185
•
Dünya ədəbiyyatından seçmə
•
Ç.Aytmatovun əsərləri ilə dünya ədəbiyyatı yeni
süjet və obrazlarla təzə-
lənmiş, zənginləşmişdir. XX əsrin əllinci illərində, otuzyaşlı Çingiz Aytma-
tovun yaratdığı Cəmilə obrazı təkcə sovet ədəbiyyatında deyil, eləcə də dünya
ədəbiyyatında yeni ədəbi hadisə kimi dəyərləndirilmişdir.
Ədib “Üz-üzə” (1957) povestində Səidə və İsmayıl obrazları ilə ədəbiyyatda
cəmiyyət-fərd probleminə dair fəlsəfi məsələ qaldırmışdır. Sosialist realizminin
prinsiplərinə zidd olaraq Totoyun ailəsinin timsalında ilk dəfə müharibə insanı-
nın faciəsini təsvir etmişdir.
Ç.Aytmatovun əsərləri kimi, yaratdığı obrazlar da dünyada yeni ədəbiyyatın
bənzərsiz təzahürləri olaraq qəbul edilmişdir.
Cəmilə, Daniyar, Sadıq, Tolunay, Aysel, Altınay,
Baytemir, Toğulan, Altın,
Yedigey, Abutalıb və
başqaları müəllifin nadir istedadından və dərin müşahidələrindən yaranan yeni
tipli obrazlardır. Ç.Aytmatovun obrazları sovet ədəbiyyatında model kimi qəbul
edilmiş müsbət qəhrəman və mənfi obraz qəlibini aşıb keçir. Yazıçı ədəbiyyatda
sovet adamını yox, sadəliyi, təbiiliyi ilə seçilən insanı təsvir etmişdir.Yovşanlı çöl-
lərdə yaşayıb-çalışan bu adi insanların taleyində bütövlükdə insanlığın
taleyi və
düşüncələri öz əksini tapmışdır.
Qloballaşmanın milli dəyərləri arxa plana keçirmək meylinin qüvvətləndiyi
bir dövrdə “kiçik” insanı böyük ədəbiyyatın əsas daşıyıcısına çevirmək Ç.Ayt-
matov sənətinin qələbəsi idi.
1. Sinifdə öyrəndiklərinizi göstərilən mənbələrdən topladığınız məlu-
mat əsasında zənginləşdirin və tamamlayın.
2. Araşdırma apararkən aşağıdakı sualların cavablarını da əhatə
etməyə çalışın:
a) Ç.Aytmatovun nəsr əsərlərində hansı mənəvi dəyərlər öz əksini
tapıb?
b) Yazıçının romanlarında çağdaş dövrün hansı problemlərinə diqqət
yetirilmişdir?
3. Yazılı qeydlər əsasında şifahi təqdimata hazırlaşın.
1. Ç.Aytmatov. Seçilmiş əsərləri. 2 cilddə. I cild. Bakı: Öndər nəşriyyat, 2004,
səh. 4-10.
2. Ç.Aytmatov. Seçilmiş əsərləri. Bakı: Çaşıoğlu, 2004, səh. 5-8.
3. XI sinif şagirdləri üçün elektron vəsait. http://edebiyyat.ucoz.com.
• EVDƏ İŞ
•
MƏNBƏLƏR
Yazıçının əsərlərinin qəhrəmanları
hansı xüsusiyyətləri ilə seçilir?
LAYİHƏ
186
GÜN VAR ƏSRƏ BƏRABƏR
(ixtisarla)
•
MƏZMUN
ÜZRƏ İŞ
OXUYA HAZIRLAŞIN
Sualların üzərində düşünün, cavablarını cədvəldə qeyd etdikdən son-
ra fikir mübadiləsi və müzakirə aparın.
Manqurt
kimə deyilir?
İnsanın manqurt edilmə-
sində məqsəd nə olur?
İnsan manqurta çevril-
məmək üçün nə etməlidir?
1. Əsərdən verilmiş aşağıdakı parçanı nəzərdən keçirin. Tapşırıqları
fərdi olaraq yerinə yetirin.
a) Tanış olmayan sözləri seçin və onların mənasını lüğətlərdən
aydınlaşdırın.
Tanış olmayan sözlər
Mənası
b) Seçdiyiniz məcazların növünü dəqiqləşdirin.
Əsərdən seçilmiş məcazlar
Onların növü
c) Oxuduğunuz hissədə diqqətinizi daha çox cəlb edən məsələləri
ikihissəli gündəlikdə yazın.
Əsərdə diqqətimi
cəlb edənlər
Bunun səbəbi
• MƏZMUN
ÜZRƏ İŞ
d) Suallara cavab hazırlayın:
a)
Yedigeyin və Ukubalanın Qazanqapın ölümü ilə bağlı düşün-
cələri onların mənəvi aləmi haqqında hansı fikirləri söyləməyə
əsas verir?
b)
Əsərdə Nayman-Ana əfsanəsi haqqında nə deyilir?
c)
Ana-Beyit qəbiristanlığının tikanlı məftillərə alınması insan-
larda hansı hislər doğurur?
d)
Oxuduğunuz parçalar hansı mənəvi dəyərlər barədə danışmağa
imkan verir?
e)
Əsərdən bitkin bir parça seçin, hissələrə ayırın, plan tərtib edin,
məzmununu yığcam nağıletməyə hazırlaşın.
2. Kiçik qruplarda birləşərək fikirlərinizi dəqiqləşdirin və ümumi-
ləşdirin.
3. Təqdimatlar əsasında fikir mübadiləsi və müzakirə aparın.
BİRİNCİ HİSSƏ
(parçalar)
Bu yerlərdə qatarlar şərqdən qərbə, qərbdən də şərqə gedir... Gecəyarı kim
isə yoldəyişən növbətçinin köşkünə tərəf tələsirdi. Yedigey o saat hiss elədi ki,
gələn arvadıdır və bu gəliş elə-belə gəliş deyil, onun bu gəlməyinə nəsə çox vacib
bir səbəb var. Doğrudan da, məlum oldu ki, gümanı düz imiş. Lakin iş üstə
olduğuna görə yerindən tərpənə bilməzdi. Sonuncu vaqon
da gəlib keçəndən,
yolda hər şeyin qaydasında olduğunu bələdçiyə işarə verəndən sonra tələsik
arvadına tərəf döndü:
– Xeyir ola?
Qadın həyəcanla ona baxıb dodaqlarını tərpətdi, nəsə pıçıldadı.
– Nə olub?
– Qazanqap ölüb.
• I dərs
• I dərs
LAYİHƏ
187
•
Dünya ədəbiyyatından seçmə
•
– Nə vaxt?
– Elə indi baş çəkməyə getmişdim, dedim, görüm necədir, bəlkə, bir şey-zad
lazımdır. İçəri girdim, gördüm işığı yanır, uzanıb yerində, amma saqqalı belə
birtəhər dik durub... Yaxınlaşıb soruşdum ki, Qazı əkə, bəlkə,
sizə isti çay gə-
tirim? Gördüm ki... – səsi tutuldu, qəhər onu boğdu, qapaqları nazilib qızarmış
gözləri doldu, içini çəkib yavaşdan ağlamağa başladı. – Sən bir adamın axırına
bax?! Necə insan idi! Ölüb getdi. Yanında gözünü qapamağa bir adam da olmadı.
– Hönkürdü, ağladı. – Axı kimin ağlına gələ bilərdi! – Elə-beləcə də kimsəsiz-
kimsəsiz öldü...
Cəbhədən qayıdandan bəri Yedigey Boranlı razyezdində xidmət edirdi.
– İndi nə eləyək? – deyə arvadı sükutu pozdu.
Yedigey başını qaldırıb arvadına baxdı və acı-acı qımışdı:
– Nə eləyəcəyik? Ölü düşəndə nə eləyirlər? Dəfn eləyəcəyik. – O, qəti qərara
gəlmiş adam kimi ayağa durdu. – Arvad, sən qayıt geri,
amma indi mənə qulaq
as.
– Qulağım səndədi...
– Osmanı oyat. Baxma ki razyezdin rəisidir, dəxli yoxdur, ölüm qabağında
hamı bərabərdir. Ona de ki, Qazanqap ölüb. Kişi qırx dörd il burda can çürüdüb.
– Bəs uşaqları?! Axı əvvəlcə uşaqlara xəbər vermək lazımdır! Ataları ölüb.
Yedigey başını yellədi:
– Mən də bilirəm ki, uşaqlarsız olmaz... Amma ixtiyar məndə olsaydı, heç
yaxına da buraxmazdım!
– Oğlu, görəsən, şəhərdən özünü çatdıra bilər?
– İstəsə, çatdırar. Srağagün stansiyada olanda özüm teleqram vurmuşam.
Yazmışam ki, atan ölüm ayağındadır, daha bundan artıq nə yazmalı idim ona.
Gəlməyinə gələcək, amma adını kişi qoysa da, qonaq kimi dayanıb baxacaq. Sən
ləngimə, get necə demişəm elə də elə.
Ukubala yol alıb getdi, sonra tərəddüdlə ayaq saxladı, təzədən yola düzələndə
Yedigey özü onu səslədi:
– Əvvəlcə növbətçi Şahmərdanın yanına get a!.. Qoy mənim yerimə adam
göndərsin, sonra əvəzini artıqlaması ilə işlərəm.
Kişinin cənazəsi bomboş evdə
qalıb, yanında da bır allah bəndəsi yox. Belə şey olmaz! Elə-belə də deyərsən ona!
Yedigey teleqraf dirəyinə söykənib fikrə getdi. Dəmir yolundan xeyli uzaqda
otlayan dəvələrin tutqun qaraltısını seçə bildi. Onun dəvəsi Sarı-Özəkdə yüy-
rəkliyi, zoruyla ad çıxartmışdı, öz sahibi kimi Boranlı Qaranər adı ilə tanınırdı.
* * *
...Deyilənlərə görə, nə vaxtlarsa Nayman-Ananın öz manqurt oğlunu axtar-
dığı bu yerlərdə yarğan boyunca çox uzun bir yol keçəndən sonra daha Ana-
Beyitə bir şey qalmamışdı. Boranlı Yedigey gah saatına, gah da Sarı-Özək üzə-
rindəki günəşə baxıb fikirləşirdi ki, hələlik işləri öz qaydasınca gedir. Dəfndən
sonra onlar vaxtında evə qayıdıb hamıyla birlikdə ehsanda iştirak edəcək və
Qazanqapı yad eləyə biləcəkdilər. Qabaqda Yedigey qotazlı tərliklə bəzədilmiş
Qaranərin üstündə,
ondan sonra yedəkli traktor, lap arxada da “Belarus” eks-
kavatoru Ana-Beyit düzünə çıxdılar. Elə burda da gözləmədikləri maneəyə rast
gəldilər – tikanlı məftildən çəkilmiş çəpərlə rastlaşdılar.
LAYİHƏ