___________________________________________________440
89. Şərəf Rəşidov, Şərəf Rəşidoğlu (1917-1983) - Özbəkistanın partiya və
dövlət xadimi, yazıçı. İki dəfə Sosialist Əməyi Qəhrəmanı. 1959- 83-cü illərdə
Özbəkistan KP MK-nın birinci katibi olmuşdur. - 100.
90. Miloşeviç Slobadan (1941-2006) – 1992 - 97-ci illərdə Serbiyanın,1997 -
2000 - ci illərdə Yuqoslaviya Respublikası İttifaqının prezidenti olmuşdur. - 101.
91. Kosovo
hadisələri - 1999-cu ildə Serbiya hakimiyyəti tərəfindən Kosovoda
yaşayan alban əhalisinə qarşı etnik zor tətbiq edilməyə başlandı. Bunun
qarşısını almaq üçün NATO hərbi qüvvələri işə qarışdı.Yuqoslaviya hərbi qüvvələri
öz qoşunlarını Kosovodan çıxarmağa məcbur edildi və NATO sülh məramlı qüvvələri
Kosovoya gətirildi. - 101.
92. Füzuli rayonu (1959-cu ilədək Qaryagin rayonu) - Azərbaycan
Respublikasında inzibati rayon. 1930-cu ildə təşkil olunmuşdur. Sahəsi 1386 km
2
,
80,2 min nəfərdir. 1993-cü ildə erməni hərbi qüvvələri tərəfindən işğal edilmişdir. -
101.
93. Cəbrayıl - Azərbaycan Respublikasında inzibati rayon. 1930-cu ildə təşkil
olunmuşdur. Sahəsi 1050 km
2
, əhalisi 45,8 min nəfər idi. 1993- cü ildə erməni silahlı
qüvvələri tərəfindən işğal edilmişdir. - 101.
94. Kəlbəcər - Azərbaycan Respublikasında inzibati rayon. 1930-cu ildə təşkil
edilmişdir. Sahəsi 1936 km
2
, əhalisi 40,3 min nəfərdir. 1992-ci ildə erməni silahlı
qüvvələri tərəfindən işğal edilmişdir. -101.
95. «Xalq
qəzeti» - Azərbaycan Respublikasında gündəlik, siyasi, ictimai
qəzet. 1919-cu ildən «Kommunist» adı ilə nəşr edilmişdir. 1991-ci ildən isə «Xalq»
qəzeti» adlanır. Qəzetin təsisçisi Azərbaycan Respublikası prezidentinin İşlər İdarəsi
və qəzetin redaksiya heyətidir. - 102.
96. «Turan» informasiya agentliyi - 1990-cı ildə yaradılmışdır. Agentlik
tərəfindən KİV-lər, digər hüquqi və fiziki şəxslər üçün informasiyaların toplanması və
yayılması həyata keçirilir. - 102,103,296.
97. İslam Konfransı Təşkilatı (İKT) - 1969-cu ildə yaradılmışdır.Müsəlman
ölkələrinin çoxunu birləşdirir. Nizamnaməsinə görə İslam Konfransı Təşkilatının
fəaliyyəti müsəlmanların həmrəyliyinin möhkəm-
___________________________________________________441
lənməsinə, üzv-dövlətlər arasında əməkdaşlığa yönəldilmişdir. İqamətgahı Ciddədədir
(Səudiyyə Ərəbistanı). Azərbaycan 1991-ci ildən İKT-nın üzvüdür. - 102.
98. Xocalı soyqırımı - 1992-ci il fevralın 25-dən 26-na keçən gecə erməni
silahlı qüvvələri və Xankəndində yerləşən Rusiyanın 366-cı alayının əsgər və zabitləri
Xocalıya hər tərəfdən hücum etmiş, şəhəri tamamilə yandırmışlar;1000 nəfərdən artıq
azərbaycanlı öldürülmüş, yüzlərlə şəhər sakini yaralanmış, itkin düşmüşdür. - 104.
99. Mircəfər Bağırov, Mircəfər Abbas oğlu (1896-1956) -1933-53-cü illərdə
Azərbaycan KP MK-nın birinci katibi olmuşdur.Bütün SSRİ-də olduğu kimi
Azərbaycanda da inzibati-amirlik idarəetmə sisteminin möhkəmləndirilməsinə,
totalitar Stalin rejiminin bərqərar olmasına, partiya sıralarını «təmizləmə» adı ilə baş
verən repressiyaların həyata keçirilməsinə bilavasitə rəhbərlik etmişdir. - 104.
100. Şuşa - Azərbaycan Respublikasında şəhər. Elmi ədəbiyyatda Şuşanın
əsasının 1750-ci illərin əvvəllərində Qarabağ xanı Pənahəli xan Cavanşir tərəfindən
qoyulması göstərilsə də, tədqiqatlar Şuşanın qədim yaşayış məntəqəsi olduğunu qeyd
edirlər. Qarabağ xanlığının mərkəzi olan Şuşa bir müddət Pənahəli xanın adı ilə
Pənahabad adlanmışdır.Şuşa 1813-cü il Gülüstan müqaviləsinə əsasən Qarabağ
xanlığı tərkibində Rusiyaya birləşdirildi. 1920-ci ilin martında erməni daşnaklarının
Qarabağda törətdikləri qırğın nəticəsində Şuşanın bir hissəsi tamamilə yandırıldı və
minlərlə günahsız insan qətlə yetirildi. Lakin iyun ayının əvvəlində müsavatçılar və
türk generalı Nuru Paşa Şuşanı erməni qəsbkarlarından xilas etdi. 1923-cü il
Azərbaycan MİK-nin dekretinə əsasən Dağlıq Qarabağ Muxtar Vilayəti təşkil
olunduqda Şuşa muxtar vilayətin tərkibinə daxil edildi.
1992-ci ildə erməni işğalçıları Şuşanı zəbt etdilər. Hazırda Şuşa yadellilərin
tapdağı altındadır. - 105, 187.
101. Birləşmiş Millətlər Təşkilatının Baş Məclisi - BMT-nin əsas
orqanlarından biri. BMT üzvü olan bütün dövlətlərdən ibarətdir. BMT üzvlərinə və ya
BMT Təhlükəsizlik Şurasına hər cür məsələlərə və işlərə tövsiyələr vermək
səlahiyyəti var.
Baş Məclisin qərarları tövsiyə xarakteri daşıyır, yəni hüquqi cəhətdən üzv
dövlətlər üçün məcburi deyil. Məclisin hər il növbəti sessiyası
___________________________________________________442
olur. Baş Məclisin nəzdində onun funksiyalarını həyata keçirmək üçün 7 əsas komitə
var. - 105.
102. Kofi Annan (d.1938) - 1997-2006-cı illərdə Birləşmiş Millətlər Təşkilatının
Baş katibi olmuşdur. Nobel mükafatı laureatı. - 105.
103. Həsən Həsənov, H ə s ə n Əziz oğlu (d.1940) - Azərbaycanın siyasi
xadimi, diplomat. Ayrı-ayrı illərdə Nazirlər Sovetinin sədri, BMT-də Azərbaycan
Respublikasının daimi nümayəndəsi və xarici işlər naziri olmuşdur. Hazırda
Macarıstanda Azərbaycan Respublikasının fövqəladə və səlahimyyətli səfiridir.
Birinci çağırış Azərbaycan Respublikası Milli Məclisinin deputatı olmuşdur. - 105.
104. Butros Qali (d.1922) – 1992 - 96-cı illərdə BMT-nin Baş katibi olmuşdur. -
105.
105. Rəsul Quliyev, Rəsul Bayram oğlu (d. 1947) - 1993-96- cı illərdə Milli
Məclisin sədri olmuşdur. - 107.
106. Fuad Quliyev, Fuad X Ə l i 1 oğlu (d.1941) - 1994-96-cı illərdə
Azərbaycan Respublikasının Baş naziri olmuşdur. - 107.
107. Natiq Əliyev, Natiq Ağaəli oğlu (d. 1947) - 1993-2006-cı illər Azərbaycan
Respublikası Dövlət Neft Şirkətinin prezidenti olmuşdur. Hazırda Azərbaycan
Respublikası Sənaye və Energetika naziridir.Azərbaycan Respublikasının
«Şöhrət» ordeni ilə təltif edilmişdir. - 107,213,219,220.
108. Xoşbəxt Yusifzadə, Xoşbəxt Bağı oğlu (d. 1930) - neftçi-geoloq,
geologiya-minerologiya elmləri doktoru. Azərbaycan Milli Elmlər Akademiyasının
akademiki. 1994-2000-ci illərdə Azərbaycan Respublikası Dövlət Neft Şirkətinin
vitse-prezidenti, 2004-cü ildən isə birinci vitse-prezidentdir. Azərbaycan
Respublikasının «Şöhrət» və «İstiqlal» ordenləri ilə təltif olunmuşdur. - 107,226.
109. YUNESKO - BMT-nin maarif, elm və mədəniyyət işlərinə baxan
hökumətlərarası təşkilatı. 1945-ci ilin noyabrında yaradılmış, 1946-cı il-dən fəaliyyətə
başlamışdır. Ali orqanı iki ildən bir çağırılan konfransdır.
Dostları ilə paylaş: |