544
Bu əsər rekviyem kimi səslənir. Kiçik bir romansda dərin
hüzn, kədər, itki, faciə vardır. Romans ardı-arası kəsilməyən in-
kişaf üzərində qurulmuşdur. Əsərin orta hissəsində Üzeyir Hacı-
bəyli harmoniyaları, intonasiyaları, onun “Sevgili canan” qəzəl-
romansının ruhu hiss olunur. Bəlkə də, bəstəkar bunu bilərəkdən
545
etmiş, sanki Üzeyir Hacıbəyli ruhunun onun əsərlərində yer al-
masını göstərmək istəmişdi. Romans kədərli muğamımız olan
“Segah” məqamında yazılmışdır.
Hələ Üzeyir Hacıbəyli sağlığında, Ağabacı Rzayevanın xalq
çalğı alətləri üçün yazdığı əsərlərini dinləyəndən sonra, onun or-
kestr duyumunu çox bəyənmişdi. Buna görə də Üzeyir bəy özü-
nün “Sənsiz” və “Sevgili canan” musiqili qəzəllərini orkestr
üçün işləməyi məhz Ağabacıya tapşırır. Ağabacı gənc olmasına
baxmayaraq bu əsərləri böyük ustalıqla orkestrə uyğunlaşdırır.
Partiturada musiqili qəzəllərin aparıcı melodiyasını isə həzin
tembrə malik olan klarnet alətinə həvalə edir. Bu, Üzeyir Hacı-
bəylinin xoşuna gəlir və o vaxtdan etibarən xalq çalğı alətləri or-
kestrinə klarnet aləti də daxil olur. Müəlliminin yoxluğundan
sonra orkestrdə “Sənsiz”i dinləyən Ağabacının ürəyi ustadının
“sənsiz”liyini ömrünün sonuna qədər hiss etmiş olur. 1975-ci il-
də Üzeyir Hacıbəylinin ev-muzeyinin açılması qərarı alınanda
Ağabacı Rzayeva müəlliminə aid olan materialların toplanılma-
sında muzey əməkdaşlarına yaxından köməklik göstərmişdi.
Ozündə Üzeyir bəyin avtoqrafları ilə olan notları muzeyə hədiy-
yə etmişdi.
50-ci illərdə Azərbaycan Bəstəkarlar İttifaqının xalq yaradı-
cılığı bölməsinin üzvləri tez-tez Azərbaycanın rayonlarına gedir,
xalq arasında oxunan mahnıları lentə alır, xalq istedadlarını üzə
çıxarırdılar. Ağabacı Rzayeva da bu bölmənin fəal üzvü kimi
xalq yaradıcılığı üzvləri ilə sıx əlaqə saxlayırdı. 1950-ci ildə o,
Siyəzən, Ağcabədi, Kürdəmir rayonlarına ezam olunur. Məqsəd,
Bakıda keçirilən olimpiada üçün istedadlar seçmək idi. Eyni za-
manda xalq yaradıcılığına aid olan materiallar, aşıq musiqisi nü-
munələri toplamaq, aşıqlar arasında istedadlar axtarmaq lazım
idi. Həmin il Gəncə şəhərində aşıqlarla görüş çox maraqlı keçir,
oradan Ağabacı Rzayeva çoxlu materiallar gətirə bilir. Bu eza-
miyyətlərdə Ağabacı Rzayeva bir çox istedadlara kömək əlini uzat-
mışdı. Onlara gələcək işlərində öz məsləhətləri ilə dəstək olmuşdu.
Salyan şəhərinin Mədəniyyət evində, gənc bir oğlan, öz iste-
dadı ilə Ağabacı Rzayevanın diqqətini çəkir. Bu gənc aşıq, eyni
zamanda yaxşı tar çalır, muğam-mahnı oxuyurdu. Ağabacı Rza-
546
yeva onu Bakıya dəvət edir, musuqi məktəbinə daxil olmağa kö-
mək edir və o, tezliklə xalqın sevimlisinə çevrilir. Həmin gənc,
məlahətli səsə malik olan, unudulmaz sənətkar – Qulu Əsgərov
idi. Qulu Əsgərov isə, onu professional səhnəyə gətirən Ağabacı
Rzayevanı həmişə minnətdarlıq hissi ilə yad edirdi.
50-ci illər bəstəkarın həyatında yaradıcılıqla yanaşı, ictimai
işlərlə dolu illər idi. O, üç dəfə – 1950, 1953, 1955-ci illərdə Ba-
kı Sovetinə deputat seçilir. Sonralar, 1963-cü ildə isə onu Ali
Sovetə deputat seçirlər. Arxiv materiallarından bəlli olur ki,
Ağabacı Rzayeva bir deputat kimi çox fəal işlər görmüşdü.
Azərbaycanın Şamxor rayonundan deputat seçildiyinə görə bu
rayonun problemlərini həll etməyə çalışırdı. Şamxor musiqi
məktəbinin binası yox idi. Bir deputat kimi o, binanın alınması
üçün lazım olan yerlərə müraciətlər etmiş, məqsədinə nail ola
bilmişdi. Şamxorun Leninkənd Mədəniyyət evinin nəfəs alətlə-
rindən ibarət orkestrini bağlamaq istəyəndə Ağabacı Rzayeva
Şamxor rayonu İstehsal İdarəsi rəisi Süleymanova və ideoloji
şöbə müdirinə məktubla müraciətində orkestrin bağlanmasının
yolverilməzliyi barədə əsaslı dəlillər gətirmişdi. Bu orkestrin,
kəndin mədəni həyatında və gənclərin tərbiyə işində böyük əhə-
miyyətinin olduğunu göstərmişdir. Azərbaycan hökumətinin
ideoloji məsələlərə böyük əhəmiyyət verdiyini, Mərkəzi Komi-
tənin iyun Plenumunu əsas gətirib, onun qərarlarını hər yerdə
həyata keçirməyi tövsiyə etmişdi. Əlbəttə ki, deputatın bu müra-
ciətindən sonra Allahverdi Mehdiyevin (skripkaçı Bayandur
Mehdiyevin atası) rəhbərlik etdiyi nəfəs alətləri orkestri fəaliy-
yətini davam etdirmişdi.
Azərbaycan SSR İctimai Təminat naziri Zülfiyyə xanım Se-
yidməmmədovaya seçicisi 25 yaşlı Əliyev Vahid Mikayıl oğlu-
nun vəziyyətilə bağlı məktub göndərmiş, ona köməklik göstərmə-
si üçün müraciət etmişdir. Məktubdan görünür ki, Ağabacı Rzaye-
va Əliyev Vahidi xəstəxanada ziyarət etmiş, ailə vəziyyəti ilə ma-
raqlanmış, 1-ci qrup əlil olduğunu bilib, ona köməklik göstərmiş-
dir. Bu səpkidə olan məktub və müraciətlərin sayı olduqca çoxdur.
1965-ci ildə Ağabacı Rzayeva bəstəkar həmkarı İsmayıl Qu-
liyevlə birlikdə Həzi Məmmədovun librettosu əsasında “Höcət