_____________Milli Kitabxana_____________
50
jurnalistikanın inkişafında və güc strukturlarının ictimaiyyəti
məlumatlandırma siyasətində xüsusi sədlər yarada bilər və bu,
təbiidir. Lakin bu, Azərbaycan vergi ödəyicilərinin ordudakı
vəziyyətdən, islahatlar prosesindən xəbərsiz qalmasına dəlalət
etməməlidir. Müharibə şəraitində olan, torpaqları işğal altında olan
dövlətlərdə hərbi sektor barədə ictimai məlumatlandırmanın bir
qaydası var və Azərbaycan o qaydadan yararlanmalıdır. Bu
baxımdan Gürcüstan nümunəsi təqdirəlayiq hesab edilə bilər.
Fikrimcə, Azərbaycanda "hərbi sirr" anlayışına da aydınlıq
gətirilməlidir. Müdafiə Nazirliyi ilə müstəqil KİV-lər və hərbyönlü
QHT-lər arasında münasibətlər qaydaya düşməlidir, bu isə tərəflərin
səylərindən asılıdır.
Çıxışlar
“Biz açıq olası qurumlardan nə ala bilirik ki, Müdafiə
Nazirliyindən nəsə tələb edə bilək”
Zamin Hacı, “Yeni Müsavat” qəzetinin köşə yazarı
Bu gün Azərbaycanda hərbi sahədə informasiya əldə etmək
çətindir, daha doğrusu Müdafiə Nazirliyi ancaq özünə sərf edən
informasiyanı yayır. Biz ordudan yalnız kimsə öldürülüb meyiti
gələndə xəbər tuturuq. Obrazlı desək, bura ölü qurumdur - xəbər
əvəzinə meyit çıxır. Xalq ordu ilə maraqlanmalıdır. Ümumiyyətlə,
ordunun şəffaflığı cəmiyyətin demokratiklik səviyyəsindən asılıdır.
Bizdə heç qul bazarındakı adamdan da informasiya almaq olmur,
hamı qorxur.
Bir konsepsiya olaraq bütün dünyada ordular bir qədər qapalı
olurlar. Biz açıq olası qurumlardan nə ala bilirik ki, Müdafiə
Nazirliyindən nəsə tələb edə bilək. Misal üçün, rabitə və İnformasiya
Texnologiyaları Nazirliyi. Biz ordan məlumatı zülmlə alırıqsa, bizim
durub Müdafiə Mazirliyindən nəsə ummağa… Şəxsən mənim
Müdafiə Nazirliyinə elə bir iradım yoxdur. Çünki adama deyərlər ki,
_____________Milli Kitabxana_____________
51
qardaş get hələ birinci məktəbdən, bazardan, açıq olan yerlərdən
məlumat al, sonra tikanlı məftillərlə əhatələnmiş bir yerdən
istəyərsən. Onu ala bilmirik axı. Bu məsələnin bir tərəfi.
İkincisi, bir fakt deyim: Səfər Əbiyevin Azərbaycan mətbuatına
sonuncu dəfə nə vaxt müsahibə verdiyi kimin yadına gəlir? Mənim
yadıma gəmir. Ümumiyyətlə, xatırlayıram ki, Müdafiə Nazirliyinin
geniş şəkildə, idarə rəislər, nazir müavinləri səviyyəsində sonuncu
dəfə mətbuat konfransı 1998-ci ildə keçirilib. 1998-ci ildə Zabitlər
Evində keçirilən mətbuat konfransında Üzeyir bəy, Mehman
Səlimov, kadrlar idarəsinin rəisi iştirak edirdi. Bütün jurnalistlər
oraya yığılmışdı. Düzdür, o vaxt şəxsən məni müzakirə etmək üçün
yığılmışdılar. Amma nə dəxli var. Çox açıq diskussiya getdi, onlar
məni təkzib etməyə çalışdılar.
Bunu nəyə görə dedim. Bir ordunun rəhbəri təkcə bir nazirdən
ibarət deyil axı. Burada ölkədə tanınmalı olan generallar var. Tutaq
ki, mən indi fikirləşsəm ABŞ ordusunun 3 generalının adını çəkərəm,
amma Azərbaycan Ordusunun generallarını mən tanımıram. Nəyə
görə tanımıram. Çünki, bunlar xalq arasına çıxmağa qorxurlar. Çıx
xalq arasına, qoy xalq da sənin ulduzunu görsün, bir fəxr eləsin.
Ümumiyyətlə, Azərbaycan xalqında hərbçi obrazı yoxdur. 1992-
93-cü illərdə xalq arasında hərbçinin bir obrazı var idi. İndi
gizlənirlər, məlum məsələdir niyə gizlənirlər.
Məlumatlandırma siyasəti ona görə yoxdur ki, ortaya çıxarılası bir
şey yoxdur: nəyi çıxardacayıq? Mən əslində Səfər Əbiyevi
qınamıram, çıxıb nə deyəcək?”
“Təkcə jurnalistlər yox, tədqiqatçılar üçün də Müdafiə
Nazirliyinə çıxış “sıfra” bərabərdir”
Elxan Mehdiyev, Sülh və Münaqişələrin Həlli Mərkəzinin
direktoru
_____________Milli Kitabxana_____________
52
Mən təhlükəsizlik sahəsində bir tədqiqatçı olaraq hərbi
məlumatlara çox böyük ehtiyac duyuram və bu işlə də 10 ildən
artıqdır məşğul oluram. Mən Azərbaycanda xarici səfirliklərinin
qəbullarına tez-tez qatılıram. O tədbirlərdə Azərbaycanın Müdafiə
Nazirliyinin nümayəndələrindən başqa hamısı ilə rahat söhbət edə
bilirəm. Amma bizim Müdafiə Nazirlıiyinin nümayəndəsi ilə
təmaslar heç cür alınmır.
Müdafiə Nazirliyindən heç bir zaman məlumat ala bilməmişəm,
görüş istəmişəm, heç bir zaman mümkün olmayıb. Mən bir neçə il
Vaşinqtonda işləmişəm, universitetlərdə çalışmışam. Pentaqonda
istənilən şöbənin nümayəndəsi ilə bir həftə ərzində görüşmək
mümkündür. Bizdə isə bu məhdudiyyət təkcə jurnalistlərə deyil,
ekspertlərə də aiddir. Gürcüstanda tamamilə fərqli bir situasiyadır.
Şərqi Avropa ölkələrində, Ukraynada bu məsələ çox açıqdır.
Ukraynada xüsusi ekspert qrupları var ki, onlar Müdafiə Nazirliyində
görüş keçirərək beynəlxalq təhlükəsizlik məsələlərini müzakirə
edirlər. Amma bizdə ekspertlərin belə imkanı yoxdur. Təkcə
jurnalistlər yox, tədqiqatçılar üçün də Müdafiə Nazirliyinə çıxış
“sıfra” bərabərdir”.
“Müdafiə Nazirliyi hərbi mövzuda yazan jurnalistləri
yetişdirməlidir”
Azad İsazadə, müstəqil hərbi ekspert
Hər bir dövlətdə hərbçilər çalışırlar ki, məlumatı az versinlər,
sadəcə dövlət, qanun tərəfindən tələb olunmasa onlar məlumatı
gizlədəcəklər. Amma istər ABŞ-da, istərsə də Avropa ölkələrində
cəmiyyətin nəzarəti səbəbindən hərbçilər məlumatı verməyə
məcburdurlar. Bu ölkələrdə açıqlanması mümkün olan məlumatların
siyahısı mövcuddur. Bu siyahını heç də Müdafiə Nazirliyi
yaratmayıb, məsələyə qanunverici hakimiyyət baxır. Təəssüflə
deməliyəm ki, bizdə bu prinsip yoxdur.
Dostları ilə paylaş: |