__________________________________________
135
öz övladlarım, balalarım, nəvələrim hesab edərək sizin üçün
daim istəkli baba olacağam, ata olacağam.
Sizi öz övladlarım, uşaqlarım hesab edərək öz borcumu onda
görürəm ki, mən bu şərəfli adı daim daşıya bilim və sizin
arzularınızı, istəklərinizi həyata keçirə bilim.
Mən oz övladlarıma, nəvələrimə həmişə qayğıkeş olmuşam.
Mənim yanımda nəvələrim oturubdur. Əmin ola bilərsiniz ki,
sizə də, bütün Azərbaycanın uşaqlarına da öz doğma
övladlarıma, nəvələrimə göstərdiyim qayğıkeşliyi, diqqəti,
sevgini, məhəbbəti daim göstərəcəyəm. Siz bu gün, bu bayram
axşamı salona toplaşanların hamısı, məni həddindən artıq
sevindirdiniz və sizinlə keçirdiyim bu dəqiqələr, bu saatlar
demək olar ki, ən xoşbəxt dəqiqələrdir və yeni ili sizinlə birlikdə
qarşılamaq mənim üçün ən böyük xoşbəxtlikdir.
Siz uşaq olmağınıza baxmayaraq, gənc olmağınıza
baxmayaraq bu gün çox dəyərli, ağıllı fikirlər ifadə etdiniz,
sözlər dediniz. Bunlar hamısı onu göstərir ki, müstəqil
Azərbaycanın bugünkü uşaqları, bugünkü gəncləri əvvəlkilərdən
də istedadlıdırlar, ağıllıdırlar, şüurludurlar.
Siz Azərbaycanın gələcəyisiniz. Siz XXI əsrin
qurucularısınız. Siz XXI əsrdə müstəqil Azərbaycanı inkişaf
etdirib, yüksəldib daha da böyük bir dövlət etməyə qadir
gənclərsiniz. Sizin bu qədər istedadlı olmağınız, bu qədər zəkalı
olmağınız, 2000-ci ili bu qədər xoş əhval-ruhiyyədə
qarşılamağınız onu göstərir ki, biz, yaşlı nəsil tam arxayın ola
bilərik ki, Azərbaycanın gözəl gəncləri var, Azərbaycanı
gələcəkdə daha da yüksəldəcək insanlar böyüyür, Azərbaycan
xalqı daha da xoşbəxt yaşayacaqdır.
Azərbaycan keçid dövrünü yaşayan bir ölkədir. Bir çox
problemlər vardır, o cümlədən sosial-iqtisadi problemlər, maddi
problemlər. Bunlar, təbii ki, müvəqqətidir. Ancaq bunlar
Azərbaycan əhalisinin, vətəndaşlarının bir çox təbəqələrinin
həyatında istənilən səviyyəyə nail olmağa imkan vermir. Bun-
__________________________________________
136
lara baxmayaraq hər ailədə, hər evdə, hər şəhərdə, hər kənddə,
hər qəsəbədə ailə başçıları - atalar, analar, yaşlı nəsil bütün
imkanları uşaqların yaxşı yaşamasına sərf edir. Bu, bizim
dövlətimizin siyasətidir. Bu, mənim əməli fəaliyyətimdir. Əziz
balalar!
Biz unutmamalıyıq ki, Azərbaycan uşaqlarının bir qismi
Ermənistanın Azərbaycan torpaqlarını işğal etməsi ilə əlaqədar
öz yerlərindən, doğma yurdlarından didərgin düşüblər, köçkün
vəziyyətində yaşayırlar, çadırlarda yaşayırlar. Mən o çadırlarda
olmuşam, o uşaqlarla görüşmüşəm. Çox çətin vəziyyətdə
yaşayırlar, çox ağır bir şəraitdə yaşayırlar. Ancaq məni
sevindirən odur ki, o uşaqlar da sizin kimi şəndirlər, sizin kimi
sevinc içərisindədirlər, sizin kimi oxuyurlar, rəqs edirlər, gözəl
mahnılar ifa edirlər və Azərbaycanın balaları kimi yetişirlər.
Əminəm ki, onlar çadır şəhərçiklərində yaşayış dövrünü başa
çatdıracaqlar, öz evlərinə, doğma torpaqlarına qayıdacaqlar və
biz sizinlə birlikdə, hamımız birlikdə - bütün Azərbaycan xalqı,
bütün Azərbaycan vətəndaşları əl-ələ verib, işğaldan azad
olunmuş torpaqlarda yeni-yeni evlər tikəcəyik, yeni-yeni
şəhərlər salacağıq, yeni-yeni binalar ucaldacağıq. İndi o ağır
vəziyyətdə yaşayan uşaqlar da öz yerlərində şən, firavan
yaşayacaqlar. Mən çadırlarda ağır vəziyyətdə yaşayan
Azərbaycan uşaqlarını, övladlarını və onların vəlideynlərini
sizinlə birlikdə yeni il bayramı münasibətilə ürəkdən təbrik
edirəm. Onlara xoş əhval-ruhiyyə arzulayıram və istədikləri
gələcəyə nail olmağı arzulayıram.
Mən bilirəm ki, bu gün bu salonda, sizin içərinizdə Bakının
uşaq evlərində yaşayan, tərbiyə alan, təhsil alan, böyüyən
uşaqlar vardır. Bu uşaqlar nə qədər istedadlıdır, nə qədər
gözəldir, göyçəkdirlər.
Mən bu fürsətdən istifadə edib, uşaq evlərində vəlideynsiz
uşaqlara qayğı göstərənlərə, onları tərbiyələndirib böyüdənlərə,
onlara təhsil verənlərə xüsusi minnətdarlığımı bildirirəm və
__________________________________________
137
bəyan edirəm ki, bu, təkcə müəllimlərin, tərbiyəçilərin yox,
Azərbaycan dövlətinin, bizim hamımızın müqəddəs borcudur.
Əziz balalar!
2000-ci ildə mən sizə şən həyat arzulayıram. Mən sizə can-
sağlığı arzulayıram. Mən sizə yaxşı böyümək, oxumaq, təhsil
almaq, təhsilinizi yaxşı qiymətlərlə bitirməyi arzulayıram. Mən
arzulayıram ki, siz gələcəyin qurucuları olduğunuza görə
indidən özünüzü gələcək üçün yaxşı hazırlayasınız. Mən sizi bu
gün görərək, sizin istedadlarınıza sevinərək inanıram ki,
Azərbaycanın gələcəyi sizin əllərinizlə qurulacaq, sizin
zəkanızla qurulacaq və daha da gözəl olacaqdır.
Əziz balalar!
Bu gün, bu axşam mənə və burada olan insanların hamısına
bəxş etdiyiniz gözəl mahnılara görə, rəqslərə görə və öz
gözəlliyinizə görə, bizə bəxş etdiyiniz sevincə, məhəbbətə görə
sizə təşəkkür edirəm. Sizin hamınızı Yeni il bayramı
münasibətilə bir daha təbrik edirəm, cansağlığı, xoşbəxtlik
arzulayıram. Sağ olun.
__________________________________________
138
AZƏRBAYCAN XALQINA YENİ İL TƏBRİKİ
31 dekabr 1999-cu il
Əziz həmvətənlər!
Bacılar, qardaşlar!
Azərbaycanın vətəndaşları!
Sizi qarşıdan gələn Yeni il - 2000-ci il münasibətilə ürəkdən
təbrik edirəm. Hamınıza cansağlığı, səadət, yeni-yeni uğurlar
arzulayıram.
Ayrıldığımız 1999-cu il Azərbaycan xalqı üçün uğurlu və
əlamətdar il olmuşdur. Biz dövlət müstəqilliyimizin səkkizinci
ilini başa vurduq. Azərbaycan dövləti, hökuməti, Azərbaycan
xalqı, milləti bu ildə bir çox nailiyyətlər əldə ediblər.
Azərbaycan dövlətinin xarici və daxili siyasəti və onların həyata
keçirilməsi üçün görülən əməli işlər, tədbirlər öz müsbət
nəticələrini vermişdir. Azərbaycanın dövlət müstəqilliyi, milli
azadlığı qorunub saxlanıb, daha da möhkəmlənibdir.
Məlumdur ki, Azərbaycanın müstəqilliyinə qarşı xarici
təcavüzlər və Azərbaycanın daxilində müxtəlif təxribat, terror
cəhdləri hələ də tükənməyibdir. Ancaq bunlara baxmayaraq, biz
öz iradəmizlə, öz düzgün, doğru, müstəqil siyasətimizlə
Azərbaycanın dövlət müstəqilliyini qorumuşuq, inkişaf
etdirmişik.
Azərbaycan dünya miqyasında öz mövqelərini
möhkəmləndiribdir. Dünyanın bütün beynəlxalq təşkilatları, bir
çox dövlətləri ilə Azərbaycanın əlaqələri və əməkdaşlığı
genişlənib və inkişaf edibdir.
Azərbaycan daxili siyasətində tutduğu yolla ardıcıl olaraq
gedir. Bu yol müstəqillik, demokratiya, bazar iqtisadiyyatı
Dostları ilə paylaş: |