___________________________________________________434
57. Qabil, İmamverdiyev Qabil Allahverdi oğlu (d. 1926-2007) - Azərbaycan
Respublikasının xalq şairi. Azərbaycan Dövlət mükafatı laureatı. Azərbaycan
Respublikasının «Şöhrət» və «İstiqlal» ordenləri ilə təltif olunmuşdur. - 63-108.
58. Fikrət Qoca, Qocayev Fikrət Göyüş oğlu (d. 1935) - Azərbaycanın xalq
şairi. «Qobustan» incəsənət toplusunun baş redaktoru və Azərbaycan Yazıçılar
Birliyinin birinci katibidir. Azərbaycan Respublikasının «Şöhrət» ordeni ilə təltif
olunmuşdur. - 63-108.
59. Hacı Zeynalabdin Tağıyev (1838-1924) - məşhur messenat,
maarifpərvər, «millətin başçısı, atası», Bakı milyonçusu. Əvvəllər bənna işləmiş Hacı
1872-ci ildən neftçıxarma işinə kapital qoymuş və sahibkarlıq fəaliyyətinə
başlamışdır. Bakıda «Tağıyev H.Z. lifli maddələrin emalı üzrə Qafqaz səhmdar
cəmiyyəti»ni, toxuculuq fabrikini, «Xəzər manyfaktura cəmiyyəti»ni, «Tağıyev balıq
sənayesi səhmdar cəmiyyəti»ni, yerli sahibkarlarla birlikdə Bakı ticarət bankını
yaratmış və bank Şurasının sədri seçilmişdi.
Savadsız olmuş Hacı savadsızlığın acısını duymuş və buna görə də vətən
övladlarının, xüsusilə, kasıb oğlan və qızların təhsil almasına böyük qayğı
göstərmişdi. O, öz vəsaiti ilə Yaxın Şərqdə - Bakıda ilk qız gimnaziyası, qadınları işlə
təmin etmək üçün Bakıda toxuculuq fabriki, Mərdəkanda sənət məktəbi, teatr binası
tikdirir. Qiraətxanalar üçün qəzet və jurnalların pulunu ödəyir, öz xərcinə Azərbaycan
şair və alimlərinin əsərlərini, həmçinin azərbaycancaya tərcümələri çap etdirir. 1905-
11-ci illər İran məşrutə hərəkatına silah və pulla yardım edir. İranda onlarla məktəbin
açılmasına, məktəb ləvazimatı və zəruri kitablarla təmin edilməsinə, daxildə və
xaricdə oxuyan və maddi təminata ehtiyacı olanlara daim yardım edirdi. «Kaspi»,
«Həyat», «Füyuzat» kimi qəzet və jurnalların nəşri üçün vəsait ayırmışdı.
Hacı Bakıya «Şollar suyu» borusunu çəkdirmiş, Mərdəkanda dən üyüdən elektrik
dəyirmanı tikdirmiş və qəsəbənin əhalisini ilk dəfə elektrik işığı ilə təmin etmişdir. -
67.
60. Fatma xanım, Abdullazadə Fatma Hüseyn qızı (d.1948) - fizika-riyaziyyat
elmlər doktoru, professor. Azərbaycan Respublikası Prezidentinin İcra Aparatı
hümanitar siyasət şöbəsinin müdiri. 1995-2000-ci illərdə Milli Məclisin deputatı
olmuşdur. - 64,65.
___________________________________________________435
61. Fikrət Sadıq, Sadıqov Fikrət Abbas oğlu (d. 1930) -Azərbaycanın xalq
şairi, Azərbaycan Dövlət mükafatı laureatıdır. - 69.
62. «Qobustan» - rüblük incəsənət toplusu. 1969-cu ildən Bakıda nəşr edilir.
Jurnalda Azərbaycan və dünya incəsənətinin korifeyləri haqqında məqalələr, bədii
yazılar, müsahibələr verilir. «Qobustan»da bədii yaradıcılığın müxtəlif sahələri ilə
yanaşı, estetika, incəsənət tarixi və nəzəriyyəsi problemləri də əks olunur. - 69.
63. Naxçıvan Muxtar Respublikası (1920-23-cü illərdə Naxçıvan Sovet
Sosialist Respublikası, 1923-24-cü illərdə Naxçıvan Muxtar Diyarı, 1924-90-cı illərdə
Naxçıvan Muxtar Sovet Sosialist Respublikası, 1990-cı ildən Naxçıvan Muxtar
Respublikası) - Azərbaycan Respublikasının tərkibində muxtar dövlət.
Muxtar respublika ərazisinin sahəsi 5,5 min km
2
, əhalisi 372,9 min nəfərdir (2005,
1 yanvar). Hazırda 7 inzibati rayona (Babək, Culfa, Ordubad, Sədərək, Şahbuz, Şərur,
Kəngərli) bölünmüşdür, 4 şəhəri (Naxçıvan, Ordubad, Culfa, Şərur), 9 qəsəbəsi, 160
kənd inzibati ərazi dairəsi var (2005). Paytaxtı Naxçıvan şəhəridir. - 69,94.
64. Veto - qanunverici orqanların qərarını dayandırmaq və ya ləğv etmək
hüququ. - 73.
65. Yuqoslaviya böhranı - 1980-ci illərdən başlayaraq Yuqoslaviyada
(Yuqoslaviya Federativ Sosialist Respublikası) ciddi iqtisadi və siyasi çətinliklərlə
qarşılaşdı. 1991-ci ildə millətlərarası qarşıdurma nəticəsində YFSR parçalandı.
Federasiyanın tərkibindən Sloveniya, Xorvatiya,Bosniya və Hersoqovina,
Makedoniya çıxdı və müstəqil dövlət oldular.1992-ci ildə Serbiya və Çernoqoriya
Yuqoslaviya Respublikasını (SRY) yaratdılar. 2002-ci ildə SRY Serbiya və
Çernoqoriya adı ilə adlandırıldı.2006-cı ildə keçirilən referendum nəticəsində
Çernoqoriya da Serbiyadan ayrıldı və müstəqil dövlət yaratdı. - 75,101,174.
66. Qara
Dəniz Ölkələri İqtisadi Əməkdaşlıq Təşkilatı - 1992-ci ildə İstanbul
zirvə görüşündə yaradılmışdır. Buraya Albaniya, Azərbaycan,Bolqarıstan,
Ermənistan, Gürcüstan, Moldova, Rumıniya, Rusiya, Serbiya, Xorvatiya, Türkiyə,
Ukrayna və Yunanıstan daxildir. Bu təşkilat ancaq iqtisadi əməkdaşlıq maraqları
əsasında qurulmuş təşkilatdır.İqamətgahı İstanbuldadır. - 78,141-142.
___________________________________________________436
67. Olbrayt
Madlen (d.1937) - ABŞ-ın tanınmış diplomatı və dövlət xadimi.
1989-cu ildən ABŞ-ın Milli Siyasət Mərkəzinin prezidentidir.1993-cü ildə ABŞ-ın
BMT-də daimi nümayəndəsi təyin edilmişdir.1997-2000-ci illərdə ABŞ-ın Dövlət
katibi olmuşdur. - 80,156-158,181,191,231,235.
68. Avropada adi silahlar haqqında müqavilə 1990-cı il noyabrın 19-da
NATO ilə Varşava Müqaviləsi Təşkilatı arasında imzalanmışdır. Onun əsasını 5
kateqoriya üzrə silahların və texnikanın (döyüş tankları, zirehli döyüş maşınları, 100
mm-dən yuxarı kalibrli artilleriya sistemləri, döyüş təyyarələri və zərbəçi vertolyotlar)
hər bir iştirakçı dövlət üçün Müqavilə ilə icazə yerilmiş maksimum səviyyəsinədək
azaldılması və onların məhdudlaşdırılmasına sonrakı nəzarəti təşkil edir. SSRİ
dağıldıqdan sonra 1992-ci il mayın 15-də Daşkənddə bu Müqavilə üzrə hüquqverici
olan 8 müstəqil dövlət arasında (Azərbaycan, Belarus, Qazaxıstan,Ermənistan,
Gürcüstan, Moldova, Rusiya, Ukrayna) Müqavilənin yerinə yetirilməsi prinsipləri
haqqında saziş və adi silahların və texnikanın maksimum səviyyələri haqqında
protokol imzalandı.
Bu protokola uyğun olaraq Cənubi Qafqazın üç dövlətinin hər biri üçün Müqavilə
ilə müəyyən edilmiş məhdudlaşdırılmalar Azərbaycanın zərərinə olaraq onun hərbi-
siyasi parametrlərindəki fərqi nəzərə almır. Hazırda Vyanada Avropada adi silahlar
haqqında Müqavilənin birgə məsləhət qrupu çərçivəsində Müqavlənin müasir
reallıqlara uyğunlaşdırılması barədə danışıqlar gedir. - 81, 89, 175, 184, 210, 229,
309.
69. NATO (Şimali Atlantika Müqaviləsi Təşkilatı) - hərbi-siyasi ittifaq. 1949-
cu il aprelin 4-də Vaşinqtonda ABŞ, Böyük Britaniya, Fransa, Belçika, Niderland,
Lüksemburq, Kanada, İtaliya, Portuqaliya, Norveç, Danimarka, İslandiyanın
imzaladıqları Şimali Atlantika müqaviləsi əsasında yaradılmışdır. 1952-ci ildə
Yunanıstan və Türkiyə, 1955-ci ildə Almaniya Federativ Respublikası, 1982-ci ildə
İspaniya NATO-ya qoşulmuşlar. Varşava Müqaviləsi Təşkilatı dağıldıqdan (1990)
sonra əvvəllər sosialist ölkələri düşərgəsinə daxil olmuş ölkələrin bir qismi NATO-ya
üzvlüyə qəbul edilmiş, digər qismi isə ilkin mərhələ kimi NATO-nun «Sülh naminə
tərəfdaşlıq» proqramına qoşulmuşlar. Ali orqanı NATO Şurasının sessiyasıdır.Mənzil
- qərargahı Brüsseldədir. - 81, 89, 101, 136, 162, 175, 184, 185, 204, 230, 258.
Dostları ilə paylaş: |