492
müzakirəsi ilə bağlı belə bir istək ifadə etmişdir ki, əgər Türkiyə hökuməti
arzulayırsa, Ankara Atlantik paktının Aralıq dənizi zonasının müdafiəsinin hərbi
planlaşdırma üzrə işlərində iştirak edə bilər. Eyni ilə belə təklif Yunanıstan
hökumətinə də təqdim edilmişdi (85).
A.Menderesin başçılığı ilə yüksək hərbi şura və Nazirlər Kabineti uzun
müzakirələrdən sonra oktyabr ayının 21-də bu təklifi qəbul etdiyini bildirdi. Bu
iclasların başa çatmasından sonra Türkiyə hökuməti rəsmi olaraq Vaşinqtona
məlumat verdi ki, o Atlantik paktı ölkələrinin Aralıq dənizi qrupu ilə "xüsusi
əlaqə" qurmaq haqqında təklifini qəbul edir. Bu məsələ ilə bağlı sazişi hazırlamaq
və müzakirə etmək üçün baş qərargahın zabitlərindən ibarət türk hərbi missiyası
bu yaxınlarda ABŞ-a yola düşəcəkdir.(86) Hökumət doğru olaraq bu qərarı
NATO-ya daxil olmaq yolunda atılmış bir addım kimi izah edirdi. Hökumətin
müsbət cavabından sonra oktyabr ayının əvvəllərində baş qərargahın əməliyyat
şöbəsinin rəisi general Yusif Egeli başda olmaqla danışıqlar aparmaq üçün türk
hərbi heyəti Vaşinqtona yola düşdü. Eyni zamanda Yunanıstanla Türkiyə arasında
danışıqlarda müdafiə haqqında regional pakt imzalanması ilə bağlı məsələlərin
müzakirəsi başlandı. Bu danışıqlar daha çox Aralıq dənizinin müdafiəsi ilə bağlı
Türkiyə və Yunanıstanın NATO-nun hərbi planlaşdırmasında iştirakını əhatə
edirdi. Xarici işlər naziri F.Köprülünün oktyabr ayının 20-21-də Romada apardığı
danışıqlar da bilavasitə Aralıq dənizinin müdafiəsi ilə bağlı təşkilatın yaradılması
haqqında idi. İtaliya və Yunanıstanla aparılan danışıqlarda Aralıq dənizinin
təhlükəsizliyini təmin etmək üçün yaradılacaq blok və ya təşkilatda hansı
dövlətlərin olmasından asılı olmayaraq türklər bunu antikommunist xarakterində
olacaq bir təşkilat kimi təsəvvür edirdilər. Qeyd etmək lazımdır ki, Ankaradakı
Sovet səfirliyi NATO-nun Aralıq dənizi hərbi planlaşdırmasında iştirak edəcək
Yunanıstanla Türkiyə arasındakı münasibətləri elə də möhkəm hesab etmir və
yazırdı ki, türk-yunan dostluğunun binası laxlayan özül üzərində qurulub. Daha
sonra səfirlik Türkiyə ilə Yaxın Şərq ölkələrinin münasibətlərinə toxunaraq
yazırdı: "Türkiyənin bloka daxil olmaq siyasətinin uğursuzluğa düçar olmasından
sonra türk diplomatiyası BMT-nin Təhlükəsizlik Şurasının üzvlüyünə nail olmaq
üçün xüsusi cəhdlər göstərirdi. Məlum olduğu kimi, Yaxın Şərq dövlətləri qrupu
adından Livan və Türkiyə öz namizədliyini irəli sürmüşdülər, lakin səsvermənin
nəticələri iddiaçıların heç birinə uğur gətirməmişdi. Bundan sonra Livan öz
namizədliyini geri götürmüş və Türkiyə 53 səslə Təhlükəsizlik Şurasının üzvü
seçilmişdi. Sovetlər bu məsələdən Türkiyə ilə ərəb ölkələri arasında münasibətləri
gərginləşdirmək üçün istifadə edir və Türkiyənin TŞ-nın dəyişən üzv seçilməsinə
bütün vasitələrlə mane olurdu. Türkiyə TŞ-nın üzvü olduqdan sonra BMT-dəki
daimi nümayəndə S.Sarper bildirdi ki, Türkiyənin TŞ-nın dəyişən üzvünün
seçilməsi onunla
493
ərəb ölkələri, başlıca olaraq Türkiyə ilə Livan arasında münasibətlərə heç bir ziyan
gətirməyəcəkdir. Eyni mövqeyi Ankaradakı ərəb ölkələri səfirləri adından Suriya
səfiri Əmir Adil Arslan da təsdiq etdi" (87).
1950-ci ilin noyabr ayının 1-də TBMM-nin sessiyasının açılışında çıxış edən
prezident C.Bayar xarici siyasət məsələləri üzərində geniş dayandı. İlk növbədə o,
bəzi məqamlarına görə ölkədə birmənalı qarşılanmayan Koreya müharibəsi və
BMT-nin çağırışına cavab olaraq ora türk ordusunun göndərilməsi məsələsinə
aydınlıq gətirdi. C.Bayar qeyd etdi ki, Koreya hadisələri Birləşmiş Millətlərin nə
dərəcədə həyat qabiliyyətli olduğunu imtahandan çıxardı və bu təşkilatın bir sıra
zəif cəhətlərini də ortaya qoydu. Onun fikrincə, Təhlükəsizlik Şurasının çağırışına
cavab olaraq Türkiyə Koreyaya hərbi kontingent göndərməklə öz üzərinə düşən
öhdəliyi vaxtında yerinə yetirmiş oldu. Daha sonra prezident Atlantik paktı ilə
bağlı məsələlərin üzərində dayandı. O bildirdi ki, Türkiyə təhlükəsizlik və
kollektiv müdafiə sisteminin Şərqi Aralıq dənizi rayonuna yayılmasını arzulayır.
Amerika Dövlət katibi Atlantika paktı şurası adından Türkiyə hökumətini Aralıq
dənizinin müdafiəsi ilə bağlı Şimali Atlantik paktı hərbi planlaşdırma işlərində
iştiraka dəvət etdi.
Türkiyə hökuməti qeyd edilən planlaşdırmada onun iştirakının Şərqi Aralıq
dənizi rayonunun müdafiəsinin əhəmiyyətli dərəcədə artıracağını nəzərə alaraq bu
dəvəti qəbul etdi. C.Bayar dedi: "Biz ümid edirik ki, bu danışıqlar Aralıq dənizi
rayonunun həm hərbi nöqteyi-nəzərdən, həm də hüquqi nöqteyi-nəzərdən
təhlükəsizliyi üçün əhəmiyyətli nəticələr verəcəkdir".
C.Bayar Millət Məclisinin açılışındakı çıxışında İngiltərə, Fransa, ABŞ, İtaliya
ilə Türkiyə arasında inkişaf edən münasibətlər üzərində geniş dayandı. Sovet
İttifaqı ilə münasibətlərə gəldikdə, qeyd etdi ki, SSRİ ilə münasibətlərin
yaxşılaşdırılması bizim tərəfimizdən arzu olunsa da, ötən illə müqayisədə bu
istiqamətdə elə bir dəyişiklik baş verməyib. Qeyd etmək lazımdır ki, prezident öz
çıxışında Sovet İttifaqı ilə müqayisədə İrlandiya ilə əlaqələrə daha çox yer
vermişdi. Ən nəhayət, çıxışının sonunda C.Bayar beynəlxalq münasibətlərdə
Türkiyənin nüfuzunun artmasını onun "yurdda sülh, cahanda sülh" Atatürkçü
prinsipinə söykənməsi, xalqların hüquq bərabərliyini, beynəlxalq münasibətlərin
hamı tərəfindən qəbul edilən əsas prinsiplərinə hörmətlə yanaşması, birgə
təhlükəsizlik və mehriban qonşuluq siyasətinə sayğılı münasibəti ilə izah edirdi.
Prezident dedi: "Bizim Təhlükəsizlik Şurasına seçilməyimiz bütün bunların başa
düşülməsinin birbaşa təsdiqidir və bizim beynəlxalq aləmdə nüfuzumuzun
artmasına verilmiş qiymətdir" (88).
Türkiyənin NATO-nun Aralıq dənizi hərbi planlaşdırma komitəsinin işlərinə
qatılması ilə bağlı müzakirələr getdiyi bir vaxtda türk ordusunun Koreyada
göstərdiyi qəhramanlıq Qərbdə böyük rəğbətlə qarşılandı. Bu bir