8
Maliyyə kateqoriyasının tərkib hissəsi kimi dövlət büdcəsi xərcləri
maliyyənin ümumi xassəsi olan bölüşdürücü xarakterini, yəni maliyyə vəsaiti
fondlarının istifadəsi ilə əlaqədar olan pulun hərəkətini ifadə etməklə dövlət
tərəfindən tənzimlənir. Bununla yanaşı büdcə xərcləri maliyyənin ümumi tərkib
hissəsi olan bölgü münasibətlərinin elə bir hissəsini təşkil edir ki, bu, yalnız dövlətin
mərkəzləşdirilmiş pul vəsaiti fondunun istifadəsi və maddi, o cümlədən qeyri –
maddi istehsal sferasındakı müvafiq pul vəsaiti fondlarının yaradılması ilə
ə
laqədardır. Həmin bölgü müasibətlərinin maddi təcəssümü isə istehsalın müxtəlif
sahələrinin inkişaf fondlarının, əhalinin maddi və sosial – mədəni tələbatının və
digər ümumdövlət ehtiyaclarının ödənilməsi üçün yönəldilən vəsaitin hərəkətidir.
Dövlət büdcəsinin xərclərinin sosial – iqtisadi məzmunu hər bir dövlətin
cəmiyyətin iqtisadi həyatındakı rolu ilə, əhalinin sosial – mədəni ehtiyaclarının
ödənilməsindəki iştirak dərəcəsi ilə müəyyən edilir. Bu bir sıra konkret amillərdən
asılıdır:
-
müəyyən dövrdə dövlətin yerinə yetirdiyi funksiyaların xarakteri;
-
ölkənin sosial – iqtisadi inkişaf səviyyəsi;
-
dövlətin xarici iqtisadi – siyasi əlaqələrinin miqyası;
-
mülkiyyət formalarının dövlət büdcəsi ilə qarışılıqlı əlaqəsi;
-
xalq təsərrüfatı sahələrinin inkişafı üçün büdcə vəsaitinin verilməsi
metodları.
Ölkənin inkişaf vəziyyətindən asılı olaraq cəmiyyətin iqtisadi, sosial inkişaf
ehtiyacları, müdafiə və digər məqsədləri üçün dövlət büdcəsinin müəyyən xərc
sistemi meydana gəlir. Bu sistemə uyğun olaraq, dövlətin müvafiq inkişaf
mərhələlərində meydana gələn müxtəlif amillərin qarışılıqlı əlaqə və təsiri şəraitində
ayrı – ayrı xərc növlərini ödəmək üçün büdcədən ayrılan vəsaitin nisbətləri müəyyən
edilir. Bunun nəticəsində də aidiyyatı təşkilatlar dövlətin qarşısına qoyulmuş xərc
növlərini ödəmək üçün qruplaşdırmalar aparırlar. Elə Azərbaycan Respublikası
dövlət büdcəsinin xərcləri məhz bu səbəbdən aşağıdakı qruplara bölünür:
-
ölkənin müdafiə qabiliyyətinin möhkəmləndirilməsi;
-
ə
halinin sosial – mədəni ehtiyaclarının ödənilməsi;
9
-
iqtisadiyyatın inkişaf etdirilməsi;
-
ali və yerli dövlət hakimiyyəti və dövlət idarəsi orqanlarının saxlanması;
-
dövlətin maddi və maliyyə ehtiyatlarının yaradılması və dövlət
qanunvericiliyi ilə nəzərdə tutulan sair xərclər.
Büdcə xərclərinin göstərilən istiqamətlər üzrə qruplaşdırılması uzun müddət
davam etmişdir. Sovet dövründə büdcə vəsaitinin əsas hissəsi xalq təsərrüfatının
maliyyələşdirilməsinə yönəldilərək dövlətin iqtisadi funksiyasının həyata
keçirilməsini təmin edirdi. Büdcə vəsaitinin təqribən üçdə biri sosial – mədəni
tədbirlərin maliyyələşdirilməsinə yönəldilirdi. Lakin son illərdə sadə təkrar istehsalı
təmin edən xərclərin büdcə maliyyələşdirilməsi miqyasının əsassız olaraq artırılması
nəticəsində xalq təsərrüfatında struktur dəyişiklikləri probleminin həll edilməsində
büdcə xərclərinin rolu kəskin surətdə azalmağa başlamışdır.
Digər tərəfdən xalq təsərrüfatının maliyyələşdirilməsinə büdcə xərclərinin
həcminin ixtisar edilməsi özəlləşdirmə proqramının həyata keçirilməsi ilə
ə
laqədardır. Lakin xalq təsərrüfatının maliyyələşdirilməsinə büdcədən vəsait
ayrılmasını tamamilə dayandırmaq da qeyri mümkündür. Lakin hər bir dövlət üçün
iqtisadiyyatın inkişaf etdirilməsində bir neçə əsas nəzarət tədbirləri vardır ki, onlara
mütləq əməl olunmalıdır:
-
milli istehsalın inkişafı üçün dövlət tərəfindən lazımi tədbirlərin həyata
keçirilməsi;
-
beynəlxalq rəqabətə tab gətirmək üçün daxili bazarın gücləndirilməsi və
qorunması;
-
idxal olunan yüksək rəqabət qabiliyyətli mallara gömrük rüsumlarının artırılması;
-
milli istehsalçıların ixrac maraqlarını stimullaşdıran pul – kredit siyasətinin
həyata keçirilməsi.
Bununla belə, bazar münasibətlərinə keçidlə əlaqədar olaraq respublikamızda
büdcə vəsaiti digər məqsədlərə də yönəldilir. Bu daha iri və dövlət əhəmiyyətli
tədbirlərin həyata keçirilməsi ilə əlaqədardır:
10
-
dünya bazarlarında rəqabətə tab gətirən, məhsul istehsal edə bilən, sənaye
sahələrinin inkişafına yönəldilən tədbirlərin həyata keçirilməsinin maliyyələş-
dirilməsi;
-
büdcə vəsaiti hesabına həyata keçirilən və eyni zamanda dövlət təminatı verilən
yüksək səmərəli investisiya layihələrinin həyata keçirilməsinin maliyyələşdiril-
məsi;
-
yarımçıq qalmış obyektlərin layihə xərclərinin həyata keçirilməsi;
-
aqrar sənaye kompleksinin sabitliyinin təmin edilməsi məqsədilə bazar
mexanizmi bazasında onun işinə yardım edilməsi;
-
istehsal və sosial – məişət infrastrukturunun təkmilləşdirilməsi üçün maliyyə
imkanlarının yaradılması və s.
Ümumiyyətlə, dövlət büdcəsi xərclərinin mahiyyətini daha aydın başa düşmək
üçün onun ölkə iqtisadiyyatına göstərdiyi təsirləri xüsusilə qeyd etmək lazımdır.
Belə ki, büdcə xərclərinin istehsala göstərdiyi təsirlər əsas etibarilə investisiyaların
həcmi, istehsal məsrəfləri, məşğulluq həcmi, idarəetmənin və biznesin texniki
səviyyəsi, eləcə də maliyyənin təşkilinə göstərdiyi təsirlərin məcmusundan ibarətdir.
Büdcə xərclərinin istehsala göstərdiyi əsas təsirlər investisiyaların artımı ilə bağlıdır.
Dövlətin investisiya xərcləri ölkənin iqtisadi stimullaşdırma fəaliyyətinə müsbət
təsir göstərir. Dövlətin stimullaşdırma fəaliyyəti isə işgüzar dairələrin müdafəsini
təmin edir. Beləliklə də, işgüzar dairələrin müdafiəsi və sərbəst fəaliyyəti təmin
olunursa, deməli bu dairələrin öz kapitallarından investisiyaya ayırdıqları vəsaitlərin
də miqdarı artır. Bu isə son nəticədə istehsalın artırılmasına gətirib çıxarır.
Dövlət xərcləri tərkibində cari və investisiya xərclərinin mahiyyəti olduqca
böyükdür. Dövlətin həyata keçirdiyi investisiya xərcləri iqtisadiyyatda məşğulluq
normasını yüksəldir və işsizliyin aradan qaldırılmasına şərait yaradır. Dövlətin
həyata keçirdiyi cari xərclərin tərkibinə isə əmək haqqları, sosial yardımlar, transfert
ödəmələr daxildir. Bu cür xərclərin artması iqtisadiyyatda istehlak normasını
yüksəldir. Əgər dövlət iqtisadiyyatın müəyyən bir hissəsini inkişaf etdirmək
istəyirsə, onda bu sahələrə subsidiyalar ayırır və onların inkişafı üçün lazımi şərait
yaradır.
Dostları ilə paylaş: |