537
duğu məktəbdə Ağabacının bacarığını, fəallığını görərək rayon
Sovetinə deputatlığa təqdim edirlər. İlk ictimai işində dərin mə-
suliyyət hiss edən Ağabacı, tez-tez seçiciləri ilə görüşür, onların
ərizə və şikayətləri ilə tanış olurdu.
1940-cı ildə Ağabacı Rzayeva Musiqi Texnikumunu bitirir
və Konservatoriyanın hazırlıq kurslarına daxil olur. Eyni zaman-
da onu Musiqi Texnikumunda müəllim kimi notla tar dərsi de-
məyə saxlayırlar. 1940-1960-cı illərdə Ağabacı Rzayeva bu tex-
nikumun müəllimi kimi fəaliyyət göstərir.
Bu illərdə qardaşı Nəsir Azərbaycan ordusunun əsgəri kimi Və-
tənə borcunu verirdi. Bir gün ondan gələn məktubun arasından Nə-
sirin yazdığı “Vətən” şeiri çıxır. Qardaş həsrəti, Vətən məhəbbəti
Ağabacıda dərin hisslər oyadır. İlhama gələn gənc qız, bu sözlərə
mahnı bəstələyir. Artıq onun ilhamını susdurmaq olmaz idi. İlk
əsərini xalq çalğı alətləri üçün “Gənc vətənpərvərlər marşı”nı yazır.
Əsəri orkestrdəki yoldaşlarına göstərir. Onlar marşın musiqisini bə-
yənərək onu məşq etməyə başlayırlar. Amma bu əsəri Ağabacı,
müəllimi Üzeyir bəyə göstərməyə cəsarət etmir. Tez bir zamanda
Üzeyir bəy də “Gənc vətənpərvərlər marşı”nı eşidir, musiqinin mü-
əllifinin kim olduğunu öyrənir. Ağabacı Rzayevanın bacısı Ruqiy-
yə xanım xatirələrində yazırdı ki: “Üzeyir bəy tələbəsinin “Marş”
əsərini dinləyəndən sonra onun musiqisini çox bəyənir, Ağabacını
yanına çağırtdıraraq, “Sən sübut etdin ki, qadın da bəstəkar ola bi-
lərmiş” sözlərini deyir və ona Konservatoriyanın bəstəkarlıq şöbə-
sinə daxil olmağı məsləhət görür.”
Vətənpərvərlər marşı
538
Beləliklə, Ağabacı Rzayeva nəinki Azərbaycanda, eləcə də
bütün Şərqdə ilk professional qadın bəstəkar və Üzeyir bəyin ilk
tələbələrindən biri olur. Ağabacı Rzayevadan sonra Hökumə Nə-
cəfova, Ədilə Hüseynzadə, Şəfiqə Axundova, Elmira Nəzirova
Azərbaycan musiqisinin ilk qadın bəstəkarları kimi musiqi tari-
xinə düşürlər. Adlarını çəkdiyimiz bu qadınlar Üzeyir bəydən
dərs almış tələbələrdirlər.
1941-ci ildə Ağabacı Rzayeva Azərbaycan Dövlət Konserva-
toriyasının bəstəkarlıq şöbəsinə daxil olur. Konservatoriyada da-
hi Üzeyir Hacıbəylinin dərsləri ona çox şey öyrətmişdi. Müəlli-
minin ona dərslərin birində dediyi: “Xalqını sev, musiqini onun
başa düşəcəyi dildə yaz ki, qoy xalq da səni sevsin” sözləri Ağa-
bacı Rzayevanın yaradıcılıq kredosuna çevrilir.
Ağabacı Rzayevaya Konservatoriyada musiqi tarixindən
Azərbaycanın ilk musiqişünaslarından olan Xurşud xanım Ağa-
yeva dərs demiş, sonralar onun müəllimləri arasında Qara Qara-
yev, Cövdət Hacıyev, Əfrasiyab Bədəlbəyli kimi simalar olmuşdur.
539
II fəsil
Mahnı, romans və digər janrlarda
yazdığı əsərlər
1942-ci ildə onu Azərbaycan Bəstəkarlar İttifaqına üzv seçirlər.
Artıq Ağabacı daha məsuliyyətli, daha məhsuldar işləməyə başla-
yır. Bir-birinin ardınca mahnı-romanslar yazır. Böyük Vətən müha-
ribəsi zamanı Ağabacı Rzayeva öz istedadını mahnılarda sınayır.
Onun əsərlərinin ilk mövzusu Vətən, onun azadlığı oldu, elə “Gənc
vətənpərvərlər marşı”, “Vətən” mahnısı buna bariz nümunədır. 40-
cı illərin mahnı-romansları arasında Mirvarid Dilbazinin sözlərinə
“Partizan oğlu”, “Qəhrəman ananın qəhrəman oğlu” və başqalarını
göstərmək olar. Həmin illərdə Azərbaycanın Himnini yazmaq üçün
müsabiqə elan olunanda Üzeyir Hacıbəyli ilə birlikdə Ağabacı
Rzayeva da müsabiqəyə qoşulur və o vaxtlar onun yazdığı Himn
də münsiflər tərəfindən bəyənilmişdir.
1944-cü il Azərbaycanın musiqi tarixində əlamətdar hadisəli bir
ildir. Həmin ildə Tbilisi şəhərində Zaqafqaziya Respublikalarının
musiqi ongünlüyü keçirilirdi. Ongünlükdə üç respublikadan əlavə
Sovet İttifaqının məşhur sənətkarları da iştirak edirdilər. Azərbay-
can həmin ongünlükdə böyük bir nümayəndə heyəti ilə təmsil olu-
nurdu və bir çox bəstəkarların əsərləri də ilk dəfə məhz həmin on-
günlükdə səslənmişdi. Gənc bəstəkarlar Qara Qarayev, Cövdət Ha-
cıyev və Soltan Hacıbəyovun birinci simfoniyaları, Fikrət Əmiro-
vun simfonik poeması, Niyazinin “Xatirə” və “Döyüşdə” simfonik
lövhələri ilə birlikdə Ağabacı Rzayevanın da orkestr üçün yazdığı
“Yallı” instrumental əsəri və görkəmli müğənni Bülbülün ifasında
mahnı-romanslarından “Gözləyirəm sevgilim” (sözləri Cəfər Xən-
danın), “Gözlərin” (sözləri İsmayıl Soltanın), “Dilbərim” (sözləri
Zeynal Cabbarzadənin) səslənmişdi. Adlarını çəkdiyimiz bu əsərlər
həmin ongünlükdə böyük müvəffəqiyyət qazanmışdı.
1944-cü ildə Azərbaycan Kinostudiyasında ilk qadın bəstəkar
Ağabacı Rzayeva haqqında film çəkilir. Filmdə Ağabacı Rzayevanın
540
Cəfər Cabbarlının sözlərinə yazdığı “Azərbaycan” romansı səslən-
mişdir. Maraqlıdır ki, Üzeyir Hacıbəylinin sevimli tələbələrindən
biri olan Ədilə Hüseynzadənin çox gözəl səsi var idi. Ədilə xanım
eyni zamanda vokalnan da məşğul olurdu. “Azərbaycan” romansını
həmin filmdə Ədilə Hüseynzadə ifa etmişdi. Onu royalda müşayiət
edən isə gözəl pianoçumuz Asya xanım Zülfüqarova olmuşdu.
1948-ci ildə Moskvada, incəsənətdə formalizm əleyhinə mü-
barizə başlamışdı. Bəstəkar Vano Muradelinin musiqidə forma-
lizm haqqında məşhur çıxışından sonra, Bakıda da bu çıxışı mü-
zakirə edib, bir əsəri tənqid etmək lazım idi. Bəstəkarların, yazı-
çıların və Mərkəzi Komitə üzvlərinin iştirak etdiyi iclasda Ağa-
bacı Rzayevanın Nizaminin sözlərinə yazılmış “Könlüm” ro-
mansını tənqid atəşinə tutaraq qərar cıxartdılar ki, romans reper-
tuardan götürülsün. Halbuki görkəmli müğənni Bülbülün ifasın-
da “Könlüm” romansı çox sevilmişdi və radio dalğalarında tez-
tez səslənən bir əsər idi. Bu haqsız tənqid Ağabacı xanıma əlbət-
tə ki, çox pis təsir etmişdi. Lakin bir neçə ildən sonra haqq yeri-
ni tapdı. “Kommunist” qəzetində Mədəniyyət Nazirliyinin qərarı
çap olundu ki, bəstəkar Ağabacı Rzayevanın vaxtı ilə repertuar-
dan çıxarılmış “Könlüm” romansı haqsızlığa uğrayıb və əsəri
yenidən repertuara qaytarmaq lazımdır. Bu, Ağabacı Rzayevanın
həyatında rast gəldiyi maneələrdən biri idi. Hələ Üzeyir bəyin
sağlığında coxları onun yazdığı əsərlərinin, müəlliminin qələmi-
nə mənsub olduğunu düşünürdülər. Bu da Ağabacı Rzayevaya
çox pis təsir edirdi. Bir tərəfdən də bu dedi-qodular onu daha da
əzmləndirir, məhsuldar işləyərək biri-birinin ardınca gözəl əsər-
lərini yazırdı.
Ümumiyyətlə, 1948-ci il Ağabacı Rzayeva üçün ağır illərdən
biri idi. Ata kimi sevdiyi, daim qayğısını öz üzərində hiss etdiyi,
sevimli müəllimi Üzeyir bəyin vəfatı hər kəsi sarsıtdığı kimi Ağa-
bacı xanıma da ağır təsir etmişdi. Sanki yer ayağının altından get-
mişdi. Bu yoxluğu notlara keçirmək, qəlbinin ağrılarını üzə çı-
xartmaq lazım idi. Ağabacı Rzayeva Üzeyir Hacıbəylinin ölümü-
nün ildönümünə şair Hüseyn Abbaszadənin sözlərinə “Sənin xatı-
rən” qəzəl-romansını yazır. Bu romansla o, kiçicik də olsa müəlli-
minin ruhu qarşısında öz borcunu vermiş olur.
Dostları ilə paylaş: |