəssüratı bağışladı.
Heydər Əliyeviç, Bakıda yeniliklər çoxdur. Şəhərin tarixi
hissəsinin necə bərpa edildiyi görünür, çoxlu müasir binalar
var, yeni HAVA limanı tikilib...
Respublikanın rəhbəri kimi, mən hava limanını hələ 1983-ci
ildə tikdirməyə başlamışdım, sonra Moskvaya işləməyə getdim
və tikintini dayandırdılar. 1993-cü ildə mən respublikaya
rəhbərliyə qayıtdım və gördüm ki, burada hər şey dağıdılır. Biz
işləyib ilk vəsaiti qazandıqdan sonra aerovağzalın inşasına
başladıq və indi o, beynəlxalq dərəcəyə layiqdir.
Bakıda az qala bir-birinə yapışmış çoxlu köhnə evlər var. Baş
tikinti planına uyğun olaraq onlar uçurulur və yerlərində yeni,
__________________________________________
151
müasir evlər və inzibati binalar ucaldılır. Bu, bazar iqtisadiyyatı
dovründə mümkün olmuşdur, hərçənd SSRİ dövründə də biz
respublikamıza buraxılan maliyyə vəsaitindən səmərəli istifadə
edirdik. İndi bizdə tikintini özəl strukturlar aparır. Biz şəhərdə
sərmayədarların planlarına uyğun olaraq tikinti aparılmasına
imkan vermişik. Məsələn, Milli Bank pulu özü qazanır və
dövlətdən bir qəpik almadan tikinti ilə də özü məşğul olur.
Bilirsiniz ki, ərazimizin 20 faizi Emrənistan silahlı birləşmələri
tərəfindən işğal edilib və bu torpaqlardan qovulmuş bir milyon
qaçqın çadırlarda, ictimai binalarda və məktəb binalarında
yaşayır. Bu adamların çoxu işləmir və dövlət onları
dolandırmağa məcburdur.
Aydındır ki, respublikada problemlər çoxdur, amma Bakının
küçələrində geyinib-gecinmiş adamlar çoxdur, xarici markalı
maşınların əlindən tərpənmək mümkün deyil, bazar yerli
məhsullarla doludur, o qədər də baha olmayan yaxşı kafelər
var, teatrlar işləyir, fərəhli haldır ki, onlardan biri də rus
teatrıdır. Yəni, həyat qaydasına düşür.
Məsələ hər şeydən əvvəl iqtisadi islahatların səmərəli və
planlı şəkildə aparılmasındadır. Biz Azərbaycanda torpaqları
kəndlilərə vermişik və kənd təsərrüfatı məhsullarının 98 faizini
özəl sektorun hesabına əldə edirik. 1999-cu ilə istehsalı altı dəfə
artmışdır, halbuki 1990-cı ildən 1994-cü ilədək respublikanın
iqtisadiyyatında tənəzzül hər il 20-25 faiz təşkil edirdi. Çörək
almaq mümkün deyil, çox boyük növbələr yaranırdı. İndi bizdə
ət çox ucuzdur. Ümumi məhsulun 60 faizi, sənaye məhsulunun
30 faizi, tikintinin 60-70 faizi, yük daşınmalarının 40-45 faizi
özəl sektorun payına düşür.
Lakin başlıcası neftdir. Azərbaycan müstəqil olduqdan sonra
öz iqtisadiyyatının inkişafını təmin etməli idi və təbii ki, biz ilk
növbədə öz sərvətlərimizdən istifadə etməyi qərara aldıq. Bizim
neftçilərin - dənizdə «qara qızıl» hasilatı sahəsində ən təcrübəli
olan neftçilərimizin nə vəsaiti, nə də Şimal dənizində cəmi 25 il
neft çıxaran ingiltərə və Norveç kimi inkişaf
__________________________________________
152
etmiş ölkələrin bu gün malik olduğu texnologiyaları yox idi.
Lakin biz Yaponyadan tutmuş ABŞ-dək 15 ölkənin 33 şirkətinə
Azərbaycanda işləməyə imkan verərək vəziyyəti düzəltdik.
Onlar bizim sənayemizə öz kapitallarını qoyur, 500-700 metrə
qədər dərinliklərdə işləmək üçün müasir texnikadan və
platformalardan istifadə edirlər. Biz onların təcrübəsini fəal
surətdə öyrənir və eyni zamanda Xəzər dənizinin şelfınə yaxşı
bələd olan neftçilərimizin təcrübəsini onlarla bölüşürük. Son
dörd ildə respublikanın iqtisadiyyatına 5 milyard dollar sərmayə
qoyulmuşdur, özü də ancaq neft sektoruna yox.
1995-ci ildə biz tənəzzülün qarşısını aldıq və sonrakı illər
iqtisadiyyatımızın inkişaf illəri oldu. Faktlar və statistika
məlumatı bunu sübut edir. Bunlar beynəlxalq maliyyə
mərkəzlərinin -Beynəlxalq Valyuta Fondunun, Dünya Bankının,
Avropa Yenidənqurma və İnkişaf Bankının, Avropa Birliyi
İqtisadi Komissiyasının daimi nəzarəti altındadır. Biz insanlara
sərbəstlik, sahibkarlıq üçün geniş imkanlar vermişik, xarici
ticarəti liberallaşdırmışıq.
Heydər Əliyeviç, siz necə işləyirsiniz? Yeni Azərbaycan
Partiyasının qurultayında təxminən 2,5 saatlıq emosional və
«sinədəftər» çıxışınızdan hiss edilir ki, Siz yaxşı formadasınız.
Necə lazımdırsa, elə də işləyirəm, vəssalam. Mən
çıxışlarımın mətnini heç vaxt əvvəlcədən yazmıram,
baxmayaraq ki, həmişə çoxlu rəqəm göstərirəm. Sadəcə, bir gün
əvvəl məlumat və arayışlarla tanış oluram, mənim yaxşı
yaddaşım var. Öz işinə bağlı olanda, öz işinə yaxşı bələd olanda,
nə deyəcəyini həmişə bilirsən. O ki qaldı mənim fomrada
olmağıma, neçə yaşım olduğunu bilirsiniz. Mən yaşca MDB
ölkələrinin, necə deyərlər, ən ahıl prezidentiyəm... Mən həmişə
çox işləmişəm və bu cür işləməyi də davam etdirirəm.
Respublikamızda təxirəsalınmaz işlər çoxdur.
Gennadi Poqov
Dostları ilə paylaş: |