265
quyularda geofiziki tədqiqatlar (QGT) tətbiq olunur. Hazırda geofiziki tədqiqat-
ların nəticələrinə əsasən, geoloji mühitin nəzarəti sistemi yaradılır (geofiziki
monitorinq). Mühəndisi qurğuların tikilməsi və istismarı zamanı geofiziki
üsulların tətbiqi. Məlum olduğu kimi, goloji xidmət, təkcə bütün geoloji
axtarışları yerinə yetirməklə bitmir. Tikintinin ilkin və hətta son mərhələlərində
geofiziki üsulların öz tətbiqini tapdığı geniş mühəndisi – geoloji və hidrogeoloji
tədqiqatlara ehtiyac yaranır. Bundan əlavə, özül yeri, lağım yolu, şaxta və digər
dağ qazmalarının keçilməsində dəqiq geoloji sənədləşdirmə aparmaq üçün
elektrometriya, seysmometriya və termometriya böyük əhəmiyyət kəsb edir.
Qazma ilə yer səthi arasında yerləşən süxur massivinin radiodalğalar və ya
elastiki dəyişmənin köməyi ilə “işıqlandırılması”, əhatə edən qatlarda lokal
qeyri – bircinsliyi ayırmağa imkan verir. Quyuların karotaj tədqiqatının rolu
daha böyükdür. Bu tədqiqatlar geoloji və hidrogeoloji sənədləşdirmənin dəqiq-
liyini artırır və fasiləsiz torpaq nümunəsi götürmək zərurətini aradan qaldırır ki,
bu da qazımanın sürətinin artmasına səbəb olur. Elektrometriya, radiometriya
və seysmometriya süxurların mühəndisi – geoloji xüsusiyyətlərini dəqiqləş-
dirməyə imkan verir.
Mühəndisi-geofiziki üsullar mühəndisi-geoloji proseslər üzərində nəzarət-
də də böyük praktiki effektə malikdir.
Kütləvi partlayışların tətbiqi iri süxur kütləsinin yerini dəyişilməsi və
oyulması kimi iri həcmli işlərin aparılmasını xeyli asanlaşdırır. Onların
istifadəsinə mane olan fakt isə ətraf süxurlarda arzuedilməz dəyişikliyin əmələ
gəlməsi və mövcud qurğuların zədələnməsi imkanlarının varlığıdır. Bundan
əlavə, partlayışın qrunta təsirinin nəticəsi kifayət qədər öyrənilmədiyindən
oyuğun layihə cizgilərinin alınması çətinləşir. Ona görə də, əvvəlcədən, nəinki
həmin sahədən kənarlaşdırılacaq süxurların, eyni zamanda, orada qalan
süxurların da seysmik xüsusiyyətlərini öyrənmək lazımdır. Bu məqsədlə,
gələcək kütləvi partlayış sahələrində bir sıra kiçik partlayışlar keçirilir və
oyanma mənbəyindən müxtəlif istiqamətlərdə elastiki dalğaların keçmə
xüsusiyyətləri müəyyənləşdirilir. Bu müşahidələr gələcəkdə kütləvi partlayışlar
zamanı ayrı – ayrı partlayıcı maddələrin daha səmərəli yerləşdirilməsinə imkan
verir ki, bununla da ətraf süxurların pozulması imkanları xeyli azalır. Kütləvi
partlayış bir neçə bal gücündə yerli zəlzələ kimi özünü büruzə verir. Part-
layışdan sonra, geofiziki üsullardan istifadə etməklə, partlayış yerində qalan
süxurlar mühəndisi – geoloji cəhətdən dəqiq öyrənilməlidir. Partlayışdan əvvəl
və sonra aparılmış geofiziki müşahidələrin müqayisəsi böyük əhəmiyyət kəsb
edir.
Dağ qazmalarının keçilməsi zamanı onların qorunmasının ən geniş
yayılmış üsullarından biri yeraltı suların dərinliyə süzülməsinin qarşısını alan
kövrək süxurları bərkidən buzlaq pərdəsinin yaradılmasıdır. Dondurma üsulu
ilə belə pərdənin yaradılması dondurulan qatın qalınlığı və temperaturu
haqqında dəqiq məlumat verən uzunmüddətli tədqiqatların aparılmasını tələb
266
edir. Belə tədqiqatlarda elektrik termometrlərinin köməyi ilə aparılan termik
müşahidələr böyük rol oynayır.
Su süzülməsinin qarşısını alan pərdələrin yaradılması və süxurları
möhkəmliyinin artırılmasının daha geniş yayılmış üsullarından sementləmə,
qismən isə gilləşdirmə və bitumlaşdırma hesab olunur. Bu halda tez–tez
müxtəlif dərinliklərdə inyeksiya olunan materialın paylanması məsələsi qarşıya
çıxır. Belə fərz olunur ki, bu müşahidələr sınaq quyularında radioaktivliyin
ölçülməsinin köməyi ilə yerinə yetirilə bilər ki, bunun üçün də təzyiqlə vurulan
maddəyə bir qədər radioaktiv element əlavə etmək lazımdır. Sement məhlu-
lunun yayılma zonasının sərhədləri üzərində müşahidələr üçün də həmçinin
termometriya üsullarından istifadə etmək olar ki, bu halda da sementin
tutulması kifayət qədər istiliyin ayrılması ilə müşahidə olunur.
Tikilən mühəndisi qurğuların ətraf mühitlə qarşılıqlı təsiri həmin mühitdə
müəyyən dəyişikliklərin əmələ gəlməsinə gətirib çıxarır. Bəzi hallarda bu
dəyişikliklər qurğular üçün arzuedilməz nəticələrə səbəb olur. Ona görə də,
mühəndisi – geoloji proseslər üzərində müşahidələrə aid məsələlər böyük
praktiki marağa malikdir. Belə müşahidələrdə mühəndisi – geofiziki üsullar da
az rol oynamır. Belə ki. su anbarlarından və kanallardan suyun axım yerinin
təyini üçün istifadə olunan ən effektli üsul su süzülməsi potensiallarının təbii
elektrik sahəsinin öyrənilməsidir. Təbii hövzələrin dibi üzrə elektrik potensial-
larını ölçməklə, su süzülməsi sahələri üzərində potensialların minimum
qiymətləri alınır. Minimumun amplitudu süzülmənin intensivliyindən asılı
olacaqdır.
Təbii cərəyan üsulu ilə torpağın içərisində yerləşən metalın korroziyaya
məruz qalan hissələrini tapırlar. Bu sahələrdə, sanki yerləşdiyi yeri yer səthin-
dən müşahidələrlə təyin olunan qalvanik element yaradılır. Göstərilən üsul daha
çox boru kəmərlərinin zədələndiyi yeri aşkar etmək üçün istifadə edilir.
Tunellərdə dağ təzyiqi qurğuya təsir edən əsas amil kimi özünü büruzə
verir. Son zamanlar seysmik üsulla dağ təzyiqi üzərində müşahidələr üsulu
işlənib hazırlanmışdır ki, bu üsul da müxtəlif gərginliklərdə yerləşən süxurlarda
elastiki dəyişmənin yayılması sürətindəki müxtəlifliyə əsaslanır.
Mühəndisi qurğuların özüllərinin öyrənilməsi. Köklü və səth çöküntü-
lərinin ayrılması. Layihələndirilən mühəndisi qurğuların (sənaye, mülki, hidro-
texniki və s.) özüllərinin öyrənilməsi, onların möhkəmliyinin və yükgötürmə
qabiliyyətinin qiymətləndirilməsi məqsədi daşıyır. Tədqiqatlar konkret tikinti
sahələrində aparılır və yüksək dəqiqliyi ilə fərqlənir (tədqiqatın miqyasını
1:10000-dən 1:1000-ə qədər dəyişirlər). Geofiziki üsullardan kövrək çöküntü
sahələrinin xəritələnməsi, ana süxurların yatım dərinliyinin təyini, kəsilişin üst
hissəsinin dəqiq bölgülərinin aparılması, təbii yatımlarda süxurların fiziki–
mexaniki və su–fiziki xüsusiyyətlərinin qiymətləndirilməsi, massivin pozulma-
sının və çatlılığının öyrənilməsi, qrunt sularının səviyyəsinin təyin edilməsi
məqsədilə istifadə edilir. Gələcək tikintilər üçün təhlükə törədən geoloji
Dostları ilə paylaş: |