__________________________________________
365
İORDANİYA KRALI
ABDULLAH BİN HÜSEYN BİN TALAL İLƏ
GÖRÜŞDƏKİ SÖHBƏTDƏN
Davos
30 yanvar 2000-ci il
Kral Abdullah: Xoş gördük, cənab prezident! Sizinlə
gorüşdən şərəf duyduğumu bildirirəm.
Mən əziz dostum İlham Əliyevlə Bakıda görüşdükdən sonra
ümidvar idim ki, o, bizim ölkəmizi ziyarət edəcək, mənimlə
görüşəcəkdir. Cənab prezident, mən bu fürsətdən bir daha
istifadə edib həm Sizi, həm də oğlumuz İlham Əliyevi ölkəmizə
səfərə dəvət edirəm.
Heydər Əliyev: Səmimi sözlərinizə görə minnətdarlığımı
bildirirəm. ARDNŞ-in birinci vitse-prezidenti, millət vəkili
İlham Əliyevin salamlarını və xoş arzularını çatdırıram.
Mən ümid edirəm ki İordaniyaya səfərə birinci növbədə
İlham Əliyev, sonra isə mən gələrəm.
Kral Abdullah: Cənab prezident, mən Sizin bu sözlərinizi
İordaniyaya rəsmi səfərə gəlməyiniz barədə razılıq kimi qəbul
edirəm. Vətənə qayıtdıqdan sonra Sizə dəvəti rəsmi qaydada,
yazılı surətdə göndərəcəyəm.
Heydər Əliyev: Çox sağ olun. Mən də Sizi Azərbaycana
rəsmi səfərə dəvət edirəm.
Kral Abdullah: Təşəkkür edirəm, cənab prezident.
Dəvətinizi məmnuniyyətlə qəbul edirəm.
Heydər Əliyev: Sağ olun. Sizə məlumat verərək bildirmək
istəyirəm ki, müstəqil Azərbaycan Respublikasında hüqu-
__________________________________________
366
qi, demokratik, dünyəvi dövlət quruculuğu sahəsində böyük
uğurlar əldə edilib. Lakin Ermənistan-Azərbaycan münaqişəsi
ölkəmiz üçün ən ağrılı problemdir.
Ermənistan silahlı qüvvələrinin təcavüzü nəticəsində
torpaqlarımızın 20 faizinin işğal edilib bir milyondan çox
vətəndaşımız yerindən-yurdundan zorla qovularaq çadırlarda
ağır şəraitdə yaşayır. Bu münaqişənin sülh yolu ilə aradan
qaldırılması üçün ATƏT-in Minsk qrupu çərçivəsində və birbaşa
danışıqlar aparılır.
Kral Abdullah: Azərbaycanın haqq işi İordaniya krallığı
tərəfindən müdafiə edilir. Bizim ölkəmiz rəhbərlik etdiyiniz
respublikamızla bütün sahələrdə əlaqələrin genişləndirilməsinə
maraq göstərir.
__________________________________________
367
«BRİTİŞ PETROLEUM» ŞİRKƏTİNİN
PREZİDENTİ CON BRAUN İLƏ
GÖRÜŞDƏKİ SÖHBƏTDƏN
Davos
30 yanvar 2000-ci il
Con Braun: Hörmətli cənab prezident. Sizi xoş gördük.
Sizinlə görüşümdən şərəf duyuram.
Ötən ilin noyabrında İstanbulda Bakı-Ceyhan əsas ixrac neft
boru kəməri barədə sazişin imzalanması münasibətilə Sizi təbrik
edirəm. Mən «Britiş Petroleum» şirkətinin Azərbaycandakı
fəaliyyətini genişiəndirmək niyyətindəyəm.
Heydər Əliyev: Mən «Britiş Petroleum» şirkəti ilə
Azərbaycan arasında əməkdaşlığın ardıcıl inkişaf etdirilməsinə
tərəfdaram. Ötən ilin noyabrında İstanbulda Amerika prezidenti
Bill Klintonun iştirakı ilə Bakı-Ceyhan əsas ixrac boru kəməri
barədə sazişin imzalanmasını böyük əhəmiyyətli tarixi hadisə
kimi dəyərləndirirəm.
Azərbaycanın zəngin neft və qaz ehtiyatlarının xarici
ölkələrin ən nüfuzlu şirkətləri ilə birgə işlənilməsi üçün hələ
çoxlu imkan vardır. «Britiş Petroleum» şirkətinin
respublikamızda gördüyü işlərdən raziyam.
Con Braun: Mən yaxın vaxtlarda Azərbaycana gəlmək
istəyirəm.
Heydər Əliyev: Mən buna razıyam. Sizinlə Bakıda yenidən
görüşməyimiz faydalı olardı.
__________________________________________
368
İSVEÇRƏDƏKİ AZƏRBAYCAN CƏMİYYƏTİ
İDARƏ HEYƏTİNİN BİR QRUP ÜZVÜ İLƏ
GÖRÜŞDƏ ÇIXIŞ
Davos
30 yanvar 2000-ci il
Siz
İsveçrədəki Azərbaycan Cəmiyyətinin
nümayəndələrisiniz. Səfir sizin fəaliyyətiniz haqqında mənə
danışdı.
Bilirsiniz ki, Azərbaycan artıq səkkiz ildir müstəqil dövlətdir.
Biz müstəqillik şəraitində yaşayırıq. Dünyanın hər yerində olan
azərbaycanlılar bizim üçün əzizdir. Nəhayət, azərbaycanlıların
müstəqil bir ölkəsi vardır. Əlbəttə, insan doğulandan həyatı tərk
edənədək hər bir ölkədə yaşaya bilər. Ancaq hər bir insan üçün
vətən, torpaq, ölkə, müstəqil dövlət onun mənəviyyatı, həyatı
üçün çox yüksək anlayışlardır. Ona görə də biz bütün dünyada
yaşayan Azərbaycanlılarla müstəqil Azərbaycanda yaşayan
azərbaycanlıların həmrəyliyini, əlaqələrini çox yüksək
qiymətləndiririk. Çünki biz birinci növbədə istəyirik dünyanın
hər bir ölkəsində yaşayan azərbaycanlı hiss etsin ki, bu Dünya
Birliyində onun dövləti vardır. Dövləti olmayan xalqın Dünya
Birliyində yeri yoxdur.
Bilirsiniz ki, Azərbaycan xalqı böyük tarixə malikdir. Orta
əsrlərdə Azərbaycanın dövləti olubdur. Xalqımızın dövlətçilik
tarixi böyükdür. Sonra isə - XIX əsrin əvvəlindən Azərbaycan
işğal olunubdur, iki yerə parçalanıbdır. Bizim indi yaşadığımız
Azərbaycan rus imperatorluğunun tabeliyində olubdur.
1917-ci ildə Rusiyada Oktyabr inqilabı baş verəndən sonra
Azərbaycanda olan mütəfəkkir, vətənpərvər insanlar, millətçi
Dostları ilə paylaş: |