500
nümayiş etdirir. V.Molotov ümidvar olduğunu bildirdi ki, F.Xozar və Türkiyə
hökuməti bəyanatı düzgün dəyərləndirəcəkdir (103).
Qeyd etmək lazımdır ki, 1953-cü ilin may ayının 30-da Sovetlər rəsmi qaydada
Türkiyəyə qarşı ərazi tələblərindən imtina etdiyi zaman bu məsələ artıq öz
əhəmiyyətini itirmiş, bu tələblərin elan olunduğu 1945-ci illə müqayisədə
beynəlxalq vəziyyət xeyli dəyişmiş, Türkiyə ABŞ-ın və Qərbin müttəfiqinə
çevrilmiş, artıq NATO-nun üzvü olmuşdu. Beləliklə, İ.Stalinin səhv və təkəbbürlü
siyasəti Türkiyəni soyuq müharibənin ilk sınaq meydanına çevirsə də, Türkiyə bu
sınaqdan tamamilə yeni keyfiyyətdə - istər ölkənin siyasi maraqlarını,
təhlükəsizliyini, istərsə də türk xalqının ləyaqətini, hər hansı xarici təhlükə
qarşısında birləşmək əzmini tam mənası ilə nümayış etdirən, ən mürəkkəb və ciddi
şəraitdə yalnız dövlət maraqlarını üstün tutaraq doğru və müstəqil siyasət
yürütməyə qadir olan bir ölkə kimi çıxdı.
501
NƏTİCƏ
Sovetlər Birliyi dağıldıqdan sonra açıqlanan arxiv sənədləri soyuq müharibə
tarixinin bir sıra qaranlıq sahələrini dəqiqləşdirməyə imkan verdi. Yeni
dövriyyəyə gətirilən sənəd və materialların araşdırılması göstərdi ki, Sovetlərin
Türkiyəyə qarşı ərazi iddiaları və Boğazlara birgə nəzarət tələbləri soyuq
müharibənin ilk hadisələrindən sayıla bilər. Həmin vaxt "soyuq müharibə " ifadəsi
hələ işlənmədiyindən "əsəb savaşı" anlayışı Türkiyə ilə bağlı diplomatik
yazışmaların, hərbi, siyasi xarakterli məlumatların əsas mahiyyətini təşkil edirdi.
İkinci Dünya müharibəsi başa çatan kimi Sovet lideri İ.Stalini SSRİ-nin məhz
İran və Türkiyə ilə sərhədləri təmin etmirdi. Müharibədəki qələbə eyforiyasının
təsiri altında bu ölkələrlə sərhədləri xəritə üzərində dəyişdirən Sovet rəhbərləri
real həyatda buna nail ola bilmədilər. Aparılan araşdırmalar göstərdi ki, soyuq
müharibənin Türkiyə epizodu Stalin intriqalarının, Kremlin siyasi istəklərində
həddini aşaraq öz imkanlarını son dərəcə yüksək qiymətləndirməsinin, Türkiyənin
dövlətçilik potensialını isə layiqincə dəyərləndirməməsinin bilavasitə nəticəsi idi.
Lakin Sovetlərin haqsız tələbləri, hərbi və siyasi hədələri Türkiyədə gözlənilən
nəticəni vermədi. Türk xalqı, türk dövləti, Türkiyənin çeşidli siyasi partiyaları
soyuq müharibənin bu ilk sınağından uğurla çıxdılar. Şərqi Avropa və Balkanlarda
Sovet təzyiqləri həmin ölkələrin daxilində siyasi parçalanmaları gücləndirdisə,
Türkiyədə isə bunun əksinə olaraq SSRİ-nin tələbləri siyasi mühiti bütövləşdirdi.
Bu ilk növbəti türk millətinin, türk dövlətinin və onun başında duran siyasətçilərin
böyük tarixi nailiyyəti idi.
Türkiyənin bu tarixi nailiyyətinin bünövrəsi İkinci Dünya müharibəsi
ərəfəsində və müharibə dövründə yeridilən düzgün siyasətlə qoyulmuşdu. Bir çox
ölkələrdən fərqli olaraq Ankara həmin dövrdə dünyanın aparıcı dövlətləri ilə
münasibətlərinin mərkəzinə məhz Türkiyənin təhlükəsizliyi məsələsini qoymuşdu.
Bu bir tərəfdən İngiltərə və Fransa ilə ittifaq müqaviləsinin imzalanmasında, digər
tərəfdən Sovetlərlə ittifaq yaratmaq arzusunda, üçüncü tərəfdən isə Almaniya ilə
bitərəflik haqqında sazişdə öz əksini tapmışdı. Türkiyə dövlət xadimləri coğrafi
baxımdan hərbi əməliyyatların əhatəsində olan ölkəni müharibə alovundan
qoruya bildilər. ABŞ və İngiltərə hakim dairələrinin fikrinin əksinə olaraq, Ankara
siyasətçiləri İkinci Dünya müharibəsinin gedişində Sovet qoşunlarını öz ərazisinə
buraxmamaqla Türkiyənin müharibədən sonrakı taleyini həll etdilər. Tarixi
təcrübə təsdiq etdi ki, Şərqi Avropa və Balkanlarda Sovet dominantlığı bilavasitə
xilaskar kimi həmin ölkələrə daxil olan Qızıl Ordunun az sonra işğalçı orduya
çevrilməsi ilə bağlı idi.
502
İkinci Dünya müharibəsindən sonra Sovet İttifaqında Türkiyəyə qarşı
genişlənən təbliğat kampaniyasında onun Almaniya ilə əməkdaşlığına aid çoxlu
ittihamlar irəli sürülsə də, yeni açıqlanan arxiv sənədləri Türkiyənin böyük
müharibədə yerini müəyyənləşdirməyə əsas verir. Müharibənin gedişində müttəfiq
dövlətlərin rəhbər dairələri dəfələrlə etiraf etmişdilər ki, Türkiyənin bitərəfliyi
müttəfiqlərin xeyrinədir. Belə etiraflar SSRİ Xarici İşlər Nazirliyinin Türkiyə
hökumətinə təqdim etdiyi notada da öz əksini tapmışdı. Lakin müharibənin
sonrakı mərhələsində Sovet qoşunlarının qələbəsindən və hərbi əməliyyatlar
meydanında müttəfiqlər təşəbbüsü ələ aldıqdan sonra Türkiyəni müharibəyə cəlb
etmək adı altında ona qarşı təzyiqlər gücləndirilmiş, Sovet-Türk münasibətlərində
süni gərginlik yaradılmışdı. Nəzərə almaq lazımdır ki, əvvəllər müxtəlif
danışıqların mövzusu olan Türkiyəyə qarşı ərazi iddiaları, Boğazlarda hərbi baza
əldə etmək niyyətləri və Türkiyənin ərazisinin bir hissəsi olan Bosfor və
Dardanellə birgə nəzarət ideyası məhz 1944-cü ildən etibarən Sovetlərin strateji
planlarına daxil edilmişdi.
SSRİ-nin güclü dövlət kimi formalaşdığı 1945-1953-cü illərdə Türkiyə Baltik
dənizindən Qara dənizə qədər olan sərhədlərdə Sovetlərin təsir dairəsinə
düşməyən yeganə ölkə oldu. Lakin bu Ankaraya elə də asan başa gəlmədi. Türkiyə
demək olar ki, Sovet İttifaqının müharibədəki qələbəsinin eyforik siyasət
dalğasına düşən ilk ölkələrdən biri idi. 1945-ci ilin iyun ayında Molotov-Sarper
danışıqlarında Türkiyənin Qars, Ərdahan, Artvin vilayətlərinə və Boğazlara qarşı
irəli sürülən Sovet tələbləri 1953-cü ilin may ayına qədər qüvvədə qaldı və bu
müddət ərzində ölkə soyuq müharibənin bütün ağırlığını öz çiyinlərində daşıdı.
Uzun müddət Sovet təhlükəsi altında yaşayan Türkiyə əsəb savaşında dirəniş
göstərmək üçün böyük bir ordunu daim silah altında saxlamağa məcbur oldu ki,
bu da ölkənin iqtisadiyyatını zəiflətmək, bütövlükdə Türkiyəni diz çökdürmək
üçün həyata keçirilən siyasətin tərkib hissəsi idi.
Türkiyəyə qarşı planlaşdırılan Sovet siyasətində Cənubi Qafqaz
respublikalarından Ermənistan və Gürcüstan fəal rol oynadılar. Moskvanın diktəsi
ilə Cənubi Qafqazda başlanmış millətçilik dalğası bəzi məqamlarda güclü görünən
Stalin intriqalarının ən zəif həlqələri idi. Sovet Ermənistanı və Gürcüstanından
Türkiyəyə qarşı SSRİ-nin tələblərində bir alət kimi istifadə olunması beynəlxalq
aləmdə müsbət rəy doğurmadı. Xaricdə yaşayan ermənilərin Ermənistan SSR-ə
repatriasiyasının arxasında dayanan məqsədlər dünyaya bəlli oldu. Türkiyəyə qarşı
ərazi tələblərini əsaslandırmaq üçün erməni kartının Stalinin əlində bir oyun
olduğunu dünya tez başa düşdü və bu siyasi avantüra baş tutmadı. 1946-1949-cu
illərin "böyük repatriasiya" proqramının iştirakçısı olan ermənilərin taleyində də
bu siyasət dərin izlər qoydu. Yeni açıqlanan arxiv sənədlərində yüzlərlə
repatriantın Sovet sərhədlərini pozaraq Türkiyəyə