_____________ Milli Kitabxana_____________
89
sitecure (“qəhrəmanın müşayətçisi”), tomo (“dost”), vakicure
(“vakinin müşayətçisi”), kokata (“yeniyetmə oğlan”) kimi
rollara da (amplualara da) rast düşmək mümkündür. Bu
sonuncu, uşaqların səhnə təcrübəsilə əlaqədardır. Çünki Noh
teatrının estetik qanunları məsləhət görür ki, cocuqların,
həmçinin şögün və imperatorların rollarını balaca oğlanlar ifa
etsinlər.
Dramın yeganə vahid qəhrəmanı həmişə əfsanəvi, ya da
mifik şəxsiyyətdir. O, tanrı, müdrik qoca, rəşadətli əskər, gözəl
qadın, əcinə də ola bilər. Burada müəllifin məqsədi, bədii
hədəfi qəhrəmanın taleyidir. Pyes qəhrəmanın taleyini
bütövlükdə yox, yalnız fraqment şəklində işıqlandırır. Bu
fraqment adətən qəhrəmanın taleyinin ən əhəmiyyətli, ən
dəhşətli və ən qəribə səhifəsidir. Özü də bu hadisə (fraqment)
seyrçinin gözü qarşısında oynanılmır, bir keçmiş kimi xatırlanır.
Tamaşaçılar isə bu zaman şahidi olurlar ki, qəhrəman öz
həyatının son dərəcə mühüm epizodunu necə dərk edir. Bu
məqam pyesdə hər şeydən vacibdir. Noh dramında süjet
həmişə fövqəladə vəziyyətdir və bu vəziyyət qəhrəmanın idrak
“süzgəci”ndən keçirilib təqdim olunur. Odur ki, Noh pyesləri
başdan ayağa süjet-situasiyadır. Qərb dramaturgiyasından
bizim alışdığımız hadisələr zənciri burada yoxdur.
Əksərən pyesdə adı bilinməyən personaj vaki ampluasında
təqdim olunan obrazdır. Çox zaman vaki gəzərgi rahibdir. O,
yol gedərkən yerli adamlardan birinə (site personajına) rast
düşür və onunla söhbətləşməyə başlayır. Bir qədər
söhbətləşdikdən sonra vaki anlayır ki, qarşısındakı şəxs tarixin
keçmiş olaylarını gözəl bilir. Bunun səbəbini soruşduqda site
cavab verir ki, o, həmin tarixi hadisədə iştirak etmiş
qəhrəmanın ruhudur. Bunu bəyan edən kimi qəhrəman əlüstü
gözdən itir. Gün batır və rahib dualar oxuyub, ayinlər yerinə
yetirir. Gecə yaxınlaşanda qəhrəmanın ruhu təzədən peyda olur
_____________ Milli Kitabxana_____________
90
və öz keçmiş əziyyətlərindən, ağrılı yaşantılarından danışır.
Sonucda isə site rahibdən xahiş edir ki, onun iztirablardan
qurtarması üçün duaların sayını artırsın. Nəhayət, qəhrəman
onun fövqəladə əzablarını simvollaşdıran bir rəqs ifa edir.
Xorun ifasında səslənən son nəğmə isə buddasayağı
nurlanmaya çatmaq səadətinə həsr olunur.
Seyrçinin gözü qarşısında baş verən yeganə real hadisə
site ilə vakinin görüşüdür.
Bundan əlavə Noh tamaşalarının əsas personajlarından biri
də xordur: hətta xoru iştirakçıların siyahısına da daxil edirlər və
buna adi hal kimi baxırlar. Yaponiyada xor “ciutai” adlanır.
“Ci” sözü burada bədii mətnin parçası kimi anlaşılır. “Utai”
isə “nəğmə oxumaq” deməkdir. Səhnədə xor epik başlanğıcın
təmsilçisidir. Onun nəğmələri ümumi sentensiyalardan
ibarətdir, qəhrəmanın daxili monoloqudur, sitenin fəaliyyətinin,
əgər belə demək mümkünsə, izahat vərəqəsidir, təbiət
lövhələrinin təsviridir. Dramda onun yeri və mətni son dərəcə
önəmlidir.
Noh dramlarının personajları içində “ai” (azəri türkcəsində
“aralıq” sözünün bildirdiyi mənaya uyğundur) daimi görünən
fiqurlardan biridir. Ai kyögen ampluasından olan rollar
xislətlidir. O, səhnəyə sitenin geyimini dəyişdiyi zaman çıxır
və bu müddətdə dramın hadisəsini guya ki yerli sakinin diliylə
sadə bir şəkildə nəql edir və ya pyesin qəhrəmanı ilə, ya da
hadisə məkanı ilə bağlı əfsanəni seyrçilərə xatırladır. Ən
qəribəsi və maraqlısı budur ki, ai üçün mətn heç vədə pyesə
yazılmır və onun yerinə təqribən bu məzmunda remarka verilir:
“Ai personajı səhnənin ortasına keçir, əyləşir və pyesi adi
danışıq dilində seyrçilərə söyləyir”.
Noh dramlarında gözəgörünməz personajlardan biri də
təbiətdir. Yaponlara görə yalnız təbiətin obrazı insanın yaşan-
tılarını, batini dünyasını, dəruni fikirlərini eyhamlaşdırmağa,
_____________ Milli Kitabxana_____________
91
rəmzləşdirməyə qabildir. Təbiətin anbaan dəyişən hüsnündə
varlığın cövhəri zühura gəlir. Bu, dünyaya Buddasayağı baxı-
şın təcəssümüdür. Heç də təsadüfi deyil ki, tam formalaşdığı
bir mərhələdə, XIY-XY yüzillərdə Noh teatrı dünyanı Budda
təriqətinin ideoloqu, təbliğatçısı kimi çıxış edirdi.
Noh pyeslərində təbiət həmişə qəhrəmanın ovqatının,
duyğularının “şəkli”dir. Personajların zaman etibarı ilə qısa
müddətə sığışan münasibəti Noh dramlarında açıq səma altında,
təbiət qoynunda gerçəkləşir. Noh teatrında dekorasiya
olmadığından təbiətin, məkanın təsviri personajların
dialoqunda verilir. Obrazların söhbəti zamanı aydınlaşan
mənzərə bir qayda olaraq simvoldur. Bu mənada adi axar çay
insan taleyini, tale dəyişkənliyini, Ay isə sərgərdan həyatı
bildirir. Şam ağacı həyat möhkəmliyinin, mərdanəliyin, qocalıq
alicənablığının rəmzidir. Noh dramaturgiyasında məkan heç bir
fəaliyyətin gerçəkləşdiyi coğrafi şəraiti dəqiqləşdirmir. Burada
məkan hadisələrin emosional atmosferini və dramın ideyasını
açıqlamaq məqsədini güdür. Məkan Noh dramında həmişə
bədii obrazdır. Zaman məsələsi də oxşar yolla həll olunur.
Konkret tarixi zaman Noh pyeslərində heç vaxt göstərilmir.
Zaman da personajların söhbətindən aydınlaşır. Onların
dialoqunda ilin müəyyən fəslinin əlamətləri söylənilir. Bu,
tamaşanın duyğusal atmosferi üçün çox mühümdür. Noh
pyeslərində və tamaşalarında keçmişlə indi arasında dəqiq
sərhədlər mövcuddur. Lakin bununla belə onlar ayrılmazdır,
vahiddir, bütövdür.
Noh dramlarının kompozisiyası kanonikdir. Əvvəla, onu
söyləyək ki, bu kompozisiyada əsas yeri monoloq tutur:
dialoqun çəkisiysə ədəbi mətndə çox azdır. Noh pyesləri
monoloji xarakter daşıyır və onlar dioloji dramatiklikdən
məhrumdurlar. Bütün Noh dramlarının, - yökökülərin, -
strukturu eynitiplidir və bu struktur Kanyaminın özü tərəfindən
Dostları ilə paylaş: |