__________________________________________
132
KOSOVODA SÜLHMƏRAMLI QÜVVƏLƏRİN
TƏRKİBİNDƏ FƏALİYYƏT GÖSTƏRƏN
AZƏRBAYCAN ƏSGƏR VƏ ZABİTLƏRİNƏ
Əziz əsgərlər və zabitlər!
Sizi 31 dekabr - Dünya azərbaycanlılarının həmrəyliyi günü
və qarşıdan gələn yeni - 2000-ci il bayramı münasibətlə səmimi-
qəlbdən təbrik edir, hər birinizə xoş arzularımı yetirirəm.
Sizin vətəndən uzaqda - Kosovoda, müharibənin gətirdiyi
faciəyə, əzab-əziyyətə məruz qalan insanlara sülh və əmin-
amanlıq gətirən missiyanız bütün Azərbaycan xalqı tərəfindən
diqqətlə izlənir və çox yüksək qiymətləndirilir. Xalqımız
müharibənin nə olduğunu, insan həyatı üçün hansı fəlakətlər və
faciələr gətirdiyini neçə illərdir ki, öz gözü ilə görür, öz
həyatında hiss edir.
Bu gün Kosovədakı beynəlxalq sülhməramlı qüvvələrin
tərkibində Azərbaycan əsgər və zabitlərinin təmsil olunması
həm də müstəqil dövlətimizin beynəlxalq münasibətlər
sistemində özünəməxsus yer tutmasının, getdikcə dünyada baş
verən taleyüklü proseslərdə yaxından iştirakının, xalqımızın
demokratik ənənələrə, beynəlxalq prinsiplərə sadiqliyinin, bütün
dünyada sülhə çalışmasının bariz nümunəsidir.
Azərbaycan xalqı dünya xalqları arasında daim öz dəst-xətti
ilə seçilmiş, azadlıq, sülh, xoşməramlı əməkdaşlıq üçün çalışmış
və hər bir dövlətin təhlükəsizliyinin təmin olunmasını həmişə
arzu etmişdir. Sizin simanızda bütün dünya bilməlidir ki,
Azərbaycan xalqı ədalətli və sülhsevar xalqdır və nəinki təkcə
öz ölkəsində, Qafqazda, hətta bütün dünyada dincliyin, əmin-
amanlığın keşiyində durmağa hər zaman hazırdır.
__________________________________________
133
Ümidvaram ki, Ermənistan-Azərbaycan münaqişəsinin və
Dağlıq Qarabağ probleminin sülh yolu ilə həlli istiqamətindəki
fəaliyyətimizin reallaşmasında, ölkəmizdə
və Qafqaz
regionunda sülhün, əmin-amanlığın yaranmasında sizlərin
beynəlxalq səviyyədə topladığınız təcrübənin də müstəsna
əhəmiyyəti olacaqdır.
Əminəm ki, hər biriniz qəlbinizdə vətən həsrəti, işğal
olunmuş torpaqlarımızın azad edilməsi, doğma ocaqlarından
didərgin düşmüş soydaşlarımızın öz torpaqlarına qaytarılması ilə
əlaqədər hisslər keçirirsiniz. Buna görə də inanıram ki, müstəqil
və azad Azərbaycan ideyalarını tərənnüm edərək, ləyaqətlə öz
vətəndaş və əsgəri borcunuzu yerinə yetirəcək, müstəqil
Azərbaycanın dövlət rəmzi olan üçrəngli bayrağımızın əzəmətlə
yüksəkliklərdə dalğalanması üçün bundan sonra da mətanət və
əzm nümayiş etdirəcəksiniz.
Sizi bir daha təbrik edir, hamınızın tezliklə sağ-salamat
vətənə dönməyinizi, böyük təcrübə keçmiş peşəkar əsgərlər
kimi, Azərbaycanın təhlükəsizliyinin qorunması və xalqımızın
firavan gələcəyinin təmin edilməsi naminə, respublikamızda
həyata keçirilən işlərdə yaxından iştirakınızı arzulayıram.
HEYDƏR ƏLİYEV
Azərbaycan Respublikasının Prezidenti
Bakı şəhəri, 30 dekabr 1999-cu il
__________________________________________
134
VALİDEYN HİMAYƏSİNDƏN
MƏHRUM OLMUŞ UŞAQLAR ÜÇÜN
TƏŞKİL EDİLMİŞ YENİ İL ŞƏNLİYİNDƏ
NİTQ
Respublika İdman Oyunları Sarayı
31 dekabr 1999-cu il
Əziz uşaqlar, şirin balalar, övladlar, müstəqil Azərbaycanın
övladları!
Mən sizi və sizin simanızda Azərbaycanın bütün uşaqlarını,
bütün balalarını, bütün gənclərini qarşıdan gələn 2000-ci il
münasibətilə, Yeni il bayramı münasibətilə ürəkdən təbrik
edirəm. Sizin hər birinizə cansağlığı, xoşbəxt həyat, sağlamlıq
və gözəl-gözəl gələcəklər arzulayıram.
Sizi Dünya azərbaycanlılarının həmrəylik günü münasibətilə
də təbrik edirəm və əmin olduğumu bildirmək istəyirəm ki,
Dünya azərbaycanlılarının həmrəyliyi günü-gündən artacaq,
möhkəmlənəcək və Azərbaycan xalqı yüksələcəkdir.
Əziz balalar!
Siz mənə burada «baba» deyərək müraciət edirsiniz. Sizə çox
təşəkkür edirəm. Mən sizi və bütün Azərbaycanın uşaqlarını öz
uşaqlarını hesab edirəm, övladlarını hesab edirəm, nəvələrim
hesab edirəm.
Mən sizinlə birlikdə burada olmağımdan özümü çox xoşbəxt
hiss edirəm. Sizi dinləyərək düşünürəm ki, mən dünyanın ən
zəngin adamıyam, ən xoşbəxt adamıyam. Ona görə ki, müstəqil
Azərbaycanın uşaqları, balaları kimi mənim övladlarım var,
balalarım var. Əmin ola bilərsiniz ki, mən sizi
Dostları ilə paylaş: |