412
nənəm”, “Nənələrin məhəbbəti”, “Nənə və nəvə”, “İki nəvəli nənə”, “Nənəmin ikinci nəvəsi, “İki nəvə bir
nənə”, “Qocalar”, “Nənənin nəvələri”, “Nənələr qocaldılar” və s. kimi şeirlərində nənələr bir qayda olaraq
müdrik, işbilən, ağbirçək, cəfakeş nəvələrini dərin məhəbbətlə sevən, onların hər əzabına qatlaşan, ərköyün
hərəkətlərinə dözən evin qayğıları elə yaşayan bədii surətlər kimi verilir. “Sözə baxmayanda” şeirində nənə
nəvə münasibətlərinin çox həyatı, təbii təsviri ilə qarşılaşırıq.
Nənə durur lao o başdan.
İşləri görür yavaşdan.
Süd bişirir çay dəmləyir.
Ay uşaqlar ac getməyin.
Bircə tikə yeyin-deyin.
Cavab gəlir:
- İstəmirik
Səhər tezdən biz yemirik.
Böyük Azərbaycan şairi S.Vurğun uşaqlar üçün yazmağın nə qədər məsuliyyətli və çətin bir iş
olduğunu, uşaq qəlbini, uşaq təbiətini, ümumiyyətlə, uşaq həyatını tərənnüm etməyin nə qədər vacib
olduğunu deyirdi. O, 1944-cü ildə yazdığı “Balalarımız üçün gözəl əsərlər yazaq” adlı elmi-nəzəri
məqaləsində qəti şəkildə bildirdi ki, uşaqlarla sözün mənfi mənasında uşaq kimi deyil, insan kimi davranmaq
lazımdır. O uşaq insandır ifadəsini söyləmişdir. Bəzən uşaqlar üçün yazan şairlər elə hesab edirlər ki,
uşaqlara sadə olmayan bədii zövq və tərbiyə problemləri barədə söz açmaq lazım deyil. Ona görə də bəzi
uşaq şeirlərini oxuyan zaman əməyə məhəbbət, dostluğa sədaqət, ata-anaya hörmət, ehtiram və s. barədə
sadəlövh mülahizələrdən o tərəfə keçə bilməyən şeirlərlə qabaqlaşmalı oluruq. Lakin, A.Səhhət, M.Ə.Sabir,
A.Şaiq, M.Dilbazi kimi söz ustadlarının yaardıcılıq təcrübəsi göstərir ki, Azərbaycan uşaqları mürəkkəb
məsələlər barədə mükəmməl mülahizələr yürütməyə qadirdilər. Eyni zamanda həmin yaradıcılıq təcrübəsi
göstərir ki, müasir Azərbaycan uşaq şeirinin müəllifləri üçün də zəngin bir məktəb olaraq geniş yaradıcılıq
imkanları açır. Lakin bu heç də o demək deyil ki, müasir uşaq şairi cəmiyyətin qarşısında duran mürəkkəb
problemlərin şərhi ilə məşğul olmalıdır. Söhbət ondan gedir ki, şair bugünkü uşaqları və gəncləri
maraqlandıran, cəlb edən etik-mənəvi məsələlərdən yan keçməməli, həmin məsələləri poeziyada bütün
dolğunluğu ilə şərh etməlidir. Yalnız ümumi didaktik mülahizələr, soyuq ritorik misralarla bu gün,,
kompüterin, cürbəcür elektron oyunların, son xarakterli verilişlərin əhatəsində yaşayan uşağın mənəvi-
psixoloji aləminə yol tapmaq, onu bu baxımdan zənginləşdirmək, tərbiyə etmək mümkün deyildir.
Artıq öz dövrünü keçmiş mənəvi-etik mülahizələrin çeynənmiş şəkildə heç bir bədii orijinallıq
nümayiş etdirmədən təqdim olunması uşaq mənəviyyatının və təfəkkür tərzinin formalaşmasına müsbət heç
nə vermir, əksinə uşaqları bu ifadələrdən usandırır, nəticədə onlar bu ədəbi materiallara mənfi münasibətdə
olurlar.
Uşaqların bədii zövqlərinin formalaşmasında onların ilk eşitdikləri musiqi, ilk baxdıqları rəsm
nümunələri və ilk oxuduqları bədii əsərlər böyük rol oynayır. Bunlar yeni bir aləmə-zövqlər aləminə açılan
bəlkə də ilk pəncərə olur. Uşaqların zövq mənbələri müxtəlif və rənarəngdir. Valideynlərin qarşısında ilk
duran vəzifələrdən ən başlıcası uşağın qavramasına və zövqünə, eyni zamanda onların yaşına və bilik
səviyyəsinə uyğun əsərlərin seçilməsi daha düzgün olardı.
Müasir Azərbaycan uşaq poeziyasının sayılıb-seçilən sənətkarlarından olan R.Yusifoğlunun uşaq
şeirlərinə nəzər salsaq görərik ki, onun şeirlərinin mövzu dairəsi rəngarəngdir. O uşaq psixologiyasına daha
yaxından bələd olduğundan və ədəbiyyatın nəzəri əsaslarını mükəmməl bildiyindən, qələmə aldığı şeirləri
şirin yumoru, yığcamlığı, aydınlığı ilə diqqəti cəlb edir.
Şairin şeirləri kiçik yaşlı oxucunu istər-istəməz düşünməyə vadar edir. Bu baxımdan, “Ağ yolların
yolçusu”, “Bir kitab sətirləri” və s. uşaq şeirləri uğurlu təsir bağışlayır. “Daha uşaq deyiləm” adlı şeirlər
kitabına daxil edilən şirin yumorlu, informasiya verici bədii nümunələr böyük maraq doğurur. Burada Rafiq
Yusifoğlu hər bir həyat hadisələrində çoxlarının görə bilmədikləri bəzi həqiqətləri öz oxucusu ilə elə bölüşür
ki, elə bil şeiri oxucu özü görüb Rafiq Yusifoğlu isə onu gözəl bir şeirə çeviribdir. Bax əsl uşaq şeirinin
böyüklüyü, cazibədarlığı da ondadır ki, həmişə mövzu oxucu ürəyindən xəbər verir, onu həyat hadisələrinə
maraq dolu gözləri ilə baxmağa sövq edir. Şairin “Bir ay bir də çay” şeirində Azərbaycan təbiətinin poetik
təsvirinə rast gəlirik. Misraları beş hecadan ibarət olan bu şeirdə Azərbaycanın hər bir guşəsinin gözəlliyini
görmək mümkündür.
Gedib mürgüyə
Dağlar, yamaclar.
Yatıb meşədə
Kollar, ağaclar.
413
Yuxuya dalıb
Dərələr, düzlər.
Tənha üşüyür
Cığırlar, izlər.
Uşaqların insani duyğulara münasibətlərini nizamlamaq, həyata olan inamını möhkəmləndirmək,
onların sirli dünyanı, füsunkar təbiəti dərk edərək zərif və incə hisslərlə tərbiyə olunmasına nail olmaq, uşaq
təxəyyülünü formalaşdırmaq üçün təbiət təsvirləri çox əhəmiyyətlidir. R.Yusifoğlunun əsərlərində uşağın
zövqünü oxşayan təxəyyül və fantaziyasını gücləndirən bədii detallar çoxdur.
Təbiətə təsvirləri xüsusi fərqləndirici intonasiya ilə oxunmalıdır. Şeiri oxuyarkən təsvirlərin bədii
təsvirinə xüsusi fikir verilibsə, bu uşağa bədii zövq aşılayır. Valideynlə və tərbiyəçilər unutmamalıdırlar ki,
təbiət hadisələrinin müşahidəsi bu təsvirlərin rolu üzərində işlətmək, onların zövqünün inkişafı və
formalaşmasına güclü təsir edən fasilələlərdən biridir.
Alimlərin fikrincə bədii zövq eşitmək, görmək, dinləmək və mütaliə ilə də sıx bağlıdır. Onun əsası
ailədə qoyulur. Sonrakı dövrlərdə ailə və məktəb arasında sıx bağlılıq yaranır. Bədii zövq müstəqil mütaliə
yolu ilə inkişaf edir və formalaşır. Oxu vərdişinə və mütaliə mədəniyyətinə isə uşaq məktəbdə yiyələnir.
Mütaliə isə mədəniyyət əlamətidir. O, uşaqlarda gözəlliyi duymaq, sənət əsərlərini qiymətləndirmək
bacarığını tərbiyə edir. Mütaliənin köməyi ilə həyat haqqında bəsit təsəvvürünü olan uşağın biliyi genişlənir,
lüğət ehtiyatı zənginləşir. Beləliklə həyat tərzini və insani münasibətlərini daha yaxşı başa düşür. Onun
formalaşmasında isə estetik təsir doğur. Odur ki, uşaq bədii əsərləri ifadəli oxumağı bacarmalıdır. Buna görə
də uşaq əsəri elə formada yazılmalıdır ki, uşaq onu oxuyarkən eyni zamanda əsərin mənasını da dərk etsin.
Bu da öz növbəsində uşaqlarda bədii zövqün formalaşmasında böyük rol oynayır.
Bu gün Azərbaycan uşaq yazıçıları qarşısında çox məsul vəzifələr durur. Bu vəzifələr tək şeir yazmaq
deyil, eyni zamanda uşaq psixologiyasını geniş bilməyi və valıideynlərlə sıx təmasda olmağı təcrid
etməlidirlər. Əgər belə olarsa yazdıqları əsərlər uşaq zövqünün düzgün formalaşmasına səbəb ola bilər.
Ədəbiyyat
1.Abdullayev C. Bədii ədəbiyyatın tərbiyəvi rolu. Filoloji araşdırmalar, 2004.
2.Allahverdioğlu P. “Dəbistan” jurnalında tərbiyə məsələləri. “Azərbaycan məktəbi”, 1958, №7
3.Namazov Q. Azərbaycan uşaq ədəbiyyatı antologiyası 3 cilddə. I,II-III cild, 2005.
4. Budaqov B. Təbiət poeziya işığında.
5. Əhmədov C. Uşaq ədəbiyyatında ideya və sənətkarlıq məsələləri. Azərbaycan, 1960, №2
6. Məhərrəmova C. Azərbaycan uşaq ədəbiyyatında ənənə və novatorluq. 1970-80-ci illər. Bakı, ADPU, 1997.
7. Tahirli Z. Böyük vətən müharibəsi illərində Azərbaycan sovet uşaq şeiri. Bakı, Azərnəşr 1991, 96 s.
8. Məmmədov X. Azərbaycan uşaq ədəbiyyatı müntəxabatı. Bakı, Nasir, 2001.
9. Məmmədova Ş. M.Dilbazinin uşaq yaradıcılığı. Bakı, ADPU, 2014.
10. R.Yusifoğlu. Uşaq ədəbiyyatı. Bakı, təhsil, 2002, 268 s.
TƏRANƏ AĞAMALIYEVA
Bakı Dövlət Universiteti
ƏHMƏD BƏY AĞAOĞLUNUN “SƏRBƏST FİRQƏ XATİRƏLƏRİ” ƏSƏRİNİN ƏSAS
MOTİVLƏRİ
Açar sözlər: partiya, Ağaoğlu, siyasi, milli, mühacirət
The prominent national Azerbaijan ideologist AhmadbayAgaoglu’s work "Free sect Memories" is involved in the
analysis in the article named by “The main motives of AhmadbayAgaoglu’s "Free sect Memories" work”. Here, the
main themes of emigration literature are investigated and taken into account at the same time.
Keywords: party, Agaoglu, political, national, immigration
Əhməd bəy Ağaoğlu Azərbaycanın və Türkiyənin bütünlükdə isə çağdaş türk islam dünyasının
görkəmli şəxsiyyətlərindən biridir. XX əsrin əvvəlləri Əhməd bəy Ağaoğlunun elmi- bədii yaradıcılığının və
ictimai-siyasi fəaliyyətinin zəngin dövrünü əhatə edir. Onun bu illərdə yazdığı “ Sərbəst insanlar ölkəsində”,
“Üç mədəniyyət”, “Dövlət və fərd”, “Sərbəst firqə xatirələri” və s. kitabları nəşr olunmuşdur.
Əhməd bəy Ağaoğlu çətin, ziddiyyətli və mürəkkəb həyat yolu keçmişdir. Bu böyük şəxsiyyətin ömür
yolunun bir çox məqamları indiyədək qaranlıq qalmışdır. Təbii ki, milli mübarizənin vüsət aldığı həqiqi
qələm sahiblərinə daha çox ehtiyac duyulduğu bir zamanda Əhməd bəy Ağaoğlu kimi qüdrətli şəxsiyyətin
Azərbaycandan uzaqlaşdırılması həmin mübarizəyə və onun ideallarına zərbə idi. Onun milli şüur tariximizin