Microsoft Word hazir h.?24 Автосохраненный doc
Yüklə 2,17 Mb. Pdf görüntüsü
|
- Bu səhifədəki naviqasiya:
- Yurdəkil Yıqıtgüdən
- Heydər Əliyev
- RAMAZAN BAYRAMI MÜNASİBƏTİLƏ AZƏRBAYCAN XALQINA TƏBRİK
- HEYDƏR ƏLİYEV Azərbaycan Respublikasının Prezidenti
__________________________________________ 157
Yurdəkil Yıqıtgüdən: Sayın cümhur başqanım, bizi qəbul etdiyiniz üçün minnətdarlığımı söyləyirəm. Yeni iliniz mübarək olsun, deyirəm. İcazənizlə, sayın cümhur başqanı Süleyman Dəmirəlin sizə göndərdiyi məktubu təqdim etmək istəyirəm. Sayın cümhur başqanı Dəmirəl sizin böyük səylərinizlə gerçəkləşdirdiyimiz bu böyük anlaşmanın hərəkətə gətirilməsi üçün hansı işlərin görülməsi barədə fikirlərini bəyan edir. Ona görə də bu məktubu sizə təqdim etməyi tapşırdı. Biz bu gün sizin nümayəndələrinizlə görüşdük. Qarşıdakı günlərdə Gürcüstan nümayəndələrini də çağıraraq hamımız bir araya gəlib məsələləri müzakirə etmək istəyirik. Təbii ki, işi sürətləndirmək bizim vəzifəmizdir. Sizin səylərinizlə anlaşma imzalandı deyə rahat otursaq bu bizə yaraşmaz. Bu sazişin sürətlə gerçəkləşməsi üçün həm Türkiyədə, həm də Azərbaycanda siyasi iradə olduğunu da bilirik. Ona görə də bizim vəzifəmiz sizin də göstərişləriniz əsasında bu işi ən qısa zamanda gerçəkləşdirmək üçün lazımi addımlar atmaqdan ibarət olacaqdır. Heydər Əliyev: Şübhəsiz. Mən öz fikrimi dedim. Əziz dostum, qardaşım cümhur başqanı Süleyman Dəmirəlin məktubunu da diqqətlə oxuyacağam. Güman edirəm, o da burada eyni fikirləri yazıbdır. Mən də eyni fikirdəyəm. Amma unutmaq lazım deyil ki, biz bu anlaşmanı imzalamışıq, lakin bu anlaşmanın əleyhinə olan dairələrdə, yəni dövlətlərdə hələ indi də belə fikirlər var ki, bunu həyata keçirmək mümkün olmayacaqdır. Guya başqa alternativ şeylər təklif edəcəklər. Belə fikirlər dolaşır, siz onu bilin. Ona görə də biz vaxtı itirməməliyik. Biz – dövlət başçıları, hökumət başçıları öz borcumuzu yerinə yetirmişik. İndi iş sizin əlinizdədir - yəni sizin, bizim, Gürcüstanın. Bizim bu işlə məşğul olan adamlarımız mənim qəti əmrimi alıblar ki, bununla ciddi məşğul olsunlar və vaxtı itirməsinlər.
__________________________________________ 158
Amma gərək hamı - həm Azərbaycan, həm Gürcüstan, həm də Türkiyə bu işə eyni sürətlə yanaşsın. Vaxtı itirmək lazım deyildir. Mənim başqa fikrim ola bilməz. Hesab edirəm ki, biz artıq əməli işə başlamalıyıq.
gəlməzdən öncə Gürcüstana səfər etdik. Cənab Şevardnadzeyə də cümhur başqanımızın məktubunu verdik. Biz az sonra bununla bağlı aldığımız məlumatı da, icazə versəniz, sizə bildirmək istəyirik. Bu məsələdə cümhur başkanı Dəmirəlin fikirləri də eynən sizin fikrinizlə səsləşir. Hörmətli Şevardnadzenin fikri də bu cürdür. Hesab edirik ki, bu anlaşmanın əleyhinə olanlar yeni güc toplayıb layihəyə qarşı bəzi fikirləri yaymağa çalışacaqlar.
fikirlər söyləyirlər. Bəziləri elə fikir yaradırlar ki, bu, real deyil, bu işi görə, yəni boru xəttini tikə bilməyəcəklər. Bəziləri yenə də deyir ki, kəməri tikə bilməyəcəklər, ona görə ki, o qədər neft yoxdur. Şübhəsiz ki, bu fikirlər bütün məsələlərə mənfi təsir edir. Ancaq neft də var, boru xəttini də tikəcəyik. Amma bunu nə qədər tez başlasaq, bu işin qarşısını almaq istəyənlərin ağzını o qədər tez yumacağıq. Yummaq lazımdır!
__________________________________________ 159
RAMAZAN BAYRAMI MÜNASİBƏTİLƏ AZƏRBAYCAN XALQINA TƏBRİK
Mərhəmətli, rəhmli Allahın adı ilə! Əziz bacı və qardaşlar! Sizi dünya müsəlmanlarının müqəddəs Ramazan bayramı münasibətilə səmimi-qəlbdən təbrik edirəm. On dörd əsrə yaxındır ki, ilahi hikmətlər xəzinəsi Qurani- Kərimin insanlara nazil edildiyi Ramazan ayında bu əvəzsiz nemətə görə minnətdarlıq islam aləminin ayrılmaz hissəsi olan Azərbaycanda da oruc tutmaq, namaz qılmaq, dualar etməklə bildirilir. Ramazan ayı günlərində müsəlmanlarımız müqəddəs amallar uğrunda fədakarlıq göstərməyə, öz borc və vəzifələrini yerinə yetirməyə hazır olduqlarını nümayiş etdirirlər. İslamın bu mübarək ayı həm də cəmiyyətimizdə həmrəyliyin, dini-mənəvi birliyin möhkəmləndirilməsi işinə xidmət edən gözəl bir fürsətdir. Ramazan ayının başa çatması ilə onun sınağından ləyaqətlə çıxmış hər bir müsəlmanın bu gün bayram etməyə, öz müqəddəs borcunu yerinə yetirməkdən doğan sevinc və fərəh hisslərini bildirməyə tam haqqı vardır. Respublikamızın müsəlmanları bu bayram günlərində Allaha inam, vətənə və xalqa sədaqətlərini bir daha nümayiş etdirir, cəmiyyətdə mehribanlıq və qardaşlıq tellərinin möhkəmləndirilməsi üçün daha böyük əzmkarlıq göstərirlər. Həyatdan getmiş yaxınların, xalqımızın qəhrəman oğul və qızlarının - Azsrbaycanın azadlığı, müstəqilliyi və ərazi bütövlüyünün müdafiəsi uğrunda öz canlarını vermiş şəhidlərin xatirələrini bu əziz bayram günlərində yad etmək gözəl bir ənənəyə çevrilmişdir. Öz adlarını xalqımızın qəhrəmanlıq sal-
__________________________________________ 160
naməsinə həmişəlik yazmış şəhidlərimizin hamısına rəhmət, onların ailələrinə və qohum-əqrəbalarına səbr diləyirəm. Əminəm ki, şəhidlərimizin həyatı bahasına əldə edilmiş müstəqilliyimiz daha da möhkəmlənəcək və dönməz olacaq, respublikamız həqiqi demokratik dövlət quruculuğu, sosial- iqtisadi inkişaf yollarında yeni böyük uğurlar qazanacaq, xalqımız xoşbəxt, firavan həyata qovuşacaqdır. İnanıram ki, ölkəmizdə sülhün və əmin-amanlığın tam bərqərar olacağı, işğal edilmiş torpaqlarımızın azad ediləcəyi, qaçqın və köçkün düşmüş soydaşlarımızın öz ev-eşiklərinə qayıdacaqları gün uzaqda deyildir. Xalqımızın bu amallarının gerçəkləşməsi naminə hamınızı daha böyuk əzmkarlıq, qətiyyat və həmrəylik nümayiş etdirməyə çağırıram. Ulu Tanrıdan sizə möhkəm cansağlığı, xoş bayram əhval- ruhiyyəsi, doğma Azərbaycanımızın tərəqqisi yolundakı işlərinizdə böyük uğurlar arzulayıram. Qoy bu əziz günlərdə etdiyiniz bütün pak niyyətlər gerçəkləşsin! Bayramınız mübarək olsun!
Bakı şəhəri, 7 yanvar 2000-ci il Yüklə 2,17 Mb. Dostları ilə paylaş:
|