488
tank mərmisi, 400 min əl qumbarası, minə Yaxın radiostansiya, üç min telefon
aparatı, 4 min km. kabel, Yak-9, İl-10, Yak-11 təyyarələri üçün ehtiyat hissələri,
60 ton sürtkü yağı və s. istədiyini bildirirdi. T.Ştıkov axırda yazırdı ki, Kim İr
Senin xahişini müdafiə edirəm (77). Sovetlərin bilavasitə iştirakı ilə başlanan
hücum əməliyyatı üç gündən sonra Seulun tutulması ilə nəticələndi, Cənubi
Koreya hökumət idarələri Suvon şəhərinə köçməli oldu.
Koreyada başlanmış müharibə ilə bağlı iyunun 25-də BMT Təhlükəsizlik
Şurasının təcili iclası çağırıldı. Təcavüzə məruz qalmış Koreya respublikasına
yardım göstərmək barədə iyunun 27-də Təhlükəsizlik Şurasının qəran Truqve Li
tərəfindən BMT-nin üzvü olan dövlətlərə göndərildi. Bu müraciətə cavab olaraq
xarici işlər naziri F.Köprülü hökumət adından Truqve Liyə cavab verdi ki, Türkiyə
BMT Nizamnaməsinə görə öz üzərinə götürdüyü öhdəliyi yerinə yetirməyə və TŞ-
nın Koreya məsələsi ilə bağlı qərarlarının icrasında iştirak etməyə hazırdır. İyun
ayının 30-da F.Köprülü BMT TŞ-nın katibindən gələn məktublar haqqında Millət
Məclisinə məlumat verdi. Türkiyə hökuməti BMT çağırışına cavab olaraq 4500
nəfərlik hərbi kontingenti Koreyaya göndərmək haqqında iyul ayının sonlarında
qərar qəbul etdi. Həmin qərar qəbul ediləndə Türkiyədə olan Amerika senatoru
Keyn qeyd etdi ki, Türkiyə hökumətinin bu qərarı onun Atlantika paktına daxil
olmasını asanlaşdırdı (78). Belə bir qərar qəbul etməklə Türkiyə ABŞ-dan sonra
BMT-nin təcavüzə qarşı yardım çağırışına cavab verən ikinci ölkə oldu.
Cümhuriyyət tarixində ilk dəfə idi ki, Türkiyə öz əsgərini ölkə xaricinə göndərirdi.
Hökumət bunu onunla izah edirdi ki, Türkiyə hər hansı silahlı təcavüzə məruz
qalarsa, Cənubi Koreyaya göstərilən yardımın eynisini BMT-dən tələb edəcəkdir.
Bu baxımdan BMT Nizamnaməsi üzv ölkələrin üzərinə bir sıra öhdəliklər qoysa
da, əslində Bayar-Menderes hökumətinin Cənubi Koreyaya əsgər göndərmək
qərarının başlıca səbəbi NATO üzvlüyündə israr etmək üçün zəmin hazırlamaq idi
(79). Ankaradakı Sovet səfirliyinin əməkdaşı S.Yevseyevin hazırladığı arayışda
göstərilirdi ki, Türkiyə hökumətinin tərəfindən qəbul edilən bu qərar
amerikanların təzyiqi altında qəbul edilmişdir. Bu qərarla bağlı hökumətin
mövqeyini şərh edən xarici işlər naziri F.Köprülü demişdi: "Türkiyə həmişə bəyan
edib ki, o BMT-nin prinsiplərinə sədaqətlidir. Hökumətin inamına görə sülhün
qorunması üçün ən təcili təminat bu prinsiplərə sədaqətdədir, bundan çıxış edərək
biz BMT-nin hər bir üzvünün öz öhdəliyini tərəddüdsüz yerinə yetirməsini zəruri
hesab edirik" (80).
1950-ci ilin yayında diplomatik yazışmalardan aydın olur ki, Sovet blokuna
daxil olan ölkələrin Ankaradakı diplomatik idarələrinin əməkdaşları Koreyaya
göndəriləcək türk hərbi kontingentinin sayı, yola salınması vaxtı və marşrutu ilə
ciddi şəkildə maraqlanırlar. Sovet səfirliyi
489
Moskvaya yazırdı: "Tamamilə aydındır ki, Koreyaya ordu göndərmək haqqında
qərarı yerinə yetirməyə türklər tələsmirlər. Görünür, onlar Koreyadakı hərbi
əməliyyatların tam müəyyənləşməsini gözləyirlər və buna uyğun özlərinin Koreya
münaqişəsində iştiraklarını götür-qoy edirlər. Digər tərəfdən belə güman etmək
olar ki, Türkiyə hökuməti Şimali Atlantika paktı Şurasının işə başlamasını
gözləyir və əmin olmaq istəyirlər ki, Türkiyənin Atlantik paktına daxil olmaq
cəhdləri bir nəticə verir, ya yox. Xüsusən ona görə ki, Türkiyə hakim dairələri
Koreyaya ordu göndərmək qərarını bütövlükdə Türkiyənin Atlantik paktının
iştirakçısı olması ilə əlaqələndirirlər" (81).
1950-ci ilin iyul ayının sonlarında F.Köprülü Ankaradakı İngiltərə və Fransa
səfirləri ilə görüşüb Türkiyənin NATO-ya daxil olması ilə bağlı məsələləri
yenidən müzakirəyə çıxartdı. İyulun sonlarında Türkiyənin BMT-dəki
nümayəndəsi S.Sarper Ankaranın Atlantik paktına daxil olmaq cəhdləri barədə
açıqlama verdi. Ayın 30-da isə Baş nazir A.Menderes Türkiyədəki Amerika
səfirini qəbul edib onunla üç saatlıq müzakirə apardı. Avqust ayının əvvəllərində
isə Avropa Şurası xarici işlər nazirlərinin Strasburq görüşündə iştirak edən
F.Köprülü Atlantik paktı iştirakçısı olan ölkələrin xarici işlər nazirləri ilə görüşlər
keçirib Türkiyənin bu pakta girməsinə kömək etmələrini xahiş etdi. Bevin və
Şumanla görüşlərdən sonra Frans Press agentliyinə verdiyi müsahibədə o, müttəfiq
dövlətlərin xarici işlər nazirləri ilə Şərqi Aralıq dənizi rayonunun təhlükəsizliyi
məsələsinin, habelə Türkiyənin NATO-ya daxil olmaq istəyinin müzakirə
olunduğunu dilə gətirdi. F.Köprülü dedi ki, Atlantik paktı indi tam deyildir. Aralıq
dənizində birgə təhlükəsizlik sistemi ancaq Adriatik dənizinə qədər yayılır. Bu
dünya sülhü üçün böyük təhlükədir. Onun fikrincə, mühüm strateji məntəqə kimi
Şərqi Aralıq dənizi birgə müdafiə sistemindən kənarda qala bilməz. Ona görə mən
düşünmürəm ki, Türkiyənin Atlantik paktına daxil olması məsələsi etirazla
qarşılanacaq. Türkiyəyə qayıtdıqdan sonra F.Köprülü bəyan etdi ki, hökumət
Atlantik paktına qoşulmaq üçün zəruri olan bütün addımları atıb. Avqust ayının
sonlarında hökumətin tapşırığı ilə Vaşinqtondakı türk səfiri D.Açesondan xahiş
etdi ki, Türkiyənin Atlantik paktına daxil olmaq haqqında müraciətini müdafiə
etsin. Avqust ayının sonunda Sovet səfirliyinin əməkdaşı V.Starsev "Türkiyənin
Atlantik blokuna can atması haqqında" hazırladığı icmalda yazırdı: "DP hökuməti
hesab edir ki, indiki vaxtda Türkiyənin Atlantik paktına qoşulması üçün əlverişli
şərait yaranmışdır. Ona görə də hakim partiya Xalq respublikaçı hökumət
dövründə xarici siyasət məsələlərində olan ehtiyatlılığı bir tərəfə ataraq bütün
vasitələrlə öz məqsədinə nai1 olmağa çalışır" (82). Beləliklə, 1950-ci ilin may
ayından sonra ikinci dəfə avqust ayında Türkiyə hökuməti Atlantik paktına
qoşulmaq barədə rəsmi müraciət etdi.