260
Meyvə-giləmeyvə konservlərini pasterizə etmək üçün açıq van-
nalarda qaynar su ilə isti işlənmə tətbiq olunur. Bankalar vannanın
dibində yerləşdirilmiş ağac qəfəslərin üzərinə qoyulur. Su ban-
kaların “çiyninə” qədər olmalıdır. Qızdırma elə aparılır ki, qay-
nama fasiləsiz və sakit olsun. Temperatura 100
0
C-yə qədər
bölgüsü olan termometrlə nəzarət edilir. Bu məqsədlə termometr
bankaya yerləşdirilir. Qapaq ya sıxıcı ilə bərkidilir, yaxud da sadə-
cə olaraq sərbəst şəkildə ağıza taxılır. Pasterizə bankada tempera-
tur 80
0
C-yə çatdığı anda başlanır. Pasterizə müddəti keçdikdən
sonra bankalar vannadan çıxarılır, ağac stol üzərinə qoyulur və
dərhal ağzı bağlanır. Sonra bankalar başı aşağı çevrilir. Bu halda
qapaq və onun altında olan hava daxildə olan isti kütlə ilə bir daha
qızdırılır. Bundan başqa bu vəziyyət bağlanmanın hermetikliyini
yoxlamağa imkan verir.
Dostları ilə paylaş: