166
•
TƏHLİL
ÜZRƏ İŞ
AŞAĞIDAKI QAYDALARA ƏMƏL ETMƏKLƏ TAPŞIRIQLARI YERİNƏ YETİRİN,
TƏQDİMATA HAZIRLAŞIN
1. Kiçik qruplarda mətnkənarı suallar üzrə cavabları oxuyun və
onlardakı əsas fikri ümumiləşdirib bir neçə cümlə yazın.
2. “Xarakterlər xəritəsi”ndən istifadə etməklə obrazlardan birini
səciyyələndirin.
3. Əsərdəki bədii təsvir və ifadə vasitələrinin rolunu izah edin.
Bədii
təsvir və ifadə vasitəsinin
işləndiyi cümlə
Fikrin təsir gücünün
artmasında onun rolu
4. Əsərin ideyası ilə bağlı mühüm fikirlərə aid nümunələr seçin, onlara
münasibətinizi bildirin.
Seçilmiş nümunələr
Onlara münasibətim
Romanda müxtəlif dünyagörüşlü insanların
canlı, bitkin bədii obrazları yaradılmışdır. Onların
hər biri səciyyəvi cizgiləri, fərdi xüsusiyyətləri ilə
fərqlənir. Qori Müəllimlər Seminariyası ilə bağlı
hadisələr, Əhmədin, Çernyayevskinin simasında ziyalıların maarifçilik fəaliyyəti
xalqın həyatında yeni səhifələrin açılacağından xəbər verir.
Cahandar ağanın həyatının və onun təmsil etdiyi həyat
tərzinin qürubunda
Əşrəf yeniliyi təcəssüm etdirən gəncliyin nümayəndəsi kimi diqqəti cəlb edir.
Şamxal isə atası ilə aralarındakı ziddiyyətli münasibətlərə baxmayaraq Cahan-
dar ağanın milli varlıq uğrunda mübarizəsini davam etdirən obraz kimi yadda
qalır.
Əsərdəki kəndli obrazları saf niyyətləri, halal əməyə bağlı olmaları ilə diqqəti
cəlb edirlər. Ağır güzəran keçirən bu insanlar Cahandar ağanın sahiblik etdiyi
kənddə mülkədar-kəndli münasibətlərində öz sinfi mövqelərinə uyğun hərəkət
etsələr də, qeyrət, namus məsələlərində milli dəyərlərdən çıxış edirlər.
Pristav çar məmurlarının tipik nümayəndəsidir. Çarizmin siyasi, iqtisadi
mövqeyi gücləndikcə, milli mənafeyə təcavüzü artdıqca pristavın da yerli əha-
liyə münasibəti dəyişir, davranışı sərtləşir. Əsərdə çar hökuməti nümayəndələri
ilə onlardan xeyir gözləməyən yerli əhali arasında qarşılıqlı inamsızlıq, “divan-
dərənin” camaatın mövcud həyat tərzinə müdaxiləsi və s. real
həyati lövhələrlə
əks etdirilir.
Düşmənindən açıq döyüşdə yox, arxadan vurmaqla qisas almaq istəyən
Allah-
yarın mənəvi yoxsulluğu oxucuda rəğbət doğurmur. Salatını öldürməyə cəhd
etməsi, qaçırmağa çalışması, Qəmərin yalını, quyruğunu qırxması və s. mərdlik
çərçivəsinə sığmır.
Molla Sadıq obrazı bütün din xadimlərinin təmsilçisi deyil, o, mövhumatın, fa-
natizmin müdafiəçisi, yeniliyin, təhsilin əleyhdarı kimi o dövrün reallığını, həyat
• IV dərs
...
...
əməlləri
nitqi
...
xarakteri
...
başqalarına münasibəti
O B R A Z I N A D I
Əsərdəki digər obrazlar hansı
cəhətləri ilə diqqəti cəlb edirlər?
LAYİHƏ
167
•
Azərbaycan ədəbiyyatında milli özünüdərkə qayıdış və istiqlalçılıq mərhələsi
•
həqiqətini əks etdirir. Lakin kənd əhalisinə məxsus
meşənin çar hakimiyyəti tə-
rəfindən qəsb edilməsinə etiraz etməsi Molla Sadığın milli həmrəylik hissindən
məhrum olmadığını göstərir.
Roman yüksək bədii keyfiyyətləri ilə diqqə-
ti cəlb edir. Əsərdə süjet xətti tədricən inkişaf
etdirilir, hadisələr əsas qəhrəman Cahandar
ağa ilə əlaqələndirilir. Surətlərin əksəriyyəti
öz
fərdi keyfiyyətləri, fərqli dünyagörüşləri ilə Cahandar ağanın xarakterinin
açılmasına cəlb olunur. Müəllif surətləri fərdiləşdirmək üçün müxtəlif üsullar-
dan uğurla istifadəyə müvəffəq olmuşdur. Əsərin gərgin konflikti, qəhrəman-
ların, hadisələrin xarakterinin açılmasında təbiət lövhələrindən istifadə, zən-
gin
bədii dili, tutarlı təsvir və ifadə vasitələri onu oxunaqlı edən mühüm
məziyyətlərdir.
Müəllif bir kəndin timsalında dövrün Azər-
baycan gerçəkliyi qarşısında qoyduğu “Hansı
yolla getməli?” sualının yaratdığı ziddiyyət-
ləri, problemləri romanda əhatəli əks etdirmək niyyətini izləmişdir.
Müstəmləkə şəraitində milli varlıq uğrunda mübarizəyə diqqəti çəkən, bunun
təsvirinə geniş yer verən müəllifin əsl niyyətini anlamaq, əsərin ideyasını əhatəli
başa düşmək üçün mənbələr üzrə araşdırmanın aparılması vacibdir.
ARAŞDIRMANI
DAVAM
ETDIRIN
1. Sinifdə öyrəndiklərinizi göstərilən mənbələrdən topladığınız məlu-
mat əsasında zənginləşdirin və tamamlayın.
2. Yazılı qeydlər əsasında şifahi təqdimata hazırlaşın.
3. Mövzulardan birini seçib işləyin.
a) “İ.Şıxlının “Dəli Kür” romanında həyat həqiqətləri” mövzusunda
məqalə yazın.
b) “Cahandar ağa obrazına münasibətim” mövzusunda esse yazın.
1. İ. Şıxlı. Seçilmiş əsərləri. 2 cilddə. I cild. Bakı: Şərq–Qərb, səh.8-10.
2. Müasir Azərbaycan ədəbiyyatı. 2 cilddə. II cild, Bakı: Bakı Universi-
teti nəşriyyatı, 2007, səh.157-160.
3. T.Salamoğlu. İ.Şıxlının bədii nəsri. Bakı: “E.L.”. NPŞ MMC, 2014,
səh. 107-113, 119-123.
• EVDƏ İŞ
•
MƏNBƏLƏR
Roman hansı
bədii keyiyyətlərə
malikdir?
Əsərin başlıca ideyası nədir?
LAYİHƏ
168
•
ARAŞDIRMAYA
HAZIRLAŞIN
Müstəqillik dövrü Azərbaycan ədəbiyyatı haqqında bildiklərinizi yada
salıb yığcam müzakirə aparın. BİBÖ cədvəlinin ilk iki sütununda mü-
vafiq qeydlər edin.
Bilirik
Bilmək istəyirik
Öyrəndik
1.
Mətni oxuyun, tapşırıqları fərdi olaraq yerinə yetirin.
2.
Mətnkənarı sualların cavablarını ümumiləşdirib yazın.
Mətnkənarı suallar
Onların ümumiləşdirilmiş cavabı
3. Oxu zamanı sizi düşündürən sualları qeyd edin. Cavabları müza-
kirədə dəqiqləşdirib yazın.
Məni düşündürən suallar
Onların cavabı
4. Venn diaqramından istifadə etməklə sovet dövrü və müstəqillik
dövrü ədəbiyyatımızın başlıca xüsusiyyətlərini müqayisə edin.
5. Aşağıdakı fikirlərin üzərində düşünün. Müzakirədə onlara
münasibət bildirin.
–
Keçmişdə yazıb-yaradan alimlərimiz, yazıçılarımız, şairlərimiz,
bəstəkarlarımız böyük bir irs qoyub getmişlər. İndiki nəslin borcudur
ki, bunların əsasında elmimizi, mədəniyyətimizi inkişaf etdirsin.
(Ümummilli lider Heydər Əliyev)
–
İstiqlala çağırış, milli müstəqillik dəyərlərinin, azad Azərbaycan
idealının tərənnümü və ideal uğrunda mübarizənin təsviri 70 illik
qadağalardan sonra yeni dövr ədəbiyyatının təməl daşlarını təşkil
etmişdir.
(İsa Həbibbəyli)
6. Kiçik qruplarda birləşərək fikirlərinizi dəqiqləşdirib ümumiləş-
dirin.
7. Təqdimatlar əsasında fikir mübadiləsi və müzakirə aparın. BİBÖ
cədvəlinin sonuncu sütununda müvafiq qeydlər edin.
Müstəqillik dövrü Azərbaycan ədəbiyyatı söz
sənətimizin çoxəsrlik inkişafı yolunda mühüm
tarixi hadisə və xüsusi ədəbi mərhələdir.
Bu dövr
ədəbiyyatımız iki mərhələni əhatə edir:
1. Müstəqillik axtarışları və yeni dövrün ədəbiyyatının formalaşması;
2. Müstəqillik dövrü Azərbaycan ədəbiyyatının inkişaf edib möhkəmlənməsi.
Müstəqillik dövrü ədəbiyyatımı-
zın birinci mərhələsi üçün daha
səciyyəvi olanlar nədir?
MÜSTƏQİLLİK DÖVRÜ ÇOXMETODLU
AZƏRBAYCAN ƏDƏBİYYATI
LAYİHƏ