|
Microsoft Word mir celal met doc
B i b l i o q r a f i y a
35
Mir Cəlalın müdrik kəlamları
Çörək elə şeydir, tülkünü aslan edir, aslanı tülkü.
***
Kölgədə bitən ağacın kölgəsi olmaz.
***
Bəzi ulduzlar kiçik olduqları üçün yox, yüksəkdə olduqları
üçün görünmürlər.
***
Heyhat! Qoca dünya – bəzən öz gərdişini sərt bir sükut, daş
bir ürək, kor bir məntiq, daimi bir amansızlıqla keçirən qoca
dünya, kimsə ilə hesablaşmır.
***
Bizim zəmanədə insan insanın cəlladıdır. Kimin ki, əlində
ixtiyar var, nə desə doğrudur. Kim ki, məzlumdur, nə desə yalandır.
***
Həyat belədir! Yüksəlmək çətin və zəhmətli, ancaq səfalı,
fərəhli olur, enmək isə ani və qüssəli olur.
***
Azadlıq verilməz, alınar.
***
Azadlığı qorumaq – onu fəth etmək qədər müqəddəsdir.
***
Zəncirləri qırmaq üçün əql gücü də, əl gücü də işlətmək
lazımdır.
M i r C ə l a l
36
***
Yaxşı analıq çətin, lakin çox şərəfli, çox müqəddəs işdir. Ana
qəlbi insanın ilk məktəbidir. Məhəbbətin, səmimiyyətin, sədaqətin
pozulmaz kitabıdır.
***
Ən müdhiş fəlakətə düşəndə də ana qəlbi böyükdür!
***
Qadın qəlbi qapalı bir ağacdır, açarı da qadının özündədir.
Bu açarı qəlbdə yanan sevgi fanarı ilə arayıb tapmalı.
***
Gözəlliyi yalnız görkəmdə, donda, zahirdə axtarmaq olmaz.
Zahir insanı aldada bilər. Çox təmtəraqlı libas altında çirkinlik-
lər gizlənir. Çirkin görünən don, görkəmsiz zahir dalında da
bəzən gözəl məna, ali fikirlər olur.
***
Balalarımızın tərbiyəsi, vətənimizin gələcəyi üçün, həqiqət,
ədalət naminə hər vasitəyə əl atmaq gərəkdir.
***
Qoca üçün də, cavan üçün də el qabağında dayanıb cavab
verməkdən çətin bir iş olmasın gərək.
***
Həmişə, hər yerdə, hər kəsə ürəyindəkini deyə bilsən! Bax,
bundan böyük xoşbəxtlik yoxdur.
***
İtən hörməti qapı-qapı gəzib dilənmək olmaz!
***
Subaylıq – sonsuzluqdur.
B i b l i o q r a f i y a
37
***
Həqiqi sənət xalqdan doğar, xalqa xidmət edər.
***
Yazı ürəkdən gələn bir səsdir. Ürək isə müqəddəs hisslərin
beşiyidir.
***
Qarıncadan yazanda da sənətkar olmaq hünərdir. Gül, bülbül
onsuz da gözəldir. Əsl sənət qarıncanın gözəlliyini kəşf etməlidir.
***
Ədəbiyyatşünaslıq fikir söyləməkdir.
***
Gənclik həyat, yenilik, sağlam enerji deməkdir. Bu aləmdən
kənarda qalmaq mənən ölmək deməkdir.
***
Sevgi – insan təbiətinin ən zəruri, ən gözəl və müqəddəs key-
fiyyətlərindən olan sevgi, hər zaman, hər yerdə sənətin, xüsusən
şeirin mərkəzi mövzularından olmuşdur. Bu qanuni və təbiidir.
Normal insanın qəlbi sevgidən xali ola bilməz.
***
Qəlb – bütün böyük, ülvi hisslərin yatağı olan təmiz qəlb,
məhəbbətin də beşiyidir. Elə bir böyük və ya kiçik ədəbiyyat
olmamışdır ki, orada qəlbin həyatı bu və ya başqa dərəcədə əks
edilməsin.
***
Gövhəri qumdan ayırmağı bacarmaq lazımdır, arxivlərin
əsiri olmaq yaramaz.
M i r C ə l a l
38
***
Vallah, bu vəfat eləyən bəzi yazıçıları o qədər tərifləyirlər,
adam lap peşman olur ki, niyə mən indiyəcən sağ qalmışam.
***
Diriykən ölmək kimə lazımdır, qardaş, bir dəfə öləcəyik də,
ta sızıldamaq nə üçündür?
***
Əsilsiz it leş başında öz sahibini tutur, ona hücum eləyir.
Əsilsiz adamlar da iş başına keçən kimi qudurur. Onu bu mərtə-
bəyə qaldıran xalqın qəniminə, başının bəlasına çevrilir. Belə
adamları vəzifəyə qoymaq cinayətdir.
***
Həmişə dostluqda belə möhkəm olun, çətin anlarda bir-
birinizi qoruyun, bir-birinizə dayaq durun. Aranıza nifaq, təfriqə
salmağa qoymayın. Birlik olmasa, Azərbaycan ziyalısı öz milli-
bəşəri borcunu, vətəndaşlıq funksiyasını heç vaxt yerinə yetirə
bilməyəcək. Səhvlərə yol verməyin. Bizim nəsil bunu bacarmadı.
Ona görə də hələ də ağrısı kəsilməyən qanlı faciələrə düçar
olduq.
***
Uşaq nə görür onu götürür, nə eşidir onu yadında saxlayır.
Biz balalarımızı öz əlimizlə bədbəxt edirik, kor qoyuruq. Bununla
təkcə özümüzə yox, cəmiyyətə, ölkəmizin gələcəyinə zərbə endi-
ririk. Təhsil, tərbiyə xüsusi diqqət, qayğı tələb edən, böyük stra-
teji əhəmiyyəti olan spesifik bir sahədir. Ona laqeyd yanaşmaq
xalqa, millətə xəyanətdir.
Dostları ilə paylaş: |
|
|