5
Lakin əlbəttə ki, ilk növbədə, öz əsərlərində milli musiqi
folklorunun zənginliyini, rus və Avropa bəstəkarlıq texnikasının
naliyyətləri ilə üzvi surətdə birləşdirə bilmiş Ü.Hacıbəylinin ya-
radıcılıq irsi Azərbaycan və xarici Şərq ölkələrinin musiqi mədə-
niyyətinin inkişafı üçün parlaq nümunə olmuşdur.
Ü.Hacıbəylinin Azərbaycanda və ümumən Şərqdə muğam
operasının əsasını qoyan “Leyli və Məcnun”a, yaradıcılığının
zirvəsi epik operası “Koroğlu”ya, bütün dünyada məşhur olan
“Arşın mal alan” operettasına , “Sənsiz” və “Sevgili canan” ro-
mans-qəzəllərinə, elmi-tədqiqat əsəri olan “Azərbaycan xalq
musiqisinin əsasları”na cilddə xüsusi fəsillər ayrılmışdır.
Ü.Hacıbəyli Azərbaycan milli harmoniya və polifoniyasının
əsasını da qoymuşdur. O, Azərbaycan məqamlarını Avropanın
major-minor sistemi ilə üzvi surətdə birləşdirə bilmişdir.
“Öz təbiətinə görə təksəsli olan Azərbaycan musiqisinə çox-
səsliyi tətbiq etmək mümkün deyil” – kimi qəbul edilmiş yanlış
rəyi alt-üst edərək, Ü.Hacıbəyli böyük ustalıqıla xalq musi-
qisində mövcud olan çoxsəsliyin ünsürlərindən faydalanmış,
klassik polifoniya prinsipləri əsasında Azərbaycan polifonik üs-
lubun gözəl nümunələrini yarada bilmişdir.
Ü.Hacıbəyli Azərbaycan musiqisinə yeni “romans – qəzəl”
janrını da daxil edərək vokal musiqimizin “Sənsiz” və “Sevgili
canan” kimi incilərini yaratmışdır. O, kamera-instrumental və
aşıq musiqisinin imkanlarından böyük bacarıq və zövqlə istifadə
edərək, zərif “Aşıq sayağı” triosunu yazmışdır.
Ü.Hacıbəyli fantaziya janrında Azərbaycan xalq çalğı alətləri or-
kestri üçün “Çahargah” və “Şur” kimi orjinal əsərlər bəstələmiş, kan-
tata janrını milli musiqimizin geniş imkanlarıyla zənginləşdirmişdir.
Ü.Hacıbəylinin Böyük Vətən müharibəsi illərindəki fəaliyyə-
ti yüksək vətəndaşlıq hissi, düşmənə qarşı barışmaz mübarizə,
qələbəyə inam hissi ilə aşılanmışdır. Müharibənin başlanğıcın-
dan son qələbəyə qədər onun əsərləri, marşları və mahnıları ak-
tual olmuş və böyük rol oynamışdır.
Ü.Hacıbəyli Azərbaycan Dövlət himninin müəllifidir. Bu
himn hər səhər efirdə səslənərək xalqımızı yeni əmək nailiyyət-
lərinə ruhlandırır.
6
İstedadlı ictimai xadim və müəllim Ü.Hacıbəyli Azərbaycan
Bəstəkarlar İttifaqının sədri vəzifəsində çalışmış, Azərbaycan
Dövlət Konservatoriyasının professoru və rektoru olmuş, Azər-
baycan Elmlər Akademiyasının Elmi-Tədqiqat İncəsənət İnstitu-
tunun rəhbəri, Akademiyanın həqiqi üzvü olmuşdur. Ü.Hacıbəy-
li Azərbaycanın istedadlı bəstəkarlar və musiqişünaslar nəslini
yetişdirmişdir.
Ü.Hacıbəyli Azərbaycan musiqisinin inkişafındakı xidmətlə-
rinə görə orden və medallarla təltif edilmiş, SSRİ Ali Sovetinə
deputat seçilmişdir.
İkinci cildin girişində Ü.Hacıbəylinin 1921-ci ildə yazdığı
“Vəzifəyi musiqiyyəmizə aid məsələlər” proqram məqaləsinin
əsas tezis və vəzifələri açıqlanır, araşdırılır, dövrün ümumi mən-
zərəsi verilir.
İkinci cildin birinci hissəsi (birinci fəsil) musiqimizin klassi-
ki ölməz Üzeyir Hacıbəylinin həyat və yaradıcılığına həsr edilir.
İkinci fəsil “Leyli və Məcnun” operası haqqındadır. Üçüncü fə-
sil “Arşın mal alan” operettasına həsr olunub. Dördüncü - “Kor-
oğlu” operasına, beşinci “Sənsiz” və “Sevgili canan” musiqi qə-
zəllərinə, altıncıda Ü.Hacıbəyli musiqişunas-alim kimi təqdim
edilir, onun elmi yaradıcılığında nəzəri məsələlər araşdırılır.
İkinci hissədə XX əsrin əvvəllərində Azərbaycan musiqi mədə-
niyyətində yaranmış yeni janrlar – opera və operettalar haqqında
diskussiyanın gedişi təhlil və təqdim edilir.
Quruculuq, təşkilatçılıq dövrünün digər fəal iştirakçısı, gör-
kəmli bəstəkar Müslüm Maqomayev idi. Əsərin üçüncü hissəsi
onun həyat və yaradıcılığına həsr edilir (birinci fəsil). İkinci fə-
sildə bəstəkarın “Şah İsmayıl” operası, üçüncü fəsildə isə onun
“Nərgiz” operası araşdırılır.
Dördüncü hissədə Azərbaycan musiqi mədəniyyətinin inki-
şafı, dövrün ümumi səciyyəsi verilmişdir.
Beşinci hissənin birinci fəsli Azərbaycan musiqi mədəniyyə-
tinin qurucularından olan, onun inkişafında mühüm rol oynayan
bəstəkar Zülfüqar Hacıbəyova, onun həyat və yaradıcılığına həsr
edilir. Bu hissənin ikinci fəsli onun komediyalarına, üçüncü fəsli
“Aşıq Qərib” operası haqqındadır.
7
“1920-1930-cu illərdə Azərbaycan musiqi mədəniyyətinin
inkişafı” haqqında məlumat növbəti altıncı hissədə verilmişdir.
Yeddinci hissə məşhur rus bəstəkarı M.R.Qliyerin Bakıdakı
yaradıcılıq fəaliyyətinə həsr edilir. M.Qliyer dəvət ilə Respub-
likamıza gəlmiş və sifariş ilə opera janrında əsər yazmağa baş-
lamışdı. Qliyerin bəstələdiyi “Şahsənəm“ operası muğam ustadı
Cabbar Qaryağdıoğlunun və görkəmli müğənni Şövkət Məm-
mədovanın iştirakı və köməyi ilə yazılmış, İtaliyada təhsil almış
ilk qadın müğənnimiz Ş.Məmmədovaya ithaf olunmuşdur.
Səkkizinci hissə gənc ikən həyatdan getmiş, lakin musiqimizin
inkişafında önəmli iz qoymuş istedadlı bəstəkar Asəf Zeynallı haq-
qındadır. Birinci fəsil onun həyat və yaradıcılığının ümumi xasiy-
yətnaməsinə, ikinci fəsil bəstəkarın vokal əsərlərinə, üçüncü fəsil
kamera əsərlərinə, dördüncü fəsil simfonik əsərlərinə həsr edilmişdir.
İkinci cildin sonrakı hissələri istedadlı və görkəmli bəstəkar-
larımız – Əfrasiyab Bədəlbəylinin, Niyazinin, Səid Rüstəmovun
və Azərbaycanın ilk qadın bəstəkarı Ağabacı Rzayevanın həyat
və yaradıcılığına həsr edilir. Bu hissələrdə məşhur sənətkarları-
mızın mühüm əsərləri təhlil və tədqiq edilir.
Doqquzuncu “1930-40-cı illərdə Azərbaycan musiqi mədəniy-
yəti”, onuncu hissə Əfrasiyab Bədəlbəylinin həyat və yardıcılığı
(birinci fəsil), “Qız qalası” baleti (ikinci fəsil), Əfrasiyab Bə-
dəlbəylinin publisistik fəaliyyəti (üçüncü fəsil) təhlil edilmişdir.
Onbirinci hissə dirijor və bəstəkar Niyazinin həyat və yaradı-
cılığı (birinci fəsil), ikinci fəsil “Rast” simfonik muğamı haqqın-
dadır. Üçüncü fəsildə onun “Xosrov və Şirin” operası və “Çitra”
baleti araşdırılır. Dordüncüdə bəstəkarın fortepiano üçün pyes-
leri təhlil edilir, beşinci fəsil Niyazinin ifaçılıq üslubunun baş-
lıca xüsusiyyətlərinə həsr olunur. Altıncı fəsil Niyazi və Türkiyə
musiqi mədəniyyəti haqqındadır.
İkinci cildin onikinci hissəsində Səid Rüstəmovun həyat və
yaradıcılığı (birinci fəsil), onun mahnı yaradıcılığı (ikinci fəsil),
musiqili komediyaları (üçüncü fəsil), instrumental əsərləri (dör-
düncü fəsil), dirijorluq fəaliyyəti (beşinci fəsil), bəstəkarın peda-
qoji fəaliyyəti (altıncı fəsil), Səid Rüstəmov və xalq musiqisi
(yeddinci fəsil) araşdırılmışdır.
Dostları ilə paylaş: |