96
116; 55, 187-188). İbrahim Əfəndi Cənubi Qafqaza gələrkən sultan
fərmanı ilə yanaşı Azərbaycan xanlarına və Dağıstan hakimlərinə
çoxlu pul və hədiyyələr gətirmişdi. Lakin İrəvan xanı bu hədiyyələri
qəbul etməmişdi (6, 717).
Anası başda olmaqla Məhəmməd xanın azyaşlı olmasından
istifadə edən bir qrup şəxsin Tiflis sarayı ilə sıx əlaqə saxlaması
sultan tərəfdarlarının xoşuna gəlmirdi. Nəticədə, Ahalsıx hakimi
Süleyman paşanın təhriki ilə Məhəmməd xana qarşı sui-qəsd hazır-
lanmışdı. S.D.Burnaşov 1785-ci ilin martın 17-də P.S.Potyomkinə
yazdığı məlumatda göstərirdi ki, görkəmli İrəvan əyanlarından
Usmi bəy və onun oğlu osmanlıların təhriki ilə xanı öldürmək
qərarına gəlmişdilər. Lakin bu sui-qəsdin üstü vaxtında açılmışdı.
Usmi bəy qaça bilsə də, Qars sərhəddində həbs edilərək oğlu ilə
həbsxanaya salınmışdı (6, 730).
Tezliklə, İrəvan xanlığı Xoy xanlığının təsirinə düşdü. Qeyd
etmək lazımdır ki, XVIII yüzilliyin 80-ci illərin əvvəllərində Əhməd
xan xoylu (1763-1786) Urmiya, Təbriz, Qaradağ, Naxçıvan və
İrəvan xanlıqlarını özünə tabe etmək üçün mübarizə aparırdı (27,
128-131; 55, 48-50). Əhməd xan zirək siyasətilə, xüsusilə sultan
tərəfindən Azərbaycan sipəhsaları adlandırıldıqdan sonra, böyük
hörmət, şöhrət və nüfuz qazana bilmişdi. O, çar İraklinin gizli
düşməni idi (105, 25). Rus komandanlığı onun nüfuz sahibi
olduğunu görərək Əhməd xanı öz tərəfinə çəkmək istəyirdi. Georgi-
yevsk müqaviləsindən sonra knyaz Apraksin vasitəsilə ona fərman
və hədiyyələr göndərilmişdi. Əhməd xan rus–gürcü qüvvələrindən
ehtiyat edərək əvvəl bu fərmana müsbət cavab vermişdi. Hətta
1784-cü ilin iyulunda knyaz Q.Potyomkin buna cavab olaraq
xandan xahişnamə göndərməsini rica etmişdi. «Lakin Osmanlı
dövlətinin bölgədə fəallaşması (İbrahim Əfəndinin başçılığı ilə
nümayəndə heyəti – E.
Q.), Azərbaycan xanlarını rus-gürcü
qüvvələrinə qarşı birləşmək çağırışı bu planı pozdu. Sultan Əhməd
xana sərəsgər rütbəsi verib, Azərbaycana rəhbərlik etməyi xahiş
etmişdi. Osmanlı dövlətinin köməyinə arxalanan Əhməd xan Rusiya
ilə danışıqları kəsmişir» (181, 40).
97
Həqiqətən, sultan güclü Xoy xanına böyük ümid bəsləyirdi.
Sultan fərmanlarında Azərbaycan xanlarından rus-gürcü qüvvələ-
rinin İrəvan qalasına yürüşünün qarşısını almaq üçün Əhməd xan
Dünbülünün başçılığı ilə birgə mübarizəyə girişməyi tapşırmışdı
(48, 72). Sultan Əbdülhəmid İrəvan xanına göndərdiyi məktubda
yazırdı ki, «..yaşca böyük olan və ləyaqətli Xoy xanına sipəhsalar
rütbəsi verib, bütün xanlara fərman verərək bildirmişik ki, bizim
paşa və vəzirlərə İraklinin hərəkətləri barədə xəbər versinlər (35,
71).
Xoylu Əhməd xan Məhəmməd xanın hakimiyyətinin ilk
günlərindən xanlığın daxili işlərinə müdaxilə etməyə başlamışdı.
Əgər o, əvvəllər II İrakli və onun havadarı olan Rusiyadan ehtiyat
edərək İrəvanın daxili işlərinə açıq-açığına qarışmaqdan çəkinirdisə,
artıq bu işdə özünə arxa tapmışdı. Xoylu Əhməd xan bacarıqlı
sərkərdə olmaqla bərəbər, güclü qoşuna malik idi. Digər tərəfdən, o,
Ahalsıx hakimi Süleyman paşa ilə qohum idi və paşa lazım olduqda
hərbi cəhətdən ona kömək edirdi (107, c.2, səh.178). Bundan əlavə,
Əhməd xan Qarabağ, Qaradağ və Naxçıvan xanları ilə müttəfiq idi
(182, 175). O, həm də taxt-tac uğrunda mübarizə aparan Ağa
Məhəmməd xan Qacarla dostluq edirdi (247, 208). Ən başlıcası isə
Xoy hakimi Osmanlı dövlətinə arxalanırdı.
Başı qonşu xanlıqları özünə tabe etməyə qarışan Əhməd xan
İrəvanda möhkəmlənmək arzusunu yalnız 1785-ci ildə reallaşdıra
bildi. O, ilk növbədə «nikah diplomatiyası»ndan istifadə etməyi
qərara aldı. Əhməd xanın mərhum Qulaməli xanla qohum olmaq
cəhdi baş tutmasa da, Məhəmməd xanla bu niyyətini həyata keçirə
bilmişdi. 1785-ci ilin yayında Əhməd xan özünün 30 yaşlı qızını 13
yaşlı Məhəmməd xana ərə verdi (3, 243; 107, c.2, səh, 177). Bu
qohumluğu daha da möhkəmləndirmək üçün Əhməd xan Məhəm-
məd xanın bacısı ilə evləndi (27, 130).
Məhəmməd xanın azyaşlı olmasından istifadə edən Əhməd
xan qızı vasitəsilə İrəvanda hakimiyyəti idarə etməyə başladı. Xoy
hakimi İrəvanda mövqeyini daha da möhkəmləndirmək üçün gizli
nümayəndəsini, hərəmağası Ağahüseyni də oraya göndərdi. Tezlik-
98
lə, hərəmağası İrəvan sarayında böyük nüfuz sahibi oldu. Hətta o,
Məhəmməd xanın etimadını qazanaraq vəzir təyin edildi (3, 233-
234; 6, 885).
Əhməd xanın adamının İrəvanda yüksək vəzifə tutması II
İraklini narahat etməyə başladı. O, hiyləyə əl ataraq Ağahüseyni
müxtəlif bəhanələrlə Tiflisə dəvət etdi (6, 885). Lakin onun bu
niyyəti baş tutmadı. Vəzirliyi ələ keçirməklə böyük səlahiyyət qaza-
nan Ağahüseyn Xoy hakiminin mənafeyinə uyğun siyasət yeritməyə
başladı. Nəticədə, Əhməd xanın sağlığında qısa müddətə olsa da,
İrəvan xanlığı ondan asılı vəziyyətə düşmüşdu. Tabeçilik rəmzi ola-
raq İrəvandan Xoya nəzərdə tutulan miqdarda peşkəş və hədiyyələr
göndərilirdi (27, 130-131).
Rusiyanın Kartli-Kaxetiya sarayındakı nümayəndəsi S.D.Bur-
naşovun 1785-ci il avqustun 9-da mərkəzə göndərdiyi məlumatında
yazılırdı ki, «İrəvan İraklidən daha çox 30 yaşlı qızını 13 yaşlı
İrəvan xanına ərə verən Əhməd xanın hakimiyyəti altındadır. O,
(Əhməd xanın qızı – E. Q.) hərəmağası Ağahüseynlə birlikdə İrəvan
qalasına sahib olaraq bütün xanlığı idarə edir. Onlar Əhməd xanın
təhriki ilə II İrakliyə bir daha vergi ödəmirlər» (3, 243). Bu vəziyyət
Osmanlı sultanını da qane edirdi.
Ancaq vəzirin siyasəti yerli əyanları qane etmirdi. Belə ki,
Ağahüseynin vəzir təyin edilərək hakimiyyəti ələ alması yerli
əyanların narazılığına səbəb olmuşdu. Onun fəaliyyəti ilk əvvəl
kürd tayfa başçılarından olan Şəmdin ağanın xoşuna gəlməmişdi. O,
qoşun toplayaraq hakimiyyətə qarşı döyüşə hazırlaşsa da,
ağsaqqalların işə qarışması baş verə biləcək qırğının qarşısını bir
müddət ala bilmişdi (161, 123-124).
Lakin İrəvanda vəziyyət gərgin olaraq qalırdı. Tərəflər
arasında baş qaldırmış mübarizə səngimək bilmirdi. Tez-tez sui-
qəsdlər və müxtəlif ixtişaşlar baş verirdi (6, 904). Tezliklə, Ağa-
hüseynə qarşı yeni müxalif qüvvələr əmələ gəldi. Belə ki, vəzir
Ağahüseyn nüfuzundan istifadə edərək bəzi əyanları vəzifələrindən
kənarlaşdırmışdı. Vəzifədən qovulan Eyvaz bəy və Qasım bəy
İrəvanı tərk edib, 2000 nəfərlik silahlı qüvvə toplayaraq vəzirə qarşı
Dostları ilə paylaş: |