188
Göylərin altında yatıb qalmış böyük Sarı-Özək
düzlərinin sonu görünməsə
də, Ana-Beyit qəbiristanlığına yol yox idi. Hamı bu tikanlı çəpərin qabağında
çaşıb-qalmışdı.
Sükutu birinci caydaq Ədilbəy pozdu:
– Nə var, Yedigey, məgər bu, əvvəllər burda yox idi?
– Heç izi-tozu da yox idi! Birinci dəfədir görürəm.
– Belə çıxır, sahəni xüsusi məqsədlə çəpərə alıblar. Bəlkə, kosmodrom
üçündür? — deyə caydaq Ədilbəy öz gümanını bildirdi.
– Belə görünür. Kimin ağlına nə gəlir, onu da eləyir, lənət şeytana, – deyə
Yedigey deyindi.
Yenə də susdular. Caydaq Ədilbəy fikirləşib bir çıxış yolu axtarırdı:
– Yaxşı,
indi nə cür olsun, Yedigey? Məsləhətin nədir? Qəbiristanlığa başqa
bir yol-iz yoxdur?
– Olsun gərək. Niyə də olmasın? Burdan sağa, beş kilometrlikdə yol var, –
deyə Yedigey ətrafına nəzər salaraq cavab verdi.
Təzədən yola düzəldilər. Düz şlaqbaumun üstünə çıxdılar.
Onların yaxınlaşmasıyla gözətçi postundan cavan, çiynindən üzüaşağı
avtomat sallanmış bir əsgər çıxdı.
– Salam, – deyə əlini gicgahına aparıb rəsmi təzim elədi. Hələ də uşaqlıq ya-
ğan açıq-mavi gözləri ilə Yedigeyə baxıb soruşdu: – Kimsiz? Hara gedirsiniz?
– Biz buralıyıq, saldat, – deyə Yedigey onun uşaq ciddiyyətinə baxıb gülüm-
sündü. – Ölü aparırıq, qocalarımızdan biri rəhmətə gedib, bizim qəbiristanlıqda
basdırmaq istəyirik.
– Buraxılış vərəqəsi yoxdursa, olmaz, bu sahə nəzarət altındadır, – deyə
əsgər məsələnin nə yerdə olduğunu başa saldı.
– Bunu başa düşürəm, axı biz qəbiristanlığa gedirik. Lap yaxındadır. Burda
nə var ki, basdırıb qayıdarıq.
– Olmaz! İxtiyarım yoxdur, – deyə gözətçi cavab verdi.
Elə bu vaxt Sabitcan yersiz olaraq, işgüzar bir görkəmlə irəli soxuldu:
– Nə var, nə olub? Mən vilayət həmkarlar şurasındanam, – deyə özünü nişan
verdi. – Niyə durmuşuq?
– Ona görə ki olmaz.
– Axı ağzımda deyirəm ki, yoldaş gözətçi, həmkarlar şurasından gəlmişəm.
– Hardan gəldiyinizin qətiyyən mənə dəxli yoxdur.
– Necə yəni yoxdur? – deyə Sabitcan çaşıb-qaldı.
– Yoxdur, vəssalam. Bura qorunan sahədir.
– Daha burda nə söz ola bilər! – Sabitcan əsəbiləşdi. – Mən elə əvvəldən bilir-
dim! – deyə Yedigeyə tənə vurdu. – Bilirdim ki, bu işin axırı puçdur! Xeyr! Nə
danışırsan, gərək Ana-Beyit ola! Ana-Beyit! Bu da səninçün Ana-Beyit! – O,
təhqir
olunmuş halda, hirslə tüpürüb uzaqlaşdı.
Yedigey:
– Bağışla, oğlum, – bir ata kimi əsgərə üz tutdu. – Aydın işdir, sən xidmət
başındasan. Amma indi bu mərhumu nə cür eləyək? Axı kötük deyil ki, atıb çıxıb
gedək.
Sabitcan getdikcə qızışırdı, axır Caydaq Ədilbəyə yaxınlaşdı:
– Mən axı dedim! Bu boyda yol basmağın mənası yoxdur! Bu, mövhumatdır,
gerilikdir! Özünü də, bizi də işə saldı! Ölünü harda quylayırsan quyla, nə fərqi
var! Xeyr, ölsən də, partlasan da gərək Ana-Beyit ola!
Sən də bu yandan ona
qoşuldun, çıx get, sənsiz dəfn eləyərik! Hə, indi elə görüm, necə eləyəcəksən!
LAYİHƏ
189
•
Dünya ədəbiyyatından seçmə
•
Caydaq Ədilbəy cavab verməyib uzaqlaşdı.
– Mənə bax, dostum, – deyə o, şlaqbauma yaxınlaşaraq gözətçiyə müraciət
etdi. – Mən də xidmətdə olmuşam. Bəzi qanun-qaydalardan mənim də başım
çıxır. Burda telefon var?
– Əlbəttə, var.
– Onda sən belə elə – keşik rəisinə zəng vur. Ona xəbər ver ki,
yerli camaat
gəlib. Ana-Beyit qəbiristanlığına getmək üçün icazə istəyir!
Qapı açıq olduğu üçün Yedigey hər şeyi eşidirdi.
– Yoldaş leytenant! Yoldaş leytenant! – deyə gözətçi həyəcanlı, zil səslə da-
nışırdı.
Nəhayət, məlumat verdi, dedi ki, yerli adamlar gəlib, ölülərini burdakı qə-
biristanlıqda dəfn eləmək istəyirlər. Necə olsun? Yedigey gərildi. Leytenant
desə ki, burax, vəssalam, iş düzələcək! Halal olsun Ədilbəyə! Ağlı başında olan
oğlandır. Amma nədənsə gözətçinin söhbəti uzanırdı. İndi o, təkcə suallara
cavab verirdi:
– Hə... Neçə nəfər? Altı adamdır. Mərhumla yeddi. Bir qoca rəhmətə gedib.
Bəs mən nə deyim? Deməli, olmaz? İcazə yoxdur? Oldu, baş üstə!
Caydaq Ədilbəy gözətçi otağından qanıqara çıxdı, amma dedi ki, leytenant
özü gəlib sözünü elə burda deyəcək.
Artıq saat üç idi. Yolları çox uzaq olmasa da, hələ ki Ana-Beyitə çatma-
mışdılar. Qarşıdakı yolda maşın göründü. “Gəlir! – deyə Yedigey sevindi. –
Allah qoysa, hər şey qaydasına düşər. Gözətçi də maşının gəlməyini gözləyirdi.
Keşik rəisi şlaqbaumun o tayında dayanan adamlara tərəf döndü:
– Kimdir burda kənar adam? Gözləyən kimdir? Sizsiz? – deyə o, Boranlı
Yedigeyə müraciət elədi.
– Biz, bozqoy, karaqım. Ana-Beyitgə jeltpey tırıp kaldık. Kolay
da bolsa,
jardamdeş, karaqım,
1
– deyə Yedigey ordenlərini cavan zabitə göstərməyə
çalışdı.
Bu, leytenant Tansıkbayova heç bir təsir göstərmədi:
– Yoldaş kənar adam, mənimlə rus dilində danışın. Mən xidməti vəzifə
başındayam, – deyə xəbərdarlıq etdi.
Yedigey leytenant Tansıkbayovun üzünə baxır və görürdü ki, bu
işdən bir
şey çıxmayacaq. O, şlaqbaumun o tərəfində dayanmışdı ki, elə-belə, formal ola-
raq kənar adamların şikayətinə qulaq assın. Alçalıb pərt olmuş Yedigey tədricən
qəzəbləndiyini hiss edirdi, amma iradəsini toplayıb özünü təmkinli saxlamağa
çalışırdı. Yox, nə qədər
ki mərhum dəfn edilməyib, onun özündən çıxmağa haqqı
yoxdur.
Bayaqdan kənarda gəzişib səsini çıxarmayan Sabitcan bu yerdə özünü
göstərmək məqsədilə onların qabağına yeridi:
– Nə oldu? Ağzınızdan vurub qaytardılar? Elə belə də olmalıydı! Yaman
hazırlaşmışdınız! Ana-Beyit! İndi döyülmüş it kimi geri qayıdırsınız!
– Kimdi döyülmüş it? – deyə kürəkən özündən çıxaraq onun üstünə cumdu.
– Aramızda it varsa, o sənsən, əclaf! Orda duranla sənin nə fərqin var? Elə quru
gopun var – mən dövlət adamıyam. Sən heç adam deyilsən!
Sabitcan birdən ağa kimi ucadan əmrlər verməyə başladı:
1
Hə, bizik, oğlum. Bizi Ana-Beyit qəbiristanlığına buraxmağa kömək elə, oğlum.
LAYİHƏ