Osman Türkayın poetik irsi
108
Göründüyü kimi, Türkay bu əsərini yazan zaman Hind dini-mi-
foloji sisteminə istinad etmişdir. Bu sistemdə Dharma xüsusi mə-
nada ədalət qoruyucusu olan ilahi müdrikliyi, ümumi anlamda isə
dini prinsipləri bildirir (Mifoloqiçeskiy, 1991: 201) ki, şairə görə,
öz Qiyamətini hazırlamış bəşəriyyətə hansısa dharmaların kömək
edəcəyini gözləmək əbəsdir. O, artıq özünü cəhənnəm odunun içinə
atmışdır və Od tanrısı Aqninin qucağında can verməkdədir. Dün-
yanın sonunun təzahürləri görünməkdə, təkayaqlı Hind tanrısı yas
saxlamaqdadır. Məlumdur ki, Hind mifologiyasında Aqni yeddi dili
olan Allahdır və şeirdə:
Yedi güneş
22
doğmuş, yedi kızıl gözlü canavar
Emdiler özsuyunu ovaların, dağların
Emdiler yedi denizin suyunu kuruttular.
(Türkay, 1975: 40)
- şəklində yad olunur. O həm də bəzən Günəşlə eyniləşdirilir.
Nəhayət, atəş və su, işıq və qaranlığın görüşməsi baş verir və hər
yer qaranlığa qərq olur.
Düştü her yana karanlık, kalki ya da bir ölümde korku
Kırlar göğerdi, Brahma söyle Lotus doğmayacak mı?
(Türkay, 1975: 40)
Hind mifologiyasından bilirik ki, Brəhmənin yaranma variant-
larından biri də onun ilkin okean sularında üzən Vişnanın göbə-
yində bitən şanagüllə çiçəyindən doğulmasıdır. Qədim hind dünya-
görüşünə görə, kosmik tsikl aşağıdakı şəkildə baş verir: “Brəhmə
tərəfindən yaradılan dünya və bütün canlılar tsiklik olaraq mövcud-
22
“
Mitolojiler Sözlüyü”ndə kosmik yanğın altbaşlığında bu hadisə haqqında qeyd olunur:
“Puranalar’ın birçoğunda paralaya’yı anlatan “rengârenk” hikâyeye bakılırsa, her şey uzun
bir kuraklık dönemi ile başlar ve tüm canlılar yavaş yavaş güçsüzleşir. Sonra güneş her
zamankinden daha da fazla ışıldayarak yediye bölünür ve yangın başlamadan önce üçlü
dünyanın tüm nemini emer”. (Antik Dünya ve Geleneksel Toplumlarda Dinler ve Mitolojiler
Sözlüğü, Yön.: Yves Bonnefoy, Dost Kitabevi Yayınları, I. cilt. Ankara, 2000)
Elmira Fikrətqızı
109
dur. Hər bir tsikl isə Brəhmənin həyatının bir gününə bərabərdir.
Onun həyatının bir günü isə 2160000000 ilə bərabərdir. Bütün bu
vaxtdan sonra hər şey odda məhv ediləcəkdir. Sonra isə Brəhmə
dünyanı təzədən yaradacaqdır. Hindlilərin kosmoqonik ənənəsinə
görə isə bu proses Brəhmənin 100 illik ömrü boyu uzanacaq, sonra
isə bütün kainat ilkin vəziyyətinə qayıdacaqdır” (Şükürov, 1996:
76).
Əsərin üçüncü hissəsində özünü yer üzü sivilizasiyasının “yıkım
ve kıyım gecelerinde” qan və işgəncə dəlisi vəhşi vampir adlandıran
müəllif bəşəriyyətin gözü bağlı halda iztirab zirzəmilərinə aparıl-
dığını və maskalı yeddi hakimin onların gövdələrini yarıb, ruhlarını
atəşə tutduqlarını yazır. Daha doğrusu, o, bəşəriyyət ilə “para” (pul)
adlı bir oyun oynamış və qumarda qalib gəlmişdir.
Dördüncü hissədə həmin yeddi hakim əllərində silah kimlərisə
nişan alırlar. Bəlkə də, onlar dünyaya hakimlik etmək niyyətində
olan hegemon dövlətlərin liderləridir ki, daima silahlanmada yarışa
girərək bəşəriyyəti qorxu və təhlükə altında saxlayırlar. Sonda Tür-
kay yenə də Hind mifologiyasına üz tutaraq nə vaxtsa yeni bir dün-
yanın doğacağını gözləməkdədir:
Durmuşlar, nişan alıyorlar, ama bu silahlar
Hep böyle susup konuşacaklar mı
Konuştukca acaba kimleri ateşle yargılayacaklar
Sordum: Lotus açmadan önce Brahmanın göbeğinden
doğacak evren ne
Kanın yakarışı çağlayıp indi yüreğime.
(Türkay, 1975: 42)
“Riqveda”nın “İlk insan haqqında” himnində Brəhmə ilə eyni-
ləşdirilən Puruşanı qurban verən Allahlar dünyanı yaratmağa baş-
layırlar və onun ağzından, ruhundan, gözlərindən, belindən, nəfə-
sindən və s. hissələrindən müxtəlif varlıqlar yaranır (Şükürov,
1996: 142).
Osman Türkayın poetik irsi
110
Türkay da verilən qurbanların, Qiyamətin yeni bir dünya yarada-
cağına, beləliklə, kosmik qaydaların qorunub saxlanacağına inan-
maqdadır.
Hakimlərin sayının yeddi olması əsərin təhlilində digər bir fikir
qatını da istisna etmir. Məlumdur ki, “Riqveda”da yeddi rişidən
bəhs edilir. Hind dini-mifoloji sistemində allahlar və pitrilərdən
sonra, “üçüncü yerdə duran rişilər miflər və əfsanələrdə allahların
iradə və göstərişlərinin şərhçisi və bələdçisi kimi təsvir edilir. Onlar
bir növ allahlar dünyası ilə insanlar arasında əlaqələndirici halqa
rolunu oynayırlar” (Şükürov, 1996: 63). Təbii ki, əsərdə kosmosdan
insanları müşahidə edən bu rişilər əllərində silah tutaraq hansısa
sərhədləri ötüb keçməyə çalışan insanları cəzalandırmağa xidmət
edirlər. Rişilərin Böyük ayı bürcü ilə əlaqədə izah olunması, adla-
rının ulduz və planet adları ilə üst-üstə düşməsi kosmos şairinin
onlarla bağlı motivlərdən istifadə etməsinə səbəb olmuşdur. Bundan
əlavə, Ağayar Şükürovun yazdığına görə, “onların bacarıqları içəri-
sində planetlərə təsir göstərmək də vardır” (Şükürov, 1996: 107).
“Gün batarkən Qiyamət” şeri də torpağın üstündə olan hüznlər-
dən xəbər verərək daha real bir biçimdə qürub zamanı ölən dünya-
nın faciəvi sonluğunu təsvir etməkdədir. Ümumiyyətlə, Osman Tür-
kayın “Qiyamət günü müşahidəçiləri” kitabında ölüm, dünyanın so-
nu və s. kimi bədbin mövzularla bağlı əsərlər əsas yer tutmaqdadır:
“Yerdə hüzn, göydə xaos”, “Ölümü bir dar ağacında sonsuzlaşan”,
“Təccalın türküsü”, “Ölümün maskasında işgəncə” və s. Aşağıdakı
misralar sonuncu şeirdəndir:
Yaşam işte budur: Bir intihar makinesi,
Çeliğin hortlakları, ateşin özü
Bir şeytanca dişli çark, bu korkunç görüntü.
(Türkay, 1975: 48)
Dostları ilə paylaş: |