180
Cədvəldən göründüyü kimi V sinfə daxil olan
pestisidlərin mütəhərrikliyi I sinfə aid olunanlardan daha
yüksəkdir.
Torpağın neft və neft məhsulları ilə çirklənməsi torpaqlar
biotunda əsaslı dəyişiklərə səbəb olur. Karbohidrogenləri
parçalamaq qabiliyyətinə malik olan yeni mikroorqanizmlər
meydana gəlir. Həmin mikroorqanizmlərin iştirakı ilə
parçalanan aromatik karbohidrogenlərin aşağıdakı sırası dəqiq
müəyyən olunmuşdur:
• bir zəncirli strukturlu (benzol, toluol, ksilol, trimetilbenzol,
tsiklialkilbenzol və s.);
• iki zəncirli strukturlu (naftalin, metilnaftalin və s.);
• üç zəncirli strukturlu (fenantren, antratsen və s.);
• politsiklik birləşmələr (piren, benzopiren, bezantratsen və s.).
Neftlə çirklənən torpaqların detoksikasiya müddəti və
sürəti müxtəlif iqlim zonaları üçün müxtəlifdir. Məsələn, arid
vilayətlərdə bu proses əsasən mikroorqanizmlərin hesabına baş
verir. Soyuq humid regionlarda isə mikroorqanizmlərin
məhsuldarlığı zəif olur. Ümumiyyətlə isə torpaqda neftin
azalması aşağıdakı səbəblərlə bağlıdır:
• Yüngül fraksiyaların buxarlanması, neftin mineralizasiyası;
• Fiziki yolla daşınma, humifikasiya və s.
Bu səbəblərin birgə münasibəti torpağın detoksikasiya
dövrünü təyin edir.
Təbii şəraitdə neftlə çirklənmiş torpaqların öz-özünü
təmizləməsinin aparıcı amili bioloji amildir. Bu mikroorqa-
nizmlərin çirklənmiş torpaqlarda mövcud olan karbohidro-
genləri parçalamaq qabiliyyətinə malik olmasına əsaslanır.
Lakin təbii şəraitdə torpaqlarda neft maddələrindən öz-özünü
təmizləmə prosesləri ləng gedir və aerasiyadan, oksigenin
mümkünlüyü, azotun, fosforun mənbəyindən və s. amillərdən
asılıdır. Ən intensiv olaraq süxurların təmizləməsində
181
bioremediasiya - bioloji üsullardan istifadə olunur, onun da
əsasını idarəedilən rejimdə biotexnoloji üsullar təşkil edir.
Bioremediasiya termini dedikdə, süxurların tərkibində
olan çirklənmələrdən təmizlənməsi üçün istifadə olunan
texnologiyalar və avadanlıqlar anlaşılır.
Biotexnologiyaların əsasını təşkil edən prinsiplər
çirklənmiş torpaqlarda mövcud olan, ancaq mühitdə tam
komplekt qida elementləri olmadığı səbəbindən çirkləndirici
maddələri səmərəli parçalamağa qadir olmayan təbii
mikroorqanizmlərin - destruktorların inkişafını biostimullaşdır-
maqdır ( in situ biostimullaşdırma) və eyni zamanda, ayrılmış
mikroorqanizmlərin aktiv kulturlarının çirklənmiş torpağa
introduksiyasıdır ( in vitro biostimullaşdırma).
Hal-hazırda bioremesiasiya proseslərində əsasən, aerob
bakteriyalarından istifadə olunur. Aparılan tədqiqatlar bu
mikroorqanizmlərin neft karbohidrogenlərini aktiv
parçalamağa qadir olduğu göstərilib, onların əlverişli inkişafı
üçün lazım olan şəraitlərin tələbləri müəyyən olunub. Onların
metabolizmi hər tərəfli öyrənilib və göstərilib ki, mikroorqaniz-
mlər tərəfindən emal edilən neft maddələri insana və ətraf
mühitə zərərli deyildir. Karbohidrogenləri parçalayan
mikroorqanizmlərin bioloji preparatları siyahısında ən tez
istifadə olunanlardan Pseudomonas, Rhodococcus, Bacillus,
Arthrobacter, Acinetobacter, Azotobacter, Alkaligenes,
Mykobacterium sinfinə aid olan bakteriyalar, Candida maya
göbələkləri, Streptomyces sinfinə aid olan aktinomisetlər,
Aspergillus və Penicillium sinfinə aid olan göbələklər və başqa
mikromisetlərdir.
182
VI FƏSIL. TORPAĞIN GIGIYENIK
ƏHƏMIYYƏTI VƏ ONUN SANITAR
VƏZIYYƏTINƏ NƏZARƏTIN TƏŞKILI
Torpağın gigiyenik problemləri müasir dövrdə urbaniza-
siyanın sürətli inkişafı ilə əlaqədar olub ətraf mühitin qorunma-
sının ən vacib aspektlərindən hesab olunur.
Müasir elmi-texniki inqilab şəraitində bir tərəfdən
sənaye-nəqliyyat, digər tərəfdən isə məişət tullantılarının təxirə
salınmadan zərərsizləşdirilməsi və təkrar emalı problemlərinin
həlli vəzifəsini ortaya çıxartmışdır. Bu problem ictimai-
gigiyenik problem olaraq miqyasına görə bəşəri əhəmiyyət
daşıyır. Xüsusilə, dünyanın inkişaf etmiş ölkələrində və iri
şəhərlərdə yaranan dəhşətli vəziyyət insan sağlamlığına və təbii
tarazlığa qarşı böyük təhlükəyə çevrilmişdir. Sənaye, məişət və
nəqliyyat tullantıları yalnız müəyyən ərazinin sanitar vəziy-
yətini pisləşdirmir. Onların tərkibində olan bir çox kompo-
nentlər su və havaya miqrasiya olunaraq son nəticədə böyük bir
regionun ekoloji mühitində gərginlik yarada bilir. Onların
toksiki xarakterli tərkib hissələri torpaqdan bitkilərə keçərək
ərzaq məhsullarının çirklənməsinə səbəb olur. Hal-hazırda
səlahiyyətli nəzarət strukturları tərəfindən 450 kimyəvi maddə,
atmosfer havasında olan 138 kimyəvi birləşmə və onların 25
kombinasiyasını zərərsizləşdirmək üçün işlənilmiş gigiyenik
normalar ətraf mühitin sanitar vəziyyətinə nəzarətin hüquqi
bazasını təşkil edir.
6.1. Torpağın gigiyenik əhəmiyyəti
Torpağın gigiyenik əhəmiyyəti insanın təsərrüfat fəaliy-
yətinin müxtəlif sferalarının genişlənməsinin ümumbioloji
əhəmiyyəti və əhalinin dünyada sürətlə artımı ilə əlaqədar yeni
şəhərlərin və yaşayış məntəqələrinin yaranması baxımından
günbəgün artmaqdadır. Yaranmış vəziyyət daxilində torpağın
183
sanitar vəziyyəti konkret ərazidə məskunlaşan insanların
sağlamlığına zərər vurmamalıdır.
Torpağın gigiyenik əhəmiyyətindən danışanda, onun
“sağlam torpaq” olmasını nəzərə almaq lazımdır. “Sağlam
torpaq” o deməkdir ki, torpaq asan sukeçirmə qabiliyyətinə
malik, çirklənməmiş və canlı orqanizmlərə heç bir mənfi təsir
göstərməyən obyektdir. “Sağlam torpağ”ın göstəriciləri 21-ci
və 22-ci cədvəllərdə öz əksini tapmışdır.
Normal torpaq göstəriciləri (
N.İ.Xlebnikova görə)
Cədvəl 21
Göstəricilər Norma
Müəllif
Gil ilə qumun nisbəti 1:3
Gil ilə qumun nisbəti 1:2 V.V.Dokuçayev
Əhəngin miqdarı 5-10% V.M.Yakovlev
Humusun miqdarı 5-10% V.M.Yakovlev
Gil ilə qumun nisbəti 1:3
Əhəngin miqdarı 5%
Masur
Humusun miqdarı 5%-dən az
Masur
“Sağlam torpağ”ın gigiyenik normaları və göstəriciləri
(
N.İ.Xlebnikova görə)
Cədvəl 22
Göstəricilər Norma
Gil ilə qumun nisbəti 1:3
Ümumi məsaməlilik 50%
Ümumi məsaməliliyə
əsasən
kapillyar məsaməlilik
50%
Ümumi məsaməliliyə görə qeyri-
kapillyar məsaməlilik
50%
Xəstəliklərin törədiciləri 0
Helmintlərin yumurtaları 0
Mikroelementlər Epidemik
xəstəlikləri
törətməyən miqdarda
Dostları ilə paylaş: |